Institucionet qendrore kanë realizuar në nivel të ulët planin e prokurimit për gjashtëmujorin e parë të vitit 2026. Sipas raportit të INPO-së, të titulluar “Prokurimi që mbetet në plan”, deri më 30 qershor janë iniciuar vetëm 170 prej 905 aktiviteteve të planifikuara.

Gjetjet u prezantuan nga Arbër Kabashi, hulumtues në INPO, gjatë publikimit të raportit që shqyrton planifikimin dhe zbatimin e aktiviteteve të prokurimit nga ministritë dhe Zyra e Kryeministrit, për periudhën 1 janar-30 qershor 2026.

Kabashi sqaroi se analiza është mbështetur në formularin B05, i njohur si formulari i njoftimit për kontratë, përmes të cilit parashihet të iniciohet pjesa më e madhe e aktiviteteve të përfshira në planet e prokurimit. Ai theksoi se monitorimi ka përfshirë vetëm procedurat e nisura gjatë periudhës 1 janar deri më 30 qershor 2026.

Sipas tij, gjatë kësaj kohe ministritë dhe Zyra e Kryeministrit kanë zhvilluar edhe aktivitete të tjera, por ato kanë qenë procedura të nisura në vitet paraprake dhe nuk janë pjesë e analizës së raportit.

Osman Vishaj nga Komisioni Rregullativ i Prokurimit Publik (KRPP) tha se planifikimi përbën bazën e të gjithë procesit të prokurimit. Ai e krahasoi atë me themelin e një ndërtese, duke vlerësuar se një bazament i dobët mund të shkaktojë probleme të mëdha në vazhdim.

Vishaj deklaroi se vonesa në miratimin e ligjit dhe ndarja e disa ministrive kanë krijuar vështirësi jo vetëm në planifikim, por edhe në zbatimin e procedurave. Si shembull, ai përmendi raste kur një institucion, përfshirë Ministrinë e Arsimit dhe Kulturës, ka nisur një procedurë që gjatë fazës së vlerësimit ka ndryshuar, ndërsa projekti dhe mjetet financiare janë bartur te ministria përgjegjëse për Kulturën dhe Sportin. Sipas tij, këto ndryshime kanë krijuar paqartësi për mënyrën se si duhet të trajtohen aktivitetet e nisura.

Ekspertja e prokurimit, Diana Metushi-Krasniqi, tha se prokurimi ka mbetur kryesisht në planet qeverisëse dhe nuk është zbatuar në praktikë. Ajo iu referua raportit me emërtimin “Prokurimi që mbetet në letër”.

Metushi-Krasniqi paralajmëroi se vonesat në realizimin e planifikimit sjellin pasoja përtej humbjes së mundësisë për shfrytëzimin e buxhetit. Sipas saj, mjetet e pashfrytëzuara nuk mund të realizohen më tej dhe kjo ndikon në uljen e qarkullimit financiar në tregun e Kosovës, ku qarkullojnë rreth një miliardësh.

Ajo theksoi se bizneset krijojnë vende pune dhe paguajnë pjesën më të madhe të taksave, ndaj ndalimi i një pjese të konsiderueshme të buxhetit dëmton në mënyrë të tërthortë edhe shtetin dhe qeverisjen, përmes uljes së të hyrave nga tatimet.

Sipas ekspertes, mosrealizimi i planit të prokurimit dobëson edhe performancën e institucioneve, të cilat mbeten pa mjetet e nevojshme për të përmbushur detyrat, planifikimet dhe premtimet publike për infrastrukturën dhe rritjen e mirëqenies. Kjo, siç u shpreh ajo, ndikon gjithashtu në uljen e besimit të qytetarëve te institucionet.

The post Prokurimi mbetet në letër”, vetëm 170 nga 905 aktivitetet u iniciuan deri më 30 qershor appeared first on Albeu.com.

Pesë procedura të prokurimit publik, me vlerë të përbashkët prej 22.5 milionë eurosh, janë shoqëruar me një numër të madh shkeljesh. Këto parregullsi janë paraqitur nga Demokraci Plus (D+) në raportin me titull “Kostoja e procedurave të papërfunduara: rivlerësime të përsëritura dhe mungesa e kontratave”.

