Në një dalje Gala këtë të shtunë, ajo vendosi në qafë kryqin e preferuar të princeshë Diana të cilën Kim Kardashian e ka blerë në ankand në vitin 2023 për vlerën 212.000 dollarë. Paraqitja e saj në tapetin e kuq gjatë fundjavës shënoi herën e parë që gjerdani të vishej në publik që nga vdekja e Dianës në vitin 1997.

Me diamante me vlerë 5.25 karat, gjerdani është krijuar nga “Garrard” në fillim të shekullit 20-të. Ajo u ble në vitet 1980 nga biznesmeni i ndjerë palestinezo-britanik Naim Attallah, i cili ia huazoi këtë pjesë Dianës në disa dalje publike, kryesisht nëpër gala si dhe në organizatat për mbrojtjen e të drejtave të njeriut.

Kardashian e stiloi gjerdanin ndryshe, duke shkurtuar ndjeshëm zinxhirin e perlave dhe duke e veshur atë së bashku me disa bizhuteri të tjera. Kim zgjodhi ta kombinojë me një fustan tërësisht të bardhë dhe një dekolte goxha të hapur.

Opinioni publik ka shpërthyer në komente negative kundër saj pasi Kim, sipas tyre, nuk ka respektuar kuptimin që ai simbol fetar mbart.

“Pse ne ende po i japim kësaj gruaje trashëgimi të çmuar si gjerdani i Dianës pasi ajo theu fustanin e Marilyn-it”, shkroi një komentues në Instagram duke iu referuar polemikave gjatë daljes publike të Kim Kardashian në Met Gala 2022, ku ajo veshi fustanin ikonik të Marilyn Monroe.

The post Vendosi kryqin e princeshë Diana, komentuesit shpërthejnë kundër Kim Kardashian appeared first on Albeu.com.

Në fakt, në një pjesë të librit, Princi Harry i referohet edhe marrëdhënies që nëna e tij e ndjerë, Princesha Diana, kishte me majorin James Hewitt dhe nënvizon sesi Charles III i tha me shaka:  “Kush e di nëse unë jam babai yt i vërtetë?”

Duke përshkruar incidentin e veçantë, ai tha se ndodhi kur Charles donte të tregonte një nga batutat e tij më të mira, sipas princit babai i tij është një adhurues i shakave, që kishte të bënte me vizitën e tij në një spital psikiatrik.

Kur Charles III kaloi pragun e azilit, ai takoi një të burgosur që pretendonte se ishte Princi i Uellsit.

Gjatë bisedës së tyre, mbreti aktual i Britanisë së Madhe i  tha atij se ai ishte princi.

“Ti nuk mund të jesh Princi i Uellsit, unë jam Princi i Uellsit”, citohet të ketë thënë babai i tij.

Dhe ndërsa burri e dëgjonte me vëmendje, ai përsëriti atë që thoshte Çarlsi.

Menjëherë më pas Charles, që i pëlqejnë deklaratat filozofike, vuri në dukje se  “të gjithë mund të jetojnë në botën e tyre të fantazisë” dhe më pas me shaka i tha:  “Kush e di nëse unë jam babai yt i vërtetë? Ndoshta babai yt është në Broadmoor, biri im i dashur!”

Nga ana e tij, Harry e përshkroi këtë shaka të veçantë si “shije të keqe”.

Ngjarja ndodhi në një kohë kur qarkullonin zëra se babai i tij i vërtetë ishte Major Hewitt.

James Hewitt kishte një lidhje me Princeshën Diana nga viti 1986 deri në 1991. Në fakt, ngjashmëria që djali i dytë i Charles kishte me majorin ndezi pretendimet që thoshin se Duka i Sussex është fryt i dashurisë së Dianës dhe Hewitt.

Siç thekson Princi Harry, thashethemet vazhduan pavarësisht nga fakti se “nëna ime ishte takuar me Major Hewitt shumë kohë pasi linda unë”. Ai shton më tej se edhe nëse Charles kishte menduar ndonjë gjë për Hewitt “ai e mbajti atë për vete”.

“Baba, të lutem, mos u marto me Camilla-n”

“Ai iu lut babait të tij,  Charles , të mos martohej me Camilla, sepse kishte frikë se ajo do të bëhej njerka e keqe”, thotë ndër të tjera Princi Harry në një kapitull tjetër të librit të tij.

Siç pretendon Daily Mail, Duka i Sussex-it “iu lut babait të tij, më pas Princit Charles, të mos martohej me Camilla”.

Libri i Harry-t, i lançuar sot në Spanjë përpara publikimit të tij zyrtar javën e ardhshme, pohon gjithashtu se, “Jo vetëm Harry, por edhe Uilliam ‘iu lutën’ babait të tyre që të mos martohej me Camilla pas vdekjes së nënës së tyre, Princeshë Diana, nga frika se ajo do të bëhej . “njerka e keqe”./Albeu.al/

The post “Kush e di nëse jam babai juaj i vërtetë?” Shakaja “e hidhur” e Charles me Harryn appeared first on Albeu.com.

Princeshë Diana ka ditur gjithmonë të dallohet me pamjen e saj dhe shquhej për mirësinë e shpirtit.

Për shembull, Mbretëresha e Zemrave refuzoi të vishte doreza ndërsa ishte në punë zyrtare, në mënyrë që të ishte më afër njerëzve dhe t’u tregonte atyre dashuri. Një herë, ajo u fotografua me 2 ora në dorë dhe kjo nuk ishte rastësi.
Dianës i pëlqente të shprehte ndjenjat e saj ndaj njerëzve që donte dhe ky gjest ishte bërë edhe për dikë të veçantë.

Ky veprim ka një mesazh të fshehur dhe emocionues.

Kjo foto e Princeshës Diana është realizuar në vitin 1981, pak pasi ajo dhe Princi Charles u fejuan. Kamera e kapi atë duke parë të dashurin e saj duke luajtur polo në Guards Polo Club në Windsor. Gjithçka dukej e rregullt, përveç këtij detaji të vogël ekstravagant: Diana kishte 2 ora në kyçin e dorës.

Me sa duket, ora e artë me rripin e hollë i përkiste Dianës, por ajo e errëta ishte princit Charles.

Diana tha se mbante orën e partnerit për nder të tij dhe për t’i sjellë atij fat.

The post Pse i mbante Princesha Diana 2 ora në kyçin e dorës? (FOTO LAJM) appeared first on Albeu.com.