Prokuroria Speciale e Kosovës ka paraqitur të premten aktakuzën ndaj 35 personave, të dyshuar për kryerjen e krimeve të luftës ndaj civilëve gjatë operacionit në lagjen Jasharaj të Prekazit të Poshtëm, më 5, 6 dhe 7 mars 1998.

Në dokumentin akuzues thuhet se të pandehurit, të cilët dyshohet se ishin pjesë e strukturave drejtuese të Njësive Speciale të Policisë së Serbisë, kanë marrë pjesë në planifikimin, koordinimin dhe udhëheqjen e këtij operacioni.

Sipas Prokurorisë, gjatë sulmit janë përdorur tanke, artileri e rëndë dhe mjete të tjera ushtarake. Në mesin e viktimave kanë qenë civilë, përfshirë gra, fëmijë dhe të moshuar. Aktakuza përmend gjithashtu marrjen peng, keqtrajtimin dhe torturimin e civilëve, si dhe shkatërrimin e pronës dhe objekteve civile.

Kryeprokurori Blerim Isufaj e ka përshkruar këtë aktakuzë si një zhvillim të rëndësishëm për drejtësinë, duke nënvizuar se bëhet fjalë për rastin e parë që lidhet me vrasjen e civilëve të familjes Jashari në Prekaz.

“Rasti është trajtuar me kujdes të shtuar, me qëllim që pretendimet e ngritura të provohen para gjykatës”, deklaroi Isufaj.

Avokati Arber Jashari ka reaguar për këtë zhvillim në një prononcim për “Bota sot”, duke e konsideruar aktakuzën një ngjarje madhore për drejtësinë në Kosovë.

“Dorëzimi i aktakuzës nga ana e PS, lidhur me masakrën ne lagjen Jashari në Prekaz, është ngjarje e madhe për drejtësinë Kosovare. Kjo pasi që përgjegjësit qe e kanë shkaktuar atë masakër, tashme kanë emër e mbiemër, dhe janë botërisht të ditur. Fakti qe ata janë gjallë, jep akoma shprese se shume nga ta, potencialisht nuk do te vdesin pa e marrë damkën e fajtorit për krime lufte”, deklaroi Jashari.

Sipas tij, edhe pse të dyshuarit gjenden jashtë juridiksionit të institucioneve të Kosovës, procedura ndaj tyre mund të vijojë përmes gjykimit në mungesë.

“Natyrisht që ata tani për tani janë të paqasshëm, për organet ligjzbatuse, gjithsesi ndaj tyre do te zhvillohet gjykim në mungesë, konformë neni 303 të KPP-së, e ku nga ky gjykim mund të shpallen edhe fajtorë për krimet e kryera”, thekson avokati.

Jashari ka deklaruar se vitet e kaluara nuk e kanë dobësuar çështjen, pasi, sipas tij, provat e mbledhura dhe të përfshira në aktakuzë mjaftojnë për të mbështetur dyshimin ndaj të pandehurve.

“ Në rastin konkret, nga ajo qa kemi parë, pavarësisht se kanë kaluar vite, aktakuza e prokurorisë, është e mbështetur në prova, të cilat janë të mjaftueshme për të vërtetuar dyshimin e bazuar mirë, se të pandehurit i kanë kryer veprat penale të cilat akuzohen”, përfundon Jashari.

Hetimin e ka cilësuar kompleks dhe të vështirë prokurori i rastit, Valdet Gashi. Pas përfundimit të kësaj faze, lënda i është dërguar Gjykatës Themelore në Prishtinë, përkatësisht Departamentit Special, së bashku me kërkesën për zhvillimin e gjykimit në mungesë.

Operacioni i zhvilluar në Prekaz më 5, 6 dhe 7 mars 1998 konsiderohet ndër episodet më të rënda të luftës në Kosovë. Gjatë tij u vranë dhjetëra pjesëtarë të familjes Jashari dhe persona të tjerë. Për vite me radhë, në Kosovë nuk është zhvilluar proces gjyqësor ndaj personave të dyshuar për përgjegjësi, ndërsa aktakuza e dorëzuar të premten synon që përgjegjësia penale të shqyrtohet përmes procedurave gjyqësore.

The post Një hap i rëndësishëm për drejtësinë”, avokati Jashari komenton aktakuzën për Prekazin dhe gjykimin në mungesë appeared first on Albeu.com.

Zyra e Bashkimit Evropian në Kosovë ka ngritur shqetësimin për krizën institucionale në vend, duke paralajmëruar se zvarritja e konstituimit të Kuvendit mund të frenojë reformat dhe të vështirësojë përfitimin e fondeve evropiane.

