Kryeministri e cilësoi Myzyrin si personin që transformoi KPP-në, ndërsa shtoi se u bë target balte pasi u vu nën hetim nga Prokuroria, por që sipas tij, ishte ky hetim, që atë e nxorri se nuk kishte asnjë faj.

“Kemi vendosur një proces të brendshëm krejt të ri. Nuk ka më terma reference që shpallen arbitrarisht por pasi janë marrë në konsideratë të gjitha ankesat e operatorëve. Ankesat e operatorëve nuk i merr në konsideratë autoriteti që shpall tenderin, por agjencia e Prokurimit Publik dhe Komisioni i Prokurimit Publik.

Te Komisioni, njeriu që e transformoi Komisionin u bë target i baltës për një periudhë kohe pasi për arsye siç ndodh me një shtet me një drejtësi të pavarur u mor në hetim si rezultat i një hetimi, por rezultoi tërësisht pa lidhje me asnjë faj apo problemi.

Por balta që iu hodh dhe gjithçka që u bë për ta shkatërruar personalisht e familjarisht, siç ndodh në këtë raste, e bëri të veten dhe nuk më ka rënë në sy asnjë lloj reflektimi apo kërkese ndjese nga askush lidhur me atë që i bënë atij njeriu.

E solla këtu se nuk është i vetmi si shembull për faktin se në këtë proces kemi bërë transformim epokal“, tha Rama.

Jonaid Myzyri, u rikthye në detyrën e kreut të KPP-së pasi GJKKO, hoqi në tetor të vitit të kaluar masën e pezullimit nga detyra. Në fuqi ndaj tij mbetet masa e detyrimit paraqitje.

The post Kreu i KPP-së Jonaid Myzyri u vu nën akuzë nga SPAK, Rama: Njeriu që transformoi Prokurimet Publike u bë target balte, u mor nën hetim dhe rezultoi pa faj appeared first on Albeu.com.

Kështu deklaroi kryeministri Edi Rama gjatë mbledhjes me grupin parlamentar, duke njoftuar krijimin e një shoqërie të re të operatorit për blerjet e përqendruara.

Sipas kreut të qeverisë, kjo shoqëri e re do të asistohet nga shoqëri partnere evropiane. Gjithashtu, ai bëri të ditur se po krijohet një katalog dixhital për blerjet e vogla për institucionet.

“Duke u kthyer te prokurimet publike, ne nuk na mjafton kaq. Ne kemi hedhur një hap tjetër përpara. E ka hedhur kjo shumicë me propozim të qeverisë për të krijuar shoqërinë publike të operatorit të blerjeve të përqendruara, e cila ka filluar zyrtarisht punë me 25 Prill, dhe do t’i kryejë ajo të gjitha prokurimet e ministrive dhe institucionet e tyre të varësisë. E thënë troç,  asnjë ministër dhe asnjë strukturë e varësisë s’do të ketë asnjë lidhje me tendera por do të merret vetëm me politikat sektoriale. Kjo shoqëri është ndërtuar sipas modeleve më të mira evropiane do të asistohet nga shoqëri partnere evropiane, do të ofrojë shërbimet e veta për të gjitha njësitë e pushtetit vendor apo njësitë e tjera jashtë varësisë së pushtetit ekzekutiv, të cilat ne nuk i detyrojmë dot me ligj që të heqin dorë nga organizimi i tenderave.

Po ashtu operatori i blerjeve të përqendruara po ndërton një katalogj dixhital të blerjeve të vogla për të gjitha institucionet publike, që të mos bëjnë tendera për çdo dërrasë të zezë, karrige zyre apo tavolinë por të blejnë direkt nga katalogu i quajtur ark zone, një lloj Amazon i mallrave për të gjithë shërbimet mbështetëse të institucioneve, duke kursyer kohë dhe para dhe mbi të gjithë duke i mbyllur derën korrupsionit. Nga ana tjetër, po punohet nga AKSHI në bashkëpunim me Microsoft dhe me ndihmën e vyer të ekipit të Mira Muratit për modelin revolucionar të prokurorimeve me inteligjencë artificiale, i cili do të mbyllë përfundimisht epokën problematike të ngritjes çdo vit të mesatarisht 20 mijë komisione tenderash“, tha Rama.

The post “Ministrat, jo më lidhje me tenderat”, Rama njofton krijimin e shoqërisë së re: Asistohet nga partnerët evropianë appeared first on Albeu.com.

Kështu për shembull një auditim për Bashkinë Krujë i zhvilluar gjatë këtij viti për aktivitetin ekonomik të viteve të mëparshëm nënvizon se kriteret që vendosen janë të ekzagjeruar.

“Nga auditimi i 13 procedurave të prokurimit për vitin 2020-2021 me vlerë të fondit limit 1,1 miliard lekë lekë pa TVSh, ka rezultuar se në DT janë aplikuar kritere të ekzagjeruar dhe të paargumentuara në rastin e 5 procedurave me vlerë të fondit limit 1miliard  lekë pa TVSh ose 89%” thuhet në dokumentin e KLSH.

Një tjetër auditim këtë herë për Bashkinë e Beratit ndalet pikërisht tek prokurimet ku duket se edhe këtu hartimi i dokumentacionit ku konstatohen kritere që s’kanë lidhje me natyrën e kontratës.

“Janë konstatuar anomali në hartimin e kritereve të veçanta të DST në procedurat e prokurimit publik, pasi janë vendosur kritere të cilat nuk kanë lidhje të ngushtë me natyrën dhe madhësinë e kontratës. Janë konstatuar anomali në procesin e kualifikimit dhe vlerësimit të ofertave të operatorëve ekonomik, si dhe në zbatimin e kontratave të punimeve, si pasojë e të cilave është konstatuar një dëm ekonomik në vlerën 8,6 milionë lekë” thuhet në auditim.

Përjashtim nuk bën as Bashkia Kuçovë për të cilën KLSH vlerëson se në auditimin e 12 procedurave prokurimi me vlerë kontrate 429 milionë lekë me TVSH, janë konstatuar shkelje në aplikimin e kritereve jo në zbatim të akteve ligjore/nënligjore të LPP, ku kriteret nuk janë në përputhje me zërat e preventivit, veprime të cilat direkt ose indirekt kanë çuar në pjesëmarrjen e ulët të operatorëve ekonomikë.

Për një tjetër Bashki siç është ajo e Shkodrës sa i takon prokurimeve edhe pse KLSH nuk citon pjesën e kritereve nënvizon se ha konstatuar një tjetër problematikë që lidhet me zhvillimin e procedurave për projekte ndaj të cilave nuk ka në dispozicion ende fondin e nevojshëm./monitor

The post KLSH auditim për tenderat: Bashkitë vendosin kritere të ekzagjeruara, janë hasur anomali appeared first on Albeu.com.