E veshur me një fustan të bardhë elegant me detaje të prera dhe një çarje joshëse deri në kofshë, Priyanka u shfaq plot stil dhe vetëbesim në tapetin e kuq.

42-vjeçarja, e cila luan agjenten britanike të MI6, Noel Bisset, në komedinë aksion përballë Idris Elbas dhe John Cenas, kompletoi pamjen me taka të zeza me rripa dhe flokë të valëzuara, duke rrezatuar klas dhe elegancë, shkruan DailyMail.

Filmi pritet të publikohet më 2 korrik në Prime Video dhe trajton përpjekjet e Presidentit të SHBA-së dhe Kryeministrit të Mbretërisë së Bashkuar për të parandaluar një komplot global.

Filmi është xhiruar në Londër, Francë dhe Serbi, dhe kasti përfshin emra të njohur si Paddy Considine, Stephen Root, Carla Gugino dhe Jack Quaid.

The post Priyanka Chopra shkëlqen në New York me një fustan të bardhë elegant në promovimin e filmit “Heads of State” appeared first on Albeu.com.

Mesa duket nëntori qenka muaji i ndarjeve, dhe “listës” thuhej se i ishin bashkuar edhe Priyanka Chopra dhe Nick Jonas.

Gjithçka nisi pas një veprimi që aktorja me origjinë nga India bëri në rrjete sociale, duke hequr mbiemrin e burrit të saj, Jonas. Të shumta ishin reagimet e fansave në rrjetet sociale të cilët mendonin dhe ishin të bindur se dyshja e njohur është duke kaluar një krizë martesore.

Mirëpo, aktorja i dha fund shpejt, njëherë e mirë këtyre spekulimeve. Këngëtari i “Find You” ndau një video nga palestra në Instagram dhe 39-vjeçarja bëri një koment romantik në postimin e tij. Priyanka komentoi “Dreq! Sapo vdiqa në krahët e tu”, shoqëruar me disa emoji. Megjithatë, është e paqartë pse Chopra hoqi emrin Jonas nga llogaritë e saj në mediat sociale.

Chopra dhe Jonas filluan të takoheshin në maj 2018. Ata u fejuan zyrtarisht në një ceremoni në Dubai në gusht 2018, përpara dasmës së tyre luksoze në dhjetor të po atij viti.

The post Muaji i ndarjeve, një tjetër çift shumë i dashur i showbizzit i jep fund lidhjes? (FOTO LAJM) appeared first on Albeu.com.

Priyanka nuk kishte bërë operacion plastik, por thjesht do të hiqte një polip në hundë. E në momentin që ka hequr fashot pas operacionit, ajo dhe nëna e saj ishin tmerruar.

“Shkova të hiqja një polip (masë) në hundë, por pa dashur mjeku më kishte dëmtuar kurrizin e hundës. Kur hoqa fashot, unë dhe nëna ime u shokuam. Hunda ime origjinale s`ishte më aty. Fytyra ime dukej krejtësisht ndryshe. Nuk isha më unë. Sa herë që shikohesha në pasqyrë, përballë meje më vështronte dikush tjetër. Nuk isha më vetja ime”, ka rrëfyer aktorja e famshme.

Ajo gjithashtu ka zbuluar se për vite të tëra i është dashur që t’i nënshtrohej disa ndërhyrjeve, që të sillte hundën në normalitet.

“Por më në fund u mësova. Në fund të fundit, duhet ta duam veten qoftë edhe me të metat që kemi”, shkruan Priyanka në libër.

The post I shkoi keq operacioni i hundës, aktorja e famshme: U shokova, nuk e njihja veten (FOTO LAJM) appeared first on Albeu.com.