Lëvizja Vetëvendosje ka shprehur keqardhje për vendimin e profesorit Bekim Sejdiu për t’u tërhequr nga kandidatura për president të Republikës së Kosovës. Sipas VV-së, Sejdiu ishte kandidati i përbashkët i dalë nga marrëveshja politike mes saj dhe Lidhjes Demokratike të Kosovës.

Përmes një reagimi në Facebook, VV-ja ka fajësuar një pjesë të deputetëve të LDK-së, si dhe PDK-në e Aleancën, për pamundësimin e procesit të zgjedhjes së presidentit. Sipas saj, pas disa muajsh dialog dhe kompromisesh, marrëveshja u arrit dhe kandidatura u përcaktua, por në momentin kur ajo duhej të votohej në Kuvend, procesi u bllokua.

Partia ka vlerësuar se qëndrimi kundër i disa deputetëve të LDK-së ndaj kandidaturës së miratuar edhe nga subjekti i tyre, si dhe vendimi i PDK-së dhe Aleancës për të mos marrë pjesë në proces, krijuan rrethanat që e bënë të pamundur zgjedhjen e presidentit në Kuvend.

VV-ja ka theksuar se mospjesëmarrja në votim, kur përdoret për ta penguar zhvillimin e procesit, nuk përbën thjesht një qëndrim politik ndaj një kandidati, por bllokim të vetë procedurës kushtetuese dhe rrezik për përsëritjen e zgjedhjeve.

Sipas reagimit, marrëveshja politike kishte krijuar mundësinë që Kosova të shmangte një periudhë të re pasigurie institucionale dhe që çështja e presidentit të përmbyllej në Kuvend. Megjithatë, pas arritjes së saj, ajo u kundërshtua dhe u pengua.

Lëvizja Vetëvendosje ka deklaruar se i qëndroi marrëveshjes dhe kandidatit të përbashkët deri në fund. Ajo ka falënderuar Bekim Sejdiun për gatishmërinë për t’i shërbyer Republikës dhe për dinjitetin e treguar përgjatë këtij procesi.

“Për muaj me radhë u kërkua dialog, kompromis dhe marrëveshje. Dialogu u zhvillua, kompromisi u arrit, marrëveshja u përfundua dhe kandidati i përbashkët u gjet. Kur erdhi momenti që Kuvendi ta votonte marrëveshjen, nisi pengimi i saj”, thuhet në reagimin e VV-së.

Partia ka shtuar se Kosova e kishte marrëveshjen dhe kandidatin e përbashkët, si dhe mundësinë që presidenti të zgjidhej në Kuvend, por procesi u bllokua sërish. Në këto rrethana, Bekim Sejdiu vendosi të tërhiqej nga gara.

The post VV-ja reagon për tërheqjen e Bekim Sejdiut: Marrëveshja u arrit, por procesi u pengua appeared first on Albeu.com.

Avni Islami, profesor i shkencave të sigurisë, ka paralajmëruar për kërcënimet që lidhen me spiunazhin dhe sigurinë kombëtare, duke kërkuar që institucionet e Kosovës të mos tolerojnë asnjë element që dëmton interesat shtetërore.

Përmes një postimi, Islami i është referuar rastit të Vladan Kostiqit, për të cilin ka deklaruar se e shfaq publikisht admirimin ndaj kriminelëve të luftës. Ai gjithashtu ka ngritur alarmin për ato që i cilëson si përpjekje për ta kthyer OSBE-në në “një fole të agjentëve rusë dhe serbë”.

Në vlerësimin e tij, ekzistojnë tentativa që misionet ndërkombëtare të shërbejnë si mburojë për realizimin e agjendave destabilizuese.

Islami ka përgëzuar angazhimin e Agjencisë së Kosovës për Inteligjencë, Policisë së Kosovës dhe Prokurorisë Speciale në përballjen me spiunazhin.

“Dy vitet e fundit kanë dëshmuar se suksesi i përbashkët i AKI-së, Policisë dhe Prokurorisë Speciale nuk është i rastësishëm, por rezultat i një strategjie të hekurt për pastrimin e vendit nga elementët subversivë”, ka shkruar ai.

