Më poshtë keni disa nga ushqimet më të mira për t’u ngrënë, nëse doni të keni shëndet mirë dhe të ulni presionin e gjakut nëse vuani nga kjo sëmundje.

1. Bajamet dhe arrat

Bajamet dhe arrat përmbajnë yndyra të pangopura, që ndihmojnë në uljen e nivelit të kolesterolit.

2. Banane

Bananet janë të pasura me kalium, i cili mund të ndihmojë në uljen e presionit të gjakut.

3. Hudhra

Për shkak të përmbajtjes së lartë të allicinës, ky produkt mund të luftojë gjithashtu simptomat e hipertensionit.

4. Patatet

Patatet kanë magnez dhe kalim, që ndihmojnë në shëndetin e mirë kardiovaskular.

5. Fara luledielli

Edhe pse të vogla, ata ndihmojnë në përmirësimin e shëndetit.

6. Fasule

Fasulet kanë magnez, kalium dhe fibra, që janë të dobishme për shëndetin e zemrës.

7. Speci djegës

Relakson enët e gjakut dhe ul hipertensionin

8. Shafrani i Indisë

Ai lehtëson inflamacionin, forcon zemrën dhe përmirëson rrjedhën e gjakut.

9. Spinaqi

Ky produkt është i pasur me antioksidantë, të cilat mund të ndihmojnë në uljen e presionit të lartë të gjakut.

10. Panxhari

Lëngu i freskët i panxharit mund të ndihmojë në detoksifikimin e gjakut, trajtimin e mbipeshes dhe uljen e presionit të gjakut.

11. Vaj ulliri

Përmban antioksidantë, të cilët ndihmojnë në ruajtjen e shëndetit të mirë të zemrës dhe uljen e presionit të gjakut.

12. Çokollata e zezë

Çokollata e zezë është e dobishme për shëndetin tuaj, pasi ndihmon në uljen e presionit të gjakut.

13. Fara liri

Për shkak të përmbajtjes së lartë të acideve yndyrore omega-3 që gjenden tek farat e lirit, këto fara ndihmojnë në uljen e presionit të gjakut.

14. Domate

Ky produkt popullor është i pasur me likopen, i cili zvogëlon në masë të madhe presionin e lartë të gjakut.

15. Vaj susami

Studimet tregojnë se vaji i farës së susamit zvogëlon presionin e gjakut dhe ndihmon në mbrojtjen e hipertrofisë së zemrës.

The post Ushqimet më të mira për tensionin e lartë appeared first on Albeu.com.

Tensioni i lartë i gjakut është një gjendje që nuk duhet anashkaluar, por në simptomat e para duhet të konsultoheni me mjekun i cili do të marrë masa të rëndësishme në terapi për të parandaluar komplikimet e mëtejshme dhe sëmundjet kardiovaskulare.

Mjeku dhe psikoterapisti gjerman Ridiger Dahlke, i cili merret me mjekësinë alternative dhe psikosomatikën, ka shkruar libra të shumtë për lidhjen midis emocioneve dhe shëndetit fizik, disa nga më të njohurit që janë “Sëmundja si të folurit e shpirtit” dhe “Sëmundja si shteg”.

Ai në një ligjëratë që ka mbajtur para disa vitesh ka folur për lidhjen e disa sëmundjeve me gjendjet emocionale, ka treguar se cili mund të jetë shkaku i presionit të gjakut, pra me çfarë shoqërohet gjendja emocionale dhe mendore e kësaj sëmundje.

“Mesazhi është se vitaliteti ynë është në gjak, ai simbolizon jetën tonë. Rrjedha e vitalitetit si rrjedha e gjakut është nën presion të madh. Në shoqërinë e sotme, veçanërisht në shoqërinë e kapitalizmit të vonë, njerëzit janë nën një presion të madh. Në 20 vitet e fundit thoshin se edhe 170 është presion normal për një shtatëdhjetë vjeçar. Sot ata janë kthyer në normalitet, ndaj thonë se 120 është një presion i shëndetshëm. Presioni i lartë është aq i pranishëm në një shoqëri nën presion të lartë, saqë e kanë deklaruar si një gjendje normale, por nuk është. Jeni vazhdimisht duke luftuar, është normale nëse jeta juaj është në rrezik.

Nëse jeni në rrugë dhe makinat vijnë për t’ju takuar dhe papritmas njëra kërcen para jush. Pastaj presioni rritet. Ai që ka vazhdimisht tension të lartë, është vazhdimisht në situatë luftarake dhe në rrezik të madh, jeta e tij është në rrezik.

Jemi stërvitur të jemi të tillë, shumë të rëndësishëm, të vrapojmë pas parave, pas pushtetit. Trupi na e tregon këtë dhe na kërkon të luftojmë me gjërat vërtet të rëndësishme. Le të themi me një problem të fshehur autoriteti nga babai apo gjyshi im. Ne e gjejmë gjithmonë atë luftën e vërtetë që njeriu nuk po e lufton vërtet. Ai po lufton me të gjithë rreth tij, në Gjermani themi “me Zotin dhe botën”, dhe ai duhet të bëjë një luftë vërtet të rëndësishme, që është një luftë me autoritetin, më së shpeshti autoritetin e babait të tij.

Pranimi i autoritetit në mënyrën e duhur është një luftë që shumë prej nesh e luftojnë. Kur të mësojmë të kuptojmë se nga vjen kjo rezistencë, ne do të jemi në gjendje ta transformojmë atë në diçka tjetër, më të fuqishme dhe më të dobishme se presioni i ngritur”, u shpreh mjeku.

The post Mjeku gjerman zbulon shkakun pse shumë njerëz kanë presion të lartë gjaku appeared first on Albeu.com.