Kryeministri në detyrë i Kosovës, Albin Kurti, ka prezantuar projektin për banim social adekuat, i cili kap vlerën e 37 milionë eurove dhe përfshin 21 komuna. Gjatë konferencës për media, ai ka folur edhe për aksionin e institucioneve të sigurisë në veri dhe procesin e hapjes së plotë të Urës së Ibrit.

Sipas Kurtit, përmes këtij projekti synohet përmirësimi i kushteve të jetesës për familjet në nevojë. Ai e ka përshkruar nismën si një investim në dinjitetin e familjeve, barazinë dhe sigurinë sociale, duke theksuar se strehimi duhet të jetë pjesë e politikave sociale të shtetit.

“Një familje e cila nuk mund të ndihet e sigurt, atëherë duhet patjetër të bëhemi si shtet strehë për të. Një familje që nuk mund të ketë mundësi të barabarta, atëherë duhet që ne të sigurojmë patjetër kushte të përshtatshme banimi”, deklaroi Kurti në konferencën e përbashkët me ministren e Mjedisit dhe Planifikimit Hapësinor, Fitore Pacolli Dalipi, dhe ministrin për Punë, Familje dhe Vlerat e Luftës Çlirimtare, Andin Hoti.

Ai bëri të ditur se gjatë mandatit të qeverisë janë marrë masa të ndryshme për të ndihmuar familjet, veçanërisht ato me fëmijë dhe familjet që përballen me vështirësi ekonomike.

“Mbështetja për një familje nuk është vetëm një pagesë mujore, mbështetja është edhe mundësia që ajo familje të ketë strehim të përshtatshëm, të sigurt e dinjitoz”, u shpreh kryeministri në detyrë.

Projekti, sipas tij, është hartuar përmes bashkëpunimit mes institucioneve qendrore, komunave dhe partnerëve ndërkombëtarë. Nga Banka për Zhvillim e Këshillit të Evropës janë siguruar 25 milionë euro përmes një marrëveshjeje kredie, ndërsa 12 milionë euro janë ndarë nga buxheti i Kosovës.

“Pra kemi siguruar një fond të përgjithshëm prej 37 milionë euro. Ky është gjithsesi një investim i madh”, tha Kurti.

Në projekt do të përfshihen 21 komuna, ndërsa nga ndërhyrjet e planifikuara pritet të përfitojnë qindra familje. Kurti tha se angazhimi tashmë ka kaluar nga faza e planifikimit dhe përgatitjes në zbatimin konkret.

Komunat do të kenë përgjegjësi të rëndësishme në realizimin e projektit, duke përfshirë procedurat e prokurimit dhe përzgjedhjen e familjeve përfituese.

Kurti ka vlerësuar ndërkohë punën e Policisë së Kosovës dhe Agjencisë së Kosovës për Inteligjencë (AKI), pas sekuestrimit të një sasie të madhe armësh dhe municioni në veri të vendit.

I pyetur nga Indeksonline gjatë konferencës për media, ai tha se në Kosovë kanë ndodhur në periudha të ndryshme procese për çarmatimin dhe grumbullimin e armëve ilegale, por se veriu i Kosovës paraqet një situatë të veçantë.

“Ne në Republikën tonë kemi pasur çarmatosje, grumbullim të armëve anembanë Kosovës, por jo në veriun e Kosovës. Në këto tri vitet e fundit kemi aksione të shumta policore, të cilat praktikisht po marrin armë në duart e atyre që janë ose kriminelë, ose potencialisht kriminelë”, deklaroi Kurti.

Ai paralajmëroi se armatimi ilegal me tyta të gjata paraqet kërcënim serioz për sigurinë publike.

“Armatimi ilegal me tyta të gjata nuk është për hajr, por veç për sherr”, u shpreh kryeministri.

Operacionin e fundit në veri Kurti e cilësoi si një arritje të rëndësishme të institucioneve të sigurisë. Kontrollet janë kryer nga Policia e Kosovës në bashkëpunim me AKI-në, Prokurorinë dhe institucionet e tjera.

Sipas Policisë së Kosovës, nga 6 deri më 17 gusht, në zonën e Zubin Potokut janë kontrolluar 45 lokacione. Gjatë këtyre operacioneve janë konfiskuar 72 armë, mijëra copë municion, granata, pjesë armësh, pajisje dhe uniforma ushtarake.

