Pas barazimit 2-2 në ndeshjen e parë në kryeqytet, bergamaskët dukeshin më të avantazhuar. Por sfida ishte shumë e hapur me të dy skuadrat që provuan të fitonin.

Megjithatë, rrjeta u tund vetëm në minutat e fundit të kohës së rregullt kur fillimisht Romanjoli për Lacion e më pas Pashaliç për Atalantën, ia dolën të mposhtnin portierët kundërshtarë.

Ndeshja shkoi me shtesa e aty nuk kishte ndryshim rezultati, duke bërë që gjithçka të vendosej nga gjuajtjet e penalltive ku heroi i mbrëmjes u bë 21-vjeçari Eduardo Mota i Lacios.

Portierit të bardhekaltërve i shënoi vetëm Raspadori me gjuajtjen e parë nga pika bardhë, ndërsa më pas priti katër të tjerat radhazi të Atalantës nga Skamaka, Zapakosta, Pashaliç dhe De Keteleare.

Kësisoj, ai siguroi kualifikimin e Lacios të cilës i mjaftoi të realizonte vetëm 2 gjuajtje penalltish pasi kishte gabuar edhe ajo dy të parat.

The post Portieri i Lacios pret 4 penallti! Eliminon Atalantën dhe shkon në finalen e Kupës ndaj Interit appeared first on Albeu.com.

Mediat vendase paralajmërojnë se mëngjesin e së shtunës, temperaturat do të zbresin ndjeshëm nën zero.

Autoritetet kanë paralajmëruar banorët të përgatiten për kushte të rrezikshme udhëtimi dhe ndërprerje të mëdha të energjisë elektrike, të cilat mund t’i lënë njerëzit pa ngrohje.

Mungesa e ngrohjes në mënyrë të veçantë do të jetë shumë e rrezikshme, sepse i ftohti i acartë pritet të vazhdojë edhe pasi të kalojë stuhia.

Në Teksas, Guvernatori Greg Abbott, shpalli gjendjen e katastrofës natyrore për 134 qarqe të shtetit, me qëllimin të aktivizohen mekanizmit e mbështetjes së popullatës që përpara mbërritjes së valës së të ftohtit ekstrem.

Fronti i pamëshirshëm arktik, duket se do ta godasë edhe më egërsisht rajonin e njohur si Midwest-in, duke sjellë këtu temperatura edhe më të rrezikshme.

Termometri pritet të shënojë më e shumta deri në minus 46 gradë në disa pjesë të Minesotës dhe Dakotës së Veriut. Në këto kushte, sipas ekspertëve, ngrirja mund të ndodhë vetëm 10 minutash.

I ftohti brutal pritet të zhysë në borë e akull edhe Washington DC-në. Modeli amerikan tregon borë të dendur për pjesën më të madhe të korridorit ndërshtetëror 95 – nga Filadelfia në qytetin e Nju Jorkut dhe në Boston – me reshje që zgjasin deri të hënën në mëngjes.

The post SHBA pret stuhinë e akullit, rreth 160 milionë banorë do të preken nga moti ekstrem në fundjavë appeared first on Albeu.com.

Kreu i Shtetit, u uroi profesionistëve të medias një vit të ri plot suksese, duke theksuar se ky takim shkon përtej karakterit festiv dhe përfaqëson një shenjë mirënjohjeje për punën dhe përkushtimin e tyre të përditshëm.

Gjithashtu në fjalën e tij, Presidenti Begaj, vlerësoi rolin e gazetarisë si një profesion me sfida të mëdha dhe me përgjegjësi të lartë publike.

“Gjithmonë kam menduar se profesioni i mjekut është më i bukuri në botë. Në fakt jam gabuar, sepse, siç e thotë edhe shkrimtari kolumbian Gabriel García Márquez, gazetaria është profesioni më i bukur në botë. Është një profesion i vështirë, me shumë sfida, por me një përgjegjësi edhe më të madhe. Mjekët e kanë përgjegjësinë ndaj individit, ndërsa ju keni përgjegjësinë ndaj interesit publik. Ju keni qenë të pranishëm kudo, duke u përkushtuar dhe angazhuar gjithmonë”, u shpreh Begaj.

