Gjetjet kanë treguar se Shqipëria ka nivelin më të ulët të kontrollit të cilësisë së qumështit në rajon.

Në Shqipëri, vetëm 5.5% (200) e fermerëve të anketuar pohuan se kanë përdorur shërbimet e testimit të qumështit gjatë vitit 2020, ndërsa në Bosnjë dhe Hercegovinë, 16.7%.

Të dhëna për Serbinë dhe Malin e Zi, që i takojnë vitit 2021, tregojnë se 19.9% e fermerëve serbë dhe 42.1% e fermerëve malazezë bënë testimin e qumështit në vitin 2021.

Studimi evidenton se cilësia e qumështit cenohet, pasi fermerët përziejnë mjeljet e mëngjesit dhe pasdites dhe kjo është e dëmshme, sidomos kur qumështi nuk është ruajtur në mënyrë të papërshtatshme.

Më shumë se 40% të fermave të të imtave në Serbi dhe në Malin e Zi, përziejnë qumështin e mëngjesit dhe të pasdites, ndërsa edhe 25% e fermerëve në Bosnjë dhe Shqipëri e bëjnë këtë përzierje.

Pothuajse në të gjithë rajonin, shumica e të imtave milen me dorë. Kjo mënyrë siguron kushte higjienike të kufizuara dhe komprometon standardet e sigurisë së qumështit.

Gjithashtu, prania e ujit në zonën e mjeljes është një element i rëndësishëm për të siguruar minimumin e kushteve higjienike, por 75% e fermerëve të të imtave pohojnë se jo gjithmonë kanë ujë të pijshmën në vendet e mjeljes.

Fermat e të imtave në përgjithësi nuk zbatojnë praktika të menaxhimit të fermës, të tilla si pasja e një regjistri të kafshëve, identifikimi dhe regjistrimi i kafshëve, mbajtja e shënimeve, kostot dhe të ardhurat, dhe nuk përdorin shërbimeve këshillimore.

Nëse zbatohen këto praktika, fermat e të imtave me shumë gjasë mund të rrisin performancën e tyre në mënyrë që të blejnë mjelëse elektrike.

Disa fermerë thanë se mungesa e aksesit në energji elektrike në stallat, apo stane e bën të pamundur përdorimin e makinave mjelëse. Të tjerët thanë se nuk kishin mundësi të blinin një të tillë.

Fermerët e vegjël shqiptarë të të imtave fokusohen kryesisht në prodhimin e qumështit, ndërsa homologët e tyre në Serbi, Mal të Zi dhe Bosnjë dhe Hercegovinë priren drejt prodhimit të mishit.

Sektori i deleve dhe dhive përballet me disa sfida, duke përfshirë mungesën e fuqisë punëtore, çmimet e ulëta dhe fonde të pamjaftueshme për investime.

Për sa u përket preferencave të politikave, fermerët e deleve dhe dhive vlerësojnë masat mbështetëse të drejtpërdrejta, të tilla si pagesat për kokë për mjeljen e ripërtypësve të vegjël.

The post Siguria ushqimore/ Vetëm 5% e qumështit që prodhohet në vend testohet appeared first on Albeu.com.

Sakaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme

Vlorë/Vijon megaoperacioni policor i koduar “Tempulli 2”.

Vihet në pranga një 30-vjeçar i shpallur në kërkim në kuadër të këtij megaoperacioni.

Si rezultat i veprimeve operacionale të kryera intensivisht nga specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme Operacionale, të DVP Vlorë, në vijim të megaoperacionit “Tempulli 2”, si dhe me mbështetjen e informacioneve nga inteligjenca policore, u bënë të mundur lokalizimi në lagjen “Hajro Çakërri”, kapja dhe vënia në pranga e shtetasit të shpallur në kërkim 30 vjeç, banues në Vlorë.

Gjykata e Shkallës së Parë e Juridiksionit të Përgjithshëm Vlorë i ka caktuar 30-vjeçarit, masën e sigurisë “Arrest në burg”, për veprën penale “Prodhimi dhe shitja e narkotikëve”.

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

The post Në kërkim për prodhim lëndësh narkotike, vihet në pranga 30-vjeçari në Vlorë appeared first on Albeu.com.

Shikuar sipas sektorëve, prodhimi industrial në sektorin Miniera dhe gurorë gjatë muajit janar të vitit 2024, krahasuar me të njëjtin muaj të vitit paraprak, shënon rënie për 14.2 për qind, në sektorin Industri përpunuese shënon rritje për 8.1 për qind, ndërsa në sektorin Furnizim me energji elektrike, gaz, avull dhe ajër të kondicionuar shënon rënie për 21.7 për qind.

Rritja në sektorin Industria përpunuese është si rezultat i, para së gjithash, rritjes së prodhimit të reparteve vijuese: Prodhimi i produkteve ushqimore, Prodhimi i pijeve, Prodhimit të tekstilit, Prodhimit të kemikaleve dhe prodhimeve kimike, Prodhimeve të produkteve themelore dhe preparateve farmaceutike, Prodhimi i produkteve nga goma dhe prodhimi i masave plastike, Prodhimi i metaleve, Prodhimi i prokukteve të fabrikuara të metaleve, përveç makinerisë dhe pajisjeve, Prodhimi i pajisjeve elektrike dhe Prodhimi i automjeteve, rimorkiove dhe gjysmën rikomrkiove.