“Është punë e jashtëzakonshme e Policisë dhe AKI-së”, tha Kurti, duke lavdëruar angazhimin e institucioneve në zbulimin dhe sekuestrimin e armëve ilegale në veri.

Rëndësia e operacioneve është shtuar edhe për faktin se arsenali u gjet në një zonë ku gjatë javëve të fundit janë zbuluar tri lokacione me mbetje mortore. Autoritetet kanë njoftuar se hetimet për lidhjet e mundshme mes armëve dhe rasteve të krimeve të luftës vazhdojnë.

Për çështjen e Urës së Ibrit, Kurti tha se institucionet e Kosovës janë në komunikim të vazhdueshëm me KFOR-in lidhur me hapjen e plotë të saj dhe kalimin tërësisht nën kontrollin e Policisë së Kosovës.

Ai bëri të ditur se pasditen e asaj dite do të takohej në Kryeministri me komandantin e KFOR-it, gjeneralin Özkan Ulutaş.

“Sa i përket itinerarit për hapjen e plotë të urës, përkatësisht marrjen në kontroll tërësisht nga ana e Policisë së Kosovës, ne jemi në komunikim të vazhdueshëm me KFOR-in. Unë sot pasdite kam edhe një takim në Kryeministri me gjeneralin e KFOR-it, përkatësisht komandantin Özkan Ulutaş”, ka deklaruar Kurti.

Sipas tij, komunikimi mes institucioneve të Kosovës dhe KFOR-it zhvillohet çdo ditë, me synimin që procesi të përfundojë në mënyrë të qetë dhe pa incidente.

“Pra, jemi në komunikim të përditshëm, qoftë Kryeministria, qoftë Ministria e Punëve të Brendshme, në mënyrë që gjithçka të shkojë në mënyrë të qetë dhe paqësore”, tha ai.

Kurti e ka konsideruar të pakuptimtë vazhdimin e mbylljes së Urës së Ibrit për qarkullim, veçanërisht pas ndërtimit të urave të reja në atë pjesë.

“Duhet të përkujtojmë që, pas ndërtimit të urave të reja, është bërë absurde që ajo urë të mbahet e mbyllur. Fakti që qytetarët kanë qarkulluar lirshëm përmes këtyre urave të reja dhe nuk ka pasur asnjë incident apo tension, tregon se qarkullimi i njerëzve dhe i mallrave, liria gjithnjë e më e madhe e lëvizjes, është e dobishme jo vetëm për ekonominë, por edhe për paqen dhe sigurinë”, ka deklaruar Kurti.

The post Kurti: 37 milionë euro për banim social, kërkon hapjen e Urës së Ibrit dhe vlerëson aksionin në veri appeared first on Albeu.com.

Kryeministri në detyrë, Albin Kurti, bëri të ditur sot se është prezantuar projekti për banim social adekuat në Kosovë, i cili mbështetet me një fond prej 37 milionë eurosh dhe synon përmirësimin e kushteve të jetesës së familjeve në nevojë.

Gjatë konferencës së përbashkët me ministren e Mjedisit dhe Planifikimit Hapësinor, Fitore Pacolli Dalipi, si dhe ministrin për Punë, Familje dhe Vlerat e Luftës Çlirimtare, zotërinë Andin Hoti, Kurti e cilësoi këtë nismë si një hap të rëndësishëm për dinjitetin, barazinë dhe sigurinë sociale të familjeve.

Ai nënvizoi se strehimi duhet të jetë pjesë e politikave sociale shtetërore, duke deklaruar: “Një familje e cila nuk mund të ndihet e sigurt, atëherë duhet patjetër të bëhemi si shtet strehë për të. Një familje që nuk mund të ketë mundësi të barabarta, atëherë duhet që ne të sigurojmë patjetër kushte të përshtatshme banimi”.

Sipas kryeministrit në detyrë, gjatë mandatit qeveria ka zbatuar masa të ndryshme në ndihmë të familjeve, me vëmendje të veçantë ndaj atyre me fëmijë dhe familjeve që kanë vështirësi ekonomike.

“Mbështetja për një familje nuk është vetëm një pagesë mujore, mbështetja është edhe mundësia që ajo familje të ketë strehim të përshtatshëm, të sigurt e dinjitoz”, u shpreh Kurti.

Projekti, siç tha ai, është ndërtuar përmes bashkëpunimit mes institucioneve qendrore, komunave dhe partnerëve ndërkombëtarë.

