Vendimi i ri i Komitetit të Investimeve Strategjike në fund të vitit 2025 ndryshon disa nga afatet kyçe të përcaktuara një vit më pare në vendimin e vitit 2024 që i jepte statusin e investimit strategjik. Institucionet pranojnë se plani i veprimit nuk u realizua brenda kohës për shkak të kompleksitetit të projektit dhe koordinimit mes institucioneve dhe investitorit amerikan Atlantic Incubation Partners LLC.

Ndryshimet prekin drejtpërdrejt fazën e negocimit dhe përgatitjes së projektit. Afati për dorëzimin e dokumentacionit nga investitori zgjatet në 90 ditë nga 60 që ishte më parë, ndërsa periudha për negociimin e marrëveshjes rritet në 120 ditë, me mundësi shtyrjeje edhe për 120 ditë të tjera.

Po ashtu, janë rishikuar edhe detyrat për institucionet shtetërore. Ministrisë së Ekonomisë i jepet më shumë kohë për konsolidimin e pronës dhe kalimin e aseteve tek Korporata Shqiptare e Investimeve, ndërsa afatet për përcaktimin e kushteve për zhvillimin e marinës turistike dhe përfshirjen e plazheve në listën zyrtare janë përshtatur gjithashtu.

Një ndryshim i rëndësishëm lidhet me kostot për pastrimin e zonës nga rreziku piroteknik. Ndryshe nga vendimi fillestar ku këto kosto parashikohej të mbuloheshin nga investitori, tani barra i kalon Ministrisë së Mbrojtjes.

Dokumenti thekson se është bërë përparim në disa drejtime. Është nënshkruar një memorandum mirëkuptimi mes palëve, janë zhvilluar 10 raunde negociatash dhe është siguruar ekspertizë për mbrojtjen e interesave të shtetit. Ministria e Mbrojtjes ka përfunduar inventarizimin e aseteve dhe ka identifikuar kostot për pastrimin e zonës, ndërsa është kryer edhe regjistrimi i pronave.

Projekti për zhvillimin e ishullit të Sazanit parashikon një investim rreth 1.4 miliardë euro për ndërtimin e një kompleksi turistik me marina, hotele, rezidenca dhe shërbime të tjera turistike në një sipërfaqe prej rreth 45 hektarësh. Zhvillimi do të realizohet në ishullin e Sazanit në Vlorë, që aktualisht është nën administrimin e Ministrisë së Mbrojtjes dhe pjesërisht zonë e mbrojtur detare dhe natyrore.

Investimi është propozuar nga kompania amerikane Atlantic Incubation Partners LLC dhe po zhvillohet në bashkëpunim me strukturat shtetërore shqiptare përmes Korporatës Shqiptare të Investimeve dhe Albanian Seaports Development Company. Projekti ka status strategjik./Monitor.al

The post Qeveria shtyn afatet për projektin 1.4 mld euro në Sazan, kostoja e pastrimit piroteknik te shteti appeared first on Albeu.com.

Promoja e projektit vjen si një rikonceptim i performancës së bujshme të Bad Bunny-t në Super Bowl 2026. Ndërsa artisti përmendi shtete amerikane në nisje të performancës së tij, Donaldi zgjodhi të rendisë emra politikanësh shqiptarë, duke e lënë për në fund atë që e quajti “më e mira, Zegjine”.

“Prit ta mbaroj” titullohet projekti që do të rikthejë Donaldin në një format të ri, ndërsa ende mbetet e paqartë nëse krah tij do të jetë edhe Romeo. Po kështu, nuk dihet ende forma përfundimtare e këtij produksioni. Nga promoja dallohen shumë të rinj dhe referenca ndaj politikës. Pra, është e paqartë, por gjasat janë të jetë një program i ngjashëm me “Më lër të flas”.

5 shenja në duart tuaja që tregojnë se keni probleme me tiroiden
Mister mbetet edhe data kur kjo platformë do të nisë transmetimin.

The post Donald Veshaj na prezanton me projektin e ri: “Prit ta mbaroj” appeared first on Albeu.com.

