Komentet Hoxha i bëri teksa ishte i ftuar në “Opinion”, ku tha se prokurori e vuri në dijeni para se të niste dëshminë në lidhje me nenet e caktuara.

Gazetari shtoi se prokurori belg i ka thënë që në momentin që kuptonte se i rrezikohej jeta informatorit të tij, të mos fliste më. Hoxha tha më tej se nëni 103 të cilit i referohet SPAK ka pësuar disa ndryshime për miratimin e reformës dhe se ka një dispozitë që e detyron gazetarin të mos publikojë informacione që përbëjnë sekret hetimor.

“Rastet që kemi pasur, dy vitet që kam qenë, rasti i fundit qëshkova në Belgjikë më tërhoqi vëmendjen diçka. Prokurori më tha që në momentin që informatorit tënd i rrezikohet jeta, ke të drejtë të mos flasësh më. Ma bëri të qartë që në fillim. Tani çfarë ka ndodhur. SPAK iu referua nenit 103 të kodit të procedurës penale. Aty është një ndryshim për ligjin e reformës dhe në këtë nen ndalimi i publikimit të aktit përcaktohet se për kë vlen. Dhe vlen për zyrtarët. Dhe në një tjetër thuhet nëse gazetari vihet ne dijeni se një informacion është sekret hetimor, nuk mund ta publikojë”, tha Hoxha.

The post “Nëse i rrezikohet jeta, mos fol”, Artan Hoxha “hap kartat”: Ky është paralajmërimi që mora nga prokurori belg appeared first on Albeu.com.

Gazetari investigativ, Artan Hoxha zbulon se sa i përket hetimit të çështjes së 3.4 milionë eurove të kapura në automjetin Toyota Yaris, ka një prapavijë më të thellë nga ajo çfarë duket në sipërfaqe.

Ndër të tjera ai zbuloi se prokurori federal belg kishte qenë plot 7 herë në Shqipëri për të marrë dëshmi të nevojshme lidhur me çështjen dhe se të gjitha herët, kishte kërkuar që të lëvizte i shoqruar me makina të blinduara dhe me eskortë.

Gazetari Investigativ, Artan Hoxha:

Belgjika ka një rregull të tillë, për cështje të cilat nuk ka të arrestuar me burg cështja shkon deri në 5 vite. Prokurori federal belg i cili po merret me këtë çështje, është i njëjti prokuror që po ndjek çështjen e Arjan Spahiut ose Arjanit të Vogël që u vra për ngjarjet e Elbasanit.

I njëjti prokuror ka ardhur në Shqipëri vetëm për çështjen “Toyota Yaris” ose më saktë “Toyota Auris” plot 7 herë. Të shtata herët ka kërkuar masa sigurie sepse pretendonte se i rrezikohej jeta. Është shoqëruar me eskortë policore me fuodistrata të blinduara.

Në Shqipëri u vendos në hotelin e siguruar nga policia shqiptare, I bën të gjitha lëvizjet me eksortë. Sa herë ka ardhur në Shqipëri e ka bërë këtë gjë. Është një nga prokurorët më të fortë që kanë ata. Sasia është kapur në 2018, ai po e zgjat hetimin. Çudia është kjo se në momentin e parë akuza ju vu mazhorancës, ndaj Taulant Ballës dhe ky i fundit dërgoi në gjyq Bashën dhe e fitoi.

Në 25 korrik të 2019 kur Basha ka dalë nga prokuroria e Tiranës është thënë se ka dhënë deklarime ndaj prokurorit shqiptar dhe atij belg. Tani kjo është ajo që nuk kuptoj nëse Basha ka dhënë deklarime ndaj prokurorit belg pse nuk e thotë këtë gjë haptas.

The post 3.4 milionë eurot e Toyota Yaris, Artan Hoxha: Prokurori belg ka ardhur 7 herë në Shqipëri appeared first on Albeu.com.