Sipas grupeve kryesore industriale, prodhimi në muajin janar të vitit 2024, krahasuar me muajin e njëjtë të vitit paraprak, shënon rritje tek Energjia për 19.7 për qind dhe Prodhimeve kapitale për 41.2 për qind, ndërkaq rënie kemi tek Prodhimet intermediare, përveç energjisë për 13.0 për qind, Prodhimet të qëndrueshme për konsum të gjerë për 26.7 për qind, dhe te Prodhimet jo të qëndrueshme për konsum të gjerë për 6.8 për qind.

The post Rritet për 2.8 për qind prodhimi industrial në Maqedoni për muajin janar appeared first on Albeu.com.

Sipas shefit të kompanisë, Jim Farley, kjo po bëhet për të përmbushur kërkesat e jashtëzakonshme.

Kjo është hera e parë që prodhuesi i automjeteve ka ofruar një perspektivë specifike për Mustang Mach E.

Ford tha në nëntor se do të rriste kapacitetin e tij të prodhimit të automjeteve elektrike në 600,000 njësi globalisht deri në vitin 2023.

Nëse Ford arrin shifrën e prodhimit në 600,000, do të dyfishonte numrin që pritej të prodhonte gjatë dy viteve të ardhshme.

“Është e vështirë të prodhosh Mustang Mach E mjaft shpejt për të përmbushur kërkesën e jashtëzakonshme, por ne jemi të sigurt që do ta provojmë. Pra, duke filluar nga viti 2022, ne po rrisim prodhimin dhe presim të arrijmë 200,000+ njësi në vit për Amerikën e Veriut dhe Evropën deri në vitin 2023. Kjo është sa 3 herë prodhimi ynë i vitit 2021”, ka shkruar Farley në Twitter.

Mustang Mach E pritet të jetë veturë plotësisht elektrike, dhe kompania beson se do të pritet shumë mirë.

The post Ford do të trefishojë prodhimin e Mustang Mach E elektrik appeared first on Albeu.com.

Në periudhën para Krishtlindjeve, prodhimi i iPhone zakonisht është në ritëm të plotë dhe gjatë gjithë kohës. Sidoqoftë, këtë vit Apple po përballet me probleme serioze të prodhimit, kështu që shumë punonjës janë dërguar me pushime.

Për herë të parë në 10 vjet, prodhimi i iPhone dhe iPad thuhet se është ndërprerë plotësisht për disa ditë. Ndër të tjera, problemet në zinxhirin e furnizimit janë përgjegjëse për ndalimin e përkohshëm të prodhimit, sipas një raporti të detajuar nga Nikkei Asia.

Për shkak të mungesës së disponueshmërisë së komponentëve, nuk do të kishte kuptim të lihej prodhimi të vazhdonte, një menaxher i zinxhirit të furnizimit citohet në raport: “Kjo nuk ka ndodhur kurrë më parë”. Kjo periudhë e vitit ka qenë gjithmonë java më e ngarkuar në të kaluarën, thotë menaxheri.

Jo vetëm mungesa e çipave

Sipas Nikkei, vështirësitë në furnizim nuk ndikojnë në komponentët e shtrenjtë si çipi A15 Bionic i Apple ose ekrani OLED. Përkundrazi, pjesët më të lira si çipat e menaxhimit të energjisë nga Texas Instruments ose komponentët nga Broadcom dhe Nexperia janë prekur nga problemet e furnizimit.

Përveç mungesës së çipave, kufizimet e rrepta të coronavirusit në Vietnam dhe Malajzi po dëshpërojnë gjithashtu kapacitetet e prodhimit të iPhone. Për më tepër, kufizimet në furnizimin me energji elektrike në Kinë janë përgjegjëse për pengesat e shpërndarjes, raporton Nikkei.

Probleme me furnizimin që nga shtatori

Që nga lansimi i serisë iPhone 13, Apple ka pasur probleme me shpërndarjen dhe furnizimin për shkak të mungesës globale të çipave. Në shtator dhe tetor, Apple rishikoi objektivin e saj të prodhimit në rënie. Gjatë kësaj kohe, u prodhuan 20 për qind më pak modele iPhone 13 se sa ishin synuar.

Apple u përpoq të kufizonte dëmin dhe në këtë kohë prodhimi i iPad-it u ul në komponentët e liruar për t’u përdorur për prodhimin e iPhone. Kjo është edhe arsyeja pse prodhimi i iPad është 50 për qind nën vlerat e synuara.

Situata nuk u përmirësua as në nëntor dhe Apple kishte për të ulur në mënyrë drastike objektivin e saj vjetor për prodhimin e iPhone. Grupi i teknologjisë nga Cupertino në fakt dëshironte të prodhonte rreth 95 milionë njësi në vitin 2021, tani duhet të jetë rreth 80 milionë iPhone.

The post Apple ndalon prodhimin e iPhone për herë të parë në 10 vjet appeared first on Albeu.com.

The post Toyota zhvendos prodhimin në Republikën Çeke appeared first on Albeu.com.