Zëdhënësi i Zyrës së BE-së, Nikola Gaon, tha se situata po bëhet gjithnjë e më shqetësuese, pasi Kuvendi i Kosovës vazhdon të mbetet i pakonstituuar edhe pas përfundimit të afatit kushtetues më 7 gusht.

Sipas qëndrimit të Bashkimit Evropian, mosformimi në kohë i institucioneve mund të dëmtojë zbatimin e reformave të rëndësishme dhe ta kufizojë aftësinë e Kosovës për të shfrytëzuar plotësisht mundësitë e ofruara nga BE-ja.

Brukseli e lidh veçanërisht këtë ngërç me rrezikun që Kosova të mos përfitojë sa duhet nga Plani i Rritjes për Ballkanin Perëndimor.

BE-ja u ka kërkuar forcave politike të angazhohen në dialog të frytshëm dhe konstruktiv. Sipas saj, një qasje e tillë është e domosdoshme që Kosova të ecë përpara drejt objektivave të përbashkëta dhe të realizojë reformat e kërkuara nga qytetarët.

Gaon theksoi se respektimi i Kushtetutës, jurisprudencës detyruese të Gjykatës Kushtetuese, sundimit të ligjit dhe parimeve të qeverisjes së mirë e bën të domosdoshëm vijimin e procesit konstituiv pa shtyrje të tjera, ndërsa të gjithë aktorët duhet të përmbushin përgjegjësitë që u takojnë.

The post BE-ja kërkon vijimin e procesit të konstituimit të institucioneve në Kosovë pa vonesa appeared first on Albeu.com.

Procesi katërjavor i gërmimeve vlerësuese dhe zhvarrosjes së mbetjeve mortore në tri lokacione të konfirmuara si varre masive në Kalludër dhe Jabukë të Zubin Potokut ka përfunduar.

Komisioni Qeveritar për Persona të Zhdukur bëri të ditur se në lokacionin e tretë janë konstatuar mbetje mortore të gjashtë individëve. Në total, nga të tri hapësirat e shqyrtuara janë konfirmuar mbetje të 23 personave, të dyshuar si viktima të zhdukjes me forcë.

Gjatë punës në terren u kryen gërmime vlerësuese, zhvarrosje, dokumentim mjekoligjor dhe vlerësim i plotë i zonave që paraqisnin interes për hetimin.

Në operacion u angazhuan ekipet e Institutit për Mjekësi Ligjore, Sektori i Policisë për Persona të Zhdukur në kuadër të Drejtorisë për Hetimin e Krimeve të Luftës, si dhe njësi të tjera të Policisë dhe sigurisë. Pjesë e procesit ishin edhe ekipet mjekoligjore të EULEX-it pranë Institutit për Mjekësi Ligjore.

Gërmimet u zhvilluan me mbështetjen e Komisionit Qeveritar për Persona të Zhdukur dhe Qeverisë së Kosovës, në bazë të urdhrit të gjykatës kompetente. Urdhri ishte nxjerrë pas kërkesës së prokurores së rastit në Departamentin për Krime Lufte të Prokurorisë Speciale të Republikës së Kosovës.

Kushtrim Gara nga Komisioni Qeveritar për Persona të Zhdukur deklaroi se angazhimi në terren zgjati rreth katër javë, nga fundi i muajit deri më 21.08.2026, dhe se hapësirat tashmë janë evidentuar brenda lokacioneve të konfirmuara si varre masive.

Sipas Garës, procesi i vlerësimit të lokacioneve dhe zhvarrosjes së të gjitha mbetjeve mortore ka përfunduar, ndërsa materialet janë dërguar në Institutin për Mjekësi Ligjore për ekzaminime të mëtejshme ligjore dhe analiza të ADN-së.

Ai sqaroi se identifikimi përmes ADN-së mund të zgjasë më shumë, ndërsa familjarët do të njoftohen sapo institucionet të pranojnë rezultatet e analizave. Gara theksoi se çdo veprim që është në kompetencën e institucioneve të Kosovës do të trajtohet me prioritet dhe profesionalizëm dhe se informimi i familjeve do të jetë një nga hapat e menjëhershëm pas marrjes së raportit të ADN-së.

Pas mbylljes së punës në terren, procedurat do të vijojnë me ekzaminimet mjekoligjore dhe identifikimin gjenetik, me synim përcaktimin e identitetit të viktimave dhe ndërmarrjen e hapave të mëtejshëm, përfshirë njoftimin zyrtar të familjeve.

Komisioni Qeveritar për Persona të Zhdukur falënderoi ekipet dhe institucionet e përfshira, si dhe familjet e personave të zhdukur e Shoqatën e Familjeve “Zëri i Prindërve” për bashkëpunimin gjatë gjithë procesit.

The post Përfundojnë gërmimet në Zubin Potok, gjenden mbetje mortore të 23 personave appeared first on Albeu.com.

