Rrënjët e flokut kanë qeliza pigmentuese të cilat prodhojnë melaninë. AgroWeb.org tregon se kjo substancë është përgjegjëse për lëkurën e flokut.

Me kalimin e moshës, këto qeliza shuhen. Në mungesë të pigmentit, flokët e reja kanë nuanca më të çelëta të grisë, argjendit apo të bardhës.

Në momentin që rrënja e flokut resht së prodhuari melaninë, dalin thinjat.

Arsyet Përse Dalin Thinjat

Thinjat mund të dalin krejt papritur për arsye të ndryshme.

Në disa raste, floku zbardhet për shkak të stresit, por në përgjithësi bëhet fjalë për diçka gjenetike.

Nëse prindërit tuaj kanë pasur thinja në një moshë të caktuar, atëherë me siguri edhe ju do të ndiqni të njëjtat hapa.

Mosha mesatare e shfaqjes së thinjave është tek të 30-at. Megjithatë, ka njerëz që thinjen më shpejt, madje që në moshën 20 vjeçare.

Thinjat mund të dalin edhe si pasojë e mungesës së vitaminës B12, ndonjë problemi të trashëgueshëm, tiroides e të tjerë.

Stresi është shkatërrimtar për flokun. Ai ndikon në rënien e tyre dhe kur flokët e rinj të dalin ato do të kenë ngjyrë gri.

Duhanpirja është një fenomen që ndikon organizmin nga koka tek këmbët.

Studimet kanë treguar se njerëzit që pijnë duhan janë 2-3 herë më të predispozuar të thinjen përpara se të mbushin 30 vjeç.

A Duhen Shkulur Thinjat?

Dikur, gjyshet tona na paralajmëronin se nëse do të shkulnit një thinjë, tre të tjera do të dilnin menjëherë në vend të saj.

Kjo është shkencërisht e pamundur.

Megjithatë kjo nuk do të thotë që duhet t’i shkulni thinjat.

Një gjë është e sigurt: një tjetër do të dalë në vend të saj.

Brishtësia e flokut

Flokët e thinjur janë më të hollë sepse kanë humbur shtresën e nevojshme që i mbron nga uji, rrezet ultravjollcë, dielli, lagështia, apo nxehtësia.

Floku i thinjët është më i thatë dhe shumë më i brishtë.

Ushqimet që duhet të konsumoni kundër thinjave

Ushqimet që janë të pasura me bakër, zink, hekur, vitaminat B, acidet yndyrore Omega-3, acid folik dhe barishtet janë shumë të rëndësishme për të parandaluar shfaqjen e thinjave.

Për më tepër, ushqime të tilla e ndihmojnë flokun e ri të rritet shëndetshëm dhe skalpin të jetë më i pastër.

Trajtimet për flokët e thinjur

Nëse nuk dëshironi t’i lyeni flokët, atëherë mund të ndryshoni stilin e tyre për të fshehur praninë e fijeve të bardha.

Mund të bëni trajtime të ndryshme kozmetike për ushqyerjen e flokëve dhe zbutjen e tyre.

Në të kundërt, mund t’i lyeni me një ngjyrë më të çelët dhe nuanca e flokët për të patur një tranzicion më të butë ngjyrash.

The post Flokë të thinjur para kohe? Rastet kur tregojnë probleme shëndetësore appeared first on Albeu.com.

Është e rëndësishme të theksohet se valët e nxehtësisë (një ngrohtësi dhe skuqje e fytyrës apo trupit) gjithashtu mund të jenë të vështira për t’u dalluar nga djersitjet e vërteta të natës.

Cilat janë shkaqet e djersitjeve të natës tek gratë, burrat dhe fëmijët?

