Në hyrje të kafenesë është vendosur një letër me një mesazh domethënës: “Sot rivalë, por gjithmonë miq! Kafe dhe çaj falas për të gjithë tifozët turq. Ju paguat më 1999, sot nuk keni asnjë detyrim”.

Ky mesazh lidhet drejtpërdrejt me periudhën e luftës së Kosovës, kur Turqia ishte ndër vendet që mbështeti popullin e Kosovës në momentet më të vështira. Pronari i lokalit, përmes këtij gjesti simbolik, ka zgjedhur të rikujtojë mirënjohjen dhe lidhjen historike mes dy shteteve.

Reagimet në rrjetet sociale nuk kanë munguar, me shumë qytetarë që e kanë cilësuar këtë veprim si një shembull përtej rivalitetit sportiv.

❤️ Priştine’de bir kafe pic.twitter.com/D1ji6sHomS

— Burhan Can Terzi (@burhancanterzii) March 31, 2026

The post Gjesti që po bën xhiron në rrjet/ Lokali në Prishtinë ofron kafe dhe çaj falas për tifozët turq appeared first on Albeu.com.

Mësohet se ngjarja ka ndodhur rreth orës 21:00 në rrugën “B” në Prishtinë. Nga të shtënat u plagos një person.

Zëdhënësja e Policisë për rajonin e Prishtinës, Flora Ahmeti njoftoi se i plagosuri është hetues në Inspektoratin Policor të Kosovës, IPK. Ngjarja dyshohet se nuk lidhet me detyrën e tij zyrtare.

I plagosuri është dërguar për ndihmë mjekësore dhe fatmirësisht ndodhet jashtë rrezikut për jetën. Ahmeti shtoi se aktualisht policia ka nisur një hetim për zbardhjen e rastit, ndërkohë që janë në kërkim të autorit të dyshuar i cili është identifikuar.

The post Të shtëna me a*më në Prishtinë, plagoset hetuesi i Inspektoratit Policor appeared first on Albeu.com.

Dyshohet se prindërit ushtronin dhunë sistematike ndaj djalit të tyre të mitur, ndërsa dyshohet se i kanë prerë edhe gishtat e këmbës. Lidhur me rastin ka reaguar edhe Pediatria, e cila njofton se është në kujdesin intensive dhe i është nënshtruar një ndërhyrje kirurgjikale.

“Klinika e Pediatrisë ju njoftojn se pacienti 5 vjeç, i hospitalizuar aktualisht në Kujdesin Intensiv Pediatrik, sot i është nënshtruar intervenimit të nevojshëm kirurgjik në nivel të shputave nga ekipet specialistike të Ortopedisë dhe Kirurgjisë Plastike.

Intervenimi sapo ka përfunduar dhe është realizuar sipas indikacioneve mjekësore. Gjatë procedurës kirurgjikale, gjendja e pacientit ka qenë stabile.

Pas përfundimit të intervenimit, pacienti është transferuar në Kujdesin Intensiv Pediatrik, ku po vazhdon trajtimin, mbikëqyrjen dhe përkujdesjen e mëtejme postoperatore.

Për shkak të ndjeshmërisë së rastit, ky është informacioni që aktualisht mund të ofrohet. Për çdo përditësim të mëtejmë lidhur me gjendjen e pacientit, mediat dhe publiku do të njoftohen në vijim vetëm përmes Zyrës për Informim pranë SHSKUK-së. Njëkohësisht, theksojmë se ekipet profesionale shëndetësore janë duke ofruar përkujdesje maksimale dhe trajtimin e nevojshëm në përputhje me protokollet mjekësore. Për këtë arsye, lusim mediat që të kenë mirëkuptim dhe të shmangin presionet për informata shtesë, kërkesa për intervista apo forma të tjera të komunikimit të drejtpërdrejtë, pasi çdo informacion zyrtar nga Klinika e Pediatrisë do të përcillet vetëm përmes Zyrës për Informim pranë SHSKUK-së”-njofton spitali.

