problematika Archives - Albeu.com

Trashësia e dëborës në qarkun e Dibrës arrin në një metër, ndërprerje e mësimit në 60 përqind të shkollave

V K — Tue, 14 Jan 2025 07:34:05 +0000

Problematikat vijojnë të jenë prezentë, si pasojë e motit të keq në qarkun e Dibrës. Reshjet e dëborës janë ndërprerë që natën e mbrëmshme, por ja kanë lënë vendin ngricave.

Temperatura në Bulqizë ka shënuar -15 gradë. 60% e fshatrave të Qarkut Dibër vijon të jetë e bllokuar, pasi lartësia e dëborës arrin rreth 1 metër në Lurë, Selisht, Kalaja-Dodës, Sllovë, Trebisht dhe Ostren.

Edhe sot, mësimi nuk vazhdon në 60% të shkollave të Qarkut Dibër.

Pushteti vendor po punon për hapjen e rrugëve. Rruga nacionale Peshkopi-Bulqizë, në disa segmente duhet të përdoren zinxhirët.

Firma nënkontraktore po punon për pastrimin e rrugëve dhe hedhjen e kripës. Sot, në orët e para të mëngjesit, është hapur rruga e Arbrit.

The post Trashësia e dëborës në qarkun e Dibrës arrin në një metër, ndërprerje e mësimit në 60 përqind të shkollave appeared first on Albeu.com.

Presidenti Meta në konferencë urgjente për mediat: Shqetësim për rrjedhjen e të dhënave

E S — Sat, 21 May 2022 09:25:43 +0000

Presidenti Ilir Meta, ka dalë pak minuta më parë në një koference urgjente për mediat, ku po bën publike disa problemetika dhe nevojave për përmirësim nga qeveria.

Një nga shqetësimet e shprehura nga presidenti është ai rjedhjeve të të dhënave personale dhe mos ndëshkimi i autoriteteve përkatëse.

“Shpreh shqetësim serioz për rjedhjet e të dhënave personale. U bëj thirrje qeveritare të sigurojnë llogaridhënie për rrjedhjen e të dhënave, pra të ketë arrestime”, ka thënë ndër të tjera Meta. /albeu.com

The post Presidenti Meta në konferencë urgjente për mediat: Shqetësim për rrjedhjen e të dhënave appeared first on Albeu.com.

Nis procesi i votimit në 6 Bashkitë e vendit, problematika në disa qendra

E S — Sun, 06 Mar 2022 06:35:57 +0000

Ka nisur procesi i votimit në shumicën e qendrave në 6 Bashkitë e vendit, ku do të zgjidhen sot kryetarët e tyre, që do qeverisin deri në vitin 2023.

Procesi në shumicën e qendrave ka nisur i qetë, por nuk kanë munguar edhe problematikat. Në Vorë ka pasur mungesë komisionerësh nga ana PD. Si pasojë e reshjeve të borës ka probleme me energjinë elektrike në Njësitë Administrative Lurë, Selishtë, Zall Dardhë, Zall Reç, Sllovë dhe Luzni. Procesi i votimit ende nuk ka filluar në qendrat e votimit të këtyre njësive pasi nuk funksionon lexuesi elektronik. Në disa zona të thella ka bllokim të rrugës por janë nisur fadroma për hapjen e rrugëve.

KANDIDATËT PËR KRYETAR BASHKIE TË ZGJEDHJEVE TË SOTME:

Kandidatët e PS:

Bashkia Shkodër, Majlinda Angoni

Bashkia Durrës, Ermirjana Sako

Bashkia Dibër, Rahim Spahiu

Bashkia Vorë, Blerim Sheraj

Bashkia Rrogozhinë, Edison Memolla

Bashkia Lushnjë, Eriselda Sefa

Kandidatët e PD:

Bashkia Shkodër, Xhemal Bushati

Bashkia Durrës, Luan Hoti

Bashkia Lushnjë, Indrit Sefa

Bashkia Dibër, Luan Haka

Bashkia Rrogozhinë, Ferdinand Saraçi

Bashkia Vorë, Ymer Marku

Kandidatët e ‘Shtëpia e Lirisë’:

Bashkia Durrës, Ardian Muka

Bashkia Shkodër, Bardh Spahia

Bashkia Dibër, Premtim Kryemadhi

Bashkia Vorë, Lulzim Vrana

Bashkia Rrogozhinë, Hekuran Xhani

Bashkia Lushnjë, Elton Bano.

The post Nis procesi i votimit në 6 Bashkitë e vendit, problematika në disa qendra appeared first on Albeu.com.

Tërhiqen numëruesit e Partisë Demokratike në Durrës

admin — Mon, 26 Apr 2021 01:11:06 +0000

Numëruesit e Partisë Demokratike në Durrës janë tërhequr nga numërimi i votave. Mësohet se numëruesit janë larguar me një vendim politik fill pas përfundimit të trajnimit. Kujtojmë se nga Durrësi nuk raportohet për nisjen zyrtare të votimeve. [...]