Gjatë seancës së parë, përfaqësuesit e Prokurorisë së Posaçme, paraqitën listën e dëshmitarëve që pritet të thirren në këtë proces.

Sipas burimeve nga salla e gjyqit, dëshmitari i parë që do të dëgjohet është Lirim Fejzollari.

Dëshmitarët: Arben Myderizi, Adrian Myderizi, Shkëlqim Cani, Gelardina Prodani, Fatmir Hoxhaj, Klodian Mene, Roza Naumi, Endri Duçka, Ergys Qirici, Hysen Caka, Rudina Karamuço, Manjola Fagu, Nuri Sopaj, Idlir Xhoxhi, Adriana Sheti, Dezdemona Alickaj, Silvana Gjikdhima, Emil Nova, Igli Gugashi, Federik Seiti, Florian Pustina, Lirim Fejzullai.

Seanca e radhës për këtë çështje është caktuar të mbahet më 24 shkurt, në orën 14:00, kur pritet të vijojë administrimi i provave dhe dëgjimi i dëshmitarëve.

“Dosja Buka”

Hetimet lidhen me një transfertë prej 3 milionë eurosh nga Shqipëria drejt Austrisë. Këto para dyshohet se janë përfituar nga ish-zëvendëskryeministri Arben Ahmetaj, pas privatizimit të ndërmarrjes shtetërore “Buka” në vitin 2014.

Privatizimi i kësaj shoqërie, sipas SPAK, i ka shkaktuar buxhetit të shtetit një dëm prej rreth 7 miliardë lekësh. Transferta është kryer nga biznesmeni Lirim Fejzullai, i cili ka qenë i përfshirë në procesin e privatizimit .

Ahmetaj akuzohet për shpërdorim detyre, duke favorizuar privatizimin e shoqërisë “Buka sha” nga biznesmeni Lirim Fezollari.

Pas privatizimit, në pronën e shoqërisë është ndërtuar kompleksi “Emerald” në zonën e Medresesë në Tiranë.

Familja Myderizi, e cila kishte interesa në këtë shoqëri, ka ngritur padi ndaj Ahmetajt duke e akuzuar se u ka shkaktuar dëm financiar. Gjykatat kanë pranuar kërkesat e familjes, duke konfirmuar se dëmi i shkaktuar arrin në 7 miliardë lekë .

The post Procesi ndaj Arben Ahmetaj në GJKKO, zbulohet se kush do të jetë dëshmitari i parë appeared first on Albeu.com.

Secili kandidat do të bëjë prezantimin e tij, më pas do të pyetet nga anëtarët e Këshillit të Lartë të Prokurorisë, për të shkuar drejt votimit.

Procesi ndiqet nga përfaqësues të ambasadës amerikane, Nancy VanHorn, ambasadori i BE, Silvio Gonzato, por edhe përfaqësues të misioneve diplomatike të akredituar në vendin tonë.

Por kush janë kandidatët?

Adnan Xholi

Është një nga kandidatët me përvojë të gjatë, i emëruar për herë të parë në vitin 2004. Aktualisht, ai shërben si prokuror në SPAK dhe mban edhe detyrën e shefit të Seksionit të Krimit të Organizuar, një rol kyç në luftën kundër korrupsionit dhe krimit të strukturuar.

Kjo është hera e dytë që Xholi kandidon për kreun e drejtuesit të Prokurorisë së Posaçme. Së bashku me Altin Dumanin dhe Elvin Kondilin ai kandidoi edhe në vitin 2022 kur mori vetëm votën e një prej anëtarëve të KLP-së, Sokol Stojanit. Xholi ka hetuar shumë nga dosjet e krimit të organizuar dhe korrupsionit.

Klodian Braho

I emëruar prokuror në vitin 2007, është po ashtu prokuror pranë SPAK që në krijimin e tij. Aktualisht mban detyrën e shefit të seksionit kundër korrupsionit në Prokurorinë e Posaçme. Ai ka patur një rrugëtim të gjatë në sistemin e drejtësisë, duke mbajtur pozicione të rëndësishme në hetimin e rasteve të korrupsionit. Braho është prokurori, i cili ka hetuar inceneratorin e Elbasanit.

Elvin Gokaj

Një nga prokurorët me përvojë në këtë garë është edhe Elvin Gokaj, i cili ka nisur karrierën e tij në dhjetor të vitit 2000. Ai ka qenë pjesë e SPAK prej kohësh dhe ka kontribuar në hetime të shumta me ndikim të lartë.

