“Më është ngrënë haku!” Pas dy djemve, një vajzë për Vedat Ademin?

admin — Mon, 21 Mar 2022 17:42:54 +0000

Vedat Ademi këtë të hënë ishte në programin “Abc e Pasdites” me Ermal Peçin ku foli për këtë dy javësh qëndrimi në Kosovë e Shqipëri, e sigurisht për jetesën e krijuar tashmë në Amerikë. Ermali gjatë bisedës e pyet nëse do kemi shumë shpejt ndonjë album të tijin apo pjesëmarrje në festivale, këngëtari theksoi për ende nuk ka një material muzikor për to, sidomos për te qenë i pranishëm në festivale.

“Unë e kam thënë se jam munduar të merrem me këngët, ka qenë në plan dhe një album por kur je larg, është pak vështirë sepse unë jam natyrë që dua të jem afër kur e realizoj. Kjo ka qenë arsyeja që unë jam kufizuar.”.

Ndërsa po fliste për festivalet nënvizoi se gjithmonë ka fituar çmime të dyta, por kur dëgjon që e njohin këngën tënde edhe pas 20 vitesh kjo është fitore e madhe.

“Çmime të para jo njëher, kam qenë te çmimet e dyta. Në dy tre raste minimalisht për është ngrënë haku, mendoj që e kam meritu të fitoj vërtet. Ama ka pas dhe raste të tjera shumë që unë kam qenë pjesë e festivale dhe e kam ndjerë që unë nuk meritoja të fitoja”.

Por a bëhet sot muzikë e mirë?

Vedati pohoi se “nuk kam qenë ndonjëherë përfshirë në biseda të tilla. Me moral jemi mësuar, në çdo lloj gjëje bëjmë moral, asnjë nga ne ndoshta nuk i praktikon siç duhet. Sjellja çka ne ofrojmë çdo ditë, qoftë muzika tregojnë shumë, duhet të jemi të gjithë kontribues për një shoqëri të mirë e të denjë. Shpesh herë e mendoj që nuk është krenari shumë e madhe të jesh pjesë e këtij biznesi, më vjen keq ta them po nganjëherë sa më budalla të jesh, aq më shumë ecën”.

Këngëtari tregoi pak më shumë edhe për dy djemtë e tij, marrëdhënien që ka me bashkëshorten dhe nëse mund të zhvendosen në një lokacion tjetër.

“Kam gjithë mundësinë për tu përkushtuar ndaj tyre. Ndjehem vërtet plot, jam shumë i lumtur. Kam qenë natyrë që i kam dashur fëmijët gjithmonë”.

Ermali e pyet se herën e fundit kanë folur për një gocë, Vedati tha se ”vazhdon si dëshirë. Kemi dëshirë edhe një gocë por do Zoti”.

Ndërkohë shtoi se ndryshimi i lokacionit është në varësi të punëve, ndaj levizja mbetet gjithmonë opsionale.

The post “Më është ngrënë haku!” Pas dy djemve, një vajzë për Vedat Ademin? appeared first on Albeu.com.

Andrra dhe bebushi shkojnë në shtëpi, Sinani dhe Ansi i bëjnë pritjen më të ëmbël

A M — Wed, 24 Mar 2021 12:44:55 +0000

Andrra Destani e Sinan Hoxha u bënë prindër për herë të dytë disa ditë më parë. Ato u bekuan me një djalë tjetër dhe familja është në qiellin e shtatë nga gëzimi. Lajmin e bukur për ardhjen e djalit e ndau vetë Andrra përmes një postimi në rrjete sociale.

“E gjithë bota është e imja. Faleminderit Zot”, shkroi Andrra përkrah një fotografie të bebushit.

Më pas vëllai i madh Ansi zbuloi emrin e anëtarit më të ri të familjes Hoxha. Ansi postoi në profilin e tij në Instagram një foto, në të cilën shihej duke mbajtur në krahë vëllain e vogël.

“Mirë se erdhe në botë vëllai im i vogël, Ayan”, shkroi vogëlushi duke na zbuluar kështu emrin e veçantë të bebushit.

Familjarët, Sinani dhe Ansi i kanë bërë pritjen më të ëmbël mami Andrrës dhe Ayanit në shtëpi. Ata e kanë pritur me lule e tollumbaca, ndërsa Andrra i ndau në llogarinë e saj në Instagram.

Sinani zbuloi se emrin e të voglit e kishte zgjedhur vetë Ansi, ndaj ja lanë edhe atij ekskluzivitetin e zbulimit. Siç duket Ansi tashmë është mjaft i lumtur që ka dhe një vëlla të vogël e që më vonë me siguri do të bëhet shoku i tij më i ngushtë.

Për këtë arsye ai i ka bërë një dhuratë shumë të veçantë mami Andrrës për dhuratën që e madhe që i solli. Andrra ka postuar në Instagram foton e një kartoline që është shkruar nga Ansi, sigurisht me ndihmën e ndonjë personi më të madh.

“E dashur Mamush! Faleminderit që më bëre me vëlla! Jam shumë i lumtur! Të dua shumë! Ansi”, shkruhet në kartolinë.

The post Andrra dhe bebushi shkojnë në shtëpi, Sinani dhe Ansi i bëjnë pritjen më të ëmbël appeared first on Albeu.com.

pritja e embel Archives - Albeu.com

“Më është ngrënë haku!” Pas dy djemve, një vajzë për Vedat Ademin?

Andrra dhe bebushi shkojnë në shtëpi, Sinani dhe Ansi i bëjnë pritjen më të ëmbël