Ka shumë shkaqe të ndryshme të djersitjeve të natës. Për të përcaktuar se çfarë i shkakton djersitjet gjatë natës, duhet ditur një histori të detajuar mjekësore për të vendosur nëse përgjegjësi për djersitjet e natës është një gjendje mjekësore e fshehur, themelore. Edhe pse shumë njerëz e lidhin menopauzën me djersitjet e natës, kjo është vetëm një nga shkaqet e kësaj gjendjeje mjekësore tek femrat. Shumë sëmundje të tjera mund të shkaktojnë djersitje gjatë natës tek burrat, gratë apo fëmijët.

Cilat janë simptomat e djersitjeve të natës?

Në varësi të shkakut themelor të djersitjeve të natës, njerëzit mund të përjetojnë edhe simptoma të tjera bashkë me djersën p.sh:

Me praninë e infeksioneve apo sëmundjeve të caktuara, bashkë me djersitjet e natës mund të shfaqen   edhe ethe.

Ndonjëherë mund të shfaqen dhe të dridhura ose ndjesi të ftohta;

Me sëmundjen e kancerit si limfoma, pacientët mund të përjetojnë rënie të pashpjegueshme në peshë

Djersitjet e natës, për shkak të tranzicionit menopauzal, janë të shoqëruara me simptoma të tjera tipike të menopauzës si thatësia vaginale, valët e nxehtësisë dhe ndryshime të humorit;

Djersitjet e natës, që shfaqen si një efekt anësor i barnave, mund të shoqërohen me efekte të tjera anësore të tyre, në varësi të llojit të përdorur;
Gjendjet mjekësore që sjellin djersitje të tepërt në përgjithësi (në krahasim me djersitjen vetëm gjatë natës), mund të shkaktojnë rritje të djersitjes, në orët e tjera të ditës.

Menopauza

Valët e nxehtësisë që shoqërojnë tranzicionin menopauzal, mund të ndodhin natën dhe të shkaktojnë djersitje. Ky është një shkak shumë i zakonshëm i djersitjeve të natës, tek femrat perimenopauzale. Është e rëndësishme të kujtojmë se valët e nxehtësisë dhe simptomat e perimenopauzës, mund t’i paraprijnë menopauzës (ndërprerjes së menstruacioneve), për vite të tëra.

Hiperhidroza idopatike

Hiperhidrozë idiopatike është një gjendje në të cilën trupi në mënyrë të vazhdueshme, prodhon shumë djersë, pa ndonjë shkak mjekësor të identifikueshëm.

Infeksionet

Zakonisht, tuberkulozi është infeksioni që lidhet më shpesh me djersitjet e natës. Megjithatë, infeksionet bakteriale gjithashtu mund të lidhen me djersitjet e natës. P.sh:
Endokardit (inflamacion i valvulave të zemrës)

Osteomielit (inflamacion brenda eshtrave për shkak të infeksionit)

Gjendra të ndryshme (p.sh. puçrrat nga infeksioni i rrënjës së qimeve, apendicit, bajamet, gjendrat perianale, peritonsilare, divertikulit)

Virusi HIV (humanimmunodeficiency virus).

Kanceri

Djersitjet e natës janë një shenjë e hershme e disa lloje kancerësh. Lloji më i zakonshëm i kancerit i lidhur me djersitjet e natës është limfomë. Megjithatë, njerëzit që kanë një kancer të padiagnostikuar, shpesh kanë simptoma të tjera të tilla si humbje peshe të pashpjegueshme dhe ethe.

Medikamentet

Medikamentet antidepresive janë një lloj i zakonshëm barnash që mund të sjellin djersitje të natës. Të gjitha llojet e barnave kundër depresionit mund të shkaktojnë djersitje të natës ose efekte anësore.

Mjekimet që merren për të ulur temperaturën (antipiretikë) si aspirinë dhe acetaminofen (paracetamol), ndonjëherë mund të shkaktojnë djersitje. Lloje të tjera barnash mund të shkaktojnë valë nxehtësie (skuqje e lëkurës, zakonisht mbi faqe dhe qafë).