Gogaj ka hetuar kreun e Komisionit të Prokurimeve Publike, Jonaid Myzyraj në lidhje me abuzimet në disa tenderë. Akuza ka të bëjë me tenderin për mirëmbajtjen e aksit rrugor Shpal-Ura e Repsit me gjatësi totale 58.7 km dhe me vlerë 2.29 milionë euro. Për këtë procedurë prokurimi krahas Jonaid Myzyrajt, janë marrë të pandehur edhe 10 persona të tjerë, 7 prej të cilëve të akuzuar për shkelje e barazisë në tenderë publikë, kryer në bashkëpunim.

Doloreza Musabelliu

E emëruar në tetor të vitit 2004, është prokurore në SPAK dhe ka një rol të rëndësishëm në strukturën e Prokurorisë së Posaçme. Ajo është një nga prokuroret që ka qenë pjesë e grupit të kanë hetuar dosjen e “Plumbi i Artë” ku tre bashkëpunëtor të drejtësisë kanë zbuluar me dhjetëra krime ndër vite në Shqipëri, të cilët deri tani janë konsideruar si ngjarje pa autor. Një tjetër dosje e hetuar nga prokurorja është edhe masakra e ndodhur në qendër të Lushnjës në 2017, ku u kërkua “burgim i përjetshëm” për Leart Haxhiun dhe dy shokët e tij Anterio Kaloshi dhe Orgest Bilbili.

The post Nis procesi për zgjedhjen e kreut të ri të SPAK, procesi ndiqet nga Nancy VanHorn, ambasadori i BE dhe përfaqësuesi i ambasadës britanike appeared first on Albeu.com.

“Shqipëria arriti të pamendueshmen , të gjithë kapitujt e negociatave të hapur brenda 12 muajsh – rekord absolut në procesin e integrimeve europiane”, – e vlerësoi këtë moment Kryeministri Rama, i cili do të marrë pjesë të hënën në Konferencën e 7-të Ndërqeveritare, së bashku me Ministren e Shtetit dhe Kryenegociatoren Majlinda Dhuka, Ministren e Shtetit për Administratën Publike dhe Antikorrupsionin Adea Pirdeni, si dhe pjesëtarë të tjerë të delegacionit shqiptar për të çelur negociatat për Grup-Kapitullin V: “Burimet, Bujqësia dhe Kohezioni”.

Pas përfundimit të punimeve, Kryeministri Rama, Komisionerja për Zgjerimin e BE-së, Marta Kos dhe Ministrja e Punëve të Jashtme të Danimarkës, Marie Bjerre do të mbajnë një Konferencë të përbashkët për shtyp.

Grupkapitulli V, përfshin pesë kapituj thelbësorë për zhvillimin ekonomik dhe social të vendit, me ndikimin më të drejtpërdrejtë tek prodhimi, konkurrueshmëria dhe zhvillimi i balancuar i territorit:

“Bujqësia dhe Zhvillimi Rural” (kapitulli 11);

“Politikat e sigurisë ushqimore, veterinarisë dhe fitosanitare”, (kapitulli 12);

“Peshkimi” (kapitulli 13);

“Politika rajonale dhe koordinimi i instrumentave strukturore” (kapitulli 22), si dhe

“Dispozitat Financiare dhe Buxhetore (kapitulli 33).

Përmes këtij Grupkapitulli, Shqipëria përfiton lidhur me modernizimin e bujqësisë, rritjen e kapaciteteve prodhuese dhe dixhitalizimin e zinxhirit ushqimor.

Një vend të veçantë zë forcimi i mekanizmave të kontrollit të sigurisë ushqimore dhe përafrimi me standardet e BE-së, ndërsa sektori i peshkimit dhe akuakulturës synon të përfitojë nga rregullat dhe programet europiane për menaxhim të qëndrueshëm.

Në komponentin e kohezionit, Shqipëria adreson rritjen e kapaciteteve për menaxhimin e fondeve të BE-së dhe përgatitjen për pjesëmarrje efektive në politikat e zhvillimit rajonal.

Ndërkohë, kapitulli për dispozitat financiare dhe buxhetore përfshin përputhjen me praktikat europiane për transparencë, planifikim buxhetor dhe administrim të fondeve publike.

Hapja e Grup-Kapitullit V, përfaqëson një hap vendimtar drejt afrimit përfundimtar të Shqipërisë me Bashkimin Europian, duke konsoliduar progresin e bërë dhe duke krijuar bazën për reforma më të thelluara në sektorët që mbështesin ekonominë, sigurinë ushqimore dhe zhvillimin e qëndrueshëm të vendit.

The post Sot Konferenca e 7-të ndërqeveritare në Bruksel/ Hapet Grupkapitulli i fundit i procesit të integrimit appeared first on Albeu.com.

Kësaj here, ishte avokatja Elda Zotaj, përfaqësuese ligjore e Altin Ndocit, ajo që u largua nga seanca, pak çaste, pasi kërkoi përjashtimin e kryesueses së trupit gjykues, Engjëllushe Tahiraj.