Prindërit A.K. dhe V.P. dyshohen për veprat penale Shkelja e detyrimeve familjare dhe Lëndim i rëndë trupor.

“Gjyqtarja e procedurës paraprake pas dëgjimit të palëve në procedurë dhe pas analizimit të shkresave të lëndës gjeti se kërkesa e Prokurorisë Themelore në Prishtinë për caktimin e masës së paraburgimit është e bazuar, andaj aprovoj kërkesën e PTHP-së, për caktimin e masës së paraburgimit ndaj të pandehurve A.K. dhe V.P, ashtu që të njëjtëve iu është caktuar masa e paraburgimit në kohëzgjatje prej 1 (një) muaji, për secilin”, thuhet në njoftim.

The post E rëndë Prishtinë/ Prindërit dhunojnë 5-vjeçarin, dyshohet se i prenë gishtat e këmbës appeared first on Albeu.com.

Qytetarët mbajnë në duar flamuj të Ushtrisë Çlirimtare të Kosovës, të Republikës së Kosovës dhe flamuj të Shqipërisë.

Pjesëmarrësit kërkojnë drejtësi për ish-krerët e UÇK-së që po gjykohen në Hagë, Hashim Thaçi, Kadri Veseli, Jakup Krasniqi dhe Rexhep Selimi.

Pjesë në protestë po merr dhe Presidentja e Kosovës, Vjosa Osmani.

Në shesh janë vendosur edhe fotografitë e katër të akuzuarve, të cilët prej më shumë se pesë vitesh po përballen me proces gjyqësor në Dhomat e Specializuara në Hagë.

The post Nis protesta në Prishtinë, qytetarët kërkojnë drejtësi për ish-krerët e UÇK-së appeared first on Albeu.com.

Sipas njoftimit të platformës, mbrëmë monumenti u rrethua me hekura metalike, duke u kthyer në një imazh simbolik të një burgu, ndërsa gjatë ditës ai u mbush me emblema të UÇK-së. Ky veprim ka për qëllim të shprehë pakënaqësinë e qytetarëve ndaj gjykimit dhe të mbajë gjallë kujtesën për kontributin e ish-ushtrisë në luftën për liri.

Eliza Hoxha nga organizata “Liria ka Emër” theksoi se ky reagim qytetar është një mënyrë për të kundërshtuar padrejtësinë dhe për të dërguar një mesazh të qartë për ruajtjen e historisë dhe sakrificës së UÇK-së. Aktivistët përdorën gjithashtu motive të ndryshme simbolike në ngjyrosjen e monumentit, duke përfshirë edhe referenca ndaj artit japonez Kintsugi, që simbolizon shërimin dhe forcimin e gjërave të thyera.

Veprimi ka tërhequr vëmendjen e mediave dhe publikut, duke bërë që monumenti të kthehet në një hapësirë reflektimi për të kaluarën, sakrificën dhe sfidat aktuale për drejtësi dhe liri.

The post Monumenti NEWBORN mbulohet me 5,000 emblema të UÇK-së në 18-vjetorin e Pavarësisë appeared first on Albeu.com.

Ai ka publikuar një fotografi me Kadri Veselin, duke shprehur mbështetjen e tij për ish-krerët që aktualisht ndodhen në Hagë.

Mozzik gjithashtu i bën thirrje publikut të kujtojë historinë e sakrificës së popullit shqiptar dhe të nderojë ata që kanë luftuar për çlirimin e Kosovës, duke përmendur rëndësinë e vazhdimit të qëndrimit dhe solidaritetit për vendin.

Artisti ferizajas shton se kjo nuk është vetëm një protestë, por një mesazh për të gjithë ata që mund të harrojnë historinë dhe sakrificën e kombit shqiptar, duke inkurajuar pjesëmarrjen në Marsh.