Sipas profesorit të shkencave të sigurisë, territori i Kosovës nuk duhet të përdoret si strehë nga spiunazhi armiqësor dhe as nga personat që, siç thotë ai, punojnë në kundërshtim me interesat e shtetit.

Duke deklaruar se “Koha e pandëshkueshmërisë ka mbaruar”, Islami ka kërkuar që të identifikohet dhe të dalë para drejtësisë secili informator, agjent ose bashkëpunëtor i shërbimeve të huaja sekrete.

“Çdo informator, agjent apo bashkëpunëtor i tyre do të zbulohet, do të arrestohet dhe do të marrë dënimin e merituar”, ka shkruar Islami.

The post Avni Islami paralajmëron për rrezikun e spiunazhit: Kosova të mos kthehet në bazë të agjentëve të huaj appeared first on Albeu.com.

Biseda mes kryetarit të Lëvizjes Vetëvendosje, Albin Kurti, dhe kreut të LDK-së, Lumir Abdixhiku, për kriteret dhe profilin e presidentit të ardhshëm të Kosovës ka rikthyer diskutimet mbi mundësinë e një dakordësie politike mes dy partive.

Ky zhvillim vjen në një periudhë kur vendi ndodhet në ngërç institucional. Fakti që dy liderët kanë shqyrtuar edhe mundësinë e diskutimit për emra konkretë në takimet e ardhshme shihet si një sinjal se mund të krijohet hapësirë për kompromis.

Megjithatë, mbetet e paqartë nëse bëhet fjalë vetëm për një procedurë konsultimi apo nëse LVV-ja dhe LDK-ja po përpiqen të ndërtojnë një marrëveshje konkrete.

Për këto zhvillime, “Bota sot” ka marrë një vlerësim nga profesori Nijazi Halili.

Halili e konsideron takimin Kurti–Abdixhiku të rëndësishëm në aspektin politik, veçanërisht për shkak të situatës institucionale në të cilën gjendet Kosova.

Sipas tij, kalimi i diskutimit nga parimet e përgjithshme te kriteret dhe profili i presidentit të ardhshëm, si dhe paralajmërimi për shqyrtimin e emrave konkretë, dëshmojnë se komunikimi mes palëve ka tejkaluar nivelin formal.

Profesori tha se takimi duhet parë si një zhvillim me peshë politike dhe jo si një kontakt i zakonshëm procedural. Ai vlerësoi se diskutimi për kriteret dhe profilin e presidentit, së bashku me mundësinë e shqyrtimit të emrave në takimet e ardhshme, tregon se dialogu mes dy subjekteve ka hyrë në një fazë më konkrete.

Megjithatë, ai theksoi se është ende herët të flitet për një marrëveshje politike të përmbyllur mes LVV-së dhe LDK-së.

Sipas Halilit, momenti vendimtar do të jetë përballja me çështjen e kandidatit konkret dhe sigurimi i votave të nevojshme në Kuvend.

Ai nënvizoi se takimi përbën një sinjal pozitiv dhe një hap në drejtim të kompromisit, por nuk mund të konsiderohet ende si një marrëveshje e konsoliduar. Marrëveshja e vërtetë, sipas tij, do të provohet vetëm kur palët të dakordohen për një emër dhe të sigurojnë mbështetjen parlamentare.

Halili beson se një kandidat konsensual është i mundshëm, por realizimi i tij varet nga gatishmëria e të dyja partive për ta vendosur interesin institucional mbi atë partiak.

Si element që mund të ndihmojë në arritjen e kompromisit, profesori përmendi edhe qëndrimin e LDK-së se presidenti nuk duhet të jetë një figurë e lidhur thjesht me një parti, por një person me respekt më të gjerë dhe me aftësi për të përfaqësuar unitetin politik.

Ai u shpreh se deklarimet publike të Lumir Abdixhikut, sipas të cilave LDK-ja nuk kërkon një president partiak, por një figurë të respektuar që përfaqëson unitetin politik, mund të shërbejnë si bazë për një marrëveshje.

