procesi per zgjedhjen e presidentit Archives - Albeu.com

“Donim që të ishte mbi palët”, Alibeaj tregon pse nuk propozuan asnjë kandidat

E S — Mon, 30 May 2022 09:16:24 +0000

Kreu u Grupit Parlamentar të PD, Enkelejd Alibeaj sqaroi për herë të parë për mediat pas djegies edhe të raundit të tretë, pse opozita nuk propozoi asnjë emër si kandidat për president.

Alibeaj gjatë fjalës së tij akuzoi mazhorancën për prishje të marrëveshjes, ndërsa shtoi se opozita ishte e vetme që mori pjesë në 3 raundet e para.

Ai theksoi se opozita donte një president mbi palët dhe që të ishte mbi palët, duhet që edhe mazhoranca të merrte pjesë dhe të binin dakord.

“Fakti që nuk çuam ne ideja s’është për të zgjedhur president të njëanshëm por mbi palët, e që të jetë mbi palët duhet që palët të jenë së bashku, jo të kulisave, në dritë të diellit.

Ja pse i qëndruam paktit e dakordësisë. Me idenë që të mos jetë president, nuk është president tangoje, jo, por president i shqiptarëve. Ne morëm pjesë në proces për t’i grisur maskën e hipokrizisë që PS, Rama hodhi dikur që duam konsensus”, theksoi Alibeaj. /albeu.com

The post “Donim që të ishte mbi palët”, Alibeaj tregon pse nuk propozuan asnjë kandidat appeared first on Albeu.com.

Tre raunde asnjë kandidat, Alibeaj: Pranuan marrëveshjen me zë dhe figurë, Rama u tërhoq

E S — Mon, 30 May 2022 09:06:45 +0000

Kreu i Grupit Parlamentar të PD, Enkelejd Alibeaj pas dështimin edhe të raundit të tretë për zgjedhjen e Presidentit të ri është ndalur të flasë për mediat.

Alibeaj fillimisht u shpreh vendi humbi rastin për një president mbi palët.

Më pas Alibeaj vazhdoi duke thënë se fillimisht PS e pranoi marrëveshjen me PD me zë dhe figurë, por më pas Rama u tërhoq.

“Në momentin kur ne afruam rregulla që u pranuan me zë dhe figurë nga ana e Ramës ndodhi ajo që di të bëjë gjithmonë, të tërhiqet. Në këtë proces e dimë qartë që për shkak të ndryshimeve të vitit 2008 presidenti zgjidhet me 71 vota në raundin e katërt dhe pestë.

Është detyrë e opozitës për të mos zgjedhur një president të njëanshëm. Për një president mbi palët nuk duhet të ishte as i njërës dhe as i tjetrës. Ajo që Rama ka thënë gjithmonë e bëri dhe kësaj radhe. Humbëm një rast për t’i dhënë shqiptarëve një institucion që do të kishte legjitimitetin e palëve”, tha Alibeaj. /albeu.com

The post Tre raunde asnjë kandidat, Alibeaj: Pranuan marrëveshjen me zë dhe figurë, Rama u tërhoq appeared first on Albeu.com.

Gazment Bardhi “hap kartat”, tregon nëse duhet të marrë pjesë opozita në procesin për zgjedhjen e presidentit

admin — Tue, 12 Apr 2022 17:08:54 +0000

Ish-sekretari i përgjithshëm i Partisë Demokratike, Gazment Bardhi, është shprehur se opozita duhet të marrë pjesë në procesin e zgjedhjes së presidentit, vetëm nëse ftesa nga pala tjetër është e sinqertë dhe opozita do të ketë një rol konstruktiv.

Komentet Bardhi i ka bërë para gazetarëve pas mbledhjes së grupit parlamentar demokrat.

“Nëse ftesa është e sinqertë dhe do t’i kërkohet opozitës të jetë pjesë e procesit, unë mendoj se deputetët e Partisë Demokratike duhet të jenë pjesë e procesit. Nëse opozita ftohet të bëhet pjesë e një procesi fasadë për kandidatë të paracaktuar nuk duhet të jetë pjesë. Presidenti i Republikës duhet të jetë një figurë përbashkuese, duhet të jetë detyrë e mazhorancës t’i shtrijë dorën opozitës”, tha Bardhi./albeu.com/

The post Gazment Bardhi “hap kartat”, tregon nëse duhet të marrë pjesë opozita në procesin për zgjedhjen e presidentit appeared first on Albeu.com.