Çrregullimet hormonale

Djersitjet ose valët e nxehtësisë mund të hasen në çrregullime hormonale, duke përfshirë feokromocitomë-n (një lloj i kanceri i gjëndrës së adrenalinës që mbiprodhon hormonet që njihen si katekolaminat), sindroma karcinoide (prodhim i tepërt i hormoneve të caktuara nga tumorët e mushkërive ose të sistemit gastrointestinal) dhe hipertiroidizëm (niveli i tepruar i hormoneve tiroide).

Trajtimi i djersitjeve të natës

Trajtimi për djersitjet e natës varet nga shkaku themelor. Djersitjet e natës zakonisht janë një bezdi e padëmshme, megjithatë, ndonjëherë janë një shenjë e një sëmundjeje. Njerëzit që vuajnë nga djersitjet e pashpjegueshme të natës, duhet të kërkojnë ndihmë mjekësore.

The post A duhet të shqetësoheni për djersitjet gjatë natës, çfarë po ju paralajmërojnë? appeared first on Albeu.com.

“Ai është shumë i sëmurë dhe ky është shqetësimi që ka nuk arrin ta kuptojë se përse kjo çështje po zgjat kaq shumë dhe po mohohet në mënyrë të përsëritur lirimi në kushtet kur një person sipas ekspertëve është në gjendje të rëndëuar shëndetësore. Ai priste të lirohej nga burgu, kuptohet jo lirim por të lihej në arrest shtëpie. Të ketë mundësinë të kujdeset për shëndetin si duhet. Në këto kushte e vetmja zgjidhje është që çështja të shkojë në gjyq në themel”, tha avokati për Express I pyetur për reagimet e ish- ministrit në lidhje me vendimet e Gjykatës.

Por beteja gjyqësore nuk mbaron këtu. Avokati Mërtiri tha sot para mediave se do kërkojnë që çështja të shkojë në gjyq në themel. Në seancën me dyer të hapura, sipas avokatit, “do të dëgjoni më shumë sa keni dëgjuar deri tani”. I pyetur nga gazeta Express se për çfarë të vërtetash e kishte fjalën me këtë deklaratë, avokati tha se Koka do të tregojë fakte të reja në dëshminë e tij.

“Besoj ka dhe të dhëna të tjera që do t’i thotë në seancë. Idea është që vetëm në një gjyq themeli ku të jepet mundësia që dhe mbrojtja të mbajë qëndrimin e vetë ose të dëgjojë nga akuzat, sepse ka 10 muaj që nuk është zhvilluar asnjë lloj hetimi apo të zgjerohet apo të komunikohen akuza të tjera, ne sot ndaj themi që në këto 10 muaj që ka qëndruar në burg dhe në kushte të rënduara shëndetësore i mohohet të dalë nga burgu dhe të ketë mundësi mbrojtje kështuqë e vetmja rrugë është gjyqi në themel dhe të përfundojë sa më shpejt”, tha avokati për Gazetën Express.

“Nuk ka të bëjë fare me kërcënim. Koka sado qe ka qene i gatshëm, ka deklaruar të gjithë qëndrimin e tij duket se nuk merret fara parasysh. Ai qëndron i paraburgosur por nuk ka as hetime ndaj tij as nuk është se është marrë më në pyetje. Kështuqë në gjyq ku do jetë në praninë e mediave, do mund të dëgjoni qëndrimin e tij dhe të gjitha faktet që ka për të thënë ai. Sepse këto gjykime që janë zhvilluar sot janë me dyer të mbyllura”, shtoi ai.

“Ai priste të lirohej nga burgu, kuptohet jo lirim por arrest shtëpie. Të ketë mundësinë të kujdeset. Në këto kushte e vetmja zgjidhje është që çështja të shkojë në gjyq në themel”.

Prononcimi i avokatit Julian Mërtiri për Gazetën Express

Pyetje: Kërkesa e dytë e zotit Koka për zëvendësimin e masës së sigurisë është rrëzuar! I komentoni të padrejta vendimet dhe cilat janë hapat e tjerë që do ndërmerrni?

