Procesi gjyqësor ndaj tyre nisi më 3 prill 2023 në Dhomat e Specializuara në Hagë.

Gjatë kësaj faze, ZPS-ja paraqiti 3 000 prova materiale në disa gjuhë dhe thirri në sallën e gjyqit 125 dëshmitarë për të dhënë dëshmi të drejtpërdrejta, ndërsa dorëzoi mbi 1 430 parashtresa ligjore lidhur me çështjen.

Katër të pandehurit akuzohen për krime kundër njerëzimit dhe krime lufte, përfshirë vrasjen e mbi 100 personave, ndalime të paligjshme dhe torturë të qindra civilëve, kryesisht gjatë periudhës mars 1998 – shtator 1999, në disa lokalitete në Kosovë dhe Shqipërinë e veriut.

Sipas aktakuzës, krimet janë kryer ndaj civilëve dhe personave që nuk kanë marrë pjesë në luftime. Në këtë proces, mbi 150 viktima janë përfshirë dhe përfaqësohen nga Avokati i Viktimave.

Prokurorja e Specializuar Kimberly West, vlerësoi kurajon e viktimave dhe dëshmitarëve që kanë dëshmuar gjatë dy viteve të fundit:

“Gatishmëria e dëshmitarëve për të dëshmuar ishte jashtëzakonisht e rëndësishme dhe unë duartrokas kurajën e tyre që folën hapur në sallën e gjyqit”.

Ajo shprehu mirënjohje ndaj të gjithë atyre që kontribuuan në mbledhjen dhe paraqitjen e provave dhe nënvizoi rëndësinë e drejtësisë për të ardhmen e Kosovës.

“Duhet gjithmonë të përballemi me krime si vrasja dhe tortura. Për Kosovën është jetike që sundimi i ligjit dhe procesi gjyqësor të respektohen për të ruajtur integritetin dhe për të zbuluar të vërtetën”.

Faza e mbrojtjes pritet të nisë në vijim, ndërsa ky proces mbetet një nga më të rëndësishmit në historinë e pasluftës për Kosovën dhe drejtësinë ndërkombëtare.

The post Procesi ndaj ish-krerëve të UÇK-së/ Prokuroria Speciale mbyll paraqitjen e provave ndaj Thaçit dhe të tjerëve appeared first on Albeu.com.

Kreu I PL-së, e konsideroi SPAK si aleatin më të verbër të Edi Ramës, duke shtuar se Prokuroria Speciale nuk ka asnjë sukses.

Madje sipas Metës, SPAK përdoret nga Edi Rama ndaj atyre që Presidenti i PL-së i konsideroi si “limon të shtrydhur”.

Mes të tjerash, Meta e cilësoi Altin Dumanin, një provokator në shërbim të Edi Ramës.

“Kishte hallin e inceneratorit ai, nuk ka hallin që qytetarët e Tiranës po vidhen çdo ditë. Pse nuk heton Portin e Durrësit ky Dumani? Më pyet sot mua a e njeh ti Alberto Rançinin? I them çfarë është ky? Jo po ky të ka bërë dhuratë lule për ditëlindje”, tha Meta.

“Mbasi u firmos me 140 vota reforma në drejtësi, ata vazhduan lojën duke zgjedhur Arta Markun me 69 vota si Prokurore e Përgjithshme, më pas ajo zgodhi KLP siç ia kishte qejfi dhe më pas ata zgjodhën SPAK, që sot kontrollohet nga Edi Rama dhe Engjëll Agaçi, personazh kryesor edhe i reportazhit të RAI3.

Jam thirrur si denoncues i atij betimit te Lana, i asaj kandidates për gjykatëse në Gjykatën Kushtetuese. Kemi një Gjykatë Kushtetuese që sot ka dhënë 99% e vendimeve në favor të Qeverisë.

Jam thirrur si denoncues i planeve për ndarjen e Kosovës, duke mos i dekretuar Edi Ramës kandidatin e propozuar si ministër të Jashtëm.

Jam thirrur si denoncues i aferës së detit, që ka si protagonist kryesor Edi Ramën. I jam drejtuar deputetëve me një letër që të marrin përgjegjësitë që iu takojnë për një çështjes madhore.

Jam thirrur sepse kam denoncuar SPAK që nuk ka hetuar asnjë nga ato çështjet e krimeve zgjedhore. Është përgjegjësi e SPAK që të hetonte edhe atë vrasjen e ndodhur në Elbasan.

Kam çuar në SPAK të gjithë ligjet me porosi që ka bërë Edi Rama dhe SPAK nuk ka bërë asnjë hetim ndaj tyre.

Jam thirrur në SPAK pasi kam denoncuar falsifikimin e firmës së Kryetarit të Kuvendit, në atë rastin për hetimin e Presidentit.