Financimi përfshin 25 milionë euro të siguruara nga një marrëveshje kredie me Bankën për Zhvillim të Këshillit të Evropës dhe 12 milionë euro të ndara nga buxheti i Kosovës.

“Pra kemi siguruar një fond të përgjithshëm prej 37 milionë euro. Ky është gjithsesi një investim i madh”, deklaroi Kurti.

Në kuadër të projektit janë përfshirë 21 komuna, ndërsa nga ndërhyrjet e planifikuara pritet të përfitojnë qindra familje.

“Sot kemi ardhur në një pikë ku ky angazhim po kalon nga planifikimi dhe përgatitja në fazën konkrete të zbatimit”, tha kryeministri në detyrë.

Kurti bëri të ditur gjithashtu se komunat do të kenë përgjegjësi të rëndësishme në realizimin e projektit, përfshirë zhvillimin e procedurave të prokurimit dhe përcaktimin e familjeve përfituese.

The post Kurti: 37 milionë euro për banim social në 21 komuna të Kosovës appeared first on Albeu.com.

Përmes një mesazhi publik, artisti shprehet se hip-hopi me mesazhe sociale po kalon një periudhë të vështirë dhe se krijuesit e pavarur kanë gjithnjë e më pak mbështetje, qoftë nga organizatorët, mediat apo institucionet shtetërore.

Sipas tij, kjo e ka bërë të domosdoshme kërkimin e ndihmës direkt nga publiku.

G-Bani thekson se, pas afro tri dekadash në skenën muzikore, dëshiron të vazhdojë të trajtojë tema që, sipas tij, shpesh mbeten jashtë vëmendjes, duke sjellë histori dhe këndvështrime të ndryshme përmes muzikës.

“Assasin” do të jetë projekti i tretë me frymë protestuese në vazhdën e këngëve “In Extrems” dhe “Diktatori”.

Reperi bën të ditur se frymëzimi për këtë krijim lidhet edhe me zhvillimet politike dhe sociale në Shqipëri, duke përmendur protestën e mbajtur më 26 korrik 2026 pranë Kuvendit Popullor.

Përmes fushatës së hapur, artisti synon të mbledhë 2,000 funte, të cilat do të shërbejnë për mbulimin e kostove të produksionit, përfshirë orkestrimin, regjistrimin, miksimin, masterizimin dhe realizimin e videoklipit zyrtar

The post Reperi G-Bani hap GoFundMe për projektin e tij më të ri muzikor appeared first on Albeu.com.

Së fundmi, emri i saj u rikthye fuqishëm në qarkullim pas intervistës virale me ish-partnerin MC Kresha. Përballja mes tyre u komentua gjerësisht, sidomos për qasjen e matur dhe profesionalizmin që treguan të dy.

Megjithatë, duket se pas kësaj qetësie publike fshihet një situatë më e tensionuar. Rozana ka zgjedhur të reagojë në mënyrë indirekte përmes një postimi në Instastory, duke ndarë një mesazh që u interpretua menjëherë nga ndjekësit.

Ajo la të kuptohet se heshtja e saj nuk është dobësi, por një fazë reflektimi para reagimit:

“Jam shumë e qetë… aq qetë sa disa po e ngatërrojnë heshtjen me pafuqinë. Mos u shqetësoni, kur të vijë momenti për të folur nuk do flas, do veproj. Vetëm rrini në pritje.”

Ky qëndrim ka shtuar më tej misterin rreth situatës, pasi artistja nuk ka dhënë asnjë detaj konkret apo emra të përfshirë. Megjithatë, toni i mesazhit sugjeron se ajo është gati për një reagim më të fortë në momentin e duhur te sajin.

The post Rozana Radi thyen heshtjen me një mesazh të fortë: Nuk do flas, do veproj appeared first on Albeu.com.

FSHF e zhvillon këtë nismë për të tretin vit radhazi, si pjesë e përpjekjeve për të lehtësuar kostot e familjeve dhe për të krijuar kushte të barabarta për çdo fëmijë që është pjesë e garave zyrtare në mbarë vendin.

Gjatë këtij sezoni do të shpërndahen mbi 20,000 sete sportive për 204 klube dhe akademi në të gjithë Shqipërinë.

Çdo set përfshin 2 uniforma loje (bluzë, pantallona, geta), 1 kostum sportiv (xhaketë dhe tuta) dhe 1 çantë sportive.

