Superylli portugez përsëriti në ceremoninë në Dubai se për aq kohë sa është i motivuar për të arritur 1000 gola nuk do të ndalojë së luajturi futboll, por ka filluar të mendojë për të ardhmen e tij teksa po shkon drejt vitit të 39-të. Lajmi që dha gjatë eventit ishte se nuk e ka në mendje mundësinë për t’u bërë trajner, por është në planet për t’u bërë pronar ekipi.

“…Unë mund të isha reformatori i United. Nëse do të isha pronar i skuadrës, do t’i sqaroja gjërat dhe do të reformoja situatat e këqija që mbizotërojnë tani”.

Ai vuri në dukje pakënaqësinë e tij me politikën e menaxhimit të ekipit duke goditur ish-pronarët, Glazers, sepse e shihnin ekipin thjesht si një biznes (që duhet të bëjë një fitim) dhe jo një klub futbolli.

Dhe pasi theksoi se Premier League është liga më e vështirë në botë, me skuadra shumë dinamike që nuk kanë frikë nga kundërshtari dhe nuk ka lojëra të lehta, ai la këshillat e tij për Topin e Artë…

“Ne e dimë si punojnë atje… Vinicius duhet të kishte fituar Topin e Artë dhe ajo që ndodhi ishte e padrejtë”,ishin fjalët e tij.

The post Pronar ekipi apo trajner, ja cilat janë planet e së ardhmes për Cristiano Ronaldon appeared first on Albeu.com.

E.K 37-vjeç ishte vetëshpallur pronar i pronës publike, dhe taksonte qytetarët që parkonin aty, për këtë ai kishte punësuar edhe dy adoleshentë.

Njoftimi:

Përvetësonte pagesat e qytetarëve që parkonin automjetet në një hapësirë publike që ishte e destinuar nga bashkia, si vendparkim pa pagesë, arrestohet 37-vjeçari. Ky shtetas gjithashtu shfrytëzonte 2 adoleshtë, si punëtorë në këtë biznes.

Si rezultat i kontrolleve të përditshme që specialistët për Hetimin e Krimeve Ekonomike dhe Financiare të DVP Durrës kryejnë në subjekte të ndryshme ekonomike, për të kontrolluar nëse kanë të punësuar shtetas të mitur, në kundërshtim me specifikat e ligjit për këtë veprimtari, si dhe për të verifikuar ligjshmërinë e ushtrimit të këtyre aktiviteteve, është konstatuar dhe goditur një tjetër rast i paligjshmërive në të dyja këto fusha.

Për këtë rast, është vënë në pranga shtetasi E. K., 37 vjeç, banues në Durrës, pasi iu merrte para (300-500 lekë) qytetarëve, për të parkuar automjetet në një hapësirë, në lagjen nr. 1, hapësirë e cila ishte e destinuar nga bashkia e Durrësit, si vendparkim pa pagesë.

Gjithashtu, nga verifikimet rezultoi se 37-vjeçari shfrytëzonte si punëtorë në këtë biznes, dy shtetas 16 dhe 17 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post Ishte vetëshpallur pronar i pronës publike dhe u merrte para drejtuesve të mjeteve për parkim, arrestohet 37-vjeçari në Durrës appeared first on Albeu.com.

Ai dyshohet i përfshirë në pastrim parash dhe trafik droge.

Kush është Pëllumb Tuda

Pëllumb Tuda është një emër i njohur për policinë pais ka qenë i skeduar për disa ngjarje të ndryshme.

Mësohet se 51-vjeçari Tuda është arrestuar më parë nga policia me akuzën e shfrytëzimit të prostitucionit dhe plagosjes me dashje të një prej punonjëseve të tij.

Tuda njihet në Durrës edhe si pronar i diskos “Colombo”, ku në vitin 2015 ai plagosi dhe rrahu punonjësen e tij për shkak se ajo nuk pranoi të prostituonte, shkruan gazeta “Shekulli”

Rrëfimi i banakieres

“Kur nuk pranova dhe i thashë që nuk jam prostitutë, por banakiere dhe nuk pranoj ta bëj këtë punë, më gjuajti me çfarë kishte në dorë. Merrni masa sepse nuk më lë të qetë. Më thotë do të të vras nëse nuk iu bindesh urdhrave të mia. Unë kam frikë prej tij”.

Kjo ka qenë fraza që vajza e re, vetëm 22 vjeçe ka lënë në policinë e Durrësit në momentin që ka shkuar të denoncojë rrahjen brutale që i kishte shkaktuar pronari i saj, Pëllumb Tuda

Policia është vënë në lëvizje dhe ka bërë të mundur arrestimin e tij, ndërsa mësohet se Tuda nuk ka pranuar asnjë prej akuzave të ngritura nga vajza.

Sipas informacioneve, saktësohet se 22-vjeçarja kishte disa muaj që punonte në banakun e diskos, një prej më të njohurave në të gjithë Durrësin që prej shumë vitesh.