Julian Mërtiri: Në Gjykimin e ditës së premte u rrëzua kërkesa, sot kishim moment caktim ekspertësh dhe Gjykata pavarësisht se ekspertët kanë thënë në mënyrë të qartë se zoti Koka është shumë sëmurë dhe s’mund të qëndrojë në kushtet e paraburgimit, pra 3 ekspertë që kanë bërë ekspertimet, përsëri gjykata vendosi ta rrëzojë kërkesën, praktikisht duke marrë rolin e mjekut.

Ne do të bëjmë ankim kundër rrëzimit të ditës së premte, kurse këtu po vazhdojmë duke qenë se janë dy masa. Shkaku janë arsyet shëndetësore.

Gjykata e ka njohur ekspertizën e mjekëve, ndërsa prokuroria nuk ishte dakord kërkoi që të ekspertohej nga 5 ekspertë duke qenë se këta ishin kategorikë dhe nuk e pranoi. Nga ana tjetër e rrëzoi kërkesën. Ende nuk është zbardhur vendimi prandaj është dhe reagimi jonë. Ekspertët mjeko-ligjorë të përcaktuar nga Prokuroria dhe Gjykata kanë deklaruar se Koka s’mund të rrijë më në burg.

Pyetje: Çfarë problemesh shëndetësore ka zoti Koka?

Julian Mërtiri: Probleme në lidhje me zemrën ka qenë disa herë në reanimacion dhe vzhdon ato hyrjet dhe daljet nga spitali gjë që në kushte paraburgimi është rënduar shumë.

Pyetje: Sot në një deklaratë për medie thatë se zoti Koka është sëmure por gjalle, madje theksut se në Gjykatë do të kemi mundësi të dëgjojmë të vërtëten e zotit Koka. Çfarë të vertetash do publikohen? A ka dicka qe zoti Koka nuk e ka treguar dhe a mund të jetë kjo deklaratë një “kërcënim”?

Julian Mërtiri: Nuk ka të bëjë fare me kërcënim. Koka sado qe ka qene i gatshëm, ka deklaruar të gjithë qëndrimin e tij duket se nuk merret fara parasysh. Ai qëndron i paraburgosur por nuk ka as hetime ndaj tij as nuk është se është marrë më në pyetje. Kështuqë në gjyq ku do jetë në praninë e mediave, do mund të dëgjoni qëndrimin e tij dhe të gjitha faktet që ka për të thënë ai. Sepse këto gjykime që janë zhvilluar sot janë me dyer të mbyllura.

Pyetje: Do të ketë fakte të reja në dëshminë e Kokës?

Julian Mërtiri: Besoj ka dhe të dhëna të tjera që do t’i thotë në seancë. Idea është që vetëm në një gjyq themeli ku të jepet mundësia që dhe mbrojtja të mbajë qëndrimin e vetë ose të dëgjojë nga akuzat sepse ka 10 muaj që nuk është zhvilluar asnjë lloj hetimi apo të zgjerohet apo të komunikohen akuza të tjera, ne sot ndaj themi që në këto 10 muaj që ka qëndruar në burg dhe në kushte të rënduara shëndetësore i mohohet të dalë nga burgu dhe të ketë mundësi mbrojtje kështuqë e vetmja rrugë është gjyqi në themel dhe të përfundojë sa më shpejt.

Pyetje: Si e ka pritur zoti Koka vendimin? Cilat kanë qenë reagimet e tij nga komunikimet që keni pasur me të?

Julian Mërtiri: Ai është i sëmurë, ju mund të shkoni të merrni kontakt me të vetë. Ai është shumë i sëmurë dhe ky është shqetësimi që ka nuk arrin ta kuptojë se përse kjo çështje po zgjat kaq shumë dhe po mohohet në mënyrë të përsëritur lirimi në kushtet kur një person sipas ekspertëve është në gjendje të rëndëuar shëndetësore.

Pyetje: Ish-ministri priste të lirohej?

