Së fundmi, trajnerin Sylvinho, e shqetëson jo pak edhe gjendja e kapitenit Berat Gjimshiti. Nga Italia, mediat bëjnë me dije se qendërmbrojtësi nuk është stërvitur me pjesën tjetër të Atalantës përpara takimin kundër Bayern Munich.

Ndryshe nga pjesa tjetër e ekipit, Gjimshiti ka bërë vetëm palestër duke e vendosur në dyshim të fortë prezencën e tij në Mynih.

Pavarësisht se nuk është stërvitur, Gjimshiti ka udhëtuar me pjesën tjetër të ekipit. Forma e tij jo e mirë fizikë është një shqetësim me vetë për trajnerin Sylvinho, por prezenca e kapitenit në listën që do të publikohet të shtunën është e sigurt.

Në çdo rast, gjendja e tij do të vlerësohet nga pranë edhe nga stafi kuqezi. Prezenca e Gjimshitit në një sfidë të tillë si ajo kundër Polonisë është jetike, për këtë arsye Sylvinjo është sy e veshë për të kuptuar se çfarë po ndodh me kapitenin e tij.

The post “Alarm” kuqezi, edhe Gjimshiti shfaq probleme, a rrezikon kapiteni sfidën me Poloninë? appeared first on Albeu.com.

Sipas informacioneve paraprake, punimet jashtë standarteve dhe reshjet e fundit kanë shkaktuar destabilizim të terrenit, duke sjellë sërish probleme këtë të dielë në këtë segment rrugor, i cili prej kohësh mbetet një zonë problematike për qarkullimin.

Për pasojë, qarkullimi i mjeteve është ndërprerë, ndërsa drejtuesit e automjeteve këshillohen të shmangin këtë aks dhe të përdorin rrugë alternative deri në njoftimin e radhës.

Pritet ndërhyrja e strukturave përkatëse për pastrimin e rrugës dhe normalizimin e qarkullimit, ndërkohë që situata po monitorohet për shkak të rrezikut nga rrëshqitje të tjera

Policia rrugore u bën apel drejtuesve të mjeteve të tregojnë kujdes të shtuar, sidomos gjatë orëve të natës dhe në kushte të pafavorshme atmosferike.

The post Sërish probleme në aksin Qukës–Qafë Plloçë, rruga bllokohet sërish pas rrëshqitjes së dherave dhe gurëve appeared first on Albeu.com.

Raportohet gjithashtu për përplasje mes mjeteve, të shkaktuara nga rrëshqitja në borë.

Situata ka qenë problematike si në krahun e Tiranës, ashtu edhe në krahun e Klosit, ku rruga ka qenë e bllokuar për më shumë se një orë.

Vështirësi në qarkullim janë konstatuar edhe në segmentin nga Ura e Vashës deri në Peshkopi, si dhe në Tunelit të Qafë-Buallit, ku shumë automjete kanë mbetur të bllokuara nga bora.

Policia Rrugore ndodhet në terren dhe po punon për shmangien e aksidenteve, ndërsa situata vijon të përkeqësohet për shkak të reshjeve të vazhdueshme të borës dhe ngricave, që e bëjnë lëvizjen gjithnjë e më të vështirë në Rrugën e Arbrit.

Autoritetet kërkojnë nga firma mirëmbajtëse të ndërhyjë urgjentisht me hedhjen e kripës dhe skorieve për të garantuar qarkullimin e mjeteve.

Ndërkohë, Policia u bën apel drejtuesve të automjeteve të përdorin goma dimërore dhe zinxhirë, si dhe të tregojnë kujdes maksimal gjatë lëvizjes.

The post Reshjet e dëborës në Rrugën e Arbrit, disa makina dalin nga rruga dhe përfundojnë në kanal appeared first on Albeu.com.

Ndërsa në Bashkinë Fushë-Arrëz, reshjet me intensitet të lartë kanë shkaktuar rënie inertesh në segmentet rrugore Fushë-Arrëz – Fierzë dhe Fushë-Arrëz – Iballë.

