Vlera e TNE-së qëndron 7.4 pikë mbi mesataren afatgjatë.

Rënia gjatë muajit prill u përcaktua veçanërisht nga sektori i industrisë, dhe më pak nga treguesi i besimit konsumator. Ndërkohë treguesit e besimit në sektorët e ndërtimit, shërbimeve dhe tregtisë, regjistruan rritje të lehta.

Treguesi i besimit të industrisë ra me 6.7 pikë përqindje në muajin prill, i ndikuar nga vlerësimet e përkeqësuara për kontratat porositëse në vend dhe veçanërisht për ato nga eksportet.

Për rrjedhim, ky tregues thelloi vlerat negative, duke zbritur nën mesataren historike.

Në terma të pritjeve për të ardhmen, bizneseve të këtij sektori presin punësim në rritje dhe çmime në rënie.

Treguesi i besimit në ndërtim u rrit me 1.3 pikë përqindje në muajin prill, për të dytin muaj me radhë. Ky tregues qëndron rreth 17 pikë përqindje mbi mesataren afatgjatë.

Rritja këtë muaj u përcaktua kryesisht nga vlerësimet më të larta për nivelin e porosive aktuale. Pritjet për punësimin dhe ato për çmimet në të ardhmen janë në rritje.

Treguesi i besimit në shërbime u rrit lehtësisht me 0.5 pikë përqindje, në muajin prill. Niveli i këtij treguesi qëndron rreth 14 pikë përqindje mbi mesataren afatgjatë të tij.

Të dy komponentët përbërës të treguesit, ecuria aktuale e aktivitetit si dhe niveli i kërkesës, kanë regjistruar rritje. Pritjet e bizneseve për punësimin dhe çmimet në të ardhmen janë gjithashtu me rritje.

Treguesi i besimit në tregti ka shënuar rritje me rreth 0.8 pikë përqindje. Kjo rritje u ndikua kryesisht nga vlerësime optimiste për punësimin në të ardhmen.

Niveli aktual i treguesit qëndron rreth 7 pikë përqindje mbi mesataren historike. Gjithashtu, pritjet e tyre për ecurinë e biznesit dhe ato për çmimet në të ardhmen kanë regjistruar rritje këtë muaj.

Treguesi i besimit konsumator ra me 1.3 pikë përqindje në prill. Megjithatë, niveli i tij aktual mbetet mbi mesataren historike me rreth 2 pikë përqindje.

Përkeqësimi u ndikua nga rënia e pothuajse të gjithë balancave përbërëse të treguesit, përkatësisht: pritjeve për situatën e përgjithshme ekonomike, situatën financiare dhe blerjet aktuale në shuma të mëdha. Pritjet për nivelin e përgjithshëm të çmimeve dhe punësimin në të ardhmen janë rishikuar lehtësisht për poshtë./MONITOR

The post Prodhuesit dhe konsumatorët pesimistë, treguesi i besimit në ekonomi ra për muajin prill appeared first on Albeu.com.

Qeveria parashikon të indeksojë pensionet në prag të zgjedhjeve parlamentare 2025, duke i dedikuar nga buxheti i shtetit një vlerë prej 50 milionë eurosh.

Lajmin e konfirmon Ministria e Ekonomisë, e cila thotë se pensionet mbi 790 mijë të moshuar do të rriten në bazë të ecurisë së inflacionit në prill.

Formula e indeksimit të pensioneve ndryshoi në pranverën e 2023-shit, kur në prag të zgjedhjeve vendore qeveria e transferoi për në tetor.

Por ajo ju dha pensionistëve një bonus, nga mbledhja e taksës nga kompanitë e mëdha energjetike. Për të rritur masën e pensionit, qeveria ka në plan marrjen e masave për deklarimin e plotë të pagave nga bizneset me qëllim rritjen e sasisë së parave nga kontributet shoqërore dhe shëndetësore. Nga turi i takimeve me pensionistët në të gjithë Shqipërinë, kryeministri Rama ngriti akuza ndaj Prokurorisë së Tiranës, sipas të cilit, ky institucion mbulon dosje ulëritëse të evazionit fiskal ndaj bizneseve.

