Këshilli Gjyqësor i Kosovës (KGJK) ka certifikuar rezultatet e zgjedhjeve për anëtarët e Këshillit nga radhët e gjyqtarëve të gjykatave themelore, Gjykatës Administrative dhe Dhomave të Shkallës së Parë të Gjykatës Komerciale, raporton Ekonomia Online.

Në mbledhje, anëtari i KGJK-së, Ahmet Imami, paraqiti ecurinë e plotë të procesit zgjedhor, duke nënvizuar se ai është realizuar sipas planit dhe kalendarit të miratuar nga Këshilli, si dhe nën vëzhgimin e partnerëve ndërkombëtarë dhe të shoqërisë civile.

“Kjo ka qenë një proces i zgjatur me të dyja datat që është zhvilluar, por më lejoni shkurtimisht me paraqit këtë kronologji. Ashtu siç e dimë të gjithë, Këshilli Gjyqësor ka miratuar datat e zgjedhjeve në gjykatat themelore të vendit. Komisioni, në bazë të planit dhe kalendarit, ka organizuar procesin si vijon: 16 qershor janë organizuar zgjedhjet në Gjykatën Themelore në Prishtinë. Nga katër kandidatë të nominuar, kandidatja e kualifikuar në votimin zgjedhor ka qenë gjyqtarja Valentina Sopjani. Më 17 qershor Komisioni ka organizuar zgjedhjet në Gjykatën Themelore në Gjilan dhe në Ferizaj. Në Gjilan nuk kemi pasur kandidat të suksesshëm për t’u kualifikuar në votimin zgjedhor, ndërsa në Ferizaj ka qenë gjyqtari Ilir Bytyqi. Më 18 qershor, Komisioni ka organizuar zgjedhjet në Gjykatën Themelore në Mitrovicë dhe në Pejë. Në Mitrovicë, kandidat të kualifikuar kemi pasur gjyqtarin Agron Maxhuni, kurse në Pejë, kandidati i kualifikuar ka qenë gjyqtari Besnik Shala. Ndërsa më 19 qershor, Komisioni ka organizuar zgjedhjet në Gjykatën Themelore në Prizren, ku sipas rezultatit të datës 19 qershor, kandidatja e suksesshme, e kualifikuar në votimin zgjedhor, ka qenë gjyqtarja Diona Bajrami. Me datën 22 qershor, komisioni ka pranuar një e-mail ku kandidati, respektivisht gjyqtari Besnik Shala, është tërhequr nga gara. Komisioni ka miratuar listën përfundimtare të kandidatëve të kualifikuar për datën 23 qershor, të cilët kanë qenë: gjyqtari Agron Maxhuni nga Gjykata Themelore në Mitrovicë, dega Vushtrri; gjyqtarja Diona Bajrami nga Gjykata Themelore në Prizren; gjyqtari Ilir Bytyqi nga Gjykata Themelore në Ferizaj; dhe gjyqtarja Valentina Sopjani nga Gjykata Themelore në Prishtinë. Me datën 23 qershor është mbajtur votimi zgjedhor, ku sipas rezultatit nga këta katër kandidatë të kualifikuar, votat e mjaftueshme për t’u zgjedhur anëtarë të Këshillit Gjyqësor i kanë fituar gjyqtari Agron Maxhuni dhe gjyqtarja Valentina Sopjani. Është me rëndësi të theksohet se si në zgjedhjet e mbajtura në gjykatat themelore, po ashtu edhe në tubimin zgjedhor, kemi pasur monitorim nga partnerët ndërkombëtarë dhe nga shoqëria civile. Po ashtu, vlen të theksohet se i gjithë procesi i votimit zgjedhor është paraqitur drejtpërdrejt në faqen e Këshillit. Një risi në këtë proces ka qenë se çdo votë e numëruar është paraqitur në ekran dhe të gjithë pjesëmarrësit në tubim kanë pasur mundësi ta shohin se si bëhet numërimi më tutje. Unë, para se t’i propozoj Këshillit certifikimin e rezultateve, dëshiroj të shpreh mirënjohjen time anëtarëve të komisionit gjyqësor, gjyqtares Afërdita Bytyqi dhe gjyqtarit Fahret Velija, po ashtu edhe stafit mbështetës, të cilët asnjëherë nuk janë kursyer që të kontribuojnë që procesi të zhvillohet në mënyrën më të mirë të mundshme. Andaj, në bazë të elaborimit që bëra, unë i propozoj Këshillit Gjyqësor që të certifikojë rezultatet, ku kandidatët e zgjedhur, respektivisht anëtarët e rinj të zgjedhur nga ky proces zgjedhor, janë gjyqtari Agron Maxhuni dhe gjyqtarja Valentina Sopjani”, tha ai.