Zotaj akuzoi gjyqtaren për qëndrim të njëanshëm dhe intimidim ndaj përfaqësuesve ligjorë të të pandehurve, duke kërkuar largimin e saj nga çështja.

Pas largimit të saj, gjykata u detyrua të ndërpresë procesin, duke mos mundur të zhvillojë pyetjen e planifikuar ndaj të penduarit të tretë të çështjes, Skerdo Tasi, i cili kishte zënë vendin në karrigen e dëshmitarit.

Në pjesën e mëparshme të seancës, që zgjati rreth dy orë dhe u shoqërua me debate të forta mes palëve, gjykata pranoi kërkesën e avokatëve për të vënë në dispozicion marrëveshjen e bashkëpunimit mes SPAK dhe të penduarit Endrit Alibej.

Gjithashtu, u miratua edhe dorëzimi i procesverbaleve të deklarimeve të dhëna nga Alibej në vitin 2022, përpara se të firmoste marrëveshjen e bashkëpunimit me Prokurorinë e Posaçme.

Kujtojmë se edhe seanca e kaluar e këtij procesi, u ndërpre pas një largimi demonstrativ nga salla të katër avokatëve të të pandehurve, të cilët më pas u ndëshkuan me gjoba nga gjykata.

Procesi ndaj Altin Ndocit dhe të bashkëpandehurve të tjerë në dosjen “Plumbi i Artë”, vijon të përballet me pengesa dhe tensione të vazhdueshme, ndërsa seanca e radhës pritet të mbahet në një datë të re që ende nuk është bërë publike.

The post Debat në seancën gjyqësore/ Avokatët braktisin sallën, shtyhet sërish procesi ndaj Altin Ndocit appeared first on Albeu.com.

Përkundër disa marrëveshjeve dhe deklaratave të miratuara përgjatë një dekade, përparimi në terren ka qenë i ngadalshëm.

Me fjalët e Naim Rashitit – drejtor i Grupit Ballkanik për Politika në Prishtinë, i cili vazhdimisht analizon zhvillimet e këtij procesi – vendet e rajonit i pranojnë marrëveshjet, por i zbatojnë në mënyrë selektive.

Procesi i Berlinit nisi në vitin 2014, me iniciativën e kancelares së atëhershme gjermane, Angela Merkel.

Pak kohë përpara kësaj nisme, presidenti i atëhershëm i Këshillit Evropian, Jean-Claude Juncker, shpalli pauzë në zgjerimin e BE-së.

Ideja ishte që përmes Procesit të Berlinit, vendet e Ballkanit Perëndimor – Kosova, Shqipëria, Serbia, Maqedonia e Veriut, Mali i Zi dhe Bosnje e Hercegovina – ta rrisnin bashkëpunimin mes vete dhe me vendet e BE-së.

Në verën e vitit 2014, Merkel i ftoi krerët e shteteve dhe qeverive të rajonit në një konferencë në Berlin, ku ishin të pranishëm edhe përfaqësues të Gjermanisë, Kroacisë, Sllovenisë, Austrisë, Francës dhe të institucioneve të BE-së.

Me kalimin e viteve, ky proces u zgjerua dhe sot ka dhjetë vende partnere: Austrinë, Bullgarinë, Kroacinë, Francën, Gjermaninë, Greqinë, Italinë, Poloninë, Slloveninë dhe Mbretërinë e Bashkuar.

Samite janë mbajtur çdo vit në qytete të ndryshme evropiane – nga ku kanë dalë marrëveshje dhe deklarata të ndryshme – ndërsa i radhës pritet të mbahet më 14 tetor në Berlin.

Objektivat e Procesit të Berlinit dhe marrëveshjet

Rashiti thotë se zgjidhja e problemeve të hapura ndërmjet vendeve të Ballkanit Perëndimor, pajtimi mes shoqërive në rajon, përmirësimi i bashkëpunimit rajonal dhe krijimi i bazës për qëndrueshmëri të rajonit, janë katër objektiva kryesore të Procesit të Berlinit, të cilat mbeten të pandryshuara.

Në thelb të procesit është “Agjenda e Lidhshmërisë”, e cila përshpejton rritjen ekonomike dhe krijimin e vendeve të punës në rajonin e Ballkanit Perëndimor.

Në kuadër të kësaj agjende, BE-ja prezantoi në vitin 2015 planin për t’i rritur investimet dhe përmirësimet në transport dhe infrastrukturë.

Tregu i Përbashkët Rajonal dhe Agjenda e Gjelbër, ndërkaq, u nënshkruan në Samitin e Sofjes, më 2020.