Të dhënat e raportit janë nxjerrë nga monitorimi i procedurave të zhvilluara prej Ministrisë së Industrisë, Ndërmarrësisë, Tregtisë dhe Inovacionit (MINTI), Ministrisë së Infrastrukturës dhe Transportit (MIT), Ministrisë së Punëve të Brendshme (MPB) dhe Ministrisë së Shëndetësisë (MSh). Sipas dokumentit, praktikat e evidentuara kanë sjellë zgjatje të procedurave, anulim të tyre ose dështim në lidhjen e kontratave.

Në një komunikatë thuhet se, mes problemeve kryesore, është konstatuar caktimi jo i rregullt i anëtarëve të komisioneve vlerësuese. Po ashtu, arsye të reja për përjashtimin e operatorëve ekonomikë janë paraqitur vetëm në fazën e rishqyrtimit, ndërsa për kontrata janë rekomanduar operatorë me çmime jo normalisht të ulëta pa u kryer një analizë e plotë dhe e dokumentuar. Gjetjet përfshijnë edhe shkurtimin pa arsyetim të afateve ligjore për paraqitjen e ofertave.

Dokumenti vë në dukje edhe procedura prokurimi që kanë qëndruar të bllokuara për më shumë se dy vjet, ndonëse Organi Shqyrtues i Prokurimit (OShP) kishte marrë vendime të përsëritura. Si pasojë, zbatimi i kontratave është vonuar dhe efikasiteti në shpenzimin e parasë publike është ndikuar negativisht.

Nisur nga këto konstatime, D+ u kërkon autoriteteve kontraktuese që komisionet e vlerësimit të emërohen në përputhje me ligjin dhe që, gjatë trajtimit të kërkesave për rishqyrtim, të zbatohet parimi i sigurisë juridike. Organizata rekomandon gjithashtu shqyrtim të rregullt të ofertave me çmim jo normalisht të ulët, garantim të transparencës dhe proporcionalitetit në prokurim, si dhe përmbyllje të procedurave brenda afateve ligjore përmes zbatimit efektiv të vendimeve të OShP-së.

The post Shkeljet në prokurim lanë pezull procedura në vlerë 22.5 milionë euro appeared first on Albeu.com.

Diana Matoshi Krasniqi, koordinatore për avokim dhe hulumtim në KDI, tha: “Të bëhet një analizë e efikasitetit të proceduarave të konkurrencës dhe sigurimit të vlerës si dhe të propozohen reforma ligjore të cilat mbështesin jo vetëm digjitalizimin dhe modernizim por formim strukturor të gjithë procesit”,

Në panel u theksua se, bazuar në përvojat e deritanishme në prokurimin publik, reforma e orientuar drejt performancës dhe cilësisë është e domosdoshme, me qëllim që të sigurohen më shumë transparencë dhe llogaridhënie.

Deputetja e Kuvendit të Kosovës, Eliza Hoxha, u shpreh: “Roli jonë sot edhe tutje do të ishte me qenë qysh mundemi me i përmirësu, tash sfida e parë është a ka vullnet politik, institucionet përkatëse edhe spektri horizontal të institucioneve tjera të cilat lidhen me proceset e prokurimit, me pas grup punues m atë gjanë edhe me pas gjithë përfshirje që është parimi i bazë i shoqërive demokratike”,

Ndërkaq, deputetja e Kuvendit të Kosovës, Janina Ymeri, vuri në pah problemin e buxhetimit, duke thënë: “Buxhetimi është ne fillim problem buxheti shtrihet aq shumë për një projekt të caktuar që është dembeli institucionale projekt me nda thjeshtë në katër pesë vite, kjo i pengon edhe komunat edhe ministritë me kry një punë si duhet”,

Presioni nga mediat dhe verdikti i votës së qytetarëve u vlerësuan si elemente me peshë për rritjen e llogaridhënies dhe për të garantuar një prokurim publik të drejtë e efikas. Megjithatë, u theksua se ndryshimi i vërtetë kërkon transparencë të plotë, mbikëqyrje të vazhdueshme dhe zbatim të pakompromis të ligjit, në mënyrë që të ndërtohet një sistem prokurimi që mbron interesin publik dhe garanton që çdo euro e taksapaguesve të kthehet në vlerë reale për qytetarët.

The post Prokurimi publik në Kosovë kërkon reformë të thellë strukturore appeared first on Albeu.com.