“Keni dëgjuar ndonjëherë që një sipërmarrës të merret i pandehur për evazion? Mendoni ju se administrata nuk i ka identifikuar disa prej tyre? I ka identifikuar dhe ia ka referuar edhe Prokurorisë së Tiranës, por janë mbuluar me trupat e prokurorëve dosje ulëritëse të evazionit fiskal, të cilët e kanë Prokurorinë në xhep sepse unë nuk gjej asnjë shpjegim tjetër.

Ligji e ruan rendin, por nëse ligji nuk vepron për këtë kategori si për të gjithë të tjerët, ne kemi një problem të madh. Prandaj është jo e lehtë, por ne do të vazhdojmë të bëjmë punën tonë. Për këtë, ne do të bëjmë digjitalizimin e transaksioneve, si dhe një tjetër mekanizëm që po e vëmë në funksion me inteligjencën artificiale”.

Qeveria në bashkëpunim me FMN dhe Bankën Botërore po punon për ndërtimin e një skeme të re pensionesh me qëllim rritjen e masës së pensionit sidomos për ata që përfitojnë më pak.

The post Rritje në prag të zgjedhjeve, qeveria rikthen në prill indeksimin e pensioneve appeared first on Albeu.com.

Të dhënat zyrtare të Lëvizjes së Shtetasve, tregojnë se në janar-prill kanë hyrë në territorin e vendit mbi 2.3 milionë të huaj me një rritje 29.3 për qind në raport me një vit më parë.

“Në Prill 2024, numri i shtetasve shqiptarë që kanë hyrë në territorin shqiptar është 609.351, duke pësuar një rritje me 11,3%, krahasuar me Prill 2023. Numri i shtetasve të huaj që kanë hyrë në territorin shqiptar është 794.129. Ky numër është rritur me 29,3%, krahasuar me të njëjtën periudhë të vitit 2023”, vlerëson INSTAT.

Ndërkohë gjatë muajit Prill 2024, rezultojnë të kenë hyrë, në territorin shqiptar, 1.4milionë shtetas shqiptar dhe të huaj. Ky tregues ka pësuar një rritje me 20,8%, krahasuar me Prill 2023. 1.4 milionë shtetas shqiptarë dhe të huaj rezultojnë të kenë dalë nga territori i republikës së Shqipërisë, duke shënuar një rritje me 22,2%, krahasuar me të njëjtën periudhë të një viti më parë.

Sipas INSTAT, në Prill 2024, rajoni me numrin më të lartë të hyrjeve të shtetasve të huaj në Shqipëri, është rajoni i Evropës me 753.973 shtetas, pasuar nga Amerika, Azia Lindore dhe Paqësori, përkatësisht me 16.699 dhe 5.301 shtetas

Në Prill 2024, krahasuar me Prill 2023, hyrjet e shtetasve të huaj shënojnë: rritje, për qëllime personale me 28,8%; • rritje, për qëllime pushime, vizitë tek të afërm, etj. me 30,6%; • rritje, për biznes dhe qëllime profesionale me 57,4%.

Turoperatorët në vend, raportojnë për një rritje të dukshme të vizitorëve në këto 5 muaj të parë të vitit, por edhe për rezervimet në vazhdim.

Sezoni i verës pritet të arrijë një tjetër pik ku ka një interes të shtuar të turistëve individualë, por edhe të organizuar. Italianët ashtu si edhe një vit më parë, mbeten grupi me vizitorët më të lartë teksa ka një rritje të dukshme të spanjollëve, gjermanëve ndërkohë që nga të organizuarit në krye qëndrojnë polakët.

“Në muajin Prill 2024, 613.196 shtetas shqiptarë numërohen të kenë dalë nga territori i Shqipërisë, duke shënuar rritje me 8.8%, krahasuar me Prill 2023. Daljet e shtetasve të huaj nga territori i Shqipërisë gjatë muajit Prill 2024, janë 789.064. Krahasuar me të njëjtën periudhë të një viti më parë, ky tregues është rritur me 35,2%”, vlerëson INSTAT./Monitor

The post Turizmi nuk ndalet, rriten hyrjet e të huajve gjatë muajve janar-prill appeared first on Albeu.com.

Prilli do të jetë i vranët dhe i ftohtë për ju që i përkisni një prej shenjave dhe dhjetë ditëve të mëposhtme:

BINJAKËT, SHIGJETARI, VIRGJËRESHA

Prilli do të bëjë shumë presion mbi ju, veçanërisht ju që i përkisni dhjetëditësit të tretë të shenjave të mësipërme pasi Marsi është në Peshqit nga 23/3, vetëm tensione, keqkuptime dhe konfuzione në biznes, shtëpia ose marrëdhëniet ju sfidojnë. Aspektet e tij me Jupiterin në datën 19 (që përkon edhe me eklipsin Diellor që ju ndodh në shtëpitë tuaja të 2-të, 5-të, 8-të dhe 11-të respektivisht) do t’ju bëjnë lart e poshtë si nga ana financiare ashtu edhe romantike dhe shoqërore. Nga ana tjetër, Mërkuri do të jetë retrogradë tek Dashi, deri në datën 27/4, duke vënë në pritje të gjitha planet tuaja ose çfarëdo gjëje që keni menduar të bëni për të hequr qafe çështjet tuaja të hapura dhe gjithçka që ju mbetet është të merreni me të vjetrat.

LUANI, UJORI, AKREPI : Ku është fillimi dhe ku është fundi

Marsi në Peshqit ndikon financat tuaja dhe marrëdhëniet tuaja të dashurisë dhe aspektet e tij me Jupiterin në datën 19 dhe Uranin në datën 20, nëse jeni në dhjetë ditëshin e 3-të, ato nuk ju ofrojnë vetëm stabilitet dhe siguri. Përkundrazi, do të ndodhin gjëra që do t’ju nxjerrin nga planet tuaja (çfarë doni dhe bëni?) dhe me shumë mundësi nuk do të ndodhë asgjë nga ato që prisnit. Mos harroni se në datën 19 do të ketë edhe një Eklips Diellor, në Dashi, i cili rëndon mbi punën, shëndetin, dokumentet, udhëtimet dhe marrëdhëniet tuaja me të afërmit, fqinjët dhe të njohurit, ku do të mjaftojnë problemet – direkt ose indirekt – me të cilat do t’ju kërkohet të përballeni. Lidhja e tij me Neptunin në datën 29 mund t’ju lërë përshtypje të gabuara dhe t’ju mbushë me iluzione, në mënyrë që të humbni çdo shpresë. Prandaj, kini kujdes se çfarë dëshironi, bëni kontrollin tuaj të realitetit dhe mos fluturoni në re.

The post Këto shenja të horoskopit do të jenë më pa fat në muajin Prill appeared first on Albeu.com.

Peshqit. Kjo shenjë do të dalë nga zona e komfortit dhe do të ketë më shumë forcë e besim për të dalë më në pah. Më në fund do të vijë koha për të marrë një drejtim tjetër. Peshqit do arrijnë të mbrojnë idetë dhe të drejtat e tyre. Ata do dinë çfarë do duan dhe nuk do lejojnë askënd t’i mposhte.

Demi. Gjatë këtij muaji demat do jenë shumë kreativë dhe do t’iu hapen dyer të reja. Më në fund do reflektojnë më tepër për gjërat që duan dhe për ato që i bëjnë të lumtur. Do ketë projekte të reja, do jenë me humor të mirë dhe do kalojnë edhe më shumë çaste të bukura me atë që duan.

The post Këto shenja të horoskopit do të jenë më me fat në Prill appeared first on Albeu.com.

Në zgjedhjet e shtatë presidenciale, Stevo Pendarovski, i mbështetur nga LSDM dhe koalicioni, do të kërkojë mandat të ri, ndërsa kundërshtarë të tij janë Gordana Siljanovska-Davkova, e mbështetur nga OBRM-PDUKM dhe koalicioni, Maksim Dimitrievski nga “ZNAM”, Biljana Vankovska Cvetkovska nga “E Majta”, Bujar Osmani nga BDI, Stevço Jakimovski nga “GROM” dhe Arben Taravari i mbështetur nga koalicioni opozitar shqiptar “VLEN”.

Fushata zgjedhore për zgjedhjet presidenciale të planifikuara për 24 prill të këtij viti fillon më 4 prill në ora 00:00 dhe do të zgjasë deri në orën 24:00 të datës 22 prill.

Shumica e partive politike tashmë kanë shpallur bartësit e listave për zgjedhjet parlamentare (8 maj), ndërsa disa prej tyre do t’i prezantojnë nominimet e tyre këtë fundjavë. Listat e kandidatëve për zgjedhjet parlamentare duhet të dorëzohen në KSHZ jo më vonë se 2 prilli, pra 35 ditë para zgjedhjeve të 8 majit.

Zyra e OSBE-së për Institucione Demokratike dhe të Drejtat e Njeriut (ODIHR) dje hapi misionin e vëzhgimit në Maqedoninë e Veriut për zgjedhjet presidenciale që do të mbahen më 24 prill dhe zgjedhjet parlamentare të planifikuara për 8 maj. Për herë të parë, OSBE/ODIHR në vend do të vëzhgojë dy lloje zgjedhjesh që do të zhvillohen në të njëjtën kohë, zgjedhjet presidenciale dhe parlamentare. Për dy ciklet zgjedhore do të punësohen 320 vëzhgues, nga të cilët 20 afatgjatë dhe 300 afatshkurtër.

The post Konfirmohen shtatë kandidatët për president, filloi me punë misioni vëzhgues OSBE-ODIHR appeared first on Albeu.com.

Demi

Duhet të jeni të kujdesshëm dhe veçanërisht të përgatitur në ditët në vijim, pasi vijnë ndryshime dhe situata të papritura, të cilat përmbysin planet dhe vizionet. Fytyrat e reja shfaqen dhe ju prishin ekuilibrin, ndërkohë që nuk mungojnë tensionet. Që çdo gjë të shkojë më mirë, duhet të jeni të përmbajtur përballë tensioneve dhe të veproni me diplomaci.

Virgjëresha

Ju ndjeni shumë presion këtë muaj ndërsa përpiqeni të gjeni ekuilibrin tuaj. Si personalisht ashtu edhe profesionalisht, tensionet dhe presionet ju çojnë në lëvizje të nxituara, me rezultate që mund të mos ju pëlqejnë. Duhet të lëvizni me shumë kujdes, ndërsa nëse mendoni se i keni lënë pas dore disa persona, për shkak të punës, është muaji i duhur për të rishikuar prioritetet tuaja.

The post “Duhet të lëvizni me shumë kujdes”, shenjat me më pak fat këtë muaj appeared first on Albeu.com.

Një energji e madhe është gati për “të shpërthyer” javët në vijim. Kjo do t’ju bëjë më të fortë dhe më të sigurt në vetvete! Edhe pse Marsi është gjithmonë gati për të krijuar pengesa të vogla, rezultate të mira në punë nuk do të vonojnë të vijnë. Në dashuri, kujdes nga pavendosmëria, nëse jeni të interesuar për dikë, mos e lini t’ju ikë!

Horoskopi mujor Prill 2023 nga Branko, Demi

Më në fund mund të merrni frymë të lehtësuar. Sepse disa siklete do të largohen nga shtëpia juaj dhe kjo do t’ju japë qetësi më të madhe. Yjësu interesante për dashurinë, nëse jeni vetëm, njohjet e reja kanë brenda diçka më shumë, por kini kujdes që të mos bini përsëri në ndonjë flakë të vjetër.

Horoskopi mujor Prill 2023 nga Branko, Binjakët

Pas muajsh përpjekje dhe punë të palodhur, më në fund, kënaqësitë e shumëdëshiruara (dhe të merituara) nuk do të vonojnë! Megjithatë, kini kujdes nga disa fjalë më shumë, ndaj ju e dini rregullin, para se të ekspozoheni, numëroni deri në dhjetë. Në dashuri do të ketë disa takime, të gjitha shumë intriguese dhe aventureske. Shkoni ngadalë sepse rrezikoni të digjeni.

Horoskopi mujor Prill 2023 nga Branko, Gaforrja:

Më në fund në muajin prill do të arrini të vërtetoni vlerën tuaj! Pra, mos kini frikë të përfshiheni dhe me të vërtetë, kini guximin të veproni. Nga pikëpamja sentimentale, ka një qetësi më të madhe që do t’ju bëjë të pranoni ndryshimin me më pak rezervë se në të kaluarën. Takime të reja janë të preferuara për disa zemra të vetmuara.

Horoskopi mujor Prill 2023 nga Branko, Luani

Shpenzimeve do t’ju duhet t’i kushtoni më shumë vëmendje, disa dhimbje koke për anën ekonomike po ju bëjnë të vështirë. Jini më të kujdesshëm. Ka pak tension në punë, kini kujdes që të mos nxisni polemika të kota. Për sa i përket sferës emocionale, mos lejoni që shqetësimet profesionale t’ju zënë tërë kohën, por përkushtojuni edhe gjysmës suaj më të mirë.

Horoskopi mujor Prill 2023 nga Branko, Virgjëresha:

Në këtë muaj të katërt të 2023 do të ndjeheni më të sigurt në vetvete, në sajë të mbështetjes së Hënës, Diellit dhe Mërkurit. Keni intuitë të vlefshme, kthejeni këtë në një avantazh spikatës, por kini kujdes që të mos humbisni qëllimin përfundimtar! Në dashuri, përpiquni të shkoni përtej paraqitjes dhe të kultivoni tek vetja, më shumë ndjeshmëri.

Horoskopi mujor Prill 2023 nga Branko, Peshorja:

Muaji Prill shënon një periudhë rikuperimi gradual. Duket se të gjitha pjesët e pazëllit do të vendosen në vendet e tyre. Lodhja në punë ndihet, por kënaqësitë nuk do të vonojnë. Kujdes mos reflektoni lodhjen duke patur luhatje humori me gjysmën tuaj, përndryshe marrëdhënia juaj në çift mund të ndikohet.

Horoskopi mujor Prill 2023 nga Branko, Akrepi:

Ndryshimet nuk ju trembin dhe ky mund të jetë muaji i duhur për të vënë veten në provë! Në punë do të keni gjëra për të bërë, por vazhdoni me këmbëngulje dhe vendosmëri në rrugën tuaj. Nga ana tjetër në dashuri do të jetë mirë të kërkoni një kompromis me partnerin/en, përndryshe e gjitha kjo nuk do t’ju çojë asgjëkundi.

Horoskopi mujor Prill 2023 nga Branko, Shigjetari

Me ndihmën e Jupiterit, situata në punë do të zhbllokohet më në fund dhe kjo do t’ju lejojë të jeni më të qetë. Megjithatë, duhet t’i kushtoni vëmendje shpenzimeve, përpiquni të jeni të matur për, çdo shpenzim jo të vogël që bëni. Lajme të mira në dashuri, njohjet e reja do të kthehen në raporte të rëndësishme me kalimin e kohës.

Horoskopi mujor Prill 2023 nga Branko, Bricjapi

Një periudhë disi e komplikuar me nisjen e këtij muaji të ri. Në punë keni kaq shumë gjëra për të bërë, ndërsa në dashuri nuk mungojnë diskutimet me partnerin/en. Megjithatë, përpiquni të mos dekurajoheni, vetëm në këtë mënyrë do të jeni në gjendje të rimerrni frenat e jetës suaj. Kohë e mirë vjen këtë prill për beqarët. Ata që janë vetëm do të bënin mirë të hidhnin sytë përreth, i presin emocione të veçanta.

Horoskopi mujor Prill 2023 nga Branko, Ujori

Ditët që do të vijnë do të jenë paksa nervoze. Shqetësimet ekonomike dhe disa grindje të vazhdueshme në punë ju bëjnë të ndjeheni të shqetësuar. Lind pyetja, mos vallë ka ardhur koha për të bërë disa zgjedhje të rëndësishme për të ardhmen? Në dashuri keni nevojë për mbështetjen e gjysmës suaj më të mirë, por mos reflektoni telashet e punës apo stresin që ka përfshirë sferat e tjera të jetës tuaj.

Horoskopi mujor Prill 2023 nga Branko, Peshqit

Muaji Prill 2023 është vërtet interesant për sa i përket punës! Rastet dhe mundësitë e reja janë gati të hyjnë në jetën tuaj për ta ndryshuar atë për mirë! E vetmja pengesë përfaqësohet nga disa çështje familjare të mbetura pezull. Në dashuri ka tensione të vogla, mbajeni nën kontroll sidomos xhelozinë!

The post Çfarë ju pret gjatë muajit prill? Horoskopi sipas astrologut Branko appeared first on Albeu.com.

Afërdita, planeti i romancës dhe dashurisë, lëviz në shenja shumë të favorshme gjatë muajit që po kalojmë dhe sipas yjeve ka një ditë që do të jetë veçanërisht romantike për të gjitha shenjat. Para kësaj ka edhe dy ditë të tjera shumë pozitive, por një ditë e vetme dhe do të ishte më mirë të fokusohej ajo ditë te dashuria.

Dita e parë më romantike e muajit po afron. Nuk është tjetër veçse e premtja e parë e prillit. Afërdita më 7 prill do të jetë në shenjën e Demit, me sensualitetin që ka arritur kulmin. Nëpërmjet këtij pozicioni, Afërdita na ofron siguri, ndërsa në të njëjtën ditë formon edhe një gjashtëkëndësh me Neptunin, i cili është në shenjën e Peshqve dhe sjell imagjinatë, shoqërueshmëri, por edhe shprehje të emocioneve pa kufi.

Dita tjetër mjaft romantike është 11 Prilli. Atë të martë, Afërdita kalon në shenjën e Binjakëve dhe sjell rilindjen e dashurisë. Më të favorshëm do të jenë Binjakët, Peshorja, Ujori dhe Dashi, të cilët do të ndjejnë një rinovim dhe mundësisht të kenë njerëz të rinj në fushën e dashurisë. Kjo është koha e duhur për t’u shoqëruar dhe për t’u njohur me njëri-tjetrin, pasi Binjakët janë shenja e komunikimit par excellence.

Dita më romantike e prillit
Një aspekt shpërthyes formohet atë ditë me Marsin në Gaforre duke formuar një sekstil me Uranin në Dem. Ky aspekt do t’ju çojë drejt sjelljeve që nuk e prisnit t’i kishit, por edhe të kërkoni shoqërinë e njerëzve që nuk i konsideronit si tuajat deri më tani. Prisni marrëdhënie të paparashikueshme dhe të forta. Në të njëjtën ditë, Mërkuri fillon rrjedhën e tij retrograde, që do të thotë vetëm një gjë: rilidhjet. Njerëzit nga e kaluara mund të kthehen për t’ju ndjekur. Varet nga ju që të vendosni nëse do t’i lejoni ato të vazhdojnë. E gjithë kjo do të ndodhë të shtunën, më 29 prill! /albeu.com

The post Muaji i dashurisë ka filluar! Këto do të jenë ditët më romantike sipas horoskopit appeared first on Albeu.com.

Sot nuk do përballeni me asnjë problem dhe nuk do ju mungojnë energjitë. Ju të dashuruarit do jeni shumë të qetë dhe nuk do nxitoheni për asgjë. Edhe pse partneri nuk do ju kushtojë rëndësinë e duhur ju nuk do mërziteni , por do tregoheni të duruar.

Ju beqarët duhet të ndryshoni skemën e zakonshme të joshjes në mënyrë që të arrini sa më par të bëni për vete një person me vlera. Në punë do vazhdoni projektet e nisura dhe shefat mund t’iu vlerësojnë për përkushtimin. Në planin financiar do i keni të gjitha aftësitë për ta menaxhuar sa më mirë situatën dhe do i mbani të ardhurat nën kontroll.

Demi

Sot do përballeni me goxha vështirësi emocionale dhe shpesh nuk do jeni në gjendje të kuptoni se çfarë doni vërtet. Nëse keni një lidhje duhet të përfitoni nga çdo moment kur të jeni pranë partnerit për të folur me të për çdo gjë madje edhe për brengat që ndieni. Më mirë kështu sesa të vuani përbrenda. Do ju duhet herë pas herë të jeni edhe të duruar.