Tregu i Përbashkët Rajonal, siç thuhet në deklaratën e liderëve të Ballkanit Perëndimor, synon “ta forcojë bashkëpunimin ekonomik brenda Ballkanit Perëndimor, në përputhje me rregulloret dhe standardet e BE-së”, si dhe “ta afrojë rajonin me BE-në dhe Tregun Unik të BE-së”.

E, Agjenda e Gjelbër parasheh adresimin e sfidave që dalin nga ndryshimet klimatike nga ana e vendeve të Ballkanit Perëndimor.

Rashiti thotë se ndër qëllimet e mira të Procesit të Berlinit, por mjaft të sfiduara, janë: Agjenda e Lidhshmërisë dhe objektivi i pajtimit të shoqërive në rajon.

Por, sipas tij, këto njëherësh janë edhe “dy dështimet më të mëdha” të këtij procesi.

Duke folur për Radion Evropa e Lirë, Rashiti shpjegon se Agjenda e Lidhshmërisë ka paraparë një standardizim të procedurave për lëvizje të lirë të njerëzve dhe mallrave në Ballkanin Perëndimor, zhvillim të infrastrukturës rrugore, hekurudhore, hapje të kufijve, si dhe rritje të mundësive për lëvizshmëri në rajon.

“Por, jemi dhjetë vjet pas dhe ende kemi pengesa në lëvizjen e lirë të qytetarëve, të mallrave… Kemi tensione më shumë dhe kemi shumë pak investime infrastrukturore që i ndërlidhin vendet me njëra-tjetrën”, thotë Rashiti.

Ai thekson se edhe zgjidhja e çështjeve dypalëshe, si parakusht për rritjen e bashkëpunimit rajonal, “ka shënuar ngecje enorme”.

“Zgjidhja e problemeve nuk ka ndodhur. Tensionet politike ndërmjet vendeve janë shumë të mëdha”, thotë Rashiti, duke iu referuar sidomos tensioneve mes Kosovës dhe Serbisë.

Sipas tij, Procesi i Berlinit nuk parasheh ndonjë mekanizëm ndëshkues dhe e gjitha mbetet në vullnetin e palëve.

Pse nuk ka zbatim në praktikë?

Sipas Rashitit, Tregu i Përbashkët Rajonal është projekti kryesor i Procesit të Berlinit, por si i tillë nuk ka arritur të realizohet.

Shkaku kryesor për këtë mbetet kontesti i pazgjidhur ndërmjet Kosovës dhe Serbisë dhe tensionet mes dy vendeve, viteve të fundit, thotë ai.

“Në substancë, për interesa të veta, që nuk e prekin politikën e Serbisë ndaj Kosovës, Serbia i zbaton [marrëveshjet]. Në substancë, Bosnja dështon në shumë aspekte, për shkak të konflikteve rajonale dhe të brendshme. Në përmbajtje, Kosova zbaton një pjesë të madhe, përveç atyre ku është e hendikepuar në aspektin e përfaqësimit, si në CEFTA”, thotë Rashiti.

CEFTA, apo Marrëveshja për Tregti të Lirë e Evropës Qendrore, e arritur në vitin 2006, përfshin gjashtë vendet e Ballkanit Perëndimor, plus Moldavinë.

Kosova në CEFTA, deri më tash, ka qenë e përfaqësuar përmes misionit të Kombeve të Bashkuara, UNMIK, por këtë javë Komiteti i CEFTA-s ka bërë të ditur se ka pranuar kërkesën e saj për heqjen e UNMIK-ut nga roli i përfaqësuesit.

Këtij vendimi i ka paraprirë presioni i Gjermanisë ndaj Kosovës për të hequr ndalesën e importit të mallrave nga Serbia – në të kundërtën është paralajmëruar për mundësinë e përjashtimit të saj nga nismat rajonale.

Qeveria e Kosovës e ka hequr këtë ndalesë më 7 tetor – pas më shumë se një viti – në vendkalimin kufitar të Merdares.

Zbatimi i CEFTA-s, në mënyrë të drejtpërdrejtë, ndërlidhet me zbatimin e Marrëveshjes për Treg të Përbashkët Rajonal (TPR), e cila del nga Procesi i Berlinit.

Çështja e CEFTA-s është shtruar si problematike edhe në raportin “Kosova dhe Procesi i Berlinit: Adresimi i pasigurive dhe shfrytëzimi i mundësive”, i botuar nga Fondacioni gjerman Friedrich-Ebert-Stiftung, në dhjetor të vitit 2023.

“CEFTA vazhdon të jetë një aspekt problematik i zbatimit të TPR-së. Çështja e përfaqësimit të Kosovës mbetet një diskutim pa zgjidhje që paraqet pengesa për progresin e TPR-së”, është thënë në atë raport.

Në kuadër të Procesit të Berlinit, vendet e Ballkanit Perëndimor u dakorduan në vitin 2022 për tri marrëveshje në drejtim të jetësimit të Tregut të Përbashkët Rajonal.