Julian Mërtiri: Ai priste të lirohej nga burgu, kuptohet jo lirim por arrest shtëpie. Të ketë mundësinë të kujdeset. Në këto kushte e vetmja zgjidhje është që çështja të shkojë në gjyq në themel./GazetaExpress

The post Çfarë i tha Lefter Koka avokatit pasi u la në burg? Fakte të reja dhe problemet shëndetësore të ish-ministrit appeared first on Albeu.com.

Ka raste kur ndjehemi sikur jeta jonë ndaloi në momentin që hymë në botën e librit. Shpesh ne ‘zhytemi’ në një libër interesant duke kaluar orët si minuta.

Ajo “magjepsëje” është një nga gëzimet e shumta të leximit. Megjithatë, ka një vend nga i cili mund të mos dëshironi të filloni këtë udhëtim mendor. Ekspertët shpjegojnë se leximi i librave në shtrat mund të vështirësojë gjumin. Mendohet se duke kufizuar numrin e aktiviteteve që bëni në shtrat, do të arrini të flini më shpejt kur të vijë koha. Bëhet fjalë për trajnimin e trupit dhe mendjes për të lidhur shtratin me gjumin.

Dr. David Kennaway pajtohet se shumica e aktiviteteve interesante duhen mbajtur jashtë shtratit, duke përfshirë leximin.

Kjo nuk do të thotë se leximi nuk mund të jetë një mënyrë e shkëlqyer për t’u çlodhur dhe për t’u përgatitur për gjumë. Librat na ndihmojnë të largojmë vëmendjen nga stresi i përditshëm.

Leximi para gjumit përmirëson cilësinë e gjumit, i cili nga ana tjetër mund të reduktojë hormonet e stresit, të rrisë disponimin, të përmirësojë aftësitë njohëse dhe vendimmarrjen dhe të konsolidojë kujtimet.

The post A e dini pse nuk duhet të lexoni kurrë libra në shtrat? appeared first on Albeu.com.

Infeksioni nga salmonella është një sëmundje e zakonshme bakteriale që prek zorrët e tretjes. Bakteret e salmonellës zakonisht janë në zorrët e njeriut dhe dalin përmes jashtëqitjes. Njerëzit infektohen më shpesh përmes ujit, ushqimit të kontaminuar, ngrënies së mishit, shpendëve, vezëve, dhe si raste të rralla konsiderohen ato të infeksionit nga çokollata.

Disa prej të infektuarve me salmonellë nuk kanë simptoma. Të tjerë kanë diarre, ethe dhe dhimbje barku brenda tetë deri në 72 orë. Shumica e njerëzve të shëndetshëm shërohen brenda pak ditësh pa trajtim specifik.

Në disa raste, diarreja e lidhur me infeksionin e salmonellës mund të jetë aq dehidruese sa të kërkojë kujdes të menjëhershëm mjekësor. Komplikime kërcënuese për jetën gjithashtu mund të zhvillohen nëse infeksioni përhapet përtej zorrëve. Rreziku për t’u infektuar me salmonellë është më i lartë nëse udhëtoni në vende me kanalizime të dobëta.

Shumica e infeksioneve të salmonellës mund të klasifikohen si gripi i stomakut (gastroenterit).

Shenjat dhe simptomat e mundshme përfshijnë të vjella, ngërçet e barkut, diarreja, ethe, të dridhura, dhimbje koke dhe gjak në jashtëqitje.

Shenjat dhe simptomat e infeksionit të salmonellës në përgjithësi zgjasin dy deri në shtatë ditë. Diarreja mund të zgjasë deri në 10 ditë, megjithëse mund të duhen disa muaj para se zorrët të kthehen në normalitet.

Disa lloje të baktereve të salmonellës rezultojnë në ethe tifoide, një sëmundje ndonjëherë vdekjeprurëse që është më e zakonshme në vendet në zhvillim.