Aktualisht, shpërndarja po zhvillohet për ekipet e Kategorisë Superiore dhe Kategorisë së Parë, ndërsa në vijim do të përfshihen edhe qendrat rajonale dhe kampionatet amatore.

The post Projekti i radhës i FSHF-së, uniforma falas për të gjithë fëmijët që luajnë futboll appeared first on Albeu.com.

“Çfarë titulli duhet të ketë podcasti im dhe çfarë do donit të shihni në të?”

Ky postim ka bërë shumë fansa të mendojnë se aktorja është në prag të nisjes së një podcasti personal, ku pritet të trajtojë tema që lidhen me artin, jetën publike, marrëdhëniet njerëzore, apo edhe me eksperiencën e saj të gjatë në skenë e televizion.

Përzgjedhja e këngës së 2Pac që shoqëronte postimin “Fin Wit The Wrong Nigga*”- shton një notë ironike e rebelimi, tipike për personalitetin e saj të fortë.

Fansat kanë nisur tashmë të sugjerojnë tituj për podcastin dhe ide për temat që do të donin të dëgjonin, ndërsa shumë prej tyre e kanë përgëzuar për nisjen e një rrugëtimi të ri që premton të jetë po aq i guximshëm sa vetë Egla.

Se ku do shfaqet e se sa episode do kete, na mbetet te presim!

The post Egla Ceno gati për një projekt të ri, ja çfarë paralajmëron aktorja appeared first on Albeu.com.

Kënga e re, e cila pritet të publikohet së shpejti, ka zgjuar menjëherë interesin e ndjekësve.

Egli ndau në Instagram disa momente ekskluzive nga xhirimet e videoklipit dhe publikoi një pjesë të këngës, duke lënë të kuptohet se ky projekt do të jetë ndryshe nga ato që ka realizuar më parë.

Detaje të tjera rreth datës së publikimit dhe titullit të këngës pritet të zbulohen së shpejti.

The post FOTO/ Egli Tako paralajmëron projektin e ri muzikor, ja me kë do bashkëpunojë appeared first on Albeu.com.

Ajo po përflitet vazhdimisht për raportin me Gjestin, e ndër tjerash edhe për karrierën profesionale.

E njëjta duket se ka nisur punën për projekte të reja dhe për këtë arsye ka qenë për disa ditë në Prishtinë.

Në një postim të ri të shpërndarë në InstaStory, bukuroshja paralajmëron diçka për publikun.

Megjithatë, nuk ka dhënë detaje shtesë se për çfarë konkretisht bëhet fjalë.

“Ku, çka, pse? Sonte…”, ka shkruar ajo.

Mbetet për t’u parë nëse në këtë ditë do të lansohet ndonjë projekt i ri nga Tako.

The post Egli Tako paralajmëron ndjekësit në një nga fotografitë e fundit: Ku, çka, pse? appeared first on Albeu.com.

Kështu ka bërë të ditur ajo përmes një postimi në Instagram, ku ka treguar se diçka po vjen së shpejti.

Enca ka pozuar në një fotografi me një fustan të kuq por nuk ka dhënë më shumë detaje për projektin e mundshëm.

The post Enca paralajmëron për një projekt të ardhshëm, por nuk jep detaje appeared first on Albeu.com.

Ato kanë zbuluar se do të publikojnë këngën e tyre të re, me titullin emocionues “Dashni e fundit”, më 5 prill. Ky bashkëpunim i shumëpritur pritet të sjellë një harmoni magjike mes stileve të tyre unike, duke krijuar një melodi që do të prekë zemrat e dëgjuesve.

Ronela Hajati, në një postim të përbashkët, e ka përshkruar këtë këngë si një moment të veçantë në rrugëtimin e saj artistik:

“Një kapitull i ri në jetën time dhe në muzikë. Shumë projekte këtë vit, dhe ky është i pari. Fatkeqësisht, kur e kemi zemrën e thyer shumë, krijohen këngët më të bukura! E di që do ta pëlqeni”.

Fansat mezi presin këtë projekt, i cili pa dyshim do të jetë një përzierje e ndjenjës, pasionit dhe ritmeve që i karakterizojnë këngëtaret. “Dashni e fundit” vjen si një dhuratë për të gjithë ata që ndiejnë muzikën me shpirt.

The post Ronela Hajati dhe Eli Malaj bashkojnë forcat për një super projekt muzikor appeared first on Albeu.com.