Marrëveshjet e nënshkruara kanë të bëjnë me lëvizjen e lirë me letërnjoftime, njohjen e kualifikimeve të arsimit të lartë dhe njohjen e kualifikimeve profesionale të mjekëve, dentistëve dhe arkitektëve.

Kosova i ratifikoi të tria marrëveshjet, por jo edhe vendet tjera të Ballkanit Perëndimor.

Qeveria e Kosovës shprehu bindjen se Marrëveshja për lëvizjen e lirë me letërnjoftime do të mundësonte që “qytetarët e Kosovës dhe Bosnje e Hercegovinës, më në fund, të lëviznin lirshëm vetëm me letërnjoftime”.

Por, kjo nuk ndodhi. Qytetarët e të dyja vendeve duhet të vazhdojnë të pajisen me viza për të lëvizur në vendet përkatëse.

Kjo, për shkak se Bosnje e Hercegovina, e cila nuk e njeh shtetin e Kosovës, nuk e ka ratifikuar asnjërën marrëveshje.

“Paramendoni, Kosova lëviz lirshëm me BE-në dhe qytetarët e Bosnjës lëvizin lirshëm me BE-në, por nuk lëvizin në njëra-tjetrën. Ky është skandal. Kjo e pengon ekonominë dhe tregtinë”, thotë Rashiti.

Në katër vendet e tjera të Ballkanit Perëndimor, qytetarët e Kosovës mund të lëvizin vetëm me letërnjoftime.

Rashiti thotë se ka shumë paradokse në lidhje me marrëveshjet, të cilat, sipas tij, krijohen nga vetë vendet nënshkruese.

“Për shembull, njihen profesionet, por nuk njihen diplomat. Nuk është dakorduar lista e universiteteve. Bëhen, në njëfarë forme, zgjidhje gjysmake, që shpeshherë nga Gjermania ose vendet tjera të BE-së, nuk kuptohen. Sepse, në konceptin e tyre, kur njihen profesionet, njihet edhe diploma”, thotë Rashiti.

Për njohjen e diplomave, Kosova dhe Serbia arritën marrëveshje edhe në kuadër të dialogut për normalizimin e marrëdhënieve në Bruksel, por ajo nuk gjeti zbatim në terren.

Në samitin në Poznan, në vitin 2019, vendet e Ballkanit Perëndimor nënshkruan marrëveshjen për “roaming”, apo heqjen graduale të tarifave për telefoninë mobile dhe internetin.

Në vitin 2023 u shënua hyrja në fuqi e tarifave të reduktuara për “roaming”.

Angazhimin e vendeve të rajonit për zbatimin e kësaj marrëveshjeje, Rashiti e sheh si diçka pozitive.

“Në aspektin e [Agjendës së] Lidhshmërisë, ‘roamingu’ ka qenë i suksesshëm dhe pritet të hiqet ose do të duhej tani të hiqej… Ka ulur kostot dhe urojmë që tarifat të bëhen zero sa më shpejt, sepse do të ketë efekt shumë të mirë”, thotë ai.

Si shembull të mirë, Rashiti përmend edhe zbatimin e projektit të iniciuar në samitin e Parisit, më 2016, për bashkëpunimin e rinisë – RYCO.

“Ai e merr për bazë projektin e ngjashëm ndërmjet Francës dhe Gjermanisë, pas Luftës së Dytë Botërore. Ka filluar shumë mirë të punojë. Punon ende shumë mirë, por pengesat janë enorme nga vetë qeveritë e [vendeve të] Ballkanit Perëndimor për RYCO-n”, thotë Rashiti.

Ai pret që në samitin e 14 tetorit në Berlin të lansohet Tregu i Përbashkët Rajonal 2.

Zyrtarët e Bashkimit Evropian theksojnë vazhdimisht se e ardhmja e Ballkanit Perëndimor është në BE, por u bëjnë thirrje vendeve që t’i zgjidhin çështjet e hapura.

Këtë vit, BE-ja ka miratuar edhe Planin e Rritjes për Ballkanin Perëndimor, në vlerë prej 6 miliardë eurosh, me të cilin synohet të mbështeten reformat e lidhura me BE-në dhe rritja ekonomike në rajon.

Presidentja aktuale e Komisionit Evropian, Ursula von der Leyen, është zotuar se do ta ketë prioritet zgjerimin e BE-së./REL

The post REL: Një dekadë me ambicie dhe ngecje e Procesit të Berlinit appeared first on Albeu.com.

Gjithashtu, Rama thekson se; Pra procesi të udhëhiqet pre jush, me një staf të dedikuar që do ta krijoni deri në shtator kur procesi do të fillojë edhe si rezultat i ndihmës që AKSHI po i jep ASHK për të pasur një platformë punë dixhitale.

