Ish-udhëheqësit e Ushtrisë Çlirimtare të Kosovës u dënuan për krime lufte, përfshirë ndalim të paligjshëm ose arbitrar, trajtim mizor, torturë dhe vrasje të paligjshme.

Ndërkohë teksa u dha vendimi në rrugët e Prishtinës shpërthyen protesta, me thirrje kundër Serbisë.

Në shesh dhe rruget e Prishtines janë parë qytetarë të përlotur dhe të pikëlluar, ndërsa atmosfera është rënduar.

The post Haga dënoi ish-krerët e UÇK-së, shpërthejnë protestat në Prishtinë appeared first on Albeu.com.

Mes ankthit dhe emocioneve të forta, shumë qytetarë e kanë kaluar natën në sheshin “Skënderbeu” në Prishtinë, të shoqëruar nga këngët dhe rrëfimet personale, teksa presin vendimin e gjykatës në Hagë për ish-udhëheqësit e Ushtrisë Çlirimtare të Kosovës.

Të pranishmit janë mbledhur me besimin se Hashim Thaçi, Kadri Veseli, Jakup Krasniqi dhe Rexhep Selimi do të shpallen të lirë dhe do të rikthehen në Kosovë, në atdheun për të cilin, siç theksojnë ata, kanë sakrifikuar gjithçka.

Një nga qytetarët, Bashkim Jashari nga Batllava, rrëfeu se nata ishte përqendruar te shpresa për pafajësi, duke shtuar se liria e vendit nuk ka kuptim pa praninë fizike të këtyre figurave. Ai deklaroi se kanë qëndruar gjithë natën, duke u shërbyer edhe me pije të ngrohta, dhe se populli është i gatshëm për çdo sakrificë, sepse shteti nuk ka vlerë nëse ata mbahen të burgosur. Lufta për çlirim nga Serbia, sipas tij, tani duhet plotësuar me lirimin nga procesi i Hagës.

Në të njëjtën linjë u shpreh edhe Argjend Sopi nga Podujeva, i cili e cilësoi pritjen si një çast plot emocion, por edhe tension për familjarët dhe gjithë popullin. Ai theksoi se nuk sheh asnjë alternativë tjetër përveç pafajësisë, duke e përshkruar luftën e UÇK-së si të pastër, të drejtë dhe çlirimtare. Sipas tij, një dënim eventual do të ishte një goditje për të gjithë kombin dhe intuita e tij flet vetëm për një përfundim lirues.

Sheshi u mbush me një frymë festive, ku të pranishmit kënduan dhe ndanë mes tyre kujtimet e kohës së luftës. Arian Dukaj nga Prishtina u ndje krenar dhe besimplotë se çlirimtarët do të presin fitoren në shtëpinë e tyre, duke e konsideruar pritjen si detyrim minimal ndaj kontributit të tyre. Ai shtoi se asnjëherë nuk e ka lejuar mendjen të mendojë negativisht, duke besuar vetëm në drejtësi dhe në të mirën.

Edhe Sevdije Sadiku nga Vushtrria tregoi se nata kaloi me melodi dhe shpresë për lirinë e luftëtarëve, duke bartur parulla dhe duke kërkuar një vendim pozitiv nga gjykata. Ajo theksoi se shqiptarët kanë zhvilluar një luftë të drejtë, pa kryer akte gjenocidi apo krime lufte. Përshkroi një ndjenjë të trazuar në mëngjes, me zemrën që i rrihte nga emocionet, duke shpresuar që vuajtjet e kombit të marrin fund dhe drejtësia të fitojë.

Pjesëmarrësi tjetër, Çlirim Haziri, tregoi se orët e vona i kanë mbushur me bashkëbisedime dhe kujtime të përvojave të luftës, teksa pritja do të vazhdojë deri në publikimin e aktgjykimit. Ai deklaroi se shqiptarët, kudo që ndodhen, presin vetëm një përgjigje: lirimin e krerëve të tyre, dhe i ftoi të gjithë të bashkohen në shesh për të festuar.

Vendimi i Dhomave të Specializuara përcakton tashmë fatin e një procesi gjyqësor që ka zgjatur disa vite në Hagë. Thaçi, Veseli, Krasniqi dhe Selimi janë përballur me akuza për krime lufte dhe krime kundër njerëzimit, të cilat i kanë kundërshtuar vazhdimisht.

The post Netë me këngë dhe emocione në sheshin “Skënderbeu”, qytetarët në pritje të fatit të ish-drejtuesve të UÇK-së appeared first on Albeu.com.

