Për këtë arsye, Topalli i bën thirrje KQZ-së dhe SPAK-ut, të monitorojnë situatën në Greqi.

“Ajo që po ndodh në Greqi është rast i veçuar, kapitull totalisht i një krimi zgjedhor dhe manipulim politik i votës. Shkuarja për të marrë apo të dorëzuar zarfin pa identifikim e bën votën të pavlefshme…KQZ ti kërkojë llogari DHL-së, kemi dyshime se po kontrollohet nga njerëz të pushtetit. I kërkojmë organeve ligj zbatuese përfshirë SPAK që të shqyrtojë rastin e Greqisë”, u shpreh Jozefina Topalli.

The post Vota e diasporës/ Jozefina Topalli: KQZ t’i kërkojë llogari DHL-së për zarfet e votimit të emigrantëve të Greqisë, dyshojmë se po kontrollohet nga njerëz të pushtetit appeared first on Albeu.com.

Në mbledhjen online, Celibashi përmendi dy nga çështjet që ka adresuar edhe në letrën e dërguar krerëve të Partive politike, votimi nga jashtë dhe herësi.

Gjithashtu, kreu i KQZ-së theksoi se është e nevojshme që të mundësohet vota, për një kategori votuesish që nuk mund të shkojnë dot në qendrat e votimit.

Ai kërkoi përmirësim të rregullave për financimin e Partive politike dhe të fushatës së tyre zgjedhore.

“Po paraqes një listë të aspekteve të reformës zgjedhore që duhet të adresohen nga komisioni i posaçëm parlamentar. Kemi sjellë në vëmendje që do të duhet të adresojmë, së pari çështjen e sigurimit të të drejtës së votës për një kategori votuesish që nuk kanë të mundur të shkojnë në qendrat e votimit. Do t’i lëmë pa votuar apo t’u ofrojmë një mundësi që ata të votojnë, e cila duhet të ofrojë të gjitha garancitë në lidhje me fshehtësinë e votës. Mendoj se është çështje që duhet të adresohet. Janë rreth 30 mijë votues shqiptarë që për arsye objektive se kanë të mundur të paraqiten në qendrat e votimit.

Gëzojnë zotësinë e plotë juridike për të votuar por nuk mund ta ushtrojnë të drejtën e votës. Kam sjellë në vëmendje për plotësimin e rregullave për fushatën zgjedhore, online, internet dhe rrjete sociale. Aktualisht Kodi Zgjedhor rregullon zhvillimin e fushtës elektorale vetëem në mediat tradicionale, radio dhe TV. Mendoj që duhet të përmirësohen apo të plotësohen rregullat me financimet e partive politike dhe fushatës. Të përcaktojmë rregullat për të ashtuquajturat plaëve të treta, të përmirësohen rregullat aktuale të fushatës zgjedhore dhe partive politike. Mendojmë që për partitë politike që nuk janë regjistruar në zgjedhjet e fundit të mos i nënshtrohen auditimit financiar.

E them këtë sepse konsumon për KQZ energji dhe kapacitete njerëzore, dhe kohë që në mënyrë të dobishme mund t’i qasim vërtet për ato parti që kanë peshë politike dhe marrin fonde nga buxheti i shtetit. Ka nevojë për ndryshime për ligjin për partitë politike, për përditësimin e të dhënave në lidhje me organet drejtuese, përfshi edhe afatet për depozitimet përkatëse. Mendoj që parti në dy apo zgjedhjet e fundit që nuk kanë marrë asnjë mandat, për t’u regjistruar në KQZ do të duhet të riparaqesin një listë me nënshkrime mbështetësish.

Pasi një parti regjistrohet si subjekt dhe nuk paraqet asnjë kandidat, e angazhon komisionin me kohë dhe energji. Këto nënshkrime mbështetësish t’i paraqesin që në momentin kur paraqesin kërkesën për t’u regjistruar si subjekt. Çështja tjetër ka të bëjë me numërimin,. Do të vazhdojmë në qendrat e votimit sikurse sot apo do t’i kthehemi eksperiencës së viteve të shkuara, ku numërimi bëhej në qendrat e votimit. Mendoj se në situatën aktuale dhe në gjithë eksperiencën e viteve të fundit, mendoj se ka ardhur që ta rikonsiderojmë këtë opsion”, u shpreh ai.

The post Reforma Zgjedhore, Celibashi rendit problematikat që duhet të adresohen appeared first on Albeu.com.

Në një asamble të fokusuar në gjendjen të cilën ndodhet baza socialiste, kryeministri Edi Rama ka bërë një kërkesë.

“Askush prej jush mos të më thotë se Partia Socialiste do të vijojë të fuqizohet përmes punësimeve”, zbulohet të ketë thënë kryeministri.

Edi Rama në ndërhyrjet e tija të herëpashershme, pas çdo raportimi, ka shprehur shqetësimin e mos përfshirjes sa duhet në rrjetet sociale, nga anëtarët e Asamblesë, përfshi drejtuesit politik në qarqe.

Deri tani kanë raportuar qarqet Tiranë, Berat, Shkodër dhe Lezhë, ku janë evidentuar problematika të ndryshme dhe janë lënë detyra për t’u korrigjuar. Në këto momente është duke u raportuar performanca e qarkut Fier.

Në një prononcim më herët për mediat pas zbritjes nga autokolona, Rama theksoi se në këtë Asamble nuk do të ketë ndryshime, por se do të bëhet një analizë të situatës ku ndodhet partia.

Rreth 400 anëtarët e Asamblesë, përfshi kryeministrin Rama, ministrat dhe deputetët janë pjesë e takimit të sotëm me dyer të mbyllura të Asamblesë së PS. Në një njoftim gjatë ditës së djeshme, anëtarëve iu komunikua se pjesëmarrja në këtë mbledhje është e detyrueshme dhe mungesat do të konsiderohen të pajustifikuara.

The post Vijon Asambleja e PS! Drejtuesit e qarqeve raportojnë problematikat, zbulohet kërkesa e Edi Ramës: Askush prej jush mos të më thotë… appeared first on Albeu.com.