Pas këtij prezantimi, KGJK-ja miratoi certifikimin e rezultateve dhe zyrtarizoi zgjedhjen e gjyqtarit Agron Maxhuni dhe gjyqtares Valentina Sopjani si anëtarët më të rinj të Këshillit nga radhët e gjyqtarëve.

The post KGJK vulos rezultatet e zgjedhjeve, Agron Maxhuni dhe Valentina Sopjani anëtarët e rinj appeared first on Albeu.com.

Në këtë diskutim morën pjesë deputetë, përfaqësues të institucioneve publike, organizata të shoqërisë civile, ekspertë, si dhe përfaqësues të komunitetit ndërkombëtar.

Në mbyllje të diskutimit, pjesëmarrësit u pajtuan se reforma e ardhshme duhet të tejkalojë ndryshimet thjesht procedurale dhe të synojë ndërtimin e një sistemi modern të prokurimit publik, të mbështetur në performancë, integritet, menaxhim të rrezikut dhe përdorim strategjik të shpenzimeve publike.

Sipas KDI-së, ky proces reformues duhet të mbështetet në modernizimin e kuadrit ligjor, forcimin e kapaciteteve institucionale, zhvillimin e sistemit Procure-to-Pay (P2P), menaxhimin e integritetit dhe rrezikut, orientimin drejt performancës dhe nxitjen e prokurimit të qëndrueshëm.

Duke e hapur tryezën, menaxheri i programeve në KDI, Florent Spahija, u shpreh se prokurimi publik nuk duhet trajtuar vetëm si një procedurë administrative, por si një instrument që ndikon drejtpërdrejt në jetën e qytetarëve.

“Kur projektet publike dështojnë ose nuk i përgjigjen nevojave të qytetarëve, atëherë kemi dështuar të krijojmë vlerë nga paratë publike. Debati për prokurimin duhet të fokusohet te rezultatet dhe ndikimi i investimeve publike”, deklaroi Spahija.

Hulumtuesja e KDI-së, Diana Metushi Krasniqi, vuri në dukje se, ndonëse Kosova ka shënuar përparim në digjitalizim dhe transparencë, reforma e ardhshme duhet të merret me dobësitë strukturore të sistemit.

“Reforma e fundit gjithëpërfshirëse është realizuar në vitin 2011, ndërsa ndryshimet e viteve 2015-2016 kanë qenë kryesisht teknike. Përpjekjet e mëvonshme për reformë nuk janë finalizuar, ndërsa përjashtimi i shoqërisë civile nga grupi i ri punues i krijuar në janar 2026 ngre shqetësime për gjithëpërfshirjen e procesit”, tha ajo.

Sipas analizës së paraqitur nga KDI, reforma në prokurimin publik duhet ta ndryshojë qasjen ekzistuese, duke e zhvendosur vëmendjen nga transparenca te performanca, nga tenderimi te menaxhimi i plotë i ciklit të prokurimit, si dhe nga respektimi formal i procedurave te krijimi i vlerës për paranë publike dhe rezultatet konkrete për qytetarët.

Gjatë panelit të diskutimit, deputetja Eliza Hoxha nënvizoi nevojën për të ndarë funksionet e blerjes nga ato të prokurimit, për të krijuar një Katalog Shtetëror të Çmimeve dhe për të integruar dimensionin gjinor në proceset e prokurimit publik.

Nga ana tjetër, deputetja Janina Ymeri shprehu shqetësim për menaxhimin e dobët të kontratave dhe mungesën e llogaridhënies në institucione.

“Menaxhimi i dobët i kontratave dhe mungesa e përgjegjësisë mbeten ndër rreziqet kryesore për financat publike”, tha Ymeri.

Albulena Nrecaj nga INPO theksoi se kuadri ligjor i Kosovës është në masë të madhe i përafruar me direktivat e Bashkimit Evropian, por zbatimi i tij në praktikë vazhdon të mbetet sfidë.