Por çfarë cilësish duhet të ketë presidenti i ardhshëm i Kosovës?

Sipas profesorit, kandidati duhet të ketë integritet, autoritet publik, orientim të qartë euroatlantik dhe respekt për Kushtetutën. Mbi të gjitha, ai duhet të jetë në gjendje të përfaqësojë unitetin e qytetarëve dhe jo interesat e vetëm një subjekti politik.

Halili shtoi se debati nuk duhet të përqendrohet vetëm te partia që do ta propozojë presidentin, por te kandidati që mund të fitojë besim më të gjerë institucional dhe shoqëror.

Në këtë kuadër, një marrëveshje e mundshme mes LVV-së dhe LDK-së mund të ndihmojë në kapërcimin e ngërçit institucional, nëse partitë arrijnë të pajtohen për një kandidat dhe të sigurojnë votat e nevojshme në Kuvend.

Ndërsa nëse bisedimet nuk shkojnë përtej përcaktimit të kritereve dhe nuk prodhojnë një dakordësi për emër konkret, atëherë ato mund të mbeten vetëm deklarative dhe pa rezultat praktik.

Profesori vlerësoi se zhvillimet e tanishme krijojnë një mundësi të rëndësishme për kompromis politik, por rezultati përfundimtar do të varet nga gatishmëria e Albin Kurtit dhe Lumir Abdixhikut për të ndërmarrë hapin vendimtar.

Halili përfundoi se Kosova ka nevojë për funksionim normal institucional dhe nuk mund ta zgjasë më tej krizën politike. Nëse palët bëjnë kompromisin përfundimtar, situata mund të shërbejë si pikënisje për tejkalimin e ngërçit; në të kundërt, rrezikon të mbetet një tjetër përpjekje politike e pasuksesshme.

The post Takimi Kurti–Abdixhiku, hap drejt kompromisit për presidentin e Kosovës? Ja skenari i profesorit appeared first on Albeu.com.

Aty shihen edhe disa policë, ndërkohë, anëtarët e këshillit kanë pyetur organizatorët e protestës nëse mendojnë se shkarkimi i profesorit Xhevat Krasniqi, mund të shkarkohet në këtë mënyrë.

Profesori i UP-së po akuzohet nga 27 studentë për ngacmim seksual.

Lëvizja Feministe Studentore për të disaten ditë me radhë po proteston para rektoratit të UP-së, e kësaj radhe në sallën e Administratës Qendrore të UP-së, ku edhe nuk lejuan daljen e profesorit nga salla.

Xhevat Krasniqi pasi ka përfunduar deklarimin e tij, anëtarët e Këshillit të Etikës e kanë pyetur atë rreth vlerësimit që ka bërë në lëndën e tij dhe për disa prej deklaratave të studenteve që kanë raportuar ngacmimin.

The post ​Protesta e studentëve vazhdon në sallën ndaj profesorit Krasniqi, aty hyn edhe policia appeared first on Albeu.com.

Ai lindi më 1 gusht 1948 në Lunxhëri të Gjirokatrës. Me mbarimin e shkollës se mesme në qytetin e Gjirokastrës, Berxholi ndoqi studimet e larta për Mjekësine Veterinare në Institutin e Lartë Bujqësor.

Pas përfundimit të studimeve në vitin 1973, punoi si veteriner dhe më pas si përgjegjës i shërbimit veterinar në Tepelenë. Në vitin 1979, u emërua kërkues në Departamentin e Virologjisë në Institutin e Studimeve Veterinare në Tiranë, Institut që më vonë e drejtoi në vitet 1997 deri 2002.

Nga viti 2002, punoi si pedagog në Fakultetin e Mjekësisë Veterinare dhe nga viti 2004, ishte drejtues i Departamentit të Lëndëve Paraklinike të këtij fakulteti.

Pas kualifikimit universitar, ai u pajis me disa grada dhe tituj shkencorë si “Doktor Shkencash”, dhe “Profesor”. Profesor Berxholi është autor i shumë botimeve shkencore për sëmundjet virologjike, imunologjike dhe zoonozat. Ai ka qenë një bashkëpunëtor i ngushtë i medias për çështjet e sigurisë ushqimore dhe shëndetit publik.