Të paktën për momentin. Në një deklaratë për shtyp të publikuar nga Departamenti Amerikan i Shtetit thuhet se projekti pilot 12-mujor, që nis të zbatohet më 20 gusht, do të aplikohet fillimisht për shtetasit nga Malaui dhe Zambia, dy vende të Afrikës Jugore dhe Juglindore.

Burime nga Ministria e Jashtme thanë se deri tani nuk ka njoftim për këtë program pilot, por me hyrjen në fuqi të programit, do të njoftohen vendet që mund t’i shtohen listës. Subjekt i kësaj mase janë aplikantët për viza turistike dhe biznesi.

Projekti parashikon 3 nivele garancish: 5 mijë, 10 mijë dhe 15 mijë dollarë, dhe do të jenë punonjësit e ambasadave që do të përcaktojnë se cilën shumë duhet të vendosin si garanci aplikantët, duke u bazuar në kriteret e rrezikshmërisë së shkeljes së vizave, një prej të cilëve është historiku i udhëtimeve.

Sipas një raporti për vitin 2023 të Departamentit për Sigurinë e Brendshme, 42% e rreth 11 milionë të huajve që jetojnë në SHBA, kanë hyrë me vizë të rregullt me afat dhe nuk u larguan më.

Përqindjen më të lartë të shtetasve që shkelën afatin e vizave gjatë 2023-shit e ka Çadi me 50%, Laosi me 35% dhe Haiti me 31%.

Shifra e shtetasve shqiptarë që shkelën afatin gjatë 2023-shit është rreth 2.3%. Malaui dhe Zambia, ku aplikohet fillimisht projekti pilot, kanë nivele po ashtu të ulëta: 10% – 14%.

Ndërsa vendet me numrin më të madh të shtetasve që shkelin afatin e vizave janë Meksika, Kolumbia, Haiti, etj../Gazeta Panorama

The post Garancia 15 mijë dollarëshe/ Shqipëria nuk preket nga projekti i DASH për vizat amerikane appeared first on Albeu.com.

Vizita e pazakontë lidhej me projektin e kushtueshëm qeveritar “Smart City”, i cili premton që të instalojë mijëra kamera inteligjente në ambiente publike, përfshirë edhe njëzet institucione arsimore në qytete të ndryshme.

Një mësuese e shkollës “Jeronim De Rada”, i tha BIRN se ekspertët e huaj ishin të shoqëruar nga përfaqësues shqiptarë dhe u larguan, pasi vëzhguan ambientet e shkollës në tërësi.

Ajo shtoi gjithashtu se, shkolla është e pajisur aktualisht me një sistem kamerash të vendosura në korridore, palestër dhe në oborr, por jo në ambientet e brendshme të klasave.

Ekspertët e projektit “Smart City”, duket se kanë gjetur një situatë të ngjashme edhe në gjimnazet “Ibrahim Rugova” në Kamëz, “Petro Nini Luarasi” në Tiranë dhe “Isa Boletini” në Paskuqan – tre shkolla të tjera, ku sistemi i ri i kamerave pritet që t’i mbivendoset sistemeve ekzistuese të mbikëqyrjes.

“Shkolla ka sistem kamerash dhe do shohin ku do i instalojnë të rejat, apo do përdoren ato që janë aktualisht”, tha një drejtues i gjimnazit “Ibrahim Rugova”, ndërsa shtoi se nuk ka ende një datë për funksionimin e sistemit të ri.

Projekti “Smart City”, është përfshirë në listën e projekteve me rëndësi kombëtare nga qeveria shqiptare dhe parashikohej fillimisht që të kushtonte 60 milionë dollarë amerikanë, por kostot e tij gati u dyfishuan në 118.5 milionë dollarë pa asnjë shpjegim, ndërsa pritet që të mbulohen përmes një huaje me Fondin për Zhvillim të Abu Dhabit.

Projekti do të zbatohet nga kompania ‘Presight AI‘,pjesë e grupit G42 me bazë në Emiratet e Bashkuara Arabe, e cila ka ngritur shqetësime në Kongresin e Shteteve të Bashkuara për lidhjet e saj kineze.