Postimi i plotë i reperit (pa ndërhyrje):

“Nuk kam krenari ma të madhe që m’ka falë Zoti i Madh Shqiptar.

Nuk kam krenari ma të madhe që kombi jem dhe ushtria e vatanit tem — Ushtria Çlirimtare e Kosovës (UÇK) — e ka mbrojtë konakun e vet me gjak e me plumba.

Nuk kish pas krenari ma të madhe se mu rreshtu n’at rrugëtim ku nuk e din a ki me u kthy n’shpi si kufomë a si trup i gjallë… e ndoshta as trupi mos me t’u gjetë kurrë.

E mbi të gjitha, për çlirimin e vendit.

Ky vend është i mbjellun me gjak, me shumë njerëz të vrarë, me shumë gra, nana e vajza të dhunuara.

Ky vend është foleja jonë — këtu jemi e këtu vazhdojmë me qëndru.

Sot e merr përgjigjen kushdo që anon kah dëshirat e armikut — nga Serbia, nga Rusia, apo çdo shqipfolës tjetër që harron kah e ka gjakun.

Ky popull frymon UÇK!

Sot nuk ka mungesa.

Ora 14:00, Sheshi Skënderbeu — Prishtinë”.

The post Mozzik për protestën në Prishtinë: Ky popull frymon UÇK, sot nuk ka mungesa appeared first on Albeu.com.

Qytetarë të të gjitha moshave, janë mbledhur për të festuar këtë datë historike. Në rrugët kryesore dëgjohen këngë patriotike, ndërsa të rinjtë mbajnë flamuj në duar.

Aktivitetet përkujtimore kanë nisur që në orët e para të mëngjesit, me homazhe pranë monumenteve dhe me organizime kulturore e artistike.

The post Flamujt e Shqipërisë dhe Kosovës valviten në Prishtinë, atmosfera festive në 18-vjetorin e Pavarësisë (VIDEO) appeared first on Albeu.com.

Berisha u shpreh se me qëndrimet dhe veprimet e tij, Rama ka dëmtuar sovranitetin dhe udhëheqjen e Kosovës. Ai theksoi se me ‘histerinë’ politike në Këshilli i Europës, Rama i ka bërë dëm të madh ish-udhëheqësve të Kosovës në Gjykata e Hagës.

Në përfundim, Berisha e quajti vizitën e Ramës “një akt hipokrizie” dhe shprehu bindjen se ish-udhëheqësit politikë të Kosovës “meritojnë drejtësi të plotë në Hagë”.

Fjala e plotë:

Të dashur miq, sot në prag të pavarësisë, Edi Rama bëri një vizitë blic në Kosovë. Me këtë rast, unë dua t’ju shpreh qytetarëve të Kosovës mendimin tim se, sot në Kosovë ishte një armik i egër i Kosovës, i lirisë, i dinjitetit të qytetarëve të Kosovës.
Unë e bëj këtë deklaratë sot, sepse me dëshmi të pakundërshtueshme, me akte të mirënjohura, Edi Rama, qoftë në tryeza private, qoftë në akte në publike ka dëshmuar po atë armiqësi, po atë egërsi ndaj Kosovës, sovranitetit dhe udhëheqjes së saj.
Sot ai vrapoi për të deklaruar mbështetjen për ish-udhëheqjen politike të Kosovës që ndodhet në Hagë.
E kam denoncuar dhe denoncoj publikisht pretencën e prokurorëve të Hagës, si një pamflet të propagandës ultranacionaliste serbe ndaj ish-udhëheqësve politikë të Kosovës dhe të Luftës Çlirimtare të saj.
E kam thënë dhe e përsëris, se ata kanë qenë aleatë besnikë, luajalë të Aleancës së Atlantikut të Veriut në terren, por jam i bindur se janë në Hagë, një nga shkaqet është vet Edi Rama me pazaret e tij të turpshme që bëri në Beograd për Kosovën.
Theksoj gjithashtu, se me histerinë e tij politike duke u përpjekur që të paraqitet si patriot, në Këshillin e Europës, ai, u them ju, iu bëri dëmin më të madh ish-udhëheqësve politikë të Kosovës në Hagë.
Por edhe sot, në histerinë e tij, duke anatemuar vendet demokratike që financojnë Gjykatën e Hagës, garantoj luftëtarët e UÇK-së, veteranët, familjet, se nuk ndihmon aspak të akuzuar, ish-udhëheqjen politike në Gjykatën e Hagës. Përkundrazi, vetëm sa krijon një klimë që ata nuk e meritojnë. Përndryshe, dua të them se, ky armik i egër është njeriu kryesor i presionit maksimal ndaj udhëheqjes së atëhershme politike të Kosovës për votimin e ligjit të Gjykatës së Kosovës në Hagë. Ligj i cili, në realitet ka norma dhe standarde të papranueshme, në raport me të drejtën ndërkombëtare.
Edhe njëherë, dënoj këtë vizitë si një akt hipokrizie të një armiku të egër që Kosova pati në Tiranë, njëlloj me Enver Hoxhën, nga viti 2013 gjer sot.
Shpreh bindjen se, ish-udhëheqësit politikë të Kosovës në Hagë kanë kontribute palcore në mbrojtjen e mijëra mijëra jetëve të qytetarëve të Kosovës nga gjenocidi serb. Kanë kontribute shumë të rëndësishme në mbrojtjen e qindra qindra jetëve të qytetarëve serb në Kosovë, nga hakmarrja për shkak të angazhimit të tyre në plojën e tmerrshme anti-shqiptare. Iu bëj thirrje gjykatësve në Hagë të gjykojnë mbi bazën e të së drejtës, ligjit dhe të shpallin pafajsinë e udhëheqësve politike në Kosovë.

The post Rama sot në Prishtinë/ “Bëri pazare të turpshme për Kosovë”, Berisha: Dënoj vizitën e Ramaduros, akt hipokrizie i një armiku të egër appeared first on Albeu.com.

Në këtë konferencë ishin prezent Ismail Tasholli , Eliza Hoxha dhe Arbnore Zogjani Halili.

Fjalimi u mbajt nga Ismail Tasholli dhe Eliza Hoxha, të cilët theksuan se data 17 shkurt nuk është zgjedhur rastësisht. Ajo përkon me Ditën e Pavarësisë së Kosovës dhe me momentin historik të shpalljes së saj, duke e bërë këtë protestë një akt simbolik dhe qytetar në mbrojtje të parimit të drejtësisë.

Platforma “Liria ka Emër” vlerëson se procesi gjyqësor në Hagë, i cili ka hyrë në fazën përmbyllëse pas më shumë se pesë vitesh, ka krijuar shqetësime serioze në opinionin publik.

Zvarritja e procedurave, kompleksiteti i tyre, informacionet kontradiktore, si dhe perceptimi i ndikimit politik, kanë cenuar besimin qytetar se drejtësia po trajtohet si një proces thjesht juridik.

Gjatë konferencës u theksua se drejtësia, për të qenë e tillë, duhet të jetë e paanshme, e shpejtë, e kuptueshme dhe e pavarur nga çdo ndikim politik. Platforma ritheksoi se protesta e paralajmëruar nuk është protestë kundër drejtësisë, por thirrje për drejtësi reale, pa standarde të dyfishta, pa procese të pafundme dhe pa verdikte të ndikuara nga agjenda politike.

“Ne kërkojmë verdikt juridik, jo verdikt politik. Vendime të bazuara në prova dhe ligj, jo në presione apo skenarë”, u tha në konferencë.