Prishtina pret sot marshin “Marshi për Liri”, i organizuar në shenjë mbështetjeje për ish-drejtuesit e Ushtrisë Çlirimtare të Kosovës që po gjykohen në Hagë. Tubimi mbahet vetëm katër ditë përpara shpalljes së aktgjykimit përfundimtar ndaj Hashim Thaçit, Kadri Veselit, Rexhep Selimit dhe Jakup Krasniqit.

Nisja është planifikuar në sheshin “Skënderbeu” në orën 14:00, ndërsa pjesëmarrësit kanë filluar të mblidhen që më herët në këtë hapësirë.

Organizator i marshit është lëvizja qytetare “Liria ka Emër”. Në program janë parashikuar fjalime nga kryetarët e PDK-së dhe AAK-së, Bedri Hamza dhe Ardian Gjini, si dhe nga përfaqësues të kësaj lëvizjeje, shoqatave të dala nga lufta dhe familjeve të dëshmorëve. Aktiviteti do të shoqërohet edhe me këngë patriotike.

Kryetari i Prishtinës, Përparim Rama, ka bërë të ditur se transporti publik brenda kryeqytetit do të jetë pa pagesë. Po ashtu, nga të gjitha qytetet e Kosovës është siguruar transport falas drejt Prishtinës për qytetarët që duan të marrin pjesë në marsh.

Aktiviteti zhvillohet në fazën përfundimtare të procesit gjyqësor ndaj katër ish-krerëve të UÇK-së. Dhomat e Specializuara të Kosovës kanë caktuar 16 shtatorin për shpalljen e aktgjykimit, pas më shumë se tre vjetësh nga fillimi i gjykimit.

Thaçi, Veseli, Selimi dhe Krasniqi akuzohen për krime lufte dhe krime kundër njerëzimit, por të gjithë i kanë hedhur poshtë akuzat ndaj tyre.

Prokuroria pretendon se të akuzuarit kanë përgjegjësi penale për krime të kryera gjatë luftës në Kosovë dhe në veri të Shqipërisë. Aktakuza përmban gjashtë pika për krime kundër njerëzimit dhe katër pika për krime lufte, ndërsa Prokuroria ka kërkuar dënim me nga 45 vjet burgim për secilin.

Katër ish-krerët e UÇK-së u arrestuan në nëntor 2020 dhe u dërguan në qendrën e paraburgimit të Dhomave të Specializuara në Hagë. Seanca e parë e gjykimit u zhvillua më 3 prill 2023.

Marshi i sotëm nuk përbën rastin e parë kur në Kosovë organizohen protesta kundër Gjykatës Speciale ose tubime në mbështetje të ish-drejtuesve të UÇK-së.

Në prill 2023, një ditë para nisjes së procesit gjyqësor ndaj Thaçit, Veselit, Selimit dhe Krasniqit, mijëra qytetarë marshuan në Prishtinë. Ata e vlerësuan gjykimin si të padrejtë dhe shprehën mbështetje për luftën e UÇK-së.

Më 17 shkurt 2026, në 18-vjetorin e pavarësisë së Kosovës, u organizua një tjetër tubim i madh. Mijëra qytetarë iu bashkuan marshit “Drejtësi, jo politikë”, i cili u mbajt në përkrahje të ish-krerëve të UÇK-së.

Ky aktivitet u zhvillua në një kohë kur gjykimi në Hagë po shkonte drejt përfundimit. Prokuroria e mbylli paraqitjen e rastit në prill 2025, ndërsa mbrojtja e përfundoi atë në dhjetor të po këtij viti. Deklaratat përmbyllëse u paraqitën në shkurt 2026.

Shpallja e vendimit u shty pas përfundimit të seancave. Fillimisht, verdikti ishte planifikuar për një periudhë më të hershme të vitit, por në korrik Dhomat e Specializuara njoftuan se ai do të bëhej publik më 16 shtator. Shtyrja u arsyetua me kompleksitetin e çështjes dhe sasinë e madhe të provave.

Vendimi i 16 shtatorit pritet të jetë ndër aktgjykimet më të rëndësishme të Dhomave të Specializuara, të themeluara në vitin 2015 për trajtimin e rasteve që lidhen me pretendimet për krime të kryera nga pjesëtarë të UÇK-së gjatë dhe pas luftës së viteve 1998-1999.

The post Marshi për Liri” zhvillohet në Prishtinë katër ditë para verdiktit për ish-krerët e UÇK-së appeared first on Albeu.com.

Për shkak të dyshimeve se tre të dyshuar kanë kryer veprën penale “Import, eksport, furnizim, transport, prodhim, këmbim, ndërmjetësim ose shitje e paautorizuar e armëve apo materieve plasëse”, Policia e Kosovës (PK) ka zhvilluar bastisje në dy lokacione në Prishtinë.