“Jemi këtu për të komunikuar për fillimin e punës bazuar në vendin e qeverise që u mor si rezultat i një diskutimi të nisur edhe së bashku në takimin që zhvilluan në Shkodër, të nxitur nga disa deputetë të PS.

I pari ndër ta Erion Braçe dhe të domosdoshme si rezultat edhe i faktit që ndërkohë që me pjesën e regjistrimeve të pronave në Kadastër kemi një ecuri pozitive, në pjesën e legalizimeve nuk mund të themi të njëjtën.

Për këtë është vendosur që bashkitë të përfshihen në proces.

Kjo ka një rëndësi të posaçme, për faktin që jo vetëm do të shtojë forcat për të mbështetur dhe zgjidhur problemin e legalizimit të qytetarëve, por edhe për të bërë monitorimin e punës në Kadastër, që në sektorin e legalizimeve le për të dëshiruar.

Në këtë kontekst, së pari janë bashkitë që do të vendosin prioritet dhe do të përcaktojnë ritmin e planit të punës.

Pra procesi të udhëhiqet pre jush, me një staf të dedikuar që do ta krijoni deri në shtator kur procesi do të fillojë edhe si rezultat i ndihmës që AKSHI po i jep ASHK për të pasur një platformë punë dixhitale.

Nga një anë kryetarët e bashkive të mos jenë në pamundësi për ti ardhur në ndihmë qytetarëve, nga ana tjetër Kadastra të mos ketë monopolin e zgjidhjes së problemeve të cilin e abuzojnë në shumë raste, herë nga indiferencë, herë nga paaftësi dhe shpesh herë nga krimbi i kërkesës për ryshfet”, u shpreh kryeministri Rama.

The post Në procesin e legalizimeve do përfshihen Bashkitë/ Kryeministri Rama porosi kryebashkiakëve: Monitoroni Kadastrën appeared first on Albeu.com.

Kandidatët që nuk e bëjnë këtë procedurë e humbasin të drejtën për të ndjekur studimet e larta në këtë degë, duke mos pasur më asnjë mundësi tjetër regjistrimi përgjatë këtij raundi të parë pranimesh.

Për të orientuar maturantët në lidhje me ndryshimin e listës së fituesve, në portalin “U-albania”gjenden të detajuara edhe udhëzimet se si duhet të verifikoni çdo preferencë për të parë nëse jeni fitues apo jo.

Maturantët që janë pjesë e listës së fituesve të fazës së parë të këtij raundi, duhet të tregohen të kujdesshëm me zbatimin e afateve të regjistrimit, pasi nuk mund të vijojnë studimet e larta edhe pse janë shpallur fitues në një program të caktuar.

Çdo kandidat duhet të paraqitet në sekretarinë mësimore të Fakultetit përkatës, për të kryer regjistrimin në një nga programet e studimit ku është shpallur fitues.

Regjistrimet për fituesit e raundit të parë fillojnë prej datës 2 shtator, e do të vijojnë deri në datën 15 shtator.

Procesi i regjistrimit është i ndarë në 7 faza 48-orëshe. Në rastin e mosregjistrimit brenda 48 orëve, ju e humbisni të drejtën e regjistrimit në atë program ku jeni përzgjedhur.

Gjithashtu, ndryshimin e listës së fituesve mund ta shikoni çdo 48 orë online në portalin “U-albania”, duhet të klikoni në “këndin e maturantit”, dhe pasi të hapet faqja përkatëse duhet të vendosni numrin tuaj të identifikimit.

Pas këtij veprimi, do të shfaqet tabela me të gjitha preferencat e përzgjedhura nga ju për vijimin e garës së studimeve të larta përgjatë raundit të parë.

Nëse nuk regjistroheni brenda afateve të përcaktuara, ju mund të garoni sërish për studimet e larta në raundin e dytë të pranimeve që do të zhvillohet në mesin e muajit shtator.

Në këtë raund, mund të aplikojnë të gjithë kandidatët që nuk fituan dot në raundin e parë, ata që kanë kryer procesin e aplikimit online të raundit të parë dhe nuk janë shpallur fitues, ata që kanë kryer procesin e aplikimit online në raundin e parë dhe nuk kanë arritur të regjistrohen, si dhe kandidatët që janë çregjistruar në përfundim të raundit të parë me qëllim ndryshimin e degës së studimit, duke hyrë sërish në garë me dhjetë preferenca të reja.

Procedura e aplikimit do të jetë e njëjtë si ajo e raundit të parë, ku procedura e regjistrimit do të jetë po e njëjta.

The post Nis procesi i regjistrimit në Universitete, çfarë duhet të dinë maturantët appeared first on Albeu.com.