Kjo fotografi është shpërndarë në ditën e varrimit të Princit Philip.

Nga Familja Mbretërore me anë të një postimi në rrjetin social Instagram thuhet se kjo fotografi ishte realizuar në vitin 2003 në majën Coyles of Muick në Skotlandë, fotografja është Kontesha e Ëessex, Sophie.

“Madhëria e saj dhe Familja Mbretërore janë falënderues për të gjitha mesazhet e ngushëllimeve nga e gjithë bota, jemi të prekur sa shumë kemi parë dhe dëgjuar që njerëzit kanë ndarë kujtimet e tyre për Dukën”, thuhet në njoftimin e Familjes Mbretërore në postim.

The post Familja Mbretërore bën publike foton e rrallë të Princ Philip pas vdekjes appeared first on Albeu.com.

Ndërkohë, kudo në Britani ushtuan të shtënat e topave në shenjë nderimi për Princin Philip, i cili u nda nga jeta të premten në moshën 99-vjeçare.

Planet e ceremonive, të hartuara prej kohësh, u desh të ndryshoheshin dhe të zvogëloheshin në përmasa, për shkak të kufizimeve për koronavirusin, por Pallati Mbretëror tha se ato përsëri përputhen mjaft me dëshirat e Princit Philip.

Për nder të tij do të organizohet një funeral mbretëror, jo shtetëror, pa procesione publike, që do të zhvillohet tërësisht brenda mjediseve të Kështjellës Windsor. Numri i të pranishmëve do të jetë jo më shumë se 30.

Varrimi do të zhvillohet në Kishën e Shën Gjergjit brenda kështjellës dhe do të paraprihet nga një minutë heshtje në të gjithë vendin.

Hollësitë e sakta se kush do të marrë pjesë nuk janë bërë publike, por midis të pranishmëve do të jetë Princi Harry, intervista e pazakontë e të cilit dhe gruas së tij Meghan muajin e kaluar me personalitetin e njohur televiziv Oprah Winfrey, e zhyti familjen mbretërore në krizën e saj më të madhe në dekada.

Meghan, e cila është shtatzënë me fëmijën e tyre të dytë, nuk do të marrë pjesë në bazë të këshillës së mjekut, tha Pallati Mbretëror.

Të shtëna topash për nder të Princit Philip

Edhe sot vazhduan homazhet për njeriun që mbretëresha Elizabetë e quante shtyllën e saj të forcës.

Shumë njerëz vendosën lule pranë rezidencave mbretërore për Princin Philip, i cili kaloi më shumë se shtatë dekada në krah të bashkëshortes së tij.

Në njoftimin e saj zyrtar në Twitter, familja mbretërore postoi fjalët e Mbretëreshës të thëna në 50 vjetorin e tyre të martesës në vitin 1997, ku ajo e cilësonte bashkëshortin e saj si një shtyllë force për të gjatë gjithë atyre viteve.

Anëtarët e familjes kanë vazhduar të vizitojnë Mbretëreshën për t’i shprehur homazhet e tyre në Kështjellën Windsor, ku Princi Philip u nda nga jeta.

Në shenjë nderimi, sot në mesditë, ushtuan të shtënat ceremoniale të topave nga forcat e armatosura në Londër, Edinburg, Cardiff, Belfast dhe Gjibraltar. Të shtëna topash pati edhe nga disa anije luftarake të marinës. /VOA/

The post Britania në zi në kohë pandemie, çfarë do të jetë ndryshe në ceremoninë e varrimit appeared first on Albeu.com.

Në mënyrë që të martohej me të,  Princit Philip  iu desh të humbte titujt që mbante si pasardhës i familjeve mbretërore të  Greqisë  dhe  Danimarkës,  dhe mori titullin e Dukës së Edinburgut, duke e ditur se ai kurrë nuk do të bëhej mbret.

Arsyeja që protokolli britanik përfshin këtë dispozitë ka të bëjë me konceptimet e vjetra të patriarkatit . Titulli i mbretit ishte superior ndaj mbretëreshës, gjë që nuk lejohet, pasi që Philip-i u martua me një anëtar të familjes mbretërore, nuk lindi aty.

Sipas sistemit të vjetër patriarkal, mbreti i kalon mbretëreshat, që do të thotë se ai do të ishte në një pozitë më të lartë se mbretëresha, diçka që nuk lejohet kur martohesh me një anëtar të familjes mbretërore.

Më 22 shkurt 1957 , Pallati lëshoi ​​një deklaratë për këtë çështje. Mbretëresha njoftoi se po i jep titullin Princ i Mbretërisë së Bashkuar Lartmadhërisë së Tij Mbretërore Dukës së Edinburgut.

The post Pse Princi Philip nuk mund të bëhej kurrë Mbret appeared first on Albeu.com.

Këtë lajm të hidhur e ka bërë të ditur Pallati Mbretëror në një deklaratë zyrtare ku shkruhej:

“Me hidhërim të thellë, Madhëria e saj Mbretëresha njofton vdekjen e burrit të saj të dashur, Lartmadhërisë së Tij Mbretërore Princit Philip, Dukës së Edinburgut.

Lartësia e Tij ndërroi jetë paqësisht këtë mëngjes në Kalanë e Windsor.

Familja Mbretërore bashkohet me njerëz në të gjithë botën për të mbajtur zi për humbjen e tij.

Njoftimet e mëtejshme do të bëhen në momentin e duhur.”

Në muajin qershor, Princi Philip do të mbushte 100 vjeç.

Por, a do të jenë të pranishëm Harry dhe Meghan në funeralin e gjyshit të Harry-t, pas largimit të tyre nga Pallati Mbretëror dhe prishjes së marrëdhënieve?

Burime pranë çiftit kanë treguar për “Dailymail” se Harry po bën çmos që të jetë pranë familjes në këtë moment. Përsa i përket Meghan Markle, duke qenë se dukesha është shtatzënë, i duhet të këshillohet më parë me mjekun nëse do të jetë i sigurt fluturimi i saj.

“Harry do bëjë ç`është e mundur të kthehet në shtëpi, në Britani dhe të jetë me familjen. Ai nuk do asgjë tjetër më shumë sesa të jetë me familjen, veçanërisht me gjyshen gjatë këtyre ditëve të vështira. Kurse Meghan është shtatzënë, ndaj do i duhet të flasë me mjekët, nëse do ishte i sigurt fluturimi i saj, ama për Harry-n mendoj që do shkojë patjetër”- ka treguar burimi.

 

View this post on Instagram

 

A post shared by The Royal Family (@theroyalfamily)

The post A do të jenë të pranishëm Meghan dhe Harry në funeralin e Princit Philip? appeared first on Albeu.com.