“Ligji i Prokurimit Publik është kryesisht i harmonizuar me direktivat e Bashkimit Evropian, ndërsa sfida kryesore mbetet zbatimi në praktikë dhe mungesa e përgjegjësisë institucionale për shkeljet dhe lëshimet”, deklaroi Nrecaj.

Aktiviteti u organizua nga Instituti Demokratik i Kosovës (KDI) me mbështetjen e Bashkimit Evropian.

The post KDI bën thirrje për reformim rrënjësor të prokurimit publik, me theks te efektet dhe vlera e investimeve appeared first on Albeu.com.

Së fundmi, Arbana është pyetur sërish në Instagram në lidhje me këtë format të njohur televiziv. Ndjekësit, të cilët vazhdojnë të ndjekin me vëmendje çdo hap të saj, kanë ngritur pyetje mbi arsyet e largimit dhe ndjesitë e saj për Big Brother VIP Albania.

Një ndjekës i kujdesshëm e pranoi se ndoshta Arbana nuk do t’i përgjigjej pyetjes së tij, por gjithsesi vendosi ta bëjë atë.

Në përgjigje të kësaj pyetjeje, Arbana e tregoi edhe një herë zemërgjerësinë dhe përkushtimin e saj ndaj publikut. Ajo u shpreh se është shumë e rëndësishme që ndjekësit e saj të mos heqin dorë nga çfarëdo që ata besojnë.

Pas largimit të saj, drejtimin e Big Brother VIP Albania e ka marrë Ledion Liço, një figurë gjithashtu e mirënjohur dhe e respektuar në botën e medias shqiptare – i cili prezantoi edicionin e tretë të këtij formati.

Përndryshe, Arbana aktualisht është e angazhuar me hapjen e dyqanit të saj “Bana’s” edhe në Kosovë, pas suksesit në Tiranë.

The post Fansat e pyesin sërish se a do të jetë prezantuese e Big Brother VIP, Arbana Osmani: Me rëndësi është të mos heqësh dorë appeared first on Albeu.com.

Luzitani vuri në dukje performancën magjike të kombëtares Saudite, në ndeshjen e parë të Kupës së Botës, përballë Argjentinës, ndeshje të cilën e fituan me rezultatin 2 me 1.

“Shumë njerëz shprehin mendimin e tyre, por nuk kuptojnë asgjë nga futbolli. Siç e dini, futbolli ka ndryshuar në 10-15 vitet e fundit. Të gjitha skuadrat janë të përgatitura më mirë, të gjitha skuadrat janë gati. Nëse flasim për Kupën e Botës, e vetmja skuadër që ka mposhtur kampionin është Arabia Saudite. Mos harroni për këtë.

Aty kishte shumë surpriza për shembull, ekipi i Koresë së Jugut, ekipet afrikane, Kosta Rika. Ata bënë një punë të shkëlqyer. Sot nuk është e lehtë të fitosh asnjë ndeshje”, tha sulmuesi i Al-Nassr.”,- u shpreh Ronaldo në fjalën e tij.

The post Cristiano Ronaldo: Futbolli ka ndryshuar shumë në 10-15 vitet e fundit, të gjitha skuadrat janë të përgatitura mirë appeared first on Albeu.com.

Në ceremoni ka qenë i pranishëm edhe kreu i Këshillit të Lartë të Prokurorisë, Alfres Balla.

Në një komunikim për mediat, Dumani u shpreh: “Ky besim i dhënë më bën të angazhohem maksimalisht. Falënderoj kolegët e mi për garë dinjitoz dhe vlerat që përfaqësojnë, një falënderim edhe për zotin Kraja i cili pati barrën për të përballuar sfidat e këtij institucioni. Për secilin prej nesh këto 3 vite kanë qenë të vështira, por secili ka pasur kontribute. Tashmë SPAK duhet të kalojë në një fazë tjetër të luftës kundër korrupsionit. Në këto 3 vite kemi fituar eksperienvë, të gjithë bashkë të demonstrojmë se do të bashkëpunojmë dhe përmes punës tonë të përballojmë sfidat që na presin”, tha ai.

Kush është kreu i ri i SPAK? 

Altin Dumani njihet si një nga prokurorët që ka hetuar dosjet më të nxehta në Shqipëri. Një prej dosjeve më voluminoze dhe të bujshme ishte edhe ajo e operacionit të koduar “Golden Bullet”, “Plumbi i artë”, pas arrestimit të dy vrasësve me pagesë Nuredin Dumani dhe Henrik Hoxha.