Nëse jeni beqarë do keni një teknikë joshjeje të pagabueshme dhe do arrini të bëni për vete cilindo. Sipas Horoskopi.vip  në punë do jeni më kreative dhe Mërkuri do ju mbështesë të realizoni të gjitha projektet që do keni në kokë. Sektori i financave do përbëjë një tjetër sfidë për ju. Po ja dolët ta mbani edhe sot të stabilizuar situata do përmirësohet.

Binjakët

Do jeni shumë autokritikë gjatë kësaj dite përveçse do kritikoni edhe të tjerët. Nëse keni një lidhje, kjo sjellje do ju ndihmojë për të zgjidhur disa probleme të mbetura pezull. Rreth pasdites gjërat do fillojnë të normalizohen goxha.

Për ju beqarët mund të ketë edhe dashuri me shikim të parë në momentin, por duhet thjesht të gjeni vendin dhe ambientin ku të qëndroni. Në punë imagjinata do ua deformojë realitetin dhe mund të përballeni me zhgënjime. Kjo ditë nuk do jetë më e mira për këtë sektor. Nëse financat kanë qenë të mira kohët e fundit as sot nuk do keni probleme.

Gaforrja

Hëna do ju nxitë të reflektoni gjatë sot dhe do bëni çdo përpjekje për t’u përmirësuar e për të ecur përpara. Nëse keni një lidhje do e mbyllni njëherë e mirë kapitullin e së shkuarës dhe do mundoheni ta bëni sa më të bukur të ardhmen. Që sot do përgatisni surpriza për partnerin dhe mbrëmja do jetë më e këndshme. Ju beqarët duhet të pranoni ftesa sepse vetëm ashtu mund të njihni si duhet disa persona. Ka gjasa që dikush t’iu përshtatet shumë mirë. Në punë do jeni aq të ngarkuar saqë nuk do keni as kohë të merrni frymë. Financat do jenë shumë delikate, prandaj duhet të merrni masa sa më strikte që gjendja të mos rëndohet.

Luani

Yjet do ju bëjnë më të logjikshëm gjatë kësaj dite dhe do i merrni gjërat shtruar. Ju të dashuruarit do keni dëshirë të qëndroni sa më pranë atij që keni në krah dhe për këtë arsye do lini pas dore gjithçka tjetër. Mbrëmja mund të jetë e mbushur me deklarata të forta.

Nëse ende nuk e keni gjetur personin e duhur sot, falë sensualitetit që do keni, mund të tërhiqni dikë. Në sektorin profesional do mbizotërojë gjatë gjithë kohës tensioni dhe problemet. Shpesh do gjendeni ne udhëkryqe. Me financat do jeni shumë praktikë dhe do dini ta mbani gjendjen nën kontroll.

Virgjëresha

Sot do jeni gati për të bërë çdo lëvizje e për të provuar gjëra të reja në çdo fushë. Ju të dashuruarit do ndiheni në harmoni të plotë me partnerin tuaj. Do ndani edhe disa sekrete me njëri-tjetrin dhe do bëheni akoma më të afërt. Për ju beqarët kjo do jetë një ditë e rëndësishme. Ata do marrin disa propozime që as nuk i kishim imagjinuar ndonjëherë. Surprizë do jenë edhe personat që kanë organizuar gjithçka. Në punë mirë është të bëni një ndryshim tërësor të mënyrës së të vepruarit sepse po vazhduat si gjithmonë nuk do keni ndonjë arritje të madhe. Për menaxhimin vini në punë logjikën dhe nuk keni për të gabuar.

Peshorja

Sot do reflektoni më me kujdes dhe do mendoni për gjithçka që keni kaluar dhe që mendoni të kaloni. Nëse jeni në një lidhje ka rrezik që komunikimi në çift të lërë për të dëshiruar. Partneri do merret me punë dhe mundet t’iu lërë pas dore. Nëse jeni beqarë nuk do keni frikë as të provoni aventura kështu që dita e sotme do jetë interesante. Në punë do ndiheni më të qetë. Do i kuptoni gabimet e bëra dhe do bëni të pamundurën për të mos i përsëritur më. Me pak më shumë guxim do kaloni gjithçka. Financat do kenë goxha përmirësime dhe kjo nga ndihma e të afërmve.