Duke vlerësuar angazhimin e vazhdueshëm të gazetarëve në çdo situatë, Presidenti u shpreh se përkushtimi dhe prania e tyre janë thelbësore për funksionimin e demokracisë dhe për forcimin e besimit të publikut.

Begaj falenderoi përfaqësuesit e mediave për kontributin e dhënë gjatë gjithë vitit, duke nënvizuar se përgjegjësia për informimin e saktë dhe të vërtetë është ajo që e bën gazetarinë një profesion për të qenë krenar.

Fjala e presidentit Bajram Begaj:

“Mirëmbrëma të gjithëve!

Në fakt, unë nuk kam për të mbajtur fjalë.

Dua vetëm një minutë vëmendje.

Shumë faleminderit për pjesëmarrjen sot të gjithë ju, gazetarë dhe përfaqësues të medias!

E konsideroj si takim festiv, meqenëse jemi në prag të mbylljes së vitit, por më shumë se sa një takim festiv, është një mirënjohje, një mirënjohje për çfare ju bëni përgjatë gjithë vitit.

Në fakt, si çdo vit tjetër, ka qenë i pasur me ngjarje, nga ngjarjet rutinë, deri te ngjarjet dinamike, politike, që më mirë se ju, askush tjetër nuk i raporton.

Gjithmonë kam menduar se profesioni i mjekut është profesioni më i bukur në botë. Në fakt, jam gabuar, sepse, siç e thotë edhe shkrimtari i njohur kolumbian, Gabriel Garcia Márquez, “Gazetaria është profesioni më i bukur në botë”, sepse është një profesion i vështirë, me shumë sfida, por që ka një përgjegjësi shumë më të madhe se mjekët: mjekët përgjegjësinë e kanë me individin, ndërsa ju përgjegjësinë e keni me interesin publik. Dhe ju keni qenë prezent kudo për të raportuar, për të informuar. Keni qenë në rrugë, keni qenë në institucione, kohë pa kohë, duke u përkushtuar dhe duke u angazhuar gjithmonë.

Sot është dita për t’ju falënderuar për përkushtimin, për kontributin, dhe besoj se përgjegjësia e informimit për të vërtetën është ajo çfarë juve ju bën krenarë.

Shumë faleminderit për punën dhe misionin tuaj!

Në fund, dua ta mbyll, meqenëse jemi në prag të festave, duke uruar për secilin nga ju, për familjet tuaja, gëzuar festat, një vit sa më të mbarë e sa më të suksesshëm për ju dhe për të gjithë shqiptarët”, u shpreh presidenti Begaj.

The post Presidenti Begaj pret gazetarët për festat e fundvitit, vlerëson përgjegjësinë e medias ndaj interesit publik (VIDEO) appeared first on Albeu.com.

“MIRËMËNGJES 😊 dhe me mbërritjen mbrëmë në Shqipëri të një miku të vjetër e të shtrenjtë të popullit shqiptar, këtej e andej bjeshkëve, ju uroj një ditë të mbarë”, shkruan kreu i qeverisë.

Raportohet se në takim me kryeministrin Rama është diskutuar në lidhje me mënyrat për të zgjeruar më tej marrëdhëniet dypalëshe.

Duke i uruar mirëseardhjen Presidentit të Emirateve të Bashkuara Arabe dhe delegacionit shoqërues në Zyrën e Kryeministrit Rama shprehu besimin e tij se vizita do të ndihmonte në krijimin e rrugëve të reja të bashkëpunimit dhe do të çonte përpara ambiciet e zhvillimit të të dy vendeve.

Në takim u diskutua edhe mbi mundësitë për bashkëpunim të mëtejshëm, veçanërisht në sektorët prioritarë, duke përfshirë ekonominë, tregtinë, energjinë e rinovueshme, sigurinë ushqimore dhe teknologjinë.