Jam thirrur se kam denoncuar aferën e inceneratorëve, që me lekët e tyre, Edi Rama bleu zgjedhjet”, u shpreh Ilir Meta.

Ai u shpreh se pikërisht për këto arsye është thirrur sot në SPAK, duke shtuar se një tjetër arsye është fakti se është kryetar i PL-së, një parti që shpëtoi pluralizimin në Shqipëri.

“Kemi një narko-shtet dhe një narko-drejtësi. Nuk kam pasur asnjë besim te SPAK, sepse SPAK që kur u krijua u krijua në mënyrë të paligjshme”, tha Ilir Meta.

Ai tha se SPAK ka gjymtuar hetimet për çdo denoncim që ka bërë opozita, duke nisur nga inceneratorët te dalja e të dhënave të qytetarëve, ku në vend që të hetonte ata që nxorën të dhënat, u mor me gazetarët.

The post Nuk kam besim te Prokuroria Speciale, Meta: Ja pse u thirra në SPAK appeared first on Albeu.com.

Arrestimi i Goxhajt është bërë me se ka nxjerrë emrat e dëshmitarëve të disa çështjeve penale, të ngritura pas luftës në Kosovë.

Dritan Goxhaj i është bashkuar UÇK-së si oficer i Ushtrisë Shqiptare në shkollën e aviacionit.

Goxhaj ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.

The post EMRI/ Arrestohet me urdhër të Prokurorisë Speciale ish-luftëtari i UÇK-së, akuza që rëndon ndaj tij appeared first on Albeu.com.

“Prokuroria Speciale ka njoftuar se kanë nisur hetimet lidhur me pretendimet për afera korruptive në institucionet e Republikës së Kosovës”, thuhet në njoftimin e lëshuar për media.

Dje Partia Demokratike e Kosovës ka publikuar një dokument, duke thënë se dy ministrat e Qeverisë Kurti – Donika Gërvalla dhe Fitim Damka – janë të pëfshirë në një aferë korruptive.

Sipas PDK-së, kjo aferë e dyshimtë dhe e kundërligjshme, ka mundësuar keqpërdorimin e rreth 1.1 milionë eurove të taksapaguesve të Kosovës.

“Fjala është për një “Memorandum Bashkëpunimi”, në mes të Ministrisë së Zhvillimit Rajonal dhe Caritas-it Zviceran, në bazë të të cilës, buxheti i Republikës së Kosovës shpenzohet kundërligjshëm në shumë prej 1 milion e 40 mijë euro. Kjo marrëveshje, është nënshkruar dhe tashmë është duke u realizuar por një gjë e tillë ka ndodhur vetëm pas Pëlqimit zyrtar të cilin e ka nënshkruar Zëvendëskryeministrja dhe Ministrja e Punëve të Jashtme dhe Diasporës, Donika Gërvalla – Schëarz, e cila i ka hapur rrugë nënshkrimit të kundërligjshëm të saj, duke inkurajuar dhe lejuar kështu keqpërdorimin e rreth 1 milion e 40 mijë eurove”, ka thënë deputetja Musliu-Shoshi.

Përveç Gërvallës e Damkës, dje në media është përfolur edhe për një aferë korruptive në Ministrinë e Infrastrukturës të udhëhequr nga Liburn Aliu./GazetaExpress

The post Prokuroria Speciale nis hetime ndaj ministrave të Kurtit, dyshohen për afera korruptive appeared first on Albeu.com.

Prokuroria në shkresat e saja ka kërkuar rreth 1830 orë, që përthyer në vite, i bie që procesi gjykues të zgjasë rreth 10 vjet. Një nga avokatët e Veselit, Andrew Strong tha sot në seancën statusore se në përvojën e tij, ky është një rast i paprecedent, dhe përmendi sërish që gjykimi i bashkëpunëtorëve të Millosheviqit ishte shumëfish më i shkurtë, raporton lajmi.net.

Për këtë, ka reaguar prokuroria, madje e ka krahasuar kërë rast me ish-udhëheqësin e serbëve të Bosnjës, Radovan karagjiq që akuzohet për gjenocidi kundër boshnjakëve.

