Një person tjetër është arrestuar në komunën e Zubin Potokut nën dyshimin për krime lufte, gjatë një aksioni të Policisë së Kosovës të zhvilluar në bashkëpunim me Prokurorinë Speciale të Republikës së Kosovës.

Në komunikatën e përbashkët të këtyre institucioneve bëhet e ditur se i ndaluari, i identifikuar me inicialet J.R., dyshohet për kryerjen e veprës penale “Krime lufte kundër popullsisë civile”.

Operacioni është realizuar nga Drejtoria për Hetimin e Krimeve të Luftës e Policisë së Kosovës, bazuar në urdhrin e Prokurorisë Speciale dhe në kuadër të hetimeve që janë duke u zhvilluar për këtë rast.

Sipas autoriteteve, arrestimi erdhi pas një pune të ngjeshur hetimore të kryer nga hetuesit policorë së bashku me Prokurorinë Speciale. Ky angazhim, siç theksohet në njoftim, është pjesë e përkushtimit të vazhdueshëm institucional për hetimin dhe zbardhjen e krimeve të luftës.

Policia e Kosovës dhe Prokuroria Speciale kanë njoftuar se, në lidhje me rastin e krimeve të luftës në Zubin Potok, do të vijojnë ndërmarrjen e të gjitha veprimeve të nevojshme hetimore, ndërsa publiku do të informohet me kohë.

The post Zubin Potok, Policia arreston një tjetër të dyshuar për krime lufte me urdhër të Prokurorisë Speciale appeared first on Albeu.com.

Fatmirësisht, ato nuk kanë goditur asnjë qytetar, duke evituar kështu një incident edhe më të rëndë.

Nuk dihet ende saktësisht se nga cili kat i godinës u shkëputën copat e mermerit, që duket se i përkasin një parvazi dritareje.

Sipas informacioneve të para, por të pakonfirmuara zyrtarisht, dyshohet se copat e mermerit kanë rënë nga një dritare e katit të katërt të godinës, aty ku janë ambientet e Prokurorisë së Rrethit.

Detaje të tjera pritet të zbardhen në vijim.

The post Alarm në Durrës, Gjykatës dhe Prokurorisë po i bie mermeri, copat përplasen në trotuar dhe rrezikojnë kalimtarët (VIDEO) appeared first on Albeu.com.