Projekti kontestohet gjithashtu nga ekspertë të të drejtave digjitale, për rrisqet që mbart nga ndërhyrja e madhe në privatësinë e qytetarëve.

Ministria e Brendshme i shpërfill këto shqetësime, ndërkohë që i tha BIRN se një ndër prioritetet kryesore të projektit “Smart City” është rritja e sigurisë në institucionet arsimore.

Sipas saj, projekti do të pilotohet fillimisht në 20 institucione arsimore, ku parashikon instalimin e detektorëve të dedikuar për sigurinë fizike dhe përdorimin e teknologjive të avancuara që përfshijnë Inteligjencën Artificiale.

Ministria theksoi gjithashtu se, kishte punuar ngushtësisht me Zyrën e Komisionerit përgjegjës për mbrojtjen e të dhënave personale dhe se ishin marrë masa specifike për të “parandaluar aksesin e paautorizuar, keqpërdorimin apo rrjedhjen e informacionit të ndjeshëm”.

“Këto teknologji do të ndihmojnë në analizimin në kohë reale të të dhënave të mbledhura nga pajisjet e monitorimit dhe në identifikimin e situatave të dyshimta apo potencialisht të rrezikshme, me qëllim reagimin e shpejtë dhe parandalues”, deklaroi Ministria e Brendshme në një përgjigje me shkrim.

Ministria e Brendshme deklaroi gjithashtu se, në bashkëpunim me Ministrinë e Arsimit ishin zhvilluar procese konsultimi me komunitetin e prindërve, për të adresuar çdo shqetësim që lidhej me mirëqenien e fëmijëve dhe përdorimin e teknologjisë në shkolla.

Por kur iu kërkuan dokumentet e konsultimeve publike me prindërit, Ministria e Brendshme tha se ato ishin kryer nga Ministria e Arsimit, ndërsa kjo e fundit nuk ktheu përgjigje deri në publikimin e këtij shkrimi.

Ekspertët e sistemit arsimor e shohin me dyshim projektin, përsa kohë që nuk ofrohen garancitë maksimale për mbrojtjen e të dhënave personale.

Rigels Xhemollari, drejtues i organizatës “Qëndresa Qytetare”, e vlerëson synimin për rritjen e sigurisë në shkolla, por thekson gjithashtu rrezikun që mund të sjellë përdorimi i teknologjisë nëse nuk garantohet siguria e të dhënave.

“Ne e dimë sa të brishta janë të dhënat e shtetit tonë, e dimë sesa politike janë shkollat dhe sesa kollaj dikush nëpërmjet një hakerimi mund të marrë të dhënat që mund të keqpërdoren për fëmijë, nxënës të caktuar”, tha Xhemollari për BIRN.

“Kjo kërkon një siguri të madhe dhe këtë as Komisioneri që kanë konsultuar dhe as AKEP, e as institucione të tjera, nuk na i kanë garantuar deri tani”, shtoi ai.

Xhemollari vërejti gjithashtu se, kamerat e sigurisë nuk janë mënyra e vetme për rritjen e sigurisë dhe se një sërë propozimesh të tjera në këtë drejtim kanë mbetur prej vitesh në sirtar.

“… kjo mund të ndodhë me hapa të tjerë që ne i kemi propozuar qeverisë, së bashku me komunitetin e prindërve, si zgjatja e orareve, në mënyrë që fëmijët nga ora 13:00 në 16:00 të mos jenë në rrugë, futja e ushqimit, shtimi i mësuesve, shtimi i psikologëve”, tha ai.

Edhe Ndriçim Mehmeti, ekspert i sistemit arsimor në Shqipëri, thotë se ky sistem i ri monitorimi nuk do t’i zgjidhë problemet në shkolla.

“Disa prej këtyre problematikave vijnë nga familja, kultura e rrugës, agresiviteti në rritje i të rinjve, mënyra e komunikimit etj,” tha Mehmeti, ndërsa shtoi: “duhet të përqëndrohemi tek socializmi i fëmijëve, krijimi i një mjedisi pune sa më krijues për fëmijët nga arsimi parashkollor deri në universitet”./BIRN

The post Kamera mbi kamera/ BIRN: Projekti “Smart City” në shkolla ngre pikëpyetje për të dhënat personale appeared first on Albeu.com.

