Pas shfuqizimit të VKM-së nr.442, datë 3.6.2020, “Për shpalljen e zonës së re për zhvillim në njësinë administrative Durrës”, Grupimi Qytetar kundër projektit TID, u ka kërkuar institucioneve përkatëse të ndalojnë zbatimin e projektit dhe të nisin procedurat për shfuqizimin e tij. Kërkesa u bë e ditur nga arkitektja Entela Koja.

Vendimi për shfuqizimin e Zonës së Re për Zhvillim, e cila përfshinte një sipërfaqe të konsiderueshme të qytetit bregdetar, përfshirë edhe një pjesë të zonës historike në qendër të Durrësit, solli gjithashtu anulimin e Planit të Detyruar Vendor (PDyV). Ky plan parashikonte prishjen e 20 pasurive të paluajtshme të përfshira në projektin TID.

Grupimi Qytetar argumenton se, pas rrëzimit të bazës ligjore mbi të cilën mbështetej PDyV-ja, si edhe pas shpëtimit nga shembja të pronave që ndodhen mbi amfiteatër, projekti TID duhet të shfuqizohet.

Sipas banorëve, projekti është rrëzuar de juro. Lajmi raportohet nga gazetarja Klodiana Haxhiaj.

Entela Koja deklaroi se institucionet po përpiqen të krijojnë përshtypjen se projekti vijon, ndërsa fakti që po diskutohet rishikimi i tij tregon se dokumenti ekzistues nuk është më në fuqi. Ajo tha se banorët kërkojnë që kjo të bëhet zyrtare dhe të përcaktohet me shkresë.

Banorja Rita Kazazi u bëri thirrje autoriteteve që të shfuqizojnë vendimin, duke theksuar se anulimi i tij ka shpëtuar shumë banesa.

Ajo kundërshtoi çdo përpjekje për shembjen e shtëpive në emër të krijimit të lulishteve dhe paralajmëroi se banorët do të vijojnë rezistencën ndaj projektit.

Banorët njoftojnë se do ta vazhdojnë përballjen ligjore në gjykatë. Paralelisht, ata planifikojnë t’i drejtohen Këshillit Bashkiak për pezullimin e projektit të hartuar nga Fondacioni Shqiptaro-Amerikan për Zhvillim (AADF), i cili prek mbi 80 prona të qytetarëve durrsakë në zonën historike dhe parashikon shpronësimin e tyre me vlera që banorët i konsiderojnë qesharake.

The post Banorët kundërshtojnë projektin TID në Durrës: Kërkohet anulimi i vendimit që parashikon shembjen e 80 banesave appeared first on Albeu.com.

Ndryshimi në projekt për restaurimin e objekteve të kultit (kisha katolike), që më parë ishin klasifikuar për prishje i ka detyruar banorët të kërkojnë informacion dhe transparencë, në lidhje me vijimësinë e tij.

Me një kërkesë të firmosur nga 20 familje i janë drejtuar autoritetit vendor, duke kërkuar transparencë dhe duke nënvizuar se do të vazhdojnë të kundërshtojnë prishjen e banesave të tyre.

Një projekt që mbivendoset mbi historinë, për t’u zëvendësuar me kulla deklarojnë banorët.

Përfaqësia e banorëve i është drejtuar Bashkisë së Durrësit për të kërkuar takim me kryebashkiaken, por edhe këtë herë kanë gjetur dyert e mbyllura.

“Është më e thjeshtë të takosh përfaqësues të institucioneve ndërkombëtare se kryebashkiaken Sako”, deklarojnë banorët mes të tjerash të revoltuar, teksa theksojnë se “do të kundërshtojnë prishjet e banesave”.

Ndërkohë, në mbledhjen e fundit të këshillit bashkiak, nënkryetari i bashkisë së Durrësit, Gentian Kallmi, deklaroi se TID është në proces dhe do të verifikohet çdo rast, si në lidhje me vlerën, ashtu edhe procedurën e ndjekur.

