Banorët kanë dalë me një deklaratë të përbashkët.

Reagimi:

DEKLARATË PUBLIKE E BANORËVE TË PREKUR NGA PROJEKTI “TID DURRËS”
Në vijim të diskutimit të zhvilluar me përfaqësues institucionalë, Kryeministrin dhe Kryetaren e Bashkisë Durrës, ndiejmë detyrimin të bëjmë publike qëndrimin tonë si banorë të prekur nga projekti.

Gjatë takimit u deklarua qartë se projekti do të realizohet patjetër dhe se nuk do të ketë asnjë ndryshim në të.

Alternativat që na u ofruan janë:

-të pranojmë një çmim shpronësimi (pak më të lartë);

-të zhvendosemi në zona periferike të përcaktuara prej tyre;

ose të mblidhemi të gjithë në një objekt të vetëm, të zgjedhur nga Bashkia.
Ne e kundërshtojmë këtë qasje.
Projekti ka mangësi dhe shkelje procedurale. Ka prona të papërfshira në listën e shpronimeve ose pa ekspertizë të saktë. Nuk mund të pranojmë një projekt me shkelje vetëm sepse është vendosur të zbatohet.

Propozimet e Kryeministrit nuk janë dakordësuar me ne.

Çmimi referencë është një çmim dysheme.

Zhvendosja, edhe nëse pranohet nga banorët, duhet të bëhet me dakordësinë e vetë tyre.

Deri tani, propozimet mbeten vetëm fjalë.

Kërkojmë:

Shtyrje të afateve ligjore të ekzekutimit të projektit; – Pezullim të shembjeve;

Shqyrtim ligjor të plotë të çdo rasti, një e nga një.

Në të kundërt, do të detyrohemi të përshkallëzojmë protestën dhe të intensifikojmë reagimin tonë publik dhe institucional.

Komunikimet tona në nivel ndërkombëtar tashmë janë realizuar dhe do të vijojnë, në mbrojtje të të drejtave tona dhe të parimeve të shtetit ligjor.

Ne kërkojmë vetëm ligjshmëri dhe respekt për të drejtën tonë të pronës.
Banorët e Prekur nga Projekti “Tid Durrës”

The post Rama u ofroi disa opsione, banorët e prekur nga projekti TID kundërshojnë: Do të përshkallëzojmë protestën nëse… appeared first on Albeu.com.

Mësohet se ditën e sotme, po zhvillojnë edhe një takim në Bashki, ku ka mbërritur edhe kryeministri Edi Rama, për të diskutuar mbi projektin TID.

The post Banorët që preken nga projekti TID protestë, kryeministri Edi Rama mbërrin në Bashkinë Durrës appeared first on Albeu.com.

Banorët e Durrësit që preken nga projekti TID në Durrës, po protestojnë para Kuvendit për të drejtat e tyre.

Ata akuzojnë Belinda Ballukun dhe kryeministrin Rama se po u vjedhin pronat.

Ndërsa thonë se socialistët në parlament ngrenë me pa të drejtë kartonët për të miratuar vendime në dëm të qytetarëve.

“Me këtë që po bën ky hajduti, bashkë me Belinda Ballukun (kriminele) vetëm një gjë të dijë, do ti vijë dita të ikë i pari, i dyti dhe të ikë vetë bashkë me ata basdarda parlamentar socialistë që rrinë atje dhe ngrenë kartonin me të padrejtë”, tha një banore.

Bulevardi “Epidamn”, që lidh Bashkinë e Durrësit me hyrjen e portit, u ndërtua rreth një shekull më parë, pas tërmetit të rëndë të vitit 1926.

Rruga ndërroi disa herë emër, por është ngulitur në memorien e banorëve të Durrësit si “Rruga Tregtare” për shkak të dyqaneve në të dy anët e saj.

Si pjesë e qendrës historike, bulevardi “Epidamn” do t’i nënshtrohet një projekti rijetëzimi të njohur si TID Durrës, i cili po realizohet përmes një marrëveshje bashkëpunimi mes Fondit Shqiptaro- Amerikan të Zhvillimit, Ministrisë së Kulturës dhe Bashkisë së Durrësit.

The post “Po na vjedhin pronat”/ Protestë para Kuvendit, banorët kundërshtojnë projektin TID në Durrës appeared first on Albeu.com.