Nga raportimet e deritanishme, në pesë bashkitë e qarkut Shkodër — Shkodër, Malësi e Madhe, Vau Dejës, Pukë dhe Fushë-Arrëz — nuk janë evidentuar situata të tjera emergjente.

The post Mot i keq dhe erëra të forta sjellin probleme në Shkodër, rënie pemësh dhe inertesh në disa segmente rrugore appeared first on Albeu.com.

Një gjumë i mirë ndihmon në reduktimin e rrezikut për sëmundje kronike, ruan shëndetin e trurit dhe forcon sistemin imunitar.

Disa nga ushqimet më të rekomanduara përpara gjumit janë:

Bajamet – burim i mirë i magnezit dhe melatoninës.

Gjeldeti – përmban triptofan që rrit prodhimin e melatoninës.

Çaj kamomili dhe çaj pasionflore – përmbajnë antioksidantë që qetësojnë trurin.

Kivi dhe lëngu i qershisë së thartë – mund të ndihmojnë ciklin e gjumit përmes serotoninës dhe melatoninës.

Peshq dhe arra – burime të vitaminës D, omega-3 dhe melatoninës.

Oriz i bardhë, banane dhe produkte qumështi – ndihmojnë në përgatitjen e trupit për gjumë.

Ekspertët sugjerojnë të konsumoni ushqime të lehta dhe të hani rregullisht në orare të përcaktuara, për të përmirësuar gjumin.

Megjithatë, më shumë studime janë të nevojshme për të verifikuar efektet e sakta të disa prej këtyre ushqimeve.

Duke përfshirë disa nga këto ushqime të shëndetshme në rutinën tuaj të mbrëmjes, mund të përgatiteni më mirë për një natë të qetë dhe të relaksuar.

Kujdesi ndaj dietës mund të jetë një nga hapat më të thjeshtë, për të përmirësuar cilësinë e gjumit tuaj.

Një natë e qetë, nis shpesh nga një darkë e zgjuar!

The post Keni probleme me gjumin? Ja cilat janë 6 ushqime që mund t’ju ndihmojnë appeared first on Albeu.com.

Si pasojë e shiut të vazhdueshëm, në këtë aks rrugor ka patur rënie të gurëve, duke u bërë pengesë për qarkullimin normal të automjeteve.

Gurët dhe copat e shkëmbinjëve kanë rënë në afërsi të fshatit Urakë, ku është edhe segmenti më i dëmtuar i kësaj rruge.

The post Gurë në rrugë/ Reshjet e shiut krijojnë probleme në aksin Burrel-Rrëshen appeared first on Albeu.com.

Qytetarët në qendrën e votimit te shkolla “Dëshmorët e Lirisë” në Tiranë, nuk mund të votojnë për shkak të problemeve me pajisjen e identifikimit biometrik.

Anëtarët e komisionit në këtë QV, thanë se nëse pajisja nuk rregullohet për 3 orë, atëherë identifikimi do bëhet në mënyrë manuale.

The post Probleme me pajisjen e identifikimit biometrik, qytetarët nuk mund të votojnë në një QV në Tiranë appeared first on Albeu.com.

“Ai po përballet me shumë demonë të ndryshëm tani”, thotë burimi, sipas medias së njohur ‘People‘. “Ai po merr disa vendime vërtet të këqija kohët e fundit, duke ndikuar më tej në miqësi, para dhe biznes.”

Ndër faktorët stresues me të cilët po merret Bieber janë gjyqi i Sean “Diddy” Combs (me të cilin Bieber ishte i lidhur në mesin e viteve 2010) dhe marrëdhëniet e tij të tensionuara me ish-menaxherin Scooter Braun, i cili njoftoi tërheqjen e tij në 2024.

Bieber gjithashtu ka ndërprerë publikisht lidhjet me markën e tij të modës Drew House.

“Unë Justin Bieber nuk jam më i përfshirë në këtë markë. Drew House nuk përfaqëson mua, familjen apo jetën time,” shkroi ai më 10 prill.”