“Po të duan të prishin bashkinë dhe jo shtëpitë. I kanë bërë lulishtet me pallate, të gjitha lulishtet i kanë bërë betona, pallate, ja tek i ke…”, shprehet një nga banoret e prekura nga projekti.

Kurse përfaqësuesja e grupit të këtyre banorëve u shpreh se Bashkia e mban informacionin në terr dhe po veprohet në mënyrë të paligjshme, teksa procesi gjyqësor vijon.

“Kemi çuar një kërkesë për informacion një grup prej 20 personash, por Bashkia po bën veprime jo transparente, flitet për VKM të re pa konsultim me ne, flitet për prishje, me çfarë vendimi është bërë kjo, ne jemi në proces gjyqësor për shfuqizimin e VKM dhe projektit TID, teksa ata ndërmarrin hapa sikur këto kanë ndryshuar. Nuk ka transparencë. Bashkia dhe institucionet janë në terr informativ. Ne nuk jemi as për shpronësim dhe as për prishje. Po presim të bëjmë takim, nuk kemi përgjigje zyrtare. Nëse nuk na presin ne do vijmë përsëri, derisa të na japin përgjigje, edhe në mënyrë institucionale. Projekti është abuziv”, tha ajo.

Një banore e vjetër shpjegon se ky projekt antiligjor ka marrë edhe firmën e Ballukut dhe të Ramës dhe po shkatërrojnë Durrësin e vjetër.

Ajo theksoi se nuk do tërhiqen nga kundërshtimi i tyre për mosprishjen e banesave dhe nuk do dalë nga shtëpia deri në fund.

“Jemi këtu para Bashkisë dhe askush nuk na pret. Projekti TID po shkatërron Durrësin e vjetër, ëhstë me firmë të Ballukut, Ramës dhe institucioneve, po prishet teatri i vjetër me këtë projekt. Si në kohën e Enverit edhe tani, se ky e ka me instikt dhe do ta bëjë këtë gjë, si atëhere. Ajo pika e voçkël Elva Margariti e ka bërë pa arkeologji dhe me asgjë tjetër, duan thjesht ta prishin dhe të ndërtojnë gjë tjetër. Thjesht duan t’i shembin, si mund të prishet shtëpia apo dyqani im. Ne nuk pranojmë prishjen, nuk pranojmë lekë, asgjë, unë nuk lëviz nga shtëpia ime. Po të jetë autostradë dakord, ra autostrada, por pse të prishet shtëpia ime për një lulishte tre metra e më pas të ndërtohet pallat. Ne do veprojmë deri në fund”, deklaroi banorja.

Ndërsa një tjetër banor përfaqësues, tha se më lehtë kanë takuar përfaqësues ndërkombëtarë se sa kryebashkiaken Emiriana Sako.

“Edhe pas kërkesave personale që kemi bërë, si dhe të tjerët e grupit, nuk gjejmë mundësi komunikimi, kemi arritur të komunikojmë me OLAF, me bashkësi ndërkombëtare, por ama me Bashkinë e Durrësit nuk kemi ende mundësi, me taku një nga këto këtu, kryetaren, edhe pse kam ardhur shumë herë dhe kam dëshirë ta takoj. Edhe këtu ende nuk i kemi takuar, po vijnë zgjedhjet e tjera por ende nuk i kam takuar. Është shumë revoltuese për në, na trajtojnë kështu, duke u trajtuar në këtë formë. Por ne nuk do ndalojmë, i themi të gjithëve. Unë nuk dua të prishet, kush do le të prishet, unë s’dua, i qëndroj kësaj. Nuk kemi njoftim të fundit, nuk kemi. Na bëhet goxha dëm, shqetësohemi, kanë kaluar 300 lloj qeverish dhe kjo që ishte si më në favorin tonë po na e prish komplet”, u shpreh ai.

The post VIDEO/ Banorët “zënë” derën e Bashkisë të revoltuar për projektin TID: Më lehtë takon ndërkombëtarët se Emiriana Sakon, po prishet qyteti me firmë të Ballukut e Ramës appeared first on Albeu.com.