Deputeti i Lidhjes Demokratike të Kosovës, Arben Gashi, ka reaguar përmes një postimi në Facebook, ku ka deklaruar se LDK-ja nuk lëkundet nga presionet dhe sfidat, ndërsa ka rikujtuar parimet mbi të cilat është ngritur kjo parti.

Sipas Gashit, LDK-ja nuk mund të ndalet dhe nuk frikësohet as nga trysnia e jashtme, as nga vështirësitë që shfaqen brenda saj. Ai ka theksuar se fuqia e partisë nuk vjen nga pushteti, por nga vlerat që përbëjnë bazën e saj.

Në reagimin e tij, deputeti e ka cilësuar demokracinë si themelin e LDK-së, lirinë si shpirtin e saj dhe veprimin politik si misionin që ajo përfaqëson. Sipas tij, mbrojtja e palëkundur e së vërtetës përbën vetë arsyen e ekzistencës së kësaj partie.

Gashi ka bërë të ditur se angazhohet, beson dhe qëndron për një LDK të ndërtuar mbi këto parime.

Ai ka nënvizuar se pjesëmarrja e tij në politikë nuk synon mbrojtjen e interesave të përkohshme. Përkundrazi, siç është shprehur, synimi i tij është ndërtimi i një LDK-je më të fuqishme, më demokratike dhe më besnike ndaj idealit të vet.

Sipas Gashit, vetëm një LDK e tillë është në gjendje ta udhëheqë Kosovën drejt së ardhmes që meriton.

Në përmbyllje të postimit, ai ka ritheksuar përkushtimin e tij të vazhdueshëm ndaj LDK-së dhe Kosovës.

The post Përplasjet brenda LDK-së, Arben Gashi: Presionet nuk më trembin appeared first on Albeu.com.

“Jini dinjitoz, të respektuar deputetë të LSDM-së dhe mos u dorëzoni para presioneve të disa udhëheqësve të partisë suaj”, theksoi në fjalimin e tij Hristijan Mickoski.

Në fjalën e tij Mickoski ju drejtua deputetëve të LSDM-së që të mos dorëzohen para presioneve të disa udhëheqësve të partisë VMRO-DPMNE.

“Dua të jemi i qartë. Qëllimi im nuk është lufta për pushtet të zhveshur, por në radhë të parë mbrojtja e interesave shtetërore dhe kombëtare duke refuzuar një proces që është i dëmshëm për Maqedoninë. Dhe kjo duhet të jetë lufta jonë e përbashkët në të cilën të gjithë duhet të bashkohemi në anën e popullit dhe në anën e Maqedonisë sonë. Ju refuzoni propozimin dhe ju premtoj se nuk do të kërkoj zgjedhje dhe do të mbështes mbijetesën e kësaj qeverie, qoftë edhe pakicë, që Maqedonia të mos shantazhohet dhe poshtërohet dhe se çfarë tani na ofrohet. Oferta ime është e ndershme dhe e sinqertë dhe udhëhiqet ekskluzivisht nga interesat e popullit dhe e ardhmja e Maqedonisë sonë”, pohon ai./albeu.com

The post Kryetari i opozitës thirrje deputetëve të LSDM-së: Refuzoni propozimin francez, mos bini pre e presioneves appeared first on Albeu.com.

Hoxha është shprehur se përballë presioneve nuk ndalet. Gjatë një interviste tek “Vila 24’, ai tregoi se kur dikush i bën presion, fillon dhe merret seriozisht me të.

Artan Hoxha tregoi gjatë rrëfimit të tij se pishmani i vetëm gjatë karrierës janë shqetësimet që u ka sjellë familjarëve pasioni dhe puna e tij.

Hoxha zbuloi se ka pasur momente kur e shoqja telefononte edhe policinë kur nuk e dinte se ku ndodhej ai.

“I kam vënë disa herë në vështirësi, ka pasur momente kur bashkëshortja ka njoftuar policinë se nuk e dinte ku ndodhesha unë.

Mirëpo më është dashur të takoj njerëz që kanë qenë shumë të kërkuar, pranoja të shkoja, por s’duhet të kapeshin kur unë isha atje. Të mos isha unë njeriu që do bëja të mundur kapjen e tyre, në të kundërt do humbja besimin tek burimet e mia.

Sot ajo që unë quaj me krenari pasuria e madhe është që qindra njerëz më shkruajnë, kërkojnë ndihmë, kërkojnë informacione”, u shpreh Artan Hoxha./albeu.com/

The post “Zbërthehet” Artan Hoxha: Nuk më ndalin presionet, ja çfarë bënte gruaja ime kur nuk më gjente appeared first on Albeu.com.