Të dyja palët shkëmbyen gjithashtu pikëpamje mbi një sërë çështjesh rajonale dhe ndërkombëtare me interes të ndërsjellë dhe diskutuan rëndësinë e dialogut dhe diplomacisë në zgjidhjen e konflikteve. Ata nënvizuan nevojën për një bashkëpunim më të fortë ndërkombëtar për të promovuar paqen, stabilitetin dhe sigurinë si në nivel rajonal ashtu edhe në atë global.

The post Rama ndan pamje nga pritja e Presidentit të Emirateve të Bashkuara: Mik i vjetër e i shtrenjtë i popullit shqiptar appeared first on Albeu.com.

Kryetari i Bashkisë së New York-ut Eric Adams, priti përfaqësues të komunitetit shqiptar në qytet, ndërsa ishte veshur me një plis në kokë dhe shall kuq e zi.

“Duhet ta doni Shqipërinë më shumë se Amerikën,” tha ai me humor duke shtuar se edhe djali i tij është i dashuruar me Shqipërinë dhe mezi pret të vizitojë vendin.

“Çfarë dite, çfarë dite. Kur mendoni për këtë, vëllezërit dhe motrat tona nga Shqipëria, nga Kosova, nga Mali i Zi dhe Maqedonia e Veriut, thotë shumë për ne të jemi këtu në Gracie Mansion dhe të kemi paradën tuaj, një paradë që do të thotë kaq shumë.

Një paradë është simbolike në këtë vend si një mënyrë për të deklaruar se ju jeni pjesë e gjithçkaje në të cilën besojmë, dhe bukuria e saj është se kur marshoni në njërën nga rrugët tona kryesore, tregoni dhe shfaqni flamurin tuaj, flamurin tuaj kuq e zi me atë simbol të rëndësishëm mbi të.

Ajo thotë se nuk keni pse ta braktisni vendin tuaj për të dashur vendin tuaj të adoptuar, Amerikën. Ju jeni në gjendje t’i keni të dyja. Mendoni për këtë komunitet. Mendoni për atë që doni të thoni dhe atë që përfaqësoni. U tha se duhet të më falënderoni mua dhe të falënderoni vendin. Jo, ne duhet t’ju falënderojmë.

Ju sillni këtu besim, ju sillni këtu kulturën tuaj, ju sillni këtu etikën tuaj të punës, ju sillni këtu sigurinë tuaj publike, burrat dhe gratë që jo vetëm zbukurojnë simbolin tuaj kuq e zi, por ata zbukurojnë edhe uniformën e policisë. Ata na mbajnë të sigurt çdo ditë dhe dua t’i falënderoj që janë këtu për të festuar me ne.

Kur më pyetën nëse mund të organizoni një paradë, thashë po. Do ta bëjmë të ndodhë dhe do të sigurohemi që të jetë një nga paradat më të mira që do të shihni. 200,000 shqiptarë të fortë jetojnë në New York City. Numri më i madh i shqiptarëve në këtë vend është pikërisht këtu në New York City.

Nga Shqipëria e Vogël në Bronx deri te Shqipëria e Vogël në Queens, ju jeni rritur dhe keni një pikëmbështetje të fortë, dhe forca juaj politike është e pashembullt. Ju them, faleminderit që e bëtë këtë qytet atë që është.

Duam të nderojmë shumë nga heronjtë tuaj dhe heronjtë që janë këtu sot dhe duam t’u tregojmë atyre se i falënderojmë për kontributet e tyre në Qytetin e New York-ut. Jam shumë i emocionuar për sot.

U deshën 109 kryetarë bashkie para se të kuptonin se duhet të organizonim një paradë për Ditën e Shqiptarëve këtu në New York City, ku po e organizoni tani. Dhe djali im, e kam shumë zili, ai shkoi në Shqipëri dhe mori pjesë në një nga koncertet tuaja.

Mezi pres të shkoj në Shqipëri dhe të shijoj lumenjtë, detet, malet e bukura dhe gjithçka që keni për të ofruar. Dhe kështu ju falënderoj shumë, dhe mezi presim të nderojmë dhe të lartësojmë ata që po nderojmë sot. Faleminderit. Gëzuar Ditën”, tha ai gjatë fjalimit.