Sipas raportit 24 orësh të Policisë, gjatë operacionit janë sekuestruar një revole, 40 fishekë, dokumente dhe kartela bankare.

Në raportin policor, lidhur me ngjarjen e shënuar në rrugën “Skënder Luarasi” në Prishtinë më 12.06.2025 në orën 14:30, thuhet se me datë 09.09.2026 njësitë policore, në koordinim dhe bashkëpunim me PSRK-në, kanë bastisur dy lokacione të ndryshme në Prishtinë. Sipas raportit, tre të dyshuar kosovarë dyshohet se janë përfshirë në kryerjen e kësaj vepre.

Si prova materiale gjatë bastisjes janë gjetur dhe sekuestruar: një revole me karikator, 40 fishekë, dy telefona celularë, disa dokumente identifikuese dhe kartela bankare.

Njoftohet se të dyshuarit, pas intervistimit dhe në konsultim me prokurorin, janë liruar në procedurë të rregullt.

The post Policia e Kosovës bastis dy lokacione në Prishtinë, sekuestron armë dhe municion appeared first on Albeu.com.

Limani ka bërë të ditur se në orën 14:00 do të jetë në sheshin “Skënderbeu”, në Prishtinë.

“12 shtator. Prishtinë. Në sheshin ‘Skënderbeu’. Nga ora 14:00 marshojmë për lirinë dhe për UÇK-në”, ka shkruar ai.

Limani, një prej artistëve më të dëgjuar në hapësirën shqipfolëse, ka marrë pjesë edhe në protestat e mëparshme në mbështetje të ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, të cilët po mbahen që 6 vite në Hagë.

Me pjesëmarrjen e tij, Limani u ka bërë thirrje qytetarëve që t’i bashkohen “Marshit për Liri”.

The post ‘Marshim për lirinë dhe UÇK-në’/ Këngëtari i njohur, Yll Limani mbështet marshin e 12 shtatorit në Prishtinë appeared first on Albeu.com.

Gjykata Themelore në Prishtinë pritet të zhvillojë sot seancën gjyqësore për rastin që lidhet me barrikadat e ngritura në veri të Kosovës.

Në këtë çështje penale akuzohen Dushan Maksimoviq, Milosh Radosavljeviq, Nemanja Joloviq, Dushan Drobaq, Srdjan Vuçiniç dhe Nenad Orloviç.

Procesi gjyqësor ka të bëjë me rrethanat dhe ngjarjet që shoqëruan vendosjen e barrikadave në pjesën veriore të vendit.

Sipas aktakuzës, të pandehurit dyshohet se bllokuan rrugët kryesore duke përdorur mjete të rënda, përfshirë kamionë të ngarkuar me zhavorr, ekskavatorë, autoambulanca, autobusë dhe automjete të tjera.

Ndërkohë, në korrik kishte dështuar mbajtja e seancës së shqyrtimit fillestar ndaj personave të akuzuar për ngritjen e këtyre barrikadave.

The post Sot mbahet gjykimi për barrikadat e vendosura në veri appeared first on Albeu.com.

Me nisjen e vitit të ri shkollor, më 1 shtator, fëmijët parafillorë në Prishtinë do të qëndrojnë më gjatë në mësim. Orari i tyre do të zgjatet nga dy në katër orë mësimore.

Lajmin e ka bërë publik drejtori i Arsimit në Komunën e Prishtinës, Arianit Elshani, përmes një postimi në Facebook.

Elshani ka njoftuar se parafillorët do të kenë një orar më të përshtatshëm, duke kaluar nga vetëm dy orë mësimi në katër orë.

Sipas tij, koha shtesë do t’u japë fëmijëve më shumë mundësi për të mësuar, luajtur, marrë pjesë në aktivitete dhe për t’u shoqëruar me bashkëmoshatarët.

Drejtori i Arsimit ka vlerësuar se ndryshimi do të jetë lehtësues edhe për prindërit, të cilët do ta kenë më të menaxhueshëm kombinimin e angazhimeve në punë me kujdesin për fëmijët.

“Në të njëjtën kohë, prindërit do të kenë një orar më të menaxhueshëm, që puna dhe kujdesi për fëmijët të mund të ecin më mirë bashkë”, ka shkruar Elshani.

Ai ka theksuar se Komuna e Prishtinës synon të ndërmarrë politika në funksion të fëmijëve dhe familjeve.

“Rritja e fëmijës, puna dhe mirëqenia e familjes duhet të ecin në të njëjtin drejtim”, ka përfunduar drejtori i Arsimit.