The post Ndahet nga jeta profesori i njohur, Kristaq Berxholi appeared first on Albeu.com.

Ai ka thënë se duhet të marrin pjesë në një “vetëvrasje masive” duke hequr zorrët për të ndihmuar vendin të përballet me popullsinë e tij që po plaket me shpejtësi.

Yusuke Narita, 37 vjeç, një asistent profesor i ekonomisë në shkollën e Ivy League, ka fituar qindra mijëra ndjekës në mediat sociale teksa promovoi zgjidhjen e diskutueshme në intervista dhe botime të shumta, por ai është gjithashtu i zemëruar, raportoi Neë York Times.

“Ndjehem sikur zgjidhja e vetme është mjaft e qartë,” tha Narita gjatë një edicioni lajmesh në fund të 2021.

“Në fund të fundit, a nuk është vetëvrasje masive masive e të moshuarve?”, shtoi ai, duke iu referuar praktikës së heqjes së zorrëve të përdorura nga Samurai në fund të shekullit të 19-të.

The post Shokon profesori japonez: Të moshuarit duhet të vetëvriten masivisht appeared first on Albeu.com.

Medait greke raportojnë se profesori i ka paraqitur dorëheqjen drejtorit të shkollës, të shoqëruar me një letër, ku shpjegon gjerë e gjatë arsyet që e çuan në këtë vendim. Në letër mësuesi shkruan se nxënësit e bullizuan atë që në ditën e parë të mësimit, ndërsa thotë se një ditë për pak sa nuk u dhunua nga nxënësit.

Ai shprehet se nxënësit gjatë orës së tij të mësimit kanë bërë sjellje të paimagjinueshme. Sipas tij ata ulërinin përdornin celularët dhe përplasnin tavolinat.

“Bërtisnin, ulërinin në orë të mësimit. Vinin në shkollë me makina dhe parkonin te oborri shkollës. Pinin duhan dhe lëndë narkotike, ndërkohë unë jepja mësim. Nuk më respektuan as edhe një sekondë. Përplasnin bankat dhe dyert”, shkruan ai.

The post Profesori jep dorëheqjen, tregon makthin që kaloi në shkollë: Nxënësit ishin gati të më rrihnin appeared first on Albeu.com.

Postimi i tij i ka prekur të gjithë fansat e serialit, por nga ana tjetër ka ngritur shumë pikëpyetje.

The post Çfarë ndodhi papritur, “Profesori” i jep lamtumirën “La Casa De Papel” (VIDEO) appeared first on Albeu.com.

I pyetur nga Rudina Magjistari në studio, ai u shpreh se Ledinën e  kishte në lagje.

Osman Mula: Ledina ishte një vajzë që e kishte shtëpinë jo më larg se 50 metra larg meje. E shikoja vazhdimisht me biçikletë, i kishte hije, një fizik shumë i bukur.

Zakonisht në biçikletë njeriu sheh fizikun, këmbën, flokët dhe një palë gjyslyke. Kur shkoj takoj Ninën dhe e shoh me të. Ajo ishte nxënësja e Ninës në Lice, Ninën e kam timen, nusen e xhaxhait, i them si është si këngëtare, më tha shumë e mirë, studion për soprano dhe është një vajzë shpërthyese, mund të dalë dhe një soprano liriko-dramatike.

E dëgjoj në një studio të incizimit tek Institiuti i Arteve ku unë kisha shkuar për të tjera punë dhe kisha radhën për incizim.

Kur futem aty shoh atë vajzën duke kënduar, mu kujtua ajo këmba, gjyslyku, dhe floku, e prita i thashë goce sivjet në festival do këndosh këngën time.

Dhe në festivalin e Dhjetorit për herë të parë ajo ka kënduar me mua. Është kënga më e duartrokitur në festival.

The post “E shikoja vazhdimisht, fizik shumë i bukur”, regjisori tregon si e bëri të famshme Ledina Çelon appeared first on Albeu.com.