Statusi i plotë:

Një djalë rreth 4 vjeç, hyri në një farmacitë dhe po shikonte dhe prekte sendet e ekspozuara. Pas tij hyri familjari, që e shoqëronte dhe u zhvillua ky dialog: I rrituri: ‘’ Mos I prek ato, sepse teta mërzitet.’’ “ Pse, po mua më pëlqejnë,- ia kthen fëmija. I rrituri: Ohu, çun i keq dhe e kap te kyçi i dorës dhe e tërheq. Ky i rritur, largohet nga farmacia edhe pa përshëndetur.

I rrituri, në vend, që të shfrytëzojë situatën për ti mësuar fëmijës disa gjëra të mira, si psh vetëm gjërat personale preken pa leje, për gjërat, që nuk janë të tuat, duhet kërkuar patjetër leje, pasi nuk janë të tuat”. Duhet të vazhdonte: tani duhet kërkuar të falur, dhe t’i drejtohej pronarit të sendeve, duke kërkuar ai vetë të falur dhe duke shtuar edhe një justifikim të vogël për djalin, si: “I pëlqejnë shumë këto sendet e farmacisë” . Më pas, i rrituri, nuk duhet ta kapte te kyçi i dorës, por për dore, të përshëndeste dhe të largohej. Kjo gjë nuk ndodhi sepse nxitonte të etiketonte fëmijën, “djalë i keq”. Në fakt fëmija nuk bëri asgjë të keqe, thjesht pa një gjë që i pëlqeu.

Askush nuk i kishte mësuar fëmijës, se për të prekur apo përdorur gjërat e tjetrit, duhet kërkuar leje. I rrituri pranë fëmijës, as që i shkoi mëndja, se e ka për detyrë të asistojë dhe edukojë fëmijën. As që i shkoi në mend se është përgjegjësia e tij, ai fëmijë, dhe se ai, është model për fëmijën. Fëmija pa një të rritur, që nuk I përdor rregullat, që i pretendon nga fëmija. Fëmija përftoi vetëm, padurim, nervozizëm, përtesë për të menduar dhe zgjedhur fjalët si dhe mospërfillje, e mospërdorim të etikës bazike, si mirëdita, më fal dhe ditën e mirë. Për më shumë mendoni vetë.

The post Lira Gjika irritohet me prindërit shqiptarë: Kjo që bëni me fëmijët tuaj është e papranueshme appeared first on Albeu.com.

Kjo ndodh edhe pa dashur ose nën përkujdes të tepruar.

Mjekja pediatre, Lira Gjika, thotë se frikërat e vetë prindërve për të mos i lënë fëmijët e tyre të njohin, të prekin apo të ndjejnë vetë mjedisin, sipas saj mund të krijojnë probleme te fëmijët.

Sipas Gjikës, disa prej këtyre përkujdesjeve të tepruara ndikojnë që fëmijët të bëhen të ndrojtur e të heshtur.

“Ajo që e karakterizon edukimin tonë, është frika. Vishe se do të sëmuret, apo vishe se do ftohet. Ushqeje me zor se do të dobësohet. Mos e lër të hipi shkallët se do të rrëzohet. Mos e lër me biçikletë se do e shtypë makina. Mos e lër të laget se do të ftohet. Mund të vazhdohet pa fund, duke cituar frikërat e nënave dhe gjysheve, po për fat të keq edhe të baballarëve.

Ne të rriturit, e dimë veten si shpëtimtarët e fëmijëve, në fakt i i pengojmë dhe i bëjmë të paaftë për tu rritur e për ta njohur vetë mjedisin. Me këtë lloj pseudo-përkujdesje i pengojmë të fitojnë atë lloj zhdërvjelltësie fizike dhe psiko-emocionale që jep eksplorimi dhe arritja e një veprimi të bërë vetë.

Mirë që i pengojmë sepse kemi vetë frikë, por ajo që e bën këtë mënyrë edukimi të rëndë për fëmijën është etiketimi: “Ky mi, ky është i ngordhur”. Ose “ky është qullac,”. “Këtë e kalojnë të gjithë” dhe për ta mbyllur, pasi kanë numëruar epitetet, fillojnë dhe qeshin. Dhe pastaj pretendojmë, që fëmijët tanë të bëhen të rritur të zotët, të përgjegjshëm dhe me kurajë”, shkruan Lira Gjika në rrjetet sociale./albeu.com/

The post Mjekja pediatre Lira Gjika: Këto gabime të prindërve shqiptarë dëmtojnë fëmijët, pastaj ankohen pse s’janë të zotët e vetes appeared first on Albeu.com.