The post Parafillorët në Prishtinë do të zhvillojnë katër orë mësimore nga 1 shtatori appeared first on Albeu.com.

Bedri Hamza ka shprehur mbështetjen e plotë të tij dhe të Partisë Demokratike të Kosovës për “Marshin për Liri”, organizim i platformës “Liria ka Emër”, i cili do të zhvillohet më 12 shtator në Prishtinë me moton “Kosova po pret”. Njoftimi për marshin u bë sot gjatë një konference për shtyp nga përfaqësues të kësaj platforme.

Kreu i PDK-së u ka bërë thirrje qytetarëve që të mobilizohen dhe të marrin pjesë në këtë tubim, duke e cilësuar 16 shtatorin si një datë me rëndësi për Kosovën dhe për të vërtetën e luftës çlirimtare.

“Edhe 25 ditë na ndajnë nga 16 shtatori, një ditë e rëndësishme për Kosovën dhe për të vërtetën e luftës sonë çlirimtare. Në prag të kësaj date, duhet ta ngremë edhe një herë zërin për historinë që e kemi jetuar dhe për çlirimtarët tanë”, ka thënë Hamza, sipas një njoftimi të partisë.

Ai ka kërkuar nga të gjitha strukturat e PDK-së, nëpër komuna, degë dhe nëndegë, që të angazhohen dhe t’i bashkohen organizimit të 12 shtatorit.

Sipas Hamzës, deri më 16 shtator do të mbahen edhe veprimtari të tjera që synojnë të avokojnë për drejtësi, lirinë e çlirimtarëve dhe kthimin e tyre në Kosovë.

Hamza ka theksuar se pjesëmarrja në marsh nuk duhet të kushtëzohet nga përkatësia politike, pasi, sipas tij, kjo nismë duhet t’i bashkojë qytetarët përtej ndarjeve partiake.

“Askush nuk duhet të mbetet anash kur bëhet fjalë për mbrojtjen e të vërtetës sonë. Prandaj, i ftoj të gjithë qytetarët, pa dallim partie, bindjeje apo përkatësie politike, që më 12 shtator të jemi bashkë në Prishtinë. Sepse kjo nuk është çështje partie, por çështje e historisë, e lirisë dhe e dinjitetit tonë shtetëror”, ka deklaruar Hamza.

“Më 12 shtator, le të jemi të gjithë në Prishtinë. Nga çdo komunë. Nga çdo lagje. Nga çdo gjeneratë. Kosova e di historinë e saj. Kosova është krenare me të. Dhe Kosova do ta mbrojë me çdo formë të vërtetën e saj”, ka shtuar ai.

The post Hamza: Më 12 shtator, Prishtina të bëhet zëri i së vërtetës së Kosovës appeared first on Albeu.com.

Ministri në detyrë i Infrastrukturës dhe Transportit, Dimal Basha, ka njoftuar se autoritetet kanë nisur zbatimin e gjobave financiare për kompanitë e kontraktuara në projektin rrugor Prishtinë–Podujevë, shkaku i tejkalimit të afateve të realizimit të punëve.

Gjatë një mbikëqyrjeje të fundit në terren, Basha vlerësoi progresin e punimeve dhe risolli në kujtesë se, pas emërimit në post, ishte takuar me mbikëqyrësit dhe sipërmarrësit, pasi planet dinamike, afatet kontraktuale dhe garancitë e sigurimit kishin përfunduar.

Ai sqaroi se, në bazë të diskutimeve dhe realitetit në vendngjarje, palët ranë dakord për një zgjatje të afateve. Një ndër kërkesat e para ishte hapja e një krahu të urës për qarkullim, ndërsa pjesa e mbetur e ndërhyrjeve të përfundohej deri në muajin nëntor.

Kjo marrëveshje u dokumentua me shkrim, dhe operatorët paraqitën oraret e reja dinamike si dhe sigurimet e nevojshme për çdo segment, duke pranuar detyrime dhe data të përcaktuara qartë.

“Megjithëse treguam mirëkuptim për shtyrjen e afateve dhe ramë dakord për urat, disa operatorë nuk i mbajtën zotimet e marra. Prandaj, në mbështetje të ligjeve në fuqi, kemi vepruar menjëherë me masa ndëshkimore. Vetëm në korrik, operatori në segmentin e Vranidollit u penalizua me 24 mijë euro”, deklaroi Basha.

Ministri në detyrë paralajmëroi se sanksionet do të aplikohen në të gjitha pjesët ku planet dinamike shkelen, derisa të plotësohen kushtet e kontratës dhe punimet të arrijnë përfundimin.

