Duke folur në ditën e tretë dhe të fundit të Konferencës Vjetore të Sigurisë, në Bratislavë, Presidentja e Komisionit Europian tha se Ballkani Perëndimor ka mundësi të mëdha për furnizimet me energji, që të mos jetë e varur nga lëndët djegëse jo të ripërtëritshme ruse, mirëpo për këtë rajoni duhet të rrisë efektivitetin energjitik dhe të zgjerojë llojshmërinë e burimeve energjitike.

“Rajoni i Ballkanit Perëndimor ka mundësi të mëdha për furnizimet me energji, që të mos jetë e varur nga lëndët djegëse ruse. Për këtë duhet që të rrisi efektivitetin energjitik dhe të zgjerojë llojshmërinë e burimeve energjitike me ata partnerë që janë në të njëjtën linjë mendimi. Për t’i arritur këto, natyrisht, ka nevojë për më shumë investime dhe për zhvillimin e energjisë së rinovueshme. Ballkani Perëndimor mund të arrijë pavarësinë energjitike nga Rusia dhe një përafrim më të të ngushtë për të përshpejtuar anëtarësimin në Bashkimin Europian”, tha Ursula von der Leyen, Presidente e Komisionit Europian.

Zonja Von Der Leyen shprehu gatishmërinë e Bashkimit Europian për shtimin e fondeve në mbështetje të vendeve të Ballkanit Perëndimor në kuadër të procesit për anëtarësimin e tyre në union. Ajo tha se rajoni ka nevojë urgjente për investime dhe njoftoi një plan zhvillimi për Ballkanin Perëndimor, i cili sipas saj, do të bëjë të mundur, që qytetarët e këtyre vendeve të gëzojnë që sot disa nga përfitimet e anëtarësimit në Bashkimin Europian.

“Këto investime do të përmirësojnë jetën e qytetarëve dhe do të zbusin rrugëtimin drejt anëtarësimit në Bashkimin Europian. Për këtë arye duhet të shtojmë fondet dedikuar Ballkanit Perëndimor. Mendoj se ky plan me 4 pika është oferta e duhur për Ballkanin Perëndimor dhe në momentin e duhur, në këto kohë të trazuara”, theksoi Ursula von der Leyen, Presidente e Komisionit Europian.

Zonja Von Der Leyen foli gjithashtu edhe për nevojën emergjentë për të forcuar mbështetjen ushtarake për Ukrainën duke njoftuar se është propozuar një Akt i ri për Prodhimin e Municioneve.

“Ukraina do të dalë më e fortë nga kjo luftë. Gjithnjë e më shumë njerëz po valëvisin flamuj evropianë në Moldavi dhe Gjeorgji, ku dëshira për një vend në Bashkimin Evropian po shtohet me vendosmëri. Ballkani Perëndimor dhe Bashkimi Europian po afrohen gjithnjë e më shumë. Ky momend duhet shrfrytëzuar për të krijuar një Evropë më të bashkuar”, tha Ursula von der Leyen, Presidente e Komisionit Europian.

Komisioni Europian ka njoftuar një plan prej më shumë se 500 milionë eurosh për të ndihmuar kompanitë europiane të prodhimit të armëve që të përmirësojnë teknologjinë e tyre, të hapin linja prodhimi dhe të trajnojnë personelin./voa

The post Von der Leyen: Ballkani Perëndimor mund të arrijë pavarësinë energjitike nga Rusia appeared first on Albeu.com.

Në një videomesazh, Ursula von der Leyen njoftoi se është nënshkruar një marrëveshje për Qendrën Ndërkombëtare të Prokurorisë së Krimit të Agresionit që do të vendoset në Hagë.

https://publish.twitter.com/?query=https%3A%2F%2Ftwitter.com%2Fvonderleyen%2Fstatus%2F1631943465167667201&widget=Tweet

Ajo tha se pushtimi i Vladimir Putin në Ukrainë ka shkaktuar “vuajtje të papërshkrueshme” dhe Perëndimi duhet të bëjë “gjithçka” që mundet për të sjellë autorët para drejtësisë.

Ajo përshkroi dëshmitar të “mizorive” të kryera nga forcat ruse në Bucha, një zonë ku varret masive, trupat e vdekur me duar të lidhura pas shpinës dhe provat e torturave u gjetën pasi trupat e Moskës u tërhoqën.

“Ka prova në rritje të sulmeve të drejtpërdrejta kundër civilëve, si dhe për energjinë dhe infrastrukturën tjetër,” tha Von der Leyen.

“Tortura, keqtrajtimi, dhuna seksuale dhe ekzekutimet përmbledhëse dihet se janë kryer nga forcat ruse, as fëmijët nuk janë kursyer”.

The post Presidentja e KE: Rusia duhet të paguajë për krimet e saj në Ukrainë appeared first on Albeu.com.

Ndërsa ka shtuar se do të ketë dhe një mbështetje tjetër prej 500 mln euro grante por kjo mbas janarit të vitit 2023 për Ballkanin Perëndimor.

Von der Layen: Është kënaqësi. Kanë ndodhur shumë gjera deri tek vizita ime e fundit. Unë jam shumë e kënaqur që ju keni nisur negociatat me Be. Ky është një rezultat i arritur nga ju dhe populli shqiptar, gjithashtu ju keni mbajtur një qëndrim shumë të mirