Presnel Kimpembe do ta vazhdojë aventurën në Katar, por sezonin e ardhshëm mbrojtësi francez do të garojë në kategorinë e dytë, pasi ka firmosur me Al-Kharaitiyat.

Sipas Goal.com, 30-vjeçari është larguar nga Qatar SC, ku gjatë sezonit të kaluar regjistroi vetëm 11 paraqitje.

Transferimi është zyrtarizuar edhe nga klubi i tij i ri. Në njoftim thuhej se Al-Kharaitiyat konfirmon afrimin e mbrojtësit francez Presnel Kimpembe me një kontratë njëvjeçare dhe se ai vjen nga Qatar Sports Club për sezonin e ardhshëm.

Al-Kharaitiyat përmendi në komunikatën e vet edhe periudhën e futbollistit në Katar. Klubi bëri të ditur se Kimpembe iu bashkua Qatar Sports Club në shtator të vitit 2025, pasi u largua nga Paris Saint-Germaini francez, ndërsa sezonin e kaluar luajti me këtë skuadër në ligën e Katarit.

Kimpembe, ish-kapiten i PSG-së dhe kampion bote, e nisi rrugëtimin në akademinë e klubit parisien në vitin 2005, kur ishte ende fëmijë. Paraqitjen e parë me ekipin senior e realizoi në vitin 2014.

Gjatë karrierës së tij me Paris Saint-Germainin, ai zhvilloi 241 ndeshje dhe kontribuoi në një nga epokat më të suksesshme të klubit francez. Me PSG-në fitoi gjithsej 24 trofe, mes të cilëve tetë tituj në Ligue 1.

Mbrojtësi u dallua për qasjen agresive dhe të pakompromis në repartin defensiv, si dhe për besnikërinë ndaj klubit nga Parisi. Ai ishte gjithashtu një nga lojtarët e paktë të formuar në akademinë e PSG-së që siguroi një vend titullari në një ekip me shumë yje të futbollit botëror.

Problemet me dëmtimet ia kanë ngadalësuar ritmin gjatë viteve të fundit. Megjithatë, Kimpembe vazhdoi të kishte rol të rëndësishëm në dhomën e zhveshjes dhe konsiderohej një prej futbollistëve që mishëronin identitetin e klubit francez.

Me kombëtaren e Francës, ai numëron 28 paraqitje. Kimpembe ishte gjithashtu pjesë e përfaqësueses franceze që triumfoi në Kupën e Botës të vitit 2018, të zhvilluar në Rusi.

The post Nga kapiten i PSG-së dhe kampion bote, në moshën 31-vjeçare transferohet në ligën e dytë të Katarit appeared first on Albeu.com.

Mirëpo, mbrojtësi i “parizienëve”, Presnel Kimpembe nuk është dakord me “emërimin” e Mbappe si zv/kapiten i PSG.

“Gjatë orëve të fundit kam dëgjuar dhe lexuar shumë për veten time. Prandaj, dua të jem i qartë për të shmangur përhapjen e mëtejshme të informacionit të rremë për veten time. Unë nuk jam informuar për këtë vendim, ky është krejtësisht i gabuar… Megjithatë, unë gjithmonë do të respektoj vendimet e klubit”,- ka shkruar Kimpembe në rrjetet sociale.

Kimpembe ishte kapiten në ndeshjet kundër Brest më 10 shtator dhe kundër Troyes më 29 tetor, tani mbrojtësi po rikuperohet nga një dëmtim i tendinit të Akilit. /albeu.com

The post Mbappe shpallet zv/kapiten te PSG, Kimpembe i revoltuar: Është një vendim i gabuar appeared first on Albeu.com.