Nga ky operacion u lëshuan 32 urdhër arreste ndërsa u arrestuan 9 prej tyre. Ndërsa 18 të tjerë, mes të cilëve emra të bujshëm të botës së krimit, si Ervis Martinaj, Talo Çela e Florenc Çapja, por edhe një avokat, janë shpallur në kërkim. Katër nga grupet kriminale operonin në Elbasan, një në Durrës dhe tre të tjerë në Tiranë.

Altin Dumani njihet edhe si prokurori i SPAK që udhëhoqi operacionin që çoi në pranga 13 persona mes të cilëve edhe gjyqtaren e Gjykatës së Krujes Enkeleda Hoxha që lironte të fortët nga qelia. Ai është lindur në Shupenzë të Dibrës. Ai është një nga prokurorët që drejtoi i pari njësinë Task Forcë./albeu.com

The post Prezantohet kreu i ri i SPAK, prokurori Altin Dumani: Luftë agresive korrupsionit appeared first on Albeu.com.

Këtë herë, ai ishte një nga prezantuesit e Striscia La Notizia, që është emisioni më i popullarizuar satirik në Itali dhe transmetohet në Canale 5.

“Nuk jam nervoz, por unë ju kuptoj për shkak se Ibra është këtu”, tha ai.

Ibrahimovic mori pjesë në skenën e quajtur “Freed from desire” e cila është edhe kënga zyrtare e titullit që e fitoi Milan në sezonin 2021/22.

Ai është “pritur” nga një aktor që imitonte ish shokun e tij të skuadrës Andrea Pirlo dhe trajnerin italian Antonio Conte me të cilin Ibra do të përballet me të në Ligën e Kampionëve kur Milani do të luan në shkurt kundër Tottenhamit.

. @Ibra_official a Striscia, l’omaggio di Pirlo e Conte #striscialanotizia #Ibrahimovic #antonioconte #AndreaPirlo #zlatanibrahimovichttps://t.co/E9zqxGOJAe

— Striscia la notizia (@Striscia) November 21, 2022

Pirlo është i njohur me humorin e tij që bën në Milan, por Ibra i kujtoi atij që “një ditë ai bëri një dhe ai ju bashkua Juventusit”.

Ish ylli i Interit dhe Manchester United po ashtu ka folur për biografinë e tij “të pamposhturit” që e ka shkruar në bashkëpunim me gazetarin e Gazetta dello Sport, Luigi Garlando.

“Kapitulli imë më i mirë në këtë libër është ai me Minon (Raiola, ish agjenti i tij)”, tha Ibra.

“Ai ishte shumë i rëndësishëm për mua dhe ende me mungon. Familja është gjëja më e shtrenjtë, ju mbron juve dhe ju bën më përgjegjësi. Sapo të bëheni një mashkull me një djalë e kuptoni së sa e rëndësishme është kjo”./ h.ll/albeu.com

The post Nuk është i mirë vetëm në fushë, por edhe në televizion, Ibra prezanton emisionin e njohur Italian appeared first on Albeu.com.

Kjo ishte hera e parë që Optimus ecte dhe kryente funksione motorike plotësisht në mënyrë të pavarur, kështu që mund të konkludohet se prezantimi ishte një sukses, pasi roboti e kreu detyrën e tij.

Megjithatë, njerëzit në internet dhe veçanërisht në faqen Reddit u zhgënjyen nga ajo që u shfaq, kështu që prezantimi i robotit Optimus hasi shpejt në tallje nga shumë përdorues.

“Kur lexova se ai “eci në skenë”, prisja ta shihja duke ecur me besim si një robot i vërtetë T-1000. Për pak u urinova kur e pashë duke u lëkundur ngadalë në skenë,” tha përdoruesi MVIVN, për të cilin TheUpperHand shtoi: “Ai ecën sikur të ishte i dehur”.

“Ata bënë një version më të madh dhe më pak mbresëlënës të robotit ASIMO,” pohoi Tough_Yoghurt7177.

“Honda bëri robotë që ecin në vitin 1986, dhe në vitin 1993 ata kishin një robot që bënte të njëjtën gjë si ky, gati 30 vjet më parë”, shton Zeptillian.

