“Me dhimbje të thellë Madhëria e Saj Mbretëresha njoftoi vdekjen e bashkëshortit të saj të dashur, Lartësisë së Tij Mbretërore Princit Philip, Duka i Edinburgut. Lartësia e tij mbretërore ndërroi jetë paqësisht këtë mëngjes në Kështjellën Windsor. Familja mbretërore bashkohet me njerëzit në mbarë botën në zi për humbjen e tij. Njoftimet e mëtejshme do të bëhen në kohën e duhur”, njoftoi pallati, raporton hola.com.

Pesë vite më vonë, në korrik të vitit 1939, ata u takuan përsëri në Akademinë Detare në Dartmouth, Angli dhe flaka e dashurisë u ndez. Ndërsa studionte atje, Princi i atëhershëm i Greqisë dhe Danimarkës përdori sharmin e tij për të pushtuar vajzën e madhe të mbretit George VI dhe mbretëreshës Elizabeth I, e njohur si Lilibet. Të dy pasardhësit e mbretëreshës Victoria filluan të shkëmbejnë letra. Filipi, me ndihmën e xhaxhait të tij, Lord Mountbatten , mbajti kontakte me Lilibet për t’u takuar më vonë në fund të Luftës së Dytë Botërore dhe më në fund zyrtarizoi miqësinë e tyre.

Në vitin 1946, Phillip vizitoi shtëpinë Balmoral të familjes mbretërore, ku prindërit e Lilibet do të njihnin njeriun që i kishte vjedhur zemrën. Edhe pse stili i tij nuk u pëlqente plotësisht mbretërve, princesha e re ishte e kënaqur me djalin e gjatë, biond dhe sensin e tij të madh të humorit. Elizabeta II e dinte se kishte gjetur njeriun që donte të kalonte jetën me të. Edhe pse babai i saj nuk e miratoi plotësisht lidhjen e tyre, kërkesa e saj për martesë u pranua pasi u fejua fshehurazi. Më 20 nëntor 1947, Westminster Abbey në Londër priti 2000 të ftuar për të festuar bashkimin e Elizabeth dhe Philip. Dasma ishte dasma e parë mbretërore pas Luftës së Dytë Botërore.

Menjëherë pas martesës së tyre, Phillip e dinte se ai duhet të qëndronte pas gruas së tij dhe pozicionit që ajo do të mbante një ditë në fron. Ai, i cili kishte hequr dorë nga titujt e tij për hir të tij, gjeti pak qetësi kur në vitin 1949 u emërua Komandant i Dytë i Marinës në Maltë. Çifti ishte i lumtur dhe Lilibet e shijoi martesën e saj si grua oficeri dhe pa shqetësimet e fronit. Lilibet u bë Elizabeth II, Mbretëresha e Mbretërisë së Bashkuar, në vitin 1952, pas vdekjes së babait të saj. Në moshën 25-vjeçare, e reja mori rolin e ri me mbështetjen e bashkëshortit. Ai e inkurajoi atë të merrte pozicionin që ajo ka mbajtur tani për gati 70 vite. Marrëdhënia mes Mbretëreshës dhe Dukës pati ulje-ngritje. Ndër më të përmendurat ishin gjoja pabesi nga ana e tij. Megjithatë, dashuria ishte më e fortë dhe Filipi mbeti në krah të gruas së tij pavarësisht spekulimeve dhe vdekjes së tij më 9 prill 2021.

The post Romanca që kapërceu ulje-ngritje, historia e dashurisë së Mbretëreshës Elizabeth II dhe Princit Philip appeared first on Albeu.com.

Periudha e zisë po mbaron ngadalë dhe paraqitjet publike të mbretëreshës duhet të vazhdojnë dhe mendohet që roli pranë saj tani pas vdekjes së Princit Philip do të merret së pari nga pasardhësi, princi Charles.

Charles do të shoqërojë Mbretëreshën në paraqitjet e saj të ardhshme, duke filluar me inaugurimin e Parlamentit, sipas raporteve në “The Sun”.

Burimet mbretërore zbulojnë se mbretëresha nuk dëshiron të ndryshojë protokollin e trashëgimisë dhe t’i japë kurorën princit William, kështu që ajo dëshiron që Charles të marrë më shumë detyra në jetën mbretërore.

Kujtojmë se sipas një sondazhi të publikuar para disa ditësh, rreth 47% e qytetarëve britanikë duan që nipi i parë i Mbretëreshës të ulet në fron dhe jo babai i tij, Princ i Uellsit.