Basha theksoi se e njëjta qasje do të përdoret edhe në marrëveshjet e tjera të Ministrisë, sa herë që afatet dhe detyrimet kontraktuale nuk respektohen pa një shkak të pranueshëm.

“Qëllimi ynë nuk është të ndëshkojmë, por të marrim shërbimet për të cilat kemi marrëveshje. Për operatorët që kryejnë punën, respektojnë oraret dhe sillen me përgjegjësi, do të ketë përherë bashkëpunim dhe mirëkuptim. Mirëpo, për ata që e neglizhojnë punën dhe shkelin detyrimet, nuk do të tolerohen dhe ndaj tyre do të zbatohen pa lëshime gjobat sipas ligjit në fuqi”, shtoi ai.

The post Operatorët ekonomikë gjobiten pas vonesave në ndërtimin e rrugës Prishtinë–Podujevë appeared first on Albeu.com.

Rama tha se ka një mënyrë të veçantë për të matur saktësinë e qëndrimeve të tij kur flet për Serbinë. Ai iu referua kritikëve në Prishtinë si “ushtria e trollave të turbofolkut nacionalist”.

“Sa herë që ajo ushtri lëshohet nëpër kanalet sociale për të shfryrë urrejtjen e verbër ndaj meje, unë e quaj të kryer me sukses detyrën time si kryeministër i këtij vendi qoftë ndaj Shqipërisë, qoftë ndaj Kosovës dhe qoftë ndaj paqes e bashkëpunimit rajonal🇦🇱🇽🇰🇪🇺🇷🇸.

Edhe dje laboratori ka funksionuar perfekt, me trollat që u lëshuan për të më rikonfirmuar si tradhëtar pse thashë Serbia e humbi Kosovën, përgjatë ndërhyrjes sime në debatin dinjitoz të ditëve të fundit mes autoriteteve tona dhe atyre të Serbisë, për paprekshmërinë e lumit Ibër”, shkruan Rama.

Unë e kam një laborator ekselent për të matur saktësinë e qëndrimeve të mia kur flas apo postoj lidhur me Serbinë: Ushtrinë e trollave të turbofolkut nacionalist të Prishtinës😍

Sa herë që ajo ushtri lëshohet nëpër kanalet sociale për të shfryrë urrejtjen e verbër ndaj meje,…

— Edi Rama (@ediramaal) August 12, 2026

Postimi:

Unë e kam një laborator ekselent për të matur saktësinë e qëndrimeve të mia kur flas apo postoj lidhur me Serbinë: Ushtrinë e trollave të turbofolkut nacionalist të Prishtinës😍
Sa herë që ajo ushtri lëshohet nëpër kanalet sociale për të shfryrë urrejtjen e verbër ndaj meje, unë e quaj të kryer me sukses detyrën time si kryeministër i këtij vendi qoftë ndaj Shqipërisë, qoftë ndaj Kosovës dhe qoftë ndaj paqes e bashkëpunimit rajonal🇦🇱🇽🇰🇪🇺🇷🇸
Edhe dje laboratori ka funksionuar perfekt, me trollat që u lëshuan për të më rikonfirmuar si tradhëtar pse thashë Serbia e humbi Kosovën, përgjatë ndërhyrjes sime në debatin dinjitoz të ditëve të fundit mes autoriteteve tona dhe atyre të Serbisë, për paprekshmërinë e lumit Ibër👍

Pra qëndrimi im ka qenë preciz përderisa në krejt atë ndërhyrje shteruese – që u përshëndet edhe nga vetë deputetja britanike Alicia Kerns, një flamurtare e flaktë e Kosovës në Mbretërinë e Bashkuar – baza e turbofolkut nacionalist në Prishtinë gjeti të kapet pas një fjalie të vetme për të mos lejuar ai qëndrim i qartë kundër provokimit të Serbisë të “hutonte” fansat e turbofolkut🤡

Që Serbia e humbi Kosovën është thjesht një fakt, sa përvëlues për turbofolkun nacionalist në Beograd, aq cingërrisës edhe për turbofolkun nacionalist në Prishtinë dhe ripërputhja e tyre dje në kundërshtinë patetike ndaj meje, është thjesht një tjetër kompliment për diplomacinë e Shqipërisë, Europës së Ballkanit 🇦🇱❤️🇪🇺

The post Debati për Ibrin/ Rama sulmon kritikët në Prishtinë: Ushtria e turbofolkut nacionalist më akuzojnë si tradhtar! Unë e quaj të kryer me sukses detyrën time si kryeministër appeared first on Albeu.com.