If you liked Tesla Optimus bot, you must LOVE Asimo, the bot created by Honda 22 years ago. #TeslaBot #Tesla $TSLA pic.twitter.com/c4tfxjGC0l

— Elvis K ??? (@ElvisKYG) October 1, 2022

Shumë e kanë krahasuar Optimus me robotët Boston Dynamics.
“A prezantuan vërtet një robot që duket si teknologjia e viteve ’80 kur Boston Dynamics ka robotë që bëjnë rrokullisje prapa dhe parkour?” Për greota, “tha Killerdude8.

Komentet nuk ishin dashamirës as me vetë Elon Musk, për të cilin përdoruesit e Reddit thanë se ishte “përsëri duke u përpjekur të ‘shes mjegull’” dhe se ishte “më mirë të fokusohej në të metat e makinave të tij sesa të prezantonte robotë humanoidë”.

Megjithatë, Elon Musk pohon se roboti fuqizohet nga e njëjta inteligjencë artificiale që gjendet në makinat Tesla, dhe meqenëse njeriu më i pasur në botë është një nga themeluesit e OpenAI, softueri i të cilit DALL-E 2 e ka pushtuar botën, ka pa dyshim se Optimus do të jetë jashtëzakonisht i aftë për softuer, dhe pengesa kryesore është përmirësimi i aftësive motorike.

The post Elon Musk prezantoi robotin “Optimus” i cili përshëndeti me dorë audiencën, pse rrjeti po “tallet” me të (VIDEO) appeared first on Albeu.com.

Marcos Alonso është bërë lojtar i ri i Barcelonës i cili u prezantua gjatë mesditës së sotme.

Mbrojtësi i krahut të majtë është i treti që vesh fanellën e Barçës, pas stërgjyshit të tij, Luis Zabala dhe babait të tij, Marcos Alonso.

“Jam shumë i lumtur, është një ëndërr që kam pasur që kur babai im më solli në “Camp Nou”.  Jam shumë i lumtur për këtë dhe për arritjen e ekipit ku babai im triumfoi. Unë vij me dëshirën për të arritur sukses, të cilin e di që tifozët janë të etur për të.

Sukseset e tyre do të jenë të miat dhe të familjes sime dhe miqve të mi. Shpresoj të sjell përvojë dhe nëse mund të shënoj një gol nga gjuajtja e lirë apo çfarëdo tjetër”, ka theksuar ish-lojtari i Chelsea./ h.ll/abcnews.al

The post Marcos Alonso: Ishte një ëndërr që kur babai im më solli në “Camp Nou” appeared first on Albeu.com.

Sulmuesi polak, i cili tashmë ka debutuar me “Zonjën e Vjetër” në ndeshjen e fundit përballë Romës, ka ardhur në formë huazimi nga Marseille, kë shënoi 30 gola në 55 ndeshje që nga janari i vitit 2021.

Në Torino, ai synon të përsërisë veten:”Ky është një moment i veçantë  në jetën timë”, ka qenë fjalët e para të tij.

“Të luaja në një klub kaq të madh ka qenë gjithmonë qëllimi im, tani jam këtu dhe është bukur. Duhet të jap gjithçka”, ka shtuar më pas polaku.

Ishte e pashmagshme mos të prekej partneriteti me Dusan Vlahovic dhe një konkurencë e mundshme mes tyre.

Për këtë Milik tha: “Sapo bëra 2-3 seanca stërvitore dhe nuk do të kem shumë kohë për të punuar, por edi që mund të luaj edhe përkrah një sulmuesi tjetër. E kam bërë edhe në kombëtare. Trajneri do të vendosë se si do të më përdorë”./albeu.com

The post Debutoi me Juventusin, Milik: Gjithmonë e kam dashur një klub si ky, mund të luaj me Vlahovic appeared first on Albeu.com.

“Juventus gjithmonë synon të fitojë. Vitin e kaluar nuk isha atje, por këtë vit duam të ndryshojmë gjithçka në Serie A.

Champions është ëndrra e çdo lojtari të luajë në ato gara. Të qenit te Juventus kërkon që ne të marrim pjesë, por edhe të shkojmë larg. Kemi prtshmëri të mëdha, por duhet të fokusohemi edhe te kampionati”, është shprehur mbrojtësi brazilian./ h.ll/albeu.com

The post Juventus, Bremer: Duam të fitojmë. Kampionë të Serie A? Ne jemi Juventus appeared first on Albeu.com.