The post Parada e shqiptarëve në New York/ Kryebashkiaku Eric Adams me plis në kokë: Mezi pres të shkoj në Shqipëri (VIDEO) appeared first on Albeu.com.

Gjatë bisedës, u vlerësuan marrëdhëniet shumë të mira politike ndërmjet dy vendeve dhe u theksua nevoja për thellimin e bashkëpunimit në fusha të tjera me interes të përbashkët.

Presidenti Begaj, e cilësoi këtë marrëdhënie si të ndërtuar mbi miqësinë tradicionale dhe lidhjet historike, kulturore e ndërnjerëzore që bashkojnë dy popujt.

Gjithashtu, Kreu i Shtetit, nënvizoi gatishmërinë e Shqipërisë për të bashkëpunuar më ngushtësisht me Bullgarinë, si në planin dypalësh ashtu edhe në kuadër të forumeve shumëpalëshe.

Duke iu referuar fushës ekonomike, Begaj theksoi nevojën për të rikthyer në nivele më të larta shkëmbimet tregtare mes dy vendeve, duke përkujtuar periudhën e fillimviteve ’90 kur këto shkëmbime ishin më të zhvilluara.

Presidenti falenderoi Bullgarinë për mbështetjen e vazhdueshme në procesin e integrimit evropian të Shqipërisë, duke e konsideruar këtë mbështetje si një shtysë të rëndësishme për përmbylljen e negociatave deri në vitin 2027 dhe synimin për anëtarësim të plotë në vitin 2030.

Në aspektin e sigurisë, Presidenti Begaj, vlerësoi kontributin e përbashkët në kuadër të NATO-s dhe përmendi prezencën e trupave shqiptare në bazën ushtarake të Novo Selos në Bullgari, si një tregues konkret të bashkëpunimit.

Në përmbyllje, ai theksoi rëndësinë strategjike të Korridorit VIII dhe portit të Durrësit, duke e cilësuar këtë projekt si thelbësor për lidhjen rajonale, zhvillimin e qëndrueshëm dhe forcimin e konkurrueshmërisë ekonomike në Ballkan.

The post Presidenti Begaj pret Kryetaren e Kuvendit të Bullgarisë: Forcojmë bashkëpunimin dypalësh dhe mbështetjen për integrimin evropian appeared first on Albeu.com.

Mësohet se kjo vizitë u mundësua nga “Make a Wish Foundation”, pasi Presidenti Trump, ka në axhendën e tij takime me persona me aftësi ndryshe.

Bëhet me dije se pjesë se këtij rasti, është edhe djali i madh i kësaj familjeje me origjinë shqiptare.

Gjithashtu, mësohet se Presidenti Donald Trump, i dha djaloshit edhe një monedhë, që do ta ketë kujtim nga takimi me Presidentin e SHBA-ve.

The post Presidenti Trump pret në Zyrën Ovale familjen shqiptare, zbulohet arsyeja dhe dhurata për njërin prej fëmijëve appeared first on Albeu.com.

Gjatë kësaj vizite, nxënësit u njohën me ambientet e Institucionit të Presidentit, ku zhvillohen takime të rëndësishme kombëtare e ndërkombëtare, funksionin, vendimmarrjet, si dhe aktivitetet kryesore.

Ndërkohë që Presidenti i Republikës, Bajram Begaj, uroi mirëseardhjen miqve të vegjël nga Tuzi, nxënësit e përshëndetën me një këngë me çifteli dhe me interpretimin e një poezie patriotike.

Duke theksuar rëndësinë e intensifikimit të vizitave të ndërsjella mes shqiptarëve të Shqipërisë dhe atyre të Malit të Zi, Presidenti Begaj u shpreh se; “me anëtarësimin tonë të përbashkët në Bashkimin Evropian, kufijtë do të mbeten vetëm në hartë”.

Kreu i Shtetit propozoi hapjen e dyerve të institucioneve për fëmijët nga të gjitha trevat dhe zhvillimin e vizitave të tyre në familjet shqiptare, por edhe mësimin e historisë në institucionet përkatëse.