Në një dokument të bërë publik nënvizohet se mbyllja e planifikuar në 31 korrik 2025 parashikohet të bëhet në qershor 2026. Kjo do të vlejë vetëm për financimin shtesë ë miratuar në janar 2022 ku kredisë ekzistuese prej rreth 64 milionë dollarësh iu shtua edhe një shumë prej 30 milionë USD të tjera.

“Në përgjigje të kërkesës së Huamarrësit të datës 8 maj 2025, ky Dokument Ristrukturimi synon: (a) një zgjatje prej 11 muajsh të datës së mbylljes së huasë për Financimin Shtesë për Projektin për Zhvillimin e Integruar Urban dhe të Turizmit në Shqipëri, nga 31 korriku 2025 deri më 30 qershor 2026, me rishikimin përkatës të vlerësimeve të disbursimit, dhe (b) rishikime në Kornizën e Rezultateve për të pasqyruar ndryshimet në afatin e zbatimit dhe zgjatjen e datës së mbylljes së AF-së.

Zgjatja e propozuar është e nevojshme për të siguruar kohë të mjaftueshme për përfundimin me sukses të të gjitha aktiviteteve të Projektit, siç është planifikuar, dhe arritjen e Objektivave të Zhvillimit të Projektit (PDO)”, thuhet në shpjegimin e dokumentit.

Huaja origjinale për zhvillimin urban dhe turizmin u miratua në 15 nëntor 2016 teksa një shtesë tjetër erdhi thuajse 6 vite më pas.

Qëllimi i Projektit është të përmirësojë infrastrukturën urbane, të forcojë asetet turistike dhe të rrisë kapacitetin institucional për të mbështetur zhvillimin ekonomik lokal të lidhur me turizmin në zona të përzgjedhura në Jug të Shqipërisë.

Raporti vlerëson se ecuria e projektit në tërësi vlerësohet si e kënaqshme dhe ka arritur të japë ndikim në zonat ku janë kryer ndërhyrje duke sjellë për rrjedhojë krimin e 2 mijë vendeve të reja të punës të lidhura me turizmin.

Ndërhyrjet kanë përfshirë disa bashki ku fillimisht Berat, Gjirokastër, Përmet Sarandë por disa të tjera u zhvendosën edhe në bashki të reja në një përpjekje për të përmirësuar itinerarin turistik jugor të vendit./ Monitor

The post Projekti i Bankës Botërore për turizmin, qeveria kërkon shtyrje të afatit për shtesën 30 mln USD appeared first on Albeu.com.

Banorët e zonës deklarojnë se zhvendosja e lumit Lana bëhet për interes te ndërtimit të pallateve të njerzëve afër pushtetit. Ata shprehen se plehrat kanë mbushur të gjithë zonën, ndotja e lumit si rjedhojë e plehrave që nuk pastrohen po sjell edhe semundje tek ata. Banorët shprehet gjithashtu se edhe rrugët në këtë zonë janë lenë në një gjëndje të mjerueshme.

Balliu: Pislliqet qe vijnë në Lumin Lana nuk vijnë ti pastrojnë asnjë ditë?

Qytetarja: Anjëherë, vetëm i hedhim në Lana. Lana ikën poshtë, dhe ska asnjë lloj kujdesi nga Bashkia. Vetëm me vendos pallate dhe me fitu për vete.

Balliu: Këta kërkojnë që ta shtyjnë lumin Lana dhe kjo shtyrje ju prish juve shtëpitë? Arsyeja e shtyrjes është sepse duan të bëjnë lulishte dhe gjëra për pallatin.

The post Projekti për transformimin e Lumit Lana/ Balliu denoncon skandalin: Veliaj kërkon ti vjedh shtëpitë qytetarëve për të mbushur xhepat! Preken 420 shtëpi! appeared first on Albeu.com.