Burimet pohuan gjithashtu se Bieber kishte mbetur me miliona dollarë borxhe pasi anuloi turneun e tij në 2022

The post “Miliona dollarë borxhe”/ Justin Bieber në krizë të thellë financiare? appeared first on Albeu.com.

Këngëtari 31-vjeçar ndau një mesazh në Instagram duke pranuar vështirësitë e tij emocionale: “Edhe unë kam probleme me zemërimin, por dua të rritem dhe të mos reagoj aq shumë”, shkroi ai.

Kjo vjen pas spekulimeve mbi shëndetin e tij mendor dhe martesën me Haileyn, shkruan DailyMail.

Fansat janë shqetësuar nga postimet e tij në rrjetet sociale, ku ai ka folur për ndjenja të pasigurisë dhe të qenit “i padenjë”.

Ai gjithashtu është parë në dalje publike me një pamje të çrregullt dhe të lodhur, duke nxitur spekulime mbi mirëqenien e tij.

Ndërkohë, ish-e tij, Selena Gomez, ka publikuar albumin e ri “I Said I Love You First”, me tekste që fansat besojnë se i referohen ndarjes së saj nga Bieber.

Kënga “How Does It Feel to Be Forgotten” dhe të tjera kanë bërë që ndjekësit të mendojnë se Gomez po dërgon mesazhe të fshehura për të kaluarën e tyre.

Pavarësisht thashethemeve, Justin dhe Hailey kanë dalë së bashku në publik dhe kanë ndarë momente familjare, përfshirë fotografi me djalin e tyre, Jack.

Përfaqësuesi i Bieber ka mohuar spekulimet se ai përdor substanca të forta dhe ka deklaruar se ai është në një nga momentet më të mira të jetës së tij.

The post Justin Bieber pranon problemet me zemërimin mes spekulimeve mbi martesën dhe shëndetin e tij appeared first on Albeu.com.

Megjithatë, duhet mbajtur mend se strategjitë e moderimit të përmbajtjes së kompanisë – dhe ato të pothuajse të gjitha platformave të tjera të mediave sociale – nuk kanë funksionuar siç është pritur.

Siç vuri në dukje Zuckerberg në një video rreth ndryshimeve, sistemet e automatizuara të Meta-s për moderimin shpesh kanë gabuar. Edhe kur identifikonin saktë “keqinformimin” – një term i paqartë dhe shumë më i vështirë për t’u përcaktuar sesa mendohet – ato kishin vështirësi për ta hequr, duke marrë parasysh volumin dhe këmbënguljen e aktorëve “të ligj”.

Në çdo rast, problemet që mediat sociale krijojnë për përdoruesit e tyre janë shumë më të thella sesa moderimi i përmbajtjes. Shqetësimet më të mëdha lidhen me mënyrën se si platformat e shpërndajnë përmbajtjen. Kompanitë e teknologjisë duhet të ndihmojnë për të adresuar këto shqetësime duke bërë shumë më tepër për të zbuluar algoritmet e tyre për publikun, duke lejuar një shqyrtim më të madh të funksionimit të tyre.

Kompanitë gjithashtu duhet të sigurojnë qasje në të dhënat e tyre, në mënyrë që studiuesit dhe politikëbërësit të mund të analizojnë ndikimin që rrjetet sociale kanë mbi përdoruesit dhe mbi vetë shoqërinë.

Nevoja për një transparencë të tillë është bërë edhe më e dukshme pas njoftimit të Zuckerberg-ut. Në vend që të përdorë verifikues të jashtëm për të përcaktuar saktësinë e përmbajtjes, ai tha se Meta do të adoptojë një sistem të ngjashëm me funksionin e Community Notes të platformës X, që e bazon verifikimin tek përdoruesit, për të hedhur poshtë pretendimet e rreme. Ndërkohë, kompania do të zbutë filtrat e saj të përmbajtjes për të prioritizuar shqyrtimin e shkeljeve “të paligjshme dhe me rrezik të lartë”, si terrorizmi, shfrytëzimi seksual i fëmijëve dhe mashtrimi.