Faktorët që mund të rrisin rrezikun e infeksionit nga salmonella përfshijnë aktivitete që mund t’ju sjellin në kontakt më të ngushtë me bakteret e salmonellës dhe problemet shëndetësore që mund të dobësojnë rezistencën tuaj ndaj infeksionit në përgjithësi.

Infeksioni i salmonellës zakonisht nuk është kërcënues për jetën. Megjithatë, në disa njerëz – veçanërisht foshnjat dhe fëmijët e vegjël, marrësit e transplantit, gratë shtatzëna dhe njerëzit me sistem imunitar të dobësuar – zhvillimi i komplikimeve mund të jetë i rrezikshëm.

The post Çfarë është salmonella që u shfaq te çokollatat “Kinder” appeared first on Albeu.com.

Duke nisur nga temperatura e lartë dhe duke vazhduar me veshkat, dafina është një kurë shumë e mirë.

Zgjidhje për refluksin ose urthin:

Gjethet e dafinës ndihmojnë tretjen dhe shmangin çrregullimet në këtë sistem.

Nëse pini çaj dafine mund të luftoni aciditetin e lartë në stomak dhe të zgjidhni problemin e lëvizjeve të çrregullta të zorrëve.

Gjethet e dafinës përmbajnë enzima që mundësojnë shpërbërjen e proteinave dhe rrjedhimisht ato janë një zgjedhje e shkëlqyer.

Merrni 5 gramë me gjethe dafine, shtoni një centimetër xhenxhefil dhe ziejini së bashku në 300 ml ujë deri sa të mbetet ¼ e ujit.

Shtoni mjaltë dhe pijeni lëngun dy herë në ditë derisa të rregulloni organizmin.

Gjethet e dafinës për shëndetin e zemrës:

Ata që vuajnë nga problemet e zemrës dhe ankthi duhet të ziejnë tre gramë me gjethe dafine dhe 3-4 gramë me lule të trëndafilit të egër në 300 ml ujë.

Lëngu duhet të ziejë deri sa të mbetet 75 ml e ujit. Kullojeni dhe pijeni për 4 javë.

Infeksionet dhe të ftohurat:

Gjethet e dafinës janë efikase kundër infeksioneve dhe simptomave të të ftohtit dhe gripit.

Në rastet kur vuani nga probleme me frymëmarrjen, zieni 2-3 gjethe dafine në ujë. Lëreni të ftohet për 10 minuta.

Zhysni një napë në lëng dhe më pas vendoseni në kraharor për ta çliruar nga bllokimet e shkaktuara nga i ftohti, kolla dhe virozat. Çaji i gjetheve të dafinës është efikas kundër temperaturës.

Nëse vuani nga teshtimat e përsëritura, zieni disa gjethe dafine në 200 ml ujë deri sa të mbetet ¼ e tij. Kullojeni dhe pijeni lëngun.

Në ndihmë të gjumit:

Nëse konsumoni gjethe dafine nëpërmjet çajit, përpara fjetjes do të keni një gjumë të mirë dhe të qetë. Ky çaj bën mrekulli.

Problemet me veshkat:

Gjethet e dafinës ndihmojnë kundër infeksioneve dhe gurëve në veshka. Zieni 5 gramë me gjethe dafine në 200 ml ujë deri sa të mbetet 50 ml e tij.

Kullojeni dhe lëngun pijeni dy herë në ditë. Ky lëng do të parandalojë edhe formimin e gurëve.

The post SEKRETI: 5 probleme kyçe shëndetësore që gjethet e thata të dafinës i japin zgjidhje appeared first on Albeu.com.

Lëngu i fikut mund të përgatitet në shtëpi, duke shtrydhur fiqtë e freskët pa lëkurë, ose duke zhytur fiqtë e thatë në ujë për 30 minuta dhe më pas duke i përzier në mikser me ujë të mjaftueshëm. Zakonisht fiqtë janë të ëmbël dhe lëngu nuk ka nevojë për ëmbëlsi shtesë.

Do t’ju mësojmmë se si të përftoni vlerat e mrekullueshme të fiqve.

