Në takim ishin të pranishëm Ervin Salianji, Ilir Alimehmeti (më i votuari në Qarkun Tiranë), Hysen Kadiu (më i votuari në primare), Aulon Kalaja (më i votuari në listën e hapur të Durrësit), Gent Cela (Qarku Fier), Qani Xhafa (Qarku Elbasan), Ted Kopliku (Qarku Shkodër), Xhemal Gjunkshi (Qarku Diber), Alma Kore (Qarku Gjirokastër), Pardid Mahmutaj (Qarku Berat), Nada Daullja (Qarku Vlorë), si dhe një sërë kandidatesh të votuara dhe fitues të primareve.

Sipas burimeve nga takimi, qëllimi kryesor ishte dëgjimi i mendimeve dhe eksperiencës së fituesve për të nxjerrë zgjidhjet më të mira për PD-në në këtë moment të rëndësishëm politik.

Diskutimet u fokusuan mbi rikthimin e ADN-së fituese të partisë, promovimin e meritokracisë, hapjen e strukturave dhe forcimin e besimit qytetar.

Ky takim shihet si një hap i rëndësishëm drejt rifreskimit të frymës dhe modelit organizativ të PD-së, duke vënë në qendër zërin e qytetarëve dhe votuesve që kanë besuar tek kandidatët më të votuar.

“Rikthimi te ADN-ja fituese, meritokracia, hapja dhe besimi qytetar janë shtyllat mbi të cilat duhet të ndërtojmë të ardhmen e partisë”, thanë burimet nga takimi.

Ky moment nënvizon rëndësinë e bashkëpunimit dhe dëgjimit të njerëzve që kanë marrë vota reale, duke u shndërruar në një mesazh pozitiv për demokratët dhe elektoratin e PD-së

The post PD nis procesin e rifreskimit, Ervin Salianji mbledh më të votuarit e primareve dhe listave të hapura në 11 maj appeared first on Albeu.com.

Berisha tha se nuk ishte perfekt, pasi për shkaqe burokratike, disa demokratë mbetën pa votuar.

Berisha: Duhet të ndalem në dy ngjarje të mëdha për jetën politike të Shqipërisë.
Mendoj se primaret që u zhvilluan ditën e diel në Shqipëri ishin procesi më demokratik që Shqipëria ka njohur ndonjëherë.

Në këtë garë të hapur u regjistruan mbi 450 kandidatë.

Në këtë garë të hapur morën pjesë qindra e qindra kandidatë. Ushtruan të drejtën e votës rreth 51 mijë anëtarë të PD-së, votimi më i madh që nga viti 2013.

Dua me këtë rast të përgëzoj të gjithë ata të cilët morën pjesë në këtë proces. Të përgëzoj kandidatët për guximin dhe vendosmërinë e tyre për të marrë pjesë në garë si përfaqësues të PD në zgjedhjet e ardhshme.

Të përgëzoj të gjithë anëtarë të PD që ushtruan të drejtën e votës dhe votuan për kandidatin që ata vlerësojnë më shumë.

I siguroj ata dhe mbarë shqiptarët që kjo procedurë është e para e këtij lloji që zhvillohet në Shqipëri, është më e mira, më demokratikja se çdo procedurë që mund të zhvillohej në raste të tilla.

Ky votim përbën bazën më demokratike të përzgjedhjes së kandidatëve të PD-së për deputet. Natyrisht në këtë përzgjedhje disa kritere statusore siç janë kuotat e përcaktuara në statut dhe ligje, për gratë dhe të rinjtë, ato do respektohen sepse nuk mund të kapërcehen përcaktimet statusore.

Por mendoj se këto përmirësojnë përfaqësimin e shoqërisë shqiptare në parlamentin shqiptar, përndryshe nuk ka metodë më të drejtë, më të ndershme se sa kjo për përcaktimin e kandidaturave.

Imagjinoni ju se çfarë ndodh në krahun tjetër, që kandidaturat përcaktohen nga Bajrët, Troplini, Poja, Çela, Ndoka dhe eksponentë të tjerë të krimit. Përcaktohen nga valixhet me para.