Akrepi

Hëna do ju bëjë t’i mbroni me çdo kusht idetë tuaja sot dhe do jeni plotësisht të bindur për atë që do bëni. Ju të dashuruarit do bëni të pamundurën për të krijuar një marrëdhënie të qëndrueshme dhe për këtë gjë do jeni gati të përballeni fort edhe me disa familjarë. Do flisni më hapur me atë që keni në krah dhe së bashku do bëni përpjekje për më të mirën. Ju beqarët nuk duhet ta lini fatin t’iu ikë nga duart sepse sot do jetë mundësia juaj më e mirë. Në punë Hëna do ju mbrojë në çdo moment dhe do ju pengojë të gaboni. Për gjithçka do gjeni argumente bindëse. Shpenzimet e mëdha duhet t’i shmangni me çdo mënyrë sepse gjendja juaj financiare nuk do jetë e mirë.

Shigjetari

Për shkak të kundërshtimit të Saturnit me Mërkurin, sot do jeni të rrezikshëm vetë dhe do ndërmerrni edhe rreziqe. Nëse keni një lidhje, vetëm ideja që partneri po ju kufizon në shumë gjëra, do ju brengosë dhe mund të shpërtheni. Asnjë moment qetësie nuk keni për të pasur sot. Ju beqarët nuk do tregoheni të kujdesshëm dhe do hidhni hapa që do sjellin pasoja të rënda për të ardhmen. Në punë nuk do arrini dot ku doni për shkak të mospërqëndrimit tuaj dhe do grindeni gjithë kohës me kolegët. Bëni kujdes sepse shefat po ju vrojtojnë nga larg dhe mund të marrin masa. Paratë do jenë të pakta.

Bricjapi

Urani do ju stimulojë edhe më shumë dhe do ju ndihmojë të tregoheni më të duruar kurdoherë. Nëse keni një lidhje do arrini ta përmbani veten edhe në momentet më acaruese dhe do zgjidhni të flisni hapur me partnerin për ato që nuk do ju pëlqejnë. Ju beqarët do keni flirte pafund, por asgjë të rëndësishme. Ende nuk ka ardhur koha që ju të bëni ndryshimin e statusit. Në punë do e arrini gjithçka me lehtësi, kjo falë mjedisit që keni krijuar më parë dhe falë maturisë që do tregoni. Sektorin financiar nuk duhet ta lini pas dore edhe sikur gjendja të jetë e kënaqshme.

Ujori

Sot do jeni disi më nostalgjikë dhe do keni nevojë të kuptoni të shkuarën në mënyrë që të projektoni të ardhmen. Nëse jeni në një lidhje edhe pse do i flisni për shumë gjëra partnerit do ju duket sikur po iu flisni mureve. Ai nuk do jetë prezent me mendje dhe as do ua vërë veshin fare. Nëse jeni beqarë duhet patjetër të mendoheni mirë para se të hidhni hapa në mënyrë që të mos lëndoheni. Në punë, pavarësisht problemeve dhe vështirësive që do kaloni nuk do e humbisni optimizmin. Buxheti do jetë i kënaqshëm pavarësisht parave që keni investuar së fundmi.

Peshqit

Sot do jeni gati t’i hidheni sipër kujtdo që do ju pengojë apo që do mundohet t’iu prekë lirinë që keni. Jeta juaj në çift do jete e paqëndrueshme ne mëngjes, por me kalimin e orëve do ndiheni më të qetë. Do keni diskutime më të gjata me partnerin dhe do reflektoni të dyja palët për gabimet e bëra. Ju beqarët, çfarëdo që të bëni, nuk do arrini dot ta ndryshoni statusin. Në punë do keni një marrëdhënie goxha konfliktuale me kolegët dhe kjo gjë do ju shpërqendrojë nga objektivat që keni. Aq shumë nuk do i duroni dot ata saqë mund të mendoni edhe për të ndryshuar punën përfundimisht. Financat do jenë goxha më të mira.

The post “Nuk do keni asnjë problem…”, Horoskopi i ditës së diel, 2 prill 2023 appeared first on Albeu.com.