Vlerat shëndetsore të lëngut të fikut

Hekuri. Njerëzit që përballen me nivele të ulëta të hekurit në gj ak, femrat shtatzënë dhe ato që ushqejnë me gji duhet të pinë lëngun e fikut dhe të përfitojnë sasitë e duhura të hekurit.

Shëndeti i zorrëve. Lëngu i fikut është i pasur me fibër dhe stimulon lëvizjen e zorrëve dhe pastrimin e tyre.

Shëndeti i mushkërive. Lëngu i fikut përdoret për shërimin e njerëzve që vuaajnnë nga bronshiiti. Ai është veçanërisht i mirë për shëndetin e përgjithshëm të mushkërive.

Forcë dhe energji të qëndrueshme. Ata që ndihen të lodhur, të plogështt, të dobët mund të pijnë lëng fiku herët në mëngjes për t’i dhënë vetes forcë dhe energji.

Tensioni i gjakut. Fiqtë dhe lëngu i tyre përmbajnë shumë kalium, që rregullon tensiionin e gj akut dhe ul nivelet e larta të tij.

Ushqyerja me gji. Lëngu i fikut sugjerohet për stimulimin e prodhimit të qumështit të gjirit. Nënat kanë nevojë për ushqime të pasura me kalium. Konsumi ditor i fiqve ushqen nënën por edhe fëmijën.

Kundër plakjes. Lëngu i freskët i fikut është i pasur me antiioksidanntë si karoteni, luteina dhe aciidi klorogjeenik që kundërveprojnnë me radiikaleet e lira që dëmttojnnë trupin dhe përmirësojnë paraqitjen e lëkurës, flokëve dhe thonjve.

Për lëkurën. Lyejeni lëkurën me lëng fiku dhe shënjestroni aknet, njollat dhe lëndiimeet e lëkurës. Këtë duhet ta bëni çdo dy ditë për 15 minuta.

Për flokët. Fiqtë janë të pasur me shumë vitamina, minerale, antiioksidanntë dhe ushqyes. Ato përmbajnë gjithashtu shumë ujë dhe i bëjnë flokët të shëndetshëm e të bukur. Fiqtë e hidratojnë flokun dhe i japin atij shkëlqim dhe shëndet.

Përgatisni lëngun e fikut në shtëpi:

Përbërësit:

• 4-5 fiq të freskët
• Lëngu i një limoni
• Sheqer – sipas dëshirës
• pak ujë

 Udhëzimet:

– Hiqni lëkurën e fiqve dhe ndajini në gjysmë.

– Hidhni ujë në mikser dhe shtoni fiqtë.

– Pas përzierjes me ujin, kullojeni lëngun e formuar dhe shtoni lëng limoni.

– Shtoni 4-5 lugë sheqer ose pak mjaltë.

– Lëngun mbajeni në frigorifer dhe shërbejeni të ftohtë.

The post Bën mrekulli shëndetësore! “Magjia” e lëngut të fikut do ju mahnisë appeared first on Albeu.com.

Kohët e fundit, shtrimet ne spitale për shkak të simptomave nga përdorimi i këtyre cigareve, janë shtuar tej mase.

Mjekët apelojnë që të bëhet kujdes me përdorimin e këtyre cigareve, pasi shpesh prodhuesit gënjejnë e abuzojnë me të vërtetat e hidhura rreth tyre.

Pneumologu Ardian Jorgji në Spitalin Amerikan është shprehur në një intervistë për media, se fatkeqësisht vdekjet e evidentuara në Shtetet e Bashkuara të Amerikës, apo të sëmurët janë në mosha të reja dhe ajo për çfarë duhet të rritet më tepër vigjilenca tek autoritetet e shëndetit publik, është se këta persona janë me strukturë trupi të mirë, kanë pasur nivele të glicemisë dhe diabetit shumë normale, pra nuk kanë pasur ndonjë problem tjetër shëndetësor.