Përcaktohen jashtë të gjitha kritereve. Ju e patë që Çyrbja, u vendos emri i tij fill pas Edi Ramës sepse përfaqësonte bandën më të rrezikshme.

Këto janë kandidaturat e qytetarëve, e vullnetit të lirë të qytetarëve shqiptarë, anëtarë të PD-së.

Me këtë rast, duke thënë të gjitha këto, përsëri proces të përsosur nuk ka dhe nuk mund të ketë. Por kërkoj ndjesë të gjithë atyre që u paraqitën për të votuar dhe nuk votuan dot për shkak të listës ose mungesës së dokumenteve. Ju kërkoj shumë ndjesë dhe mendoj se PD do bëjë gjithçka që kjo të mos ndodhë.

Megjithëse përcaktoi kriteret më të gjera, të gjitha listat nga viti 2019 e deri tani, të jenë me të drejtë votimi dhe çdo njeri që ka dokumentin dhe këto u respektuan, prapë se prapë mbetën demokratë pa votuar dhe kjo më lëndon dhe unë u kërkoj atyre të falur sot për këtë privim të padrejtë që iu është bërë nga shkaqe burokratike.

Së dyti, numërimi siç e keni parë ju vetë, është bërë me transparencë absolute ku çdo votë është shfaqur në ekran. Cilido që ka dyshimin më të vogël, ka të drejtë të marrë regjistrimin, t’i drejtohet komisionit të administrimit të zgjedhjeve pranë PD dhe procedurat tona janë 100 përqind transparente.

The post Berisha flet për primaret: Më demokratiku, nga krahu tjetër përcaktohen me valixhe me para appeared first on Albeu.com.

“Te nderuar drejtues te PD dhe te komisionit zgjedhor te primareve te Qarkut Tirane. Nuk besoj qe ka ndonje nga 82 kandidatet qe nuk e di se sa vota ka mare. UNE KAM MAR 400 VOTA PA U HAPUR EDHE DY KUTI AJO E VORES DHE E PASKUQANIT.

Prandaj boll e mbllaçitet si karamele ne goje shpalljen e rezultatit te Qarkut Tiranë se çdo vonesë shton dyshimet per proces jo te rregullt.

Per 2 Deget Vore dhe Paskuqan duhet t’i kishit hapur kutite ne prezence te numeruesve dhe vezhguesve e jo te dergoni minj administrate qe kane 25 vjet qe lepijne kepucet e kujdo padrinoje ne seli te PD e te derdellisni per parregullsi.

Merni vendim qe ne Vore dhe Paskuqan te perseriten zgjedhjet te shtunen tjeter e mos i ofendoni Demokratet e ketyre dy Bashkive se nuk jua kanë borxh.

KJO ESHTE “ STERVITJE” Ndaj mos u “ lodhni” shume ne “ stervitje” se nuk do kemi takat per ndeshjen. RESPEKTE E MIRENJOHJE PER 400 DEMOKRATET QE ME VOTUAN E BESUAN SI KANDIDAT i TYRE NE BETEJEN ME RREGJIMIN.

The post “Hapni kutitë, mos dërgoni minj administrate!”, Myslym Murrizi akuzon trukimin e Primareve në Qarkun e Tiranës appeared first on Albeu.com.

Në disa Qendra, votimi vazhdoi derisa votoi edhe anëtari i fundit i PD në radhë sipas njoftimit.

Pjesëmarrja në këto zgjedhje ka shënuar një rekord të lartë, duke arritur në 50,854 votues, sipas të dhënave paraprake të marra në formë elektronike.

Sipas Vendimit të KOKOE Nr. 36, një kopje origjinale e procesverbalit të mbylljes së votimit duhet të dorëzohet pranë KOKOE deri në orën 12:00 të datës 2 mars, ndërsa dorëzimi i materialeve zgjedhore nga Komisionet e Numërimit duhet të përfundojë deri në orën 13:00 të të njëjtës ditë.

KOKOE njoftoi më tej se ka pranuar shumicën e materialeve zgjedhore dhe është në pritje të materialeve të tjera, që kanë vonuar për shkak të procesit të zgjatur të numërimit në disa degë. Të gjitha materialet do të shqyrtohen dhe vendimet për rezultatet e Primareve në nivel Qarku do të publikohen në vijim.

