Një partner i NATO-s “nuk duhet” të vërë në dyshim sovranitetin e një anëtari tjetër,” tha kancelari gjerman, Scholz, në një konferencë për media së bashku me kryeministrin grek, Kyriakos Mitsotakis.

“Të gjitha çështjet e tilla duhet të zgjidhen në bazë të ligjit ndërkombëtar”, tha kreu i shtetit gjerman, i cili është në vizitën e tij të parë në Greqi si kancelar.

“Është vërtetë një turp që (Presidenti turk Rexhep Tajip) Erdogan nuk mund ta shohë se po shkon drejt një ngërçi, kur helmon popullin e tij me gënjeshtra kundër Greqisë”, shtoi kryeministri grek, Mitsotakis.

Greqia dhe Turqia, të cilat janë të dyja anëtare të aleancës së NATO-s të, janë grindur për vite me radhë mbi kufijtë detarë dhe të drejtat e eksplorimit të fushën e energjisë në detin Egje dhe në detin lindor të Mesdheut.

Në një intervistë me të përjavshmen franceze Le Point, botuar gjithashtu të enjten, kryeministri grek Mitsotakis tha se gjuha e përdorur në “retorikën e përshkallëzuar” nga Erdogan dhe zyrtarët e tij të lartë në muajt e fundit ishte “e paprecedentë”.

Ndërsa pranoi se agresiviteti i Erdoganit mund të lidhet me një fushatë të ashpër rizgjedhjeje vitin e ardhshëm, Mitsotakis vuri në dukje se Athina “nuk mund të injorojë se këto deklarata konfirmojnë një qëndrim agresiv dhe ekspansionist ndaj Greqisë”.

“Presidenti Erdogan… tani thotë se mund të pushtojë vendin tim gjatë natës,” tha kryeministri grek.

Erdogan ka akuzuar kohët e fundit Greqinë për “pushtimin” e ishujve të Egjeut, statusi i të cilëve u zgjidh në traktatet e miratuara pas Luftës së Parë Botërore.

Në përgjigje, Athina akuzon Turqinë për kryerjen e qindra fluturimeve të paligjshme ushtarake mbi ishujt.

“Fqinjët tanë dhe të gjithë partnerët tanë e dinë se ishujt grekë nuk kërcënojnë askënd,” tha Mitsotakis.

“Të gjithë e dinë se marrëveshjet ndërkombëtare nuk ndryshojnë përmes interpretimeve arbitrare. As historia nuk ndryshon përmes deluzioneve, apo gjeografia përmes hartave të falsifikuara.”

Muajin e kaluar, Shtetet e Bashkuara thanë se sovraniteti grek nuk ishte i diskutueshëm, pasi Turqia protestoi kundër vendosjes së automjeteve të blinduara greke në ishujt Lesbos dhe Samos./REL

The post Scholz hedh poshtë pretendimet turke kundër Greqisë appeared first on Albeu.com.

Në mesin e prillit, forcat ruse nisën një ofensivë përgjatë pjesës më të madhe të krahut lindor të Ukrainës.

“Luftëtarët e forcave speciale çeçene kanë marrë nën kontroll pjesën më të madhe të Popasnës”, shkroi Kadyrov, i cili shpesh e ka përshkruar veten si “ushtari këmbësor” i presidentit rus Vladimir Putin, në një postim në aplikacionin e mesazheve Telegram.

“Rrugët kryesore dhe zonat qendrore të qytetit janë pastruar plotësisht.”

Reuters nuk ishte në gjendje të verifikonte në mënyrë të pavarur raportet.

Nuk pati asnjë përgjigje të menjëhershme nga Ukraina, por të shtunën vonë, Oleksiy Arestovych, një këshilltar i presidentit Volodymyr Zelenskiy, tha se luftimet e ashpra për qytetin vazhdojnë.

“Një betejë për qytetin Popasna është duke vazhduar,” tha Arestovych në një video në mediat sociale.

“Propagandistët rusë kanë raportuar me gëzim se e kanë marrë tashmë, por nuk është kështu. Ky është pretendimi i tyre i 117-të për ‘kapjen e Popasna’ vetëm këtë javë.”/albeu.com

The post Lideri çeçen pretendon se ka marrë qytetin në lindje, Ukraina: Beteja vazhdon appeared first on Albeu.com.