pretencen Archives - Albeu.com

Vrasja e Santiago Malkos/ SPAK kërkon dënime të rënda për të pandehurit: 32 vite burg për Leonard Dukën

V K — Mon, 21 Jul 2025 12:30:30 +0000

Ditën e sotme, Prokuroria e Posaçme Kundër Korrupsionit dhe Krimit të Organizuar (SPAK), ka shpallur sot konkluzionet përfundimtare në gjyqin për vrasjen e ish-policit Santiago Malko, ngjarje e ndodhur në gusht të vitit 2019 në Tiranë.

Organi i akuzës ka kërkuar dënime të rënda për gjashtë të pandehur, të cilët akuzohen për pjesëmarrje në një grup të strukturuar kriminal dhe për një sërë veprash të rënda penale.

SPAK kërkon:

32 vite burg për Leonard Dukën

25 vite për Erlis Dukën

32 vite burg për Fatmir Hyseni

22 vite burg për Aleksandër Manxhakun

23 vite burg për Oltian Loga

23 vite burg për Dritan Agaj

Ata akuzohen për “Vrasje me Paramendim”, “Armëmbajtje pa leje”, “Trafik Narkotikësh”, vepra këto të kryera në formën e grupit të strukturuar kriminal.

Për Lonard Dukën, është kërkuar që dënimi të kryhet në një burg të sigurisë së lartë.

Më herët, për vrasjen e Malkos, i njohur si krahu i djathtë i Ervis Matinajt, janë dënuar në një proces të ndarë edhe Blendi Teta dhe Ilir Selmani.

The post Vrasja e Santiago Malkos/ SPAK kërkon dënime të rënda për të pandehurit: 32 vite burg për Leonard Dukën appeared first on Albeu.com.

Operacioni “Flakë në Det”/ SPAK lexon pretencën, ja sa vite burg kërkon për anëtarët e grupit të narkotrafikantëve

V K — Tue, 10 Jun 2025 13:21:43 +0000

SPAK, ka lexuar pretencën për operacionin e koduar “Flakë në det” ku nën akuzë janë 13 persona. Prokuroria e Posaçme kërkon që anëtarët e grupit të trafikut të drogës të shpallen fajtorë për disa vepra penale të tilla si “Trafikimi i narkotikëve”, e kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Ky grup i organizuar, dyshohet se transportonte lëndën narkotike nga zona e Patokut në drejtim të vendeve të Bashkimit Europian.

Lista e emrave dhe dënimi që kërkohet për ta:

Arlind Isamailukaj 15 vite burg me gjykim të shkurtuar më 10 vite burg

Gëzim Çela 16 vite burg / 10 vite e 8 muaj burg

Nerim Çela 14 vite burg / 9 vite e 4 muaj burg

Armando Mema 12 vite burg / 8 vite burg

Dritan Mataj 12 vite burg / 8 vite burg

Arben Dalipaj 14 vite burg/ 9 vite e 4 muaj burg

Besnik Brokeri 12 vite burg / 8 vite burg

Alket alis Dritan Deda 12 vite burg / 8 vite burg

Selami Lushka 12 vite burg / 8 vite burg

Kyrylo Ponomarego 13 vite burg/ 8 e 4 muaj vite burg

Ksenofon Bodo 12 vite burg / 8 vite burg

Armando Papa 12 vite burg / 8 vite burg

Kostiantyn Biellon 12 vite burg / 8 vite burg

The post Operacioni “Flakë në Det”/ SPAK lexon pretencën, ja sa vite burg kërkon për anëtarët e grupit të narkotrafikantëve appeared first on Albeu.com.

Dosja “5D”/ SPAK shpall pretencën për drejtoreshën e Veliajt dhe të pandehurit e tjerë (EMRAT)

V K — Wed, 23 Apr 2025 11:48:35 +0000

Këtë të mërkurë, Prokuroria e Posaçme Kundër Korrupsionit dhe Krimit të Organizuar (SPAK), ka shpallur pretencën në kuadër të fraksionit të dytë të dosjes të njohur si “5D”.