Rritja e numrit të pacientëve që sëmuren nga cigaret elektronike ka të bëmë edhe me përdorimin pa kriter të tyre. Sipas mjekut, këto cigare mund të shkaktojnë dëmtimin e thjeshtë të mushkërisë që është inflamacioni kronik (ngushtimi i rrugëve të frymëmarrjes), por edhe alergjitë, virozat e të tjera.

Shumë njerëz nuk e dinë se çfarë përmbajnë këto pajisje dhe çfarë shkaktojnë tek shëndeti i tyre, por diçka tjetër që duhet theksuar është se e gjithë kjo modë e cigareve elektronike u zhvillua shumë shpejt, duke bërë njerëzit të mendojnë se “tashmë kishin një zgjidhje për eliminimin e ngadaltë të cigares klasike”.

Pneumologu Ardian Jorgji, në Spitalin Amerikan

“Dikur kanë qenë cigaret pa filtër, dolën filtrat në treg dhe u tha sikur ishin më pak të dëmshme, por nuk doli kështu. Doli filtër i butë, u tha e njëjta gjë, por nuk doli kështu. Doli filtër biologjik, prapë u tha e njëjta gjë, nuk doli kështu. Ndërsa për cigaret elektronik endet thuhet që shkaktojnë shumë pak dëme në organizëm, thuhet që është një mënyrë shumë më e lehtë për të bërë shkëputjen nga duhanpirja e vërtetë, as kjo nuk është kështu,” shprehet mjeku.

Ekspertët e huaj kanë shpjeguar se është abuzuar me këtë produkt për faktin se deri tani nuk ka pasur studime të plota dhe kjo është arsyeja e vetme që është spekuluar për vetitë e cigares elektronike. Asnjëherë nuk ka pasur më parë studime të vërteta nga shoqëritë prodhuese nëse shkaktojnë dëme apo jo. Vetëm gjatë kohëve të fundit, është përcaktuar një shifër për të kryer një studim mbi përmbajtjen e cigareve elektronike, për shkak se është rritur shumë numri i pacientëve, ndërkohë që produkti është hedhur në treg vite më parë.

Por cilat janë dëmtimet që mund të shkaktojë cigarja elektronike?

Mjeku pneumolog shprehet se një sërë studimesh serioze kanë treguar se përmbajtja e këtij produkti mund të shkaktojë dëmtime në kokë, në zemër dhe në mushkëri.

“Përdorimi i cigares elektronike u bë modë sepse thuhej se dëmtimet ishin shumë të pakta e kështu u përdor nga të gjithë njerëzit, deri dhe tek gratë shtatzënë, por përkundrazi nuk është kështu, pasi janë bërë vlerësime që mund të ketë edhe dëmtime të fetusit,” shprehet Jorgji.

Pajisja e cigares elektronike përbëhet nga tre pjesë, si bateria, ampula që përmban lëngun që përdoret dhe pjesa tjetër që kthen lëngun në avull, tek i cili janë gjetur deri në 15 lloje mineralesh toksike, të llojit bakër, plumb, nikel dhe magnez.

Mjeku shpjegon se është diskutuar shumë se këto cigare kanë një përmbajtje nikotine shumë të ulët; por “nuk është kështu, varësia është njësoj si te cigarja tradicionale”.

Sipas një studimi të këtij viti nga Shoqata Amerikane e Zemrës, u personat që përdorin cigaret elektronike janë më të rrezikuar nga sëmundjet kardiovaskulare. Pneumologu Jorgji shprehet se të grithë duhet të qëndrojmë larg cigares e cilado forme qoftë ajo.

“Duhet të rritet më shumë sensibiliteti social kundrejt dëmeve që shkaktojnë këto produkte, duke pasur parasysh që jetojmë në një vend me ndotje shumë të madhe dhe t’i drejtohemi jetës së shëndetshme dhe sportit,” shprehet Jorgji./albeu.com

The post Konsumoni cigare elektronike? Flasin mjekët: Dëmet janë të parikuperueshme appeared first on Albeu.com.