Gjatë bashkëbisedimit me ta, Presidenti Begaj u fokusua te leximi, marrja e dijeve përmes shkollës dhe përkushtimi që duhet të ketë secili fëmijë, pasi, siç u shpreh ai “ëndrrat janë të bukura kur punohet për t’i realizuar”.

Kreu i Shtetit përgëzoi drejtorin e shkollës, Luigj Dedvukaj, dhe mësuesen Hana Canaj, për pasionin dhe dashurinë në ushtrimin e profesionit dedikuar mësimit të gjuhës shqipe.

Presidenti Begaj, këshilloi ndjekjen e modelit arbëresh për ruajtjen dhe pasurimin e gjuhës shqipe, ndërsa theksoi rëndësinë e shfrytëzimit të teknologjisë në dobi të gjuhës amtare.

Gjithashtu, Presidenti i Republikës shprehu besimin se vetëm nëpërmjet bashkëpunimit midis institucioneve arsimore të Shqipërisë dhe atyre Malit të Zi, do të realizohen projekte që rrisin cilësinë në mësimdhënie, bazuar në shkëmbimin e përvojave më të mira në këtë fushë.

The post Presidenti Begaj pret nxënës nga komuna Tuz e Malit të Zi: Me anëtarësimin në BE, kufijtë mbeten vetëm në hartë appeared first on Albeu.com.

Presidenti Begaj, vlerësoi kontributin amerikan në zhvillimin e lidershipit në vendin tonë, duke e cilësuar programin LEAD Albania tepër të dobishëm për profesionistët shqiptarë.

Gjatë takimit, teksa u njoh me përvojat e profesionistëve të rinj në institucionet shqiptare, Presidenti Begaj, i inkurajoi ata të ofrojnë në praktikë përvojën e përfituar përmes trajnimeve në Universitetet ndërkombëtare.

“Shqipëria ka shumë nevojë për profesionistë si ju”, – u shpreh Presidenti Begaj, i cili i njohu bursistët e rinj të LEAD Albania me angazhimet e tij përballë sfidave në detyrën si Kryetar Shteti.

Presidenti i Republikës, Bajram Begaj, priti sot pjesëmarrësit e LEAD Albania dhe drejtuesit e Fondacionit Shqiptaro-Amerikan të Zhvillimit që kanë hartuar këtë program lidershipi për Shqipërinë.

Presidenti Begaj vlerësoi kontributin amerikan në zhvillimin e lidershipit në vendin tonë, duke e cilësuar programin LEAD Albania tepër të dobishëm për profesionistët shqiptarë.

Gjatë takimit, teksa u njoh me përvojat e profesionistëve të rinj në institucionet shqiptare, Presidenti Begaj i inkurajoi ata të ofrojnë në praktikë përvojën e përfituar përmes trajnimeve në universitetet ndërkombëtare.

“Shqipëria ka shumë nevojë për profesionistë si ju”, – u shpreh Presidenti Begaj, i cili i njohu bursistët e rinj të LEAD Albania me angazhimet e tij përballë sfidave në detyrën si Kryetar Shteti.

The post Presidenti Begaj pret pjesëmarrësit e LEAD Albania: Shqipëria ka nevojë për profesionistë si ju appeared first on Albeu.com.

Biseda u fokusua në procesin zgjedhor të 11 majit, ndërsa u theksua rëndësia e zhvillimit të një procesi të drejtë, të lirë e të ndershëm.

Presidenti i Republikës, u njoh me gjetjet e deritanishme të OSBE-ODIHR-it, ndërsa përgëzoi këtë mision që ka përfshirë në vëzhgimin e zgjedhjeve parlamentare në Shqipëri edhe organizata të tjera të rëndësishme ndërkombëtare.

Gjatë bisedës më Ambasadorin Zannier, Kreu i Shtetit, vlerësoi përfshirjen për herë të parë në histori të Diasporës në votime, duke mundësuar shprehjen e vullnetit të lirë nëpërmjet votës.

The post Zgjedhjet e 11 majit/ Presidenti Begaj pret ambasadorin Lamberto Zannier, ja çfarë u bisedua appeared first on Albeu.com.