Mbetet për t’u parë se sa efektiv do të jetë sistemi Community Notes në luftën kundër keqinformimit. Ideja ka potencial, por X (dikur i njohur si Twitter) ka patur rezultate të përziera me këtë model. Disa kritikë thonë se ka vështirësi në përballimin e fluksit të pretendimeve të rreme. Po ashtu, është e paqartë se si algoritmet e Meta-s do të promovojnë përmbajtjen që më parë do të ishte fshirë. A do të lejojnë që materiale, për shembull, abuzive ndaj grupeve të caktuara, të përhapen pa pengesa? A do të ulet prioriteti për përmbajtjen që shënohet si e pasaktë?

Përgjigjet për këto pyetje do të kenë pasoja reale. Shumë studime kanë treguar se përdorimi i shpeshtë i mediave sociale mes adoleshentëve shoqërohet me një ekspozim më të madh ndaj ngacmimeve kibernetike dhe, si pasojë, me mendime më të shpeshta për vetëvrasje. Lejimi i shqyrtimit publik të algoritmeve të Meta-s do të ndihmonte të sigurohej që kompania e merr seriozisht çdo dëm të mundshëm nga përmbajtja e saj.

Ka shumë prova që tregojnë se platformat e mediave sociale krijojnë dhoma jehonash (echo rooms) që forcojnë më tej ato çfarë përdoruesit i besojnë tashmë. Studime të brendshme të kryera nga vetë Facebook dhe të zbuluara nga sinjalizuesja Frances Haugen në vitin 2021, për shembull, sugjerojnë se, pavarësisht përpjekjeve të kompanisë për të hequr përmbajtjen kundër vaksinave, keqinformimi për vaksinat e koronavirusit u përhap në platformë.

Studime të tilla tregojnë se sa shumë njohuri mund të merren nga të dhënat që platformat online mbledhin. Në duart e duhura, këto të dhëna mund të ndihmojnë shoqërinë të identifikojë dhe të përballojë efektet anësore të përdorimit të mediave sociale. Imagjinoni, për shembull, nëse studiuesit e shëndetit publik do të mund të analizojnë se si njerëzit skeptikë ndaj vaksinave konsumojnë informacion dhe cilat mesazhe gjejnë më shumë jehonë tek ata. Ata mund të zhvillojnë strategji më të mira për të adresuar skepticizmin ndaj vaksinave, duke luftuar kështu më efektivisht keqinformimin sesa moderimi i përmbajtjes.

Disa vite më parë, një grup ligjvënësish dypartiakë në Kongres propozoi një legjislacion që do t’i detyronte platformat të ndanin të dhënat e tyre me studiues të lidhur me universitete, ndërsa do të hartoheshin standarde për privatësinë dhe sigurinë kibernetike.

Një ide e tillë duhet të rishikohet. Ligjvënësit duhet gjithashtu të shqyrtojnë kërkesën që kompanitë e mediave sociale të jenë më transparente për sa u përket algoritmeve të tyre.

Përvoja ka treguar se kompanitë e mediave sociale nuk mund të eliminojnë të gjithë përmbajtjen e dëmshme nga platformat e tyre. Kjo nuk do të thotë se përpjekjet e tyre kanë qenë të kota, por se, edhe me investime prej miliona dollarësh, ekziston një kufi për atë që mund të bëhet.

Nëse Meta dhe kompani të tjera të mediave sociale dëshirojnë të rindërtojnë besimin me përdoruesit e tyre, hapja është thelbësore. Edhe pse është bërë më pak e zakonshme të pranohet e mira që mund të sjellin mediat sociale, dikur kishte shumë optimizëm se ato do të përmirësonin shoqërinë. Me një transparencë që arrin deri te themeli i këtyre platformave, ky potencial mund të ekzistojë ende.

The post Facebook dhe mediat e tjera sociale: Problemet janë më të thella se sa duken appeared first on Albeu.com.