“Numrat dhe statistikat që i ka prezantuar mbrojta e Z. Veseli tek ju i nderuar gjykatës tani dhe në shkresat e tyre, mbi natyren e paprecedent të rastit te ZPS-së, nuk lejon një krahasim kuptimplotë. Prezantimi i këtyre statistikave në këtë mënyrë, jo vetëm që nuk është kuptimplotë, por është keq-orientim dhe unë mund t’ia jap dy arsye se pse”, deklaroi prokurori i çështjes

“E para, siç është vërejtur edhe në shkresat e dorëzuara nga mbrojta e z. Veseli, këto numra në aneks janë për njësi të pranuar e jo nga lista origjinale. Lista aktuale njësive të ZPS-së reflekton njësi që mund të pranohen për gjykim, por mund të anticipohet si në çdo gjykim që numri real i njësive mund të përfundojë të jetë me pak. Si për shembull rasti I Karagjiqit të referuar ne tabelë, mbi 6600 njësi dëshmi te pranuar ne atë rast, në kontrast lista e prokurorisë se ICTY përfundoi të këtë më shumë se 23 mijë njësi përderisa gjykimi zhvillohej”, shtoi ai.

“Menyra se si i numëron njësitë mbrojtja e z. Veseli ka nje efekt dramatik, në numrat në të cilat bazohen mbrojta e z. Veseli. Kjo lëndë padyshim është e madhe, po alokimi se ky rast është i paprecedent është më shumë si rezultat i përllogaritjes selektive se sa madhësisë së vërtetë të rastit”, tha më tej ai.

The post Prokuroria Speciale përplaset me mbrojtjen e Veselit appeared first on Albeu.com.

Sipas njoftimit të kësaj gjykate këtë të enjte është paraparë të mbahet konference përgatitore për mbrojtjen e të akuzuarve Gucatit dhe Haradinajt, raporton, “Betimi për Drejtësi”.

Ndryshe, dy ditë më parë Specialja hedh poshtë mocionet e mbrojtjes për rrëzimin e akuzave ndaj Gucatit dhe Haradinajt.

Gjykimi ndaj Gucatit dhe Haradinajt ka filluar në muajin tetor të këtij viti, ndërsa Zyra e Prokurorit të Specializuar e ka mbyllur çështjen e saj në nëntor.

Hysni Gucati së bashku me Nasim Haradinajn, po akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

“Akuzat e paraqitura në aktakuzën e konfirmuar mbështeten në dyshimin e bazuar mirë se së paku midis 7 dhe 25 shtatorit 2020, z. Gucati dhe z. Haradinaj zbuluan pa autorizim informacion të mbrojtur prej Ligjit të Dhomave të Specializuara, ndër të cilat të dhëna identifikuese të disa dëshmitarëve (të mundshëm), në tre konferenca shtypi dhe aktivitete të tjera të transmetuara, si edhe përmes shpërndarjes së mëtejshme ku përfshihen deklaratat në rrjetet sociale”, thuhej në njoftimin e Dhomave të Specializuara.

Gucati dhe Haradinaj ngarkohen se kanë bërë komente nënçmuese kundër dëshmitarëve të mundshëm dhe në mënyrë të përsëritur shprehen synimin e tyre për të dëmtuar punën e Dhomave të Specializuara.

“Me këto veprime, z. Gucati dhe z. Haradinaj shkelën fshehtësinë e procedurës dhe frikësuan dëshmitarë (të mundshëm) të Zyrës së Prokurorit të Specializuar dhe si pasojë penguan punën dhe hetimet e ZPS-së”, thuhej në njoftimin e Dhomave të Specializuara të Kosovës./Express

The post Rasti Gucati dhe Haradinaj, sot mbahet konferenca përgatitore e radhës appeared first on Albeu.com.

Arrestimi i Shalës, i cili njihet me nofkën “Komandat Ujku”, u bë në Belgjikë ku dhe do të mbahet derisa të bëhet transferimi në Hagë të Holandës.

“Më 16 mars 2021, autoritetet e Belgjikës arrestuan Pjetër Shalën në zbatim të fletarrestimit dhe aktakuzës së konfirmuar për krime lufte, lëshuar nga Gjykatësi i Procedurës Paraprake i Dhomave të Specializuara të Kosovës. Pjetër Shala do të mbahet i ndaluar në Belgjikë, në pritje të transferimit të tij në objektin e paraburgimit të DHSK-së në Hagë. Së shpejti do të jepet më shumë informacion ku do të përfshihet edhe informacion për nxjerrjen publike të aktakuzës së konfirmuar me redaktimet e nevojshme. Në bazë të rregullës 88 të Rregullores së Procedurës dhe Provave, aktakuza bëhet publike jo më vonë se paraqitja e parë e të akuzuarit,” thuhet në njoftim.

Në kohë aktualisht janë të gjithë ish-krerët e UÇK-së si Hashim Thaçi , Kadri Veseli, Rexhep Selimi, etj , të cilët po hetohen për krime luftë të pretenduara gjatë luftës për çlirimin e Kosovës.

The post Gjykata e Hagës nuk ndalet, arrestohet ish pjesëtari i UÇK-së appeared first on Albeu.com.