Për të pandehurën Deborah Keçi, SPAK kërkoi dënimin me 1 vit burg. Për të, u kërkua që ekzekutimi i dënimit të pezullohet për një periudhë prej 2 vitesh.

Po ashtu, SPAK kërkon edhe heqjen e të drejtës për të ushtruar funksionin publik për një periudhë prej 5 vitesh.

Në lidhje me të pandehurit Teuta Guri, Reinaldo Gjerazi dhe Jetjon Meraj, Prokuroria kërkoi dënimin me 9 muaj burgim për secilin. Por, përfundimisht u kërkua pezullimi i dënimit me burg dhe vendosja në provë për dy vite.

Deborah Keci u kerkua denimi me 1 vit burg

Teuta Guri, Reinaldo Gjerazi dhe Jetjon Meraj, 9 muaj burgim secili.

The post Dosja “5D”/ SPAK shpall pretencën për drejtoreshën e Veliajt dhe të pandehurit e tjerë (EMRAT) appeared first on Albeu.com.

SPAK shpall pretencën për ish-shoferin e Ardi Veliut dhe të pandehurve të tjerë, sa vite burg u kërkua për secilin

V K — Tue, 05 Nov 2024 10:01:45 +0000

Prokuroria e Posaçme, ka dhënë pretencën për ish-shoferin e Ardi Veliut Sokol Idrizaj, familjar të tij dhe anëtarë të një grupi kriminal që akuzohen për kontrabandë mallrash, mosdeklarim të ardhurash, pastrim parash dhe ushtrim pa licencë të aktiviteteve financiare.

SPAK kërkoi 12 vite heqje lirie për Sokol Idrizajn, po aq për bashkëshorten e tij Elda Idrizaj, 10 për të birin Egi Idrizaj dhe 6 vite për vajzën tjetër të çiftit Bora Idrizaj.

Nëse kjo pretencë miratohet nga GJKKO, të pandehurit do të përfitonin zbritjen me 1/3 e dënimit për shkak të gjykimit të shkurtuar.

Nga 12 vite burg, kërkoi organi i akuzës dhe për Agustin Mesulin dhe Altin Dodën, 10 për Florian Baku dhe nga 6 vite për Vangjush Kasharrën e Tmorr Barutin.

Gentian Aga dhe Alid Shehi, janë ndarë nga grupi që përbëhej me 12 persona dhe po gjykohen në proces të zakonshëm. Seanca për mbrojtjen e të pandehurve ku mund të jepet njëherësh edhe vendim nga gjykata, u caktua të mbahet në datën 19 nëmtor ora 12:30.

Në maj të vitit të kaluar, Sokol Idrizaj, bashkëshortja e tij dhe dy vajzat e çiftit u vunë nën akuzë nga SPAK, pasi dyshohen si anëtarë të një grupi kriminal. Në kuadër të këtij procedimi u në total u arrestuan 12 persona. Këta shtetas, dyshohet se kanë transportuar sende të vjedhura dhe me vlerë të çmuar nga shteti francez drejt Shqipërisë, ku janë shitur në mënyrë të fshehtë dhe kontrabandë përmes argjendarisë së shtetasit Vangjush Kashara që ka dyqanin qendror në Tiranë.

Verifikimet e SPAK treguan se këto grupe që funksiononin që para vitit 2019, kanë kaluar drejt Francës 724,386 euro për blerje të sendeve, shifër kjo që i përket vetëm transaksioneve bankare, ndërsa shumat në kesh të cilat janë transportuar nëpërmjet kufirit shtetëror në mënyrë të paligjshme, kapin vlerën e 2.1 milionë eurove dhe 35.000 franga.

The post SPAK shpall pretencën për ish-shoferin e Ardi Veliut dhe të pandehurve të tjerë, sa vite burg u kërkua për secilin appeared first on Albeu.com.