Nga ana tjetër, vetëm 27% e të anketuarëve zgjodhën Princin Charles si pasardhësin e nënës së tyre.
Në këtë sondazh morën pjesë 1590 të rritur britanik.

Ndërkohë, djali i dytë i Princit Charles, Harry ka hequr dorë nga privilegjet dhe është zhvendosur në Kaliforni, SHBA me gruan e tij, Dukeshën e Sussex, Megan . Ata kanë qenë prej kohësh kryefjala e mediave dhe madje intervista e tyre për Oprah ishte bomba përfundimtare.

The post Pas vdekjes, kush do të marrë rolin e Princit Philip? Ja çfarë po ndodh me protokollin e trashëgimisë appeared first on Albeu.com.

Për t’i thënë lamtumirën e fundit bashkëshortit të saj, Mbretëresha Elizabeth la dhe një shënim mbi arkivolin e të ndjerit. Shënimi u kap nga disa fotografë dhe në të dallohej se ishte shkruar “Të dua” dhe “Lilibet”.

“Lilibet” është një nofkë që Mbretreshës ia kanë vendosur kur ajo ka qenë fëmijë dhe Duka i Edinburgh e përdorte kur i drejtohej bashkëshortes me përkëdheli në letrat e tij. Elizabeth u shfaq e vetme gjatë funeralit të djeshëm, për shkak të rregullave anti-Covid dhe në ceremoni morën pjesë vetëm 30 persona.

Jeni kuriozë të dini ç’domethënie kishte muzika e luajtur në funeralin e Princit?

Ai planifikoi vetë për 18 vite çdo detaj të varrimit të tij, teksa kishte kërkuar që të luhej “Eternal Father, Strong to Save” (“For Those in Peril on the Sea” ) nga William Whiting. Kjo këngë kishte një domethënie të madhe për Princin, pasi është frymëzuar nga jeta e rrezikshme detare. Kujtojmë se Princi Philip shërbeu në Marinën Mbretërore për 14 vite, ndaj kjo ishte një këngë e përshtatshme për përcjelljen e tij në banesën e fundit.

“The Jubliate” u luajt si këngë gëzimi dhe përfshiu një referencë për hyrjen në “portat e Zotit me falënderime”.

Gjithashtu, në ceremoninë e tij mortore u luajt gjithashtu “Action Stations”, që njihet si alarmi i Marinës Mbretërore.

Në përcjelljen e Princit për në banesën e fundit u luajtën edhe “Adagio Expressivo” nga Sir William Harris, “Salix” nga Percy Whitlock, “Berceuse” nga Louis Vierne dhe himni kombëtar.

The post Domethënia e veçantë e muzikës që u përdor në funeralin e Princit Philip appeared first on Albeu.com.

Më pas Pallati publikoi një mesazh shumë prekës për bashkëshortin e  ndjerë të mbretëreshës, me të cilin ajo kaloi 73 vite të jetës së saj. Familja mbretërore ka ndarë në Instagram një foto, në të cilën mbretëresha shihet e ulur përkrah Princit Philip. Fotografia u shoqërua me një shprehje që Mbretëresha Elizabeth ka thënë për të ndjerin gjatë përvjetorit të tyre të martesës në vitin 1997.

“Ai ka qenë thjesht fuqia ime dhe qëndrimi im gjatë gjithë këtyre viteve. Unë dhe e gjithë familja e tij dhe shumë vende të tjera i detyrohemi atij një borxh shumë më të madh nga çfarë ai mund të pretendonte ndonjëherë”, ka thënë mbretëresha asokohe dhe ky mesazh është shkëputur sot për të shprehur dhimbjen për ndarjen nga jeta të Princit Philip.

Ka një protokoll të rreptë për atë që duhet të veshë familja mbretërore ku ndërron jetë një anëtar. Zija do të zgjasë 8 ditë që nga momenti i vdekjes së anëtarit, por Mbretëresha do të ketë një zgjatje të periudhës prej 30 ditësh.

Matthew Storey, kurator në Historic Royal Palaces  tha për “The Tepegraph” :

“Veshja e rrobave të zeza ka qenë pjesë e kulturës mbretërore europiane për shekuj me radhë, por arriti kulmin në shekullin e 19-të me ndikimin e mbretëreshës Victoria, e cila vendosi standard për pjesën tjetër të shoqërisë për t’u ndjekur. Të vejave u kërkohej të vishnin të zeza, pastaj ngjyra pak më të hapura se e zeza, për të paktën tre vjet, derisa të ishin në gjendje të vishnin rroba me ngjyra”.

The post Sa kohë do të mbajë zi Mbretëresha pas vdekjes së princit Philip appeared first on Albeu.com.