Protesta e 17 shkurtit do të jetë paqësore dhe dinjitoze, si reflektim i karakterit moral të kauzës. Platforma “Liria ka Emër” u bën thirrje qytetarëve që të marrin pjesë qetësisht, me mesazhe të pastra dhe pankarta që përcjellin kërkesën kryesore: drejtësia nuk duhet të shndërrohet në mjet politik.

The post “Liria ka Emër”/ Paralajmërohet protestë në Prishtinë për ish-krerët e UÇK-së appeared first on Albeu.com.

Procesi i numërimit të votave për zgjedhjet lokale të 12 tetorit nuk kishte nisur në këto tri komuna për shkak të problemeve me internet.

Zëdhënësi i KQZ-së, Valmir Elezi, në një konferencë për media, tha se në qendrat e numërimit po zhvillohen tri aktivitete njëkohësisht: “verifikimi i rezultateve nga zgjedhjet për kryetarë të komunave dhe rezultatet e subjekteve politike nga zgjedhjet për kuvende komunale dhe numërimi i votave të kandidatëve për anëtarë të kuvendeve komunale”.

Elezi po ashtu tha se procesi i numërimit të votave ka përfunduar në Junik, Mamushë dhe Zveçan, ndërkaq në Han të Elezit ishte përmbyllur të hënën në mbrëmje.

Deri në orën 16:00 të së martës, KQZ tha se janë verifikuar rezultatet për 550 vendvotime nga zgjedhjet për kryetarë të komunave dhe rezultatet për subjektet politike nga zgjedhjet për kuvende komunale nga 334 vendvotime.

“Nga po kaq vendvotime, 334, janë numëruar votat e kandidatëve nga zgjedhjet për kuvendet komunale”, tha Elezi.

I pyetur nëse mund të arrihen afatet e përcaktuara kohore për organizimin e rundit të balotazhit, zëdhënësi i KQZ-së tha se procesi po zhvillohet me një ritëm të mirë dhe beson se do të arrihen afatet për organizimin e balotazhit.

Një ditë më parë, Elezi kishte njoftuar për pengesat në numërim në Prishtinë, Podujevë dhe Kllokot.

Ai kishte sqaruar se problemi qëndronte në atë se “transmetimi i pamjeve në televizorët/ekranet për vëzguesit”.

“Në këto ekrane shfaqen pamjet nga kamera e vendosur në tavolinën e numërimit ku prezantohen fletëvotimet, për tu parë nga të gjithë”, shkroi ai në llogarinë e tij në Facebook.

Votat me kusht. të personave me nevoja të veçanta dhe ato të diasporës nuk janë numëruar ende.

Sipas të dhënave preliminare të Komisionit Qendror të Zgjedhjeve, në 21 komuna, gara zgjedhore përfundoi në rundin e parë, ndërsa në 17 të tjera do të zhvillohet balotazh.

Dalja në votime ishte nën 40 për qind – më e ulët se në zgjedhjet lokale të vitit 2021.

Pas zgjedhjeve parlamentare të këtij viti, që u mbajtën më 9 shkurt, KQZ-ja kishte marrë kritika të shumta për procesin, pasi që uebfaqja ku publikoheshin rezultatet nuk funksiononte.

Vonesat në fillimin e numërimit të votave të kandidatëve për deputetë të Kuvendit të Kosovës dhe problemet e njëpasnjëshme me faqen e KQZ-së, softueri i së cilës për raportimin e rezultateve binte nga sistemi vazhdimisht, kishin ngritur dyshime për integritetin e procesit zgjedhor.

Por, KQZ-ja i kishte hedhur poshtë dyshimet e ngritura rreth procesit zgjedhor, duke thënë se “integriteti i votës nuk është i cenuar”.

Këtë herë uebfaqja e KQZ-së nuk është përballur me probleme, mirëpo në disa qendra komunale të numërimit ka pasur probleme me lidhjen e internetit./REL

The post Nis numërimi i votave në Prishtinë, Podujevë dhe Kllokot appeared first on Albeu.com.