Ditën e sotme, teksa ishte e ftuar në emisionin “Në shtëpinë tonë”, Roza tha se iu duk diçka e ulët që ta sulmonin përmes nënës së saj. E pyetur nëse ka një projekt që do të sjellë së shpejti, Roza theksoi edhe njëherë se televizioni është shtëpia e saj, por edhe pse nuk dha detaje për projektin e saj, ajo tha se do të eksperiementojë me veten dhe do të bëjë gjëra që nuk i ka bërë më parë.

“Unë nuk do heq kurrë dorë së bëri televizion, së bëri show. Siç e kam thënë në Big Brother, unë kam lindur për t’i folur kameras. Si pas pushimeve jam në momentin që po sistemoj pak trurin tim. I kam mendimet pak të çrregullta. Gjëra të bukura do vijnë. Do bëj gjëra që s’i kam bërë më parë, do eksperimentoj pak me veten. Jam e kënaqur që publiku ka shumë kureshtje për mua, ka shumë dashuri. Televizioni është shtëpia ime,” -rrëfeu Roza.

The post Projekti i ri televiziv, Roza Lati: Do bëj gjëra që s’i kam bërë më parë appeared first on Albeu.com.

Teksa sot është njoftuar se do t’u shemben banesat, ata theksojnë se nuk janë dëmshpërblyer dhe nuk janë në skemën e dëmshpërblimit.

Disa prej familjareve kanë hipur tarracën e njërës prej shtëpive dhe kërcënojnë me hapa ekstreme.

Raportohet se familjarët kanë paralajmëruar se do të spërkaten me benzinë dhe do t’i vënë flakën vetes, nëse nuk merren parasysh kërkesat e tyre.

IKMT sapo ka mbërritur dhe është në pritje.

The post Kundër shembjes së banesave për projektin Thumanë-Kashar, 6 familje hipin në tarracë dhe kërcënojnë se do të… appeared first on Albeu.com.

Të pranishëm në eventin që u organizua nga “Dyrrah City Football Academy” ishin edhe kryeministri Edi Rama dhe presidenti i FSHF, Armand Duka.

Çfarë ra në sy gjatë prezantimit, ishte sjellja e trofeve të fituara sezonin e kaluar nga klubi anglez si Premier League, Champions League, FA Cup, UEFA Super Cup dhe FIFA World Cup.

Ashtu siç është shpjeguar edhe më herët nga vetë kryeministri Edi Rama, projekti që pritet të jetë gati brenda një viti ka të bëjë me një investim të rëndësishëm ku të gjithë talented do të kenë kushtet më të mira për të treguar veten dhe për të arritur një zhvillim sa më të madh në aspektin profesional.

The post FOTOT/ Projekti i Manchester City-t në Durrës, si do të duket “Dyrrah City Football Academy” appeared first on Albeu.com.

Salianji ka publikuar një video, ku pyet ministrin e Mbrojtjes Niko Peleshin, nëse ka kërkesa për projekte investimi në ishullin e Sazanit.

Ky i fundit është përgjigjur se ishulli i Sazanit nuk mund të privatizohet, duke i hapur rrugën ndërtimit të projekteve turistike.

Ndërsa ditën e sotme, Edi Rama tha se ishulli i Sazanit nuk është zonë e mbrojtur, por pohoi se do të ketë investim nga dhëndri i Donald Trump.

Postimi i plotë:

“Me zë dhe figurë; cfarë thoshin dje dhe cfarë bëjnë sot!

Rama tha sot se Sazani nuk është zone e mbrojtur! Ndryshe, ështê shprehur

Peleshi dje: Baza e Sazanit nuk mund të privatizohet!

Thuajse dy vite me pare kam shprehur shqetesimin publik per ishullin e Sazanit, dhe ministri i Ramës mohoi kategorikisht kur tha se baza e Sazanit nuk mund te privatizohet!

A po dorëzohet ky aset kombetar pa transparencë, pa garë dhe në kundërshtim me zotimet e qeverisë vetëm për interesa të pushtetit”?

The post Projekti i dhëndrit të Trump për Sazanin, Salianji publikon videon: Niko Peleshi e mohoi, sot Rama vepron ndryshe appeared first on Albeu.com.