Sipas Prokurorisë, objekti është në pronësi të Alqi Papës dhe klasifikohet si ndërtim pa leje.

Prokuroria e Sarandës, konfirmoi sekuestron me vendim Gjykate dhe shpjegoi se regjistrimi me dokumente ishte tokë, truall, por aty u konstatua ndërtimi në mënyrë të paligjshme i objektit nga Papa, në lagjen nr.1.

Njoftimi i prokurorisë së Sarandës:

“Me kërkesë të Prokurorisē Sarandë, sekuestrohet sipërfaqja pa leje e një hoteli, shtetasi A.P. nën hetim për ndërtim pa leje. Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Sarandë, u vendos masa ‘Sekuestro preventive’ për sipërfaqen me përmasa 22.9 m x 13.4 m x 3.5 m, ndërtuar mbi tarracën e objektit ekzistues i emërtuar si “Hotel Oasis”, 6 kate në lagjjen nr. 1, Bashkia Sarandë, në emër të shtetasit A.P.

Nga hetimet mbi pri procedimin penal nr. 116 të vitit 2026, regjistruar për veprat penale “Ndërtimi i paligjshëm për qëllime fitimi” dhe ‘Shpërdorimi i detyrës’ parashikuar nga nenet 199/a/4 dhe 248 të Kodit Penal, nga shqyrtimi i punimeve të konstatuara në terren, të cilat konsistojnë në ngritjen e strukturës metalike mbajtëse, realizimin e mbulimit dhe soletës me llamarine t valezuar dhe shtrese betoni, ndarjen e ambienteve të brendshme, si dhe përfundimin e fasadës dhe vendosjen e vetratave, rezulton se është krijuar një volum i ri ndërtimor funksional mbi objektin ekzistues.

Veprimet ndërtimore rezultojnë të jenë kryer në mënyrë graduale, të paktën nga periudha para datës 12.05.2025 dhe në vijim deri më 31.03.2026, datë në të cilën gjatë inspektimit të ekspertit u konstatua se objekti kishte arritur fazë të avancuar përfundimi, përfshirë fasadën e jashtme dhe vetratat në pjesën ballore.

Pavarësisht se pasuria është e regjistruar si truall në certifikatën e pronësisë, bazuar në vendimin e legalizimit rezulton se objekti ekzistues është i tipit social-ekonomik (shërbim), dhe si i tillë, edhe punimet e konstatuara lidhen funksionalisht me këtë destinacion, duke konsumuar elementët e veprës penale “Ndërtim i paligjshëm”, për qëllime fitimi parashikuar nga neni 199/a/4 i Kodit Penal nga shtetasi A.P., i cili rezulton pronar i objektit dhe administrator i subjektit juridik.

Sa më sipër, mbi bazën e kërkesës së prokurorisë u vendos masa e ë sigurimit pasuror “Sekuestro preventive”, parashikuar nga neni 274 i Kodit të Procedurës Penale, për sipërfaqen ndërtimore me përmasa 22.9 m x 13.4 m x 3.5 m, të dyshuar si e ndërtuar pa lejen e organeve kompetente”, njofton prokuroria.

The post Ndërtimi pa leje në hotelin “Oasis” të Alqi Papës/ Prokuroria zbardh detaje, nën hetim pronari appeared first on Albeu.com.

1 muaj para ngjarjes Aliaj mësohet se i kishte dëmtuar me thikë gomat e makinës Majkos dhe dy ditë pas kësaj kishte kanosur me thikë brenda ambienteve të Spitalit të Sarandës ish-bashkëshorten e tij. Për këtë ngjarje ndaj Aliajt ka një masë të dytë sigurimi “Arrest në burg” dhënë nga Gjykata e Apelit Gjirokastër në 5 maj për veprën penale “dhunë në familje” pasi më parë Gjykata e Sarandës e kishte lënë të lirë madje duke e quajtur arrestin të paligjshëm. Nëse Aliaj nuk do të ishte liruar për ngjarjen e 9 marsit, ndoshta nuk do të kishte ndodhur as tentativa e vrasjes së Majkos në 9 prill.

Ndërkohë prokurori Ilir Hoxha ka dorëzuar në Gjykatë edhe dosjen për Jorgo Golemaj, 43 vjeç, për veprën penale “vrasje me dashje” parashikuar nga neni 76 i Kodit Penal. Në 7 qershor të këtij viti, pas një konflikti në shetitoren e qytetit, Golemaj qëlloi me thikë 40 – vjeçarin Kledi Koka, i cili ndërroi jetë pak minuta më vonë në spitalin e qytetit. Golemaj pretendon se ngjarja ka ndodhur pasi ishte goditur më parë nga viktima pas një konflikti verbal por gjithsesi ka shprehur pendesë për ngjarjen, shprehur kjo edhe në seancën për caktimin e masës së sigurisë.

The post Vrasje dhe plagosje, Prokuroria e Sarandës mbyll hetimet, dërgon në gjykatë dy autorët appeared first on Albeu.com.

Burimet bëjnë me dije se trualli i sekuestruar ndodhet në zonën “Turizëm – Kanali i Çukës” dhe nga pronësi shtet ishte regjistruar në emër të dy biznesmenëve nga Saranda, të cilët aty kishin ngritur biznes.

Ky sekuestrim është në kuadër të procedimit penal 297 të vitit 2021 ku në 24 mars u arrestuan 4 zyrtare dhe ish-zyrtarë të ASHK Sarandë dhe u shpall në kërkim ish-Drejtoresha e institucionit.

Sekuestrimi i sotëm vjen pas sekuestrimit të 9920 m2 truall në 2 qershor me urdhër të Prokurorit Llaho, të tjetërsuar me dokumente të falsifikuar dhe të regjistruar më pas në emër të 11 personave private.

Njoftimi:

Prokuroria pranë Gjykatës së Shkallës së Parë Sarandë ka sekuestruar në datë 22.7.2022 një sipërfaqe prej 679m2 tokë truall në zonën Turizëm-Kanal i Çukës.

Në kuadër të procedimit penal, me nr. 297 të vitit 2021, regjistruar ndaj zyrtarëve të Agjencisë Shtetërore të Kadastrës Sarandë, hetimet kanë avancuar duke konstatuar elemente të veprës penale të shpërdorimit të detyrës.

Për këtë arsye, Prokuroria pranë Gjykatës së Shkallës së Parë Sarandë në mbyllje të hetimit ka proceduar më tej me sekuestrimin e pasurive tokë shtetërore të regjistruara ne shkelje të ligjit në favor të dy shtetasve K.GJ dhe M.N.

The post Prokuroria e Sarandës u sekuestron qindra m2 sipërfaqe toke Turizëm-Kanal i Çukës appeared first on Albeu.com.