Megjithatë, dy Qendra Votimi në Tiranë dhe një në Vlorë kanë hasur probleme që kërkojnë vendimmarrjen e KOKOE. Çdo rezultat konsiderohet paraprak, dhe atje ku mungojnë rezultatet e Qendrave të Votimit, ato do të konsiderohen jopërfundimtare deri në shpalljen e vendimit përfundimtar nga KOKOE.

KOKOE po qëndron e mbledhur duke verifikuar materialet zgjedhore sipas radhës së mbërritjes, dhe rezultatet finale do të publikohen vetëm pas verifikimit të materialeve origjinale zgjedhore dhe vendimeve të KOKOE për rastet e përmendura më lart.

The post Përmbyllet procesi i primareve, PD njoftim zyrtar: Mbi 50 mijë demokratë hodhën votat e tyre appeared first on Albeu.com.

Pas gjithë mundit dhe përpjekjeve për të siguruar një vend të sigurt në listë, ajo ka lënë të kuptohet se është e zhgënjyer nga ky proces.

Kalaja ka ironizuar me shprehjen e njohur “fitorja u takon guximtarëve dhe luftëtarëve”, duke shtuar një version të ri: “Fitorja u takon tradhtarëve”.

Ky koment tregon qartë se ajo është e zhgënjyer nga përfundimet e primareve dhe se ka një trajtim të padrejtë në këtë proces.

Rezultati i primareve për qarkun e Tiranës ende nuk është bërë publik.

The post Adriana Kalaja zhgënjehet me Primaret e PD-së: Fitorja u takon tradhtarëve appeared first on Albeu.com.

Komisioni i Organizimit dhe Kontrollit të Operacioneve Elektorale (KOKOE) pranë Partisë Demokratike, njofton se deri në orën 16:00 kanë votuar 41,666 anëtarë në të gjithë vendin.

Pjesëmarrja më e lartë është regjistruar në Tiranë me 10,779 votues, ndjekur nga Fieri me 4,240 dhe Korça me 3,738 votues.

Numri i vototave

Pogradeci– Votuan 687 anëtarë

Devolli- Votuan 1371 anëtarë

Kolonja– Votuan 557 anëtarë

Berat– Votuan 815 anëtarë

Lushnje- Votuan 1450 anëtarë

Divjakë– Votuan mbi 800 anëtarë

Kukësi- Votuan 935 anëtarë

Hasi– Votuan 1050 anëtarë

Tropoja– Votuan 830 anëtarë

Shkodër– Votuan 1785 anëtarë

Malësia e Madhe: Votuan 791 anëtarë

Vau Dejës– Votuan 701 anëtarë

Pukë– Votuan 586 anëtarë

Fushë Arrëz- Votuan 588 anëtarë

Belsh- Votuan 411 anëtarë

Me publikimin e rezultateve finale, do përcaktohet edhe pragu i votave për secilin kandidat për të ardhur në Kryesinë e PD. Më pas, do të jetë Kryesia e PD ajo e cila do të bëj renditjen e tyre që do jenë në listën e mbyllur dhe në listën e hapur të zgjedhjeve të 11 majit.

The post Primaret e PD, mbyllet procesi i votimit në 12 qarqet e vendit, ja sa ishte pjesëmarrja appeared first on Albeu.com.

Pjesëmarrja më e lartë është në Tiranë, ku deri në orën 16:00 votuan 10,779 qytetarë. Në vend të dytë renditet Fieri, ku 4,240 demokratë hodhën votën në kutitë e votimit, ndërsa në vend të tretë është Korça me 3,738 votues.

Në Durrës kanë votuar deri më tani 3,670 demokratë, në Lezhë 2,745, në Kukës 2,280, në Shkodër 3,527, në Elbasan 3,295, në Vlorë 2,143, në Berat 1,464 , në Dibër 2,080 dhe në Gjirokastër 1,705 demokratë.

The post Primaret e Partisë Demokratike, mbi 41 mijë e 600 demokratë votuan deri në orën 16:00 appeared first on Albeu.com.