Vajza pas rrahjes nga Pëllumb Tuda dhe pas dhunës fizike e psikologjike, u dërgua në një qendër rehabilitimi dhe u mbajt për një kohë të gjatë larg vëmendjes së të njohurve të palëve, pasi policia bën me dije se mund t`i rrezikohej jeta seriozisht.

Plagosja në “Kolombo” në vitin 2014

Nga një shqyrtimi i Gjykatës së Lartë të kërkesës së një prej të arrestuarve në vitin 2014 për ngjarjen e rëndë në lokalin e Pëllumb Tudës: “Më 04.07.2014, rreth orës 02:00, Shpëtim Meta ka shkuar tek lokali “Kolombo”, por nuk është lejuar të hyjë brenda nga roja i lokalit, Besnik Ruçi, i cili ka konstatuar se ishte i armatosur.

Për këtë arsye ata kanë debatuar me njeri-tjetrin, Shpëtimi e ka kërcënuar me armë, duke qëlluar përtokë, ndërsa roja e ka qëlluar me grusht në fytyrë duke e rrëzuar.

Më pas shtetasi Shpëtim Meta është larguar me automjetin e tij. Për këtë ngjarje roja ka vënë në dijeni pronarin e lokalit Pëllumb Tuda, i cili në atë moment është afruar tek hyrja e lokalit.

Shtetasi Shpëtim Meta ishte kthyer pas rreth 10 minutash me automjetin e tij dhe kishte filluar të qëllonte me armë zjarri në drejtim të shtetasit Besnik Ruci. Po kështu me pistoletë ka gjuajtur edhe pronari Pëllumb Tuda.

Shtetasi Pëllumb Tuda ia ka dhënë pistoletën shtetasit Ivan Tuda (nipit të tij) dhe më pas ky i fundit ia ka dhënë shtetases Lumturi Tuda për ta fshehur armën. Policia më pas kishte sekuestruar armën e krimit”.

The post Iu konfiskua pasuri me vlerë 1 mln euro, kush është pronari i hotelit të famshëm në Durrës me precedentë të shumëfishtë penal (FOTO LAJM) appeared first on Albeu.com.

Ish-lojtari i Argjentinës, 38-vjeçar tanimë ka bashkuar forcat me biznesmenin vendas Richardson.

Dyshja janë sot në St Andreë pasi kanë shkëmbyer kontratat të dielën dhe kanë paguar depozitën e tyre të hënën.

Richardson thotë se marrja në dorëzim duhet të përfundojë zyrtarisht brenda “dy ose tre javësh” pasi të jetë ratifikuar nga EFL. Numrit 2 i është dhënë ekskluziviteti për të përfunduar blerjen pas përpjekjeve të dështuara të Laurence Bassini për të blerë klubin./albeu.com

The post Maxi Lopez është pronari i ri i Birmingham City-t, i pari argjentinas në një klub anglez appeared first on Albeu.com.

Sipas mediave të huaja, veprimi është kryer nga një punonjës ndaj automjetit të punëdhënësit të tij pasi ky i fundit nuk i kishte dhënë pagën prej kohësh.

Kjo ka bërë që punonjësi kroat të mos durojë më, të rrëmbejë sëpatën dhe të hakmerret ndaj pronarit.

The post Pronari nuk i kishe dhënë pagën, punonjësi nuk duron më dhe i shkatërron Audin luksoz (VIDEO) appeared first on Albeu.com.

Gazetari Enrik Mehmeti raportoi se çifti kishte prenotuar për tre ditë hotelin, të premte, të shtunë dhe të diel, por pak ditë më parë kanë kërkuar nëse ishte e mundur të shkonin që të enjten dhe nga ana e hotelit i është dhënë përgjigje pozitive.

Ndërsa qëndrojnë për dy ditë, çifti i pakënaqur nga kushtet tenton të largohet të shtunën, duke kryer pagesën për ditët e qëndrimit, por pronarja nuk i lejon duke i kujtuar se kishin prenotuar deri të dielën dhe duke i kërkuar pagesën.

Në videon e siguruar nga gazetari Mehmeti shihet se gruaja shumë e irrituar, pasi sheh se po filmohet akuzon pushuesit se i kanë bërë dëm dhe i kanë djegur çarçafët duke i kërkuar paratë, teksa i ka dalë në rrugën kryesore në Himarë për t’i penguar të largohen.

Nga ana tjetër pushuesit kërkojnë të denoncojnë në polici, e cila nuk ka ardhur për disa minuta me gjithë konfliktin që vazhdonte. Gruaja thërret në ndihmë dhe një person tjetër, ndërsa çifti kërkon të denoncojë në polici për kërcënimet dhe ndalohet dy herë nga biznesmenia. Si përfundim denoncimi është bërë në policinë e Sarandës. Në video dëgjohet dhe e qara e vajzës së vogël që duket shumë e shqetësuar për atë që po ndodh.

The post “Sozia e Mihalit”: Ikën nga hoteli të pakënaqur nga kushtet, pronari i zë rrugën çiftit (VIDEO) appeared first on Albeu.com.