Si pilulë kundër depresionit e ka cilësuar kryeministri rrugëtimin e gjatë të Shqipërisë që nga marrja e statusit të vendit kandidat për në BE.

Media franceze shkruan se Rama është bërë gjithnjë e më i frustruar nga mungesa e progresit për procesin e anëtarësimit të vendit të tij në BE: fillimisht duke kërcënuar se nuk do të vinte në takim, më pas duke njoftuar më pas se procesi po “rrëmbehej” nga vetoja bullgare mbi procesin e pranimit të vendit të tij dhe Maqedonisë së Veriut.

Shqipëria ka statusin e kandidatit për në BE që nga viti 2014. Kryeministri tha se “nuk është se Shqipëria ka bërë progres të ngadaltë drejt BE-së, por se BE-ja është ngadalësuar shumë drejt së ardhmes së saj”; megjithatë ai thotë se nuk është më “i frustruar”, por më tepër i trishtuar nga dështimi i BE-së për të “përmbushur premtimin e dhënë Shqipërisë dhe Maqedonisë së Veriut”.

“Rama vazhdoi duke e përshkruar statusin e kandidatit në BE si “një lloj pilule kundër depresionit për të rritur moralin e vendeve, por tha se ai e ndjente “të drejtë të njihte ukrainasit si një komb që po bëjnë shumë për ne, sesi ata parandalojnë avancimin e kundërreformës më të frikshme në botë që Putin dëshiron të vendosë”, raporton France24.

Kujtojmë se Shqipëria dhe Maqedonia e Veriut nuk morën sërish një përgjigje pozitive për negociatat në samitin e BE të mbajtur ditën e djeshme.

The post Rama për France24 sulmon BE: Është e ngadaltë, procesi si pilulë kundër depresionit appeared first on Albeu.com.

Lajmin e bëri të ditur Ministri i Jashtëm i Rumanisë, Bogdan Aurescu, në një takim me ministrin Bujar Osmani nga Shkupi.

Ai tha se vendi i tij nuk do të pranojë ndarjen e Maqedonisë së Veriut dhe Shqipërisë në rrugën e tyre drejt BE-së.

Rumania është mbështetës i fortë i Maqedonisë së Veriut në Bashkimin Evropian. Lufta në Ukrainë tregon se sa e rëndësishme është integrimi evropian si garantues i fuqishëm për të gjithë kontinentin.

“Nuk ka bisedime për ndarjen e Maqedonisë së Veriut nga Shqipëria. Ne nuk e mbështesim këtë ndarje. Është e rëndësishme të gjendet një zgjidhje sa më shpejt që të jetë e mundur për fillimin e negociatave me dy vendet së bashku”.

Fillimi i negociatave me Maqedoninë e Veriut dhe Shqipërinë jo vetëm që është i drejtë, i merrituar, por për momentin paraqet edhe nevojën në drejtimin e forcimit të rolit të rajonit në sigurinë e arkitekturës së kontinentit, thanë mes tjerash bashkëbiseduesit.

“Me Maqedoninë e Veriut kemi marrëdhënie të shkëlqyera bilaterale dhe jemi partnerë të shkëlqyer në NATO. Rumani është mbështetëse e fortë e Maqedonisë së Veriut në Bashkimin Evropian”, shtoi Aurescu.

Kujtojmë se kryeministri Edi Rama deklaroi gjatë vizitës së tij në Gjermani se nëse nuk marrin edhe këtë qershor dritë jeshile për çeljen e negociatave do të kërkojë ndarjen nga Maqedonia e Veriut në këtë proces.

The post Integrimi në BE, Rumania “i pret krahët” Shqipërisë: Jemi kundër ndarjes nga Maqedonia e Veriut   appeared first on Albeu.com.

“Ne sot jemi peng të nacionalizmave në BE. Në BE nuk kemi sot ende asnjë qeveri nacionaliste por për fat të keq në disa vende nacionalistët dhe ekstremi i djathtë ndikojnë në vendimmarrjen e qeverive. Kjo që po ndodh sot është pengmarrje e procesit të integrimit nga një vlagë nacionalizmi në një vend. E dyta asnjëherë deri më sot edhe pse presionet kanë qenë të mëdha edhe në Gjermania kancelaria nuk e ka lidhur procesin e integrimit me politikën e brendshme, dhe nuk mund të them të njëjtën gjë për vendet e tjera. Merkel i shpëtoi nderin Evropës që hapi dyert për emigrantët nga Siria edhe në këtë aspekt presioni i brendshëmn nuk është bërë kurrë politikë e jashtme e Gjermanisë. Ne do të vazhdojmë të jemi pengje në lidhje me zgjedhjet e vendeve të pasura në BE,” tha Rama./albeu.com

The post Rama: Procesi i integrimit në BE po mbahet peng nga nacionalistët appeared first on Albeu.com.