Sherri ka nisur më herët përpara selisë së PD në sytë e shumë anëtarëve dhe mbështetësve që ishin aty për të votuar dhe më pas Bardhi dhe Baçi janë futur brenda selisë ku janë mbyllur në një mjedis që shërben për mbledhjet e partisë dhe kanë vijuar përplasjen me tone të larta. Në debat është përfshirë edhe nënkryetari i PD, Gentian Koçi, i cili prej kohësh është pozicionuar në krah të Bardhit dhe kundër Luan Baçit.

Të njëjta burime të besueshme thanë se përplasja ka ndodhur për shkak se Luan Baçi ka kërkuar që në procesin e primareve të marrin pjesë edhe anëtarët që janë regjistruar në parti pas vitit 2021, ndërsa Bardhi e ka kundërshtuar me forcë këtë gjë. Më tej Gazmend Bardhi ka pasur një përplasje edhe me Komisionin e votimit, të cilët i akuzon se janë njerëz të vendosur nga Luan Baçi
Të dyja grupet rivale ndodhen Brenda selisë së PD, por nuk është e qartë nëse procesi I votimit vijon, apo është i bllokuar.

Në degën e PD Fier janë të regjistruar rreth 7 mijë anëtarë partie, por pjesëmarrja në procesin e primareve deri në orët e drekes ishte shumë e ulët në të gjithë qarkun.

The post Primaret thellojnë përçarjen në PD e Fierit, Bardhi dhe Baçi sherr përpara selisë së partisë appeared first on Albeu.com.

Në një prononcim për mediat, Berisha u shpreh se PD prin në betejën e saj për liritë e të drejtat e anëtarëve të saj.

“Një përshëndetje të përzemërt të gjithë demokrateve dhe demokratëve që kanë votuar dhe do votojnë sot për të shprehur vullnetin e tyre për kandidatin që ata dëshirojnë t’i përfaqësojë në parlamentin e Shqipërisë.

Kjo është një ditë e rëndësishme për PD, është një ditë e rëndësishme për pluralizmin politik në Shqipëri dhe për lirinë.

PD prin në betejën e saj për liritë dhe të drejtat e anëtareve dhe anëtarëve të saj, e qytetareve dhe qytetarëve të Shqipërisë. Ktheni pak kokën, mbyllni pak sytë dhe shihni se çfarë ndodh në partinë tjetër. Se në çfarë kthetrash, çfarë honesh vidhisen në këtë periudhë. Ndaj dhe, ky është një akt shprese për shqiptarët që liria nuk do të shuhet kurrë në këtë vend, por do dalë shumë më e fortë nga këto zgjedhje.

Pyetje: Z.Berisha, e patët të lehtë ta bënit zgjedhjen tuaj?

Berisha: Shumë të vështirë, sepse kishte kandidatura aq konkurruese, sa ishte e vështirë ta përqendroje vendimin tek një e veçantë. Do të doja të ishin disa, por unë respektova statutin”, tha ai.

The post Primaret/ Voton Sali Berisha: Ditë e rëndësishme për PD, pluralizmin politik në Shqipëri dhe lirinë appeared first on Albeu.com.

PD publikoi edhe shifrat e pjesëmarrjes deri në orën 12.00.

QARKU Pjes]marrja

1 KUKES  1,430

2 SHKODER  2,032

3 DIBER  890

4 LEZHE  1,650

5 DURRES  1,555

6 ELBASAN  1,380

7 KORCE  2,033

8 BERAT  920

9 FIER  1,440

10 GJIROKASTE R  855

11 VLORE  1,065

12 TIRANE  3,936

TOTAL  19,186

“Pjesëmarrja dhe interesi është shumë i madh, që shpreh interesin e madh të anëtarëve të PD për të përzgjedhur përfaqësuesit të tyre në Kuvendin e Shqipërisë.

Procesi po vazhdon me ritme ta larta dhe në disa qendra votimit ka shumë fluks (Shkodër, Kurbin, Lezhë etj).

KOKOE po e ndjek nga afër procesin për të dhënë zgjidhje cdo problematike apo shqetësimi”, thuhet në njoftimin e Komisionit elektoral të PD.

The post Primaret/ PD publikon shifrat: Ja sa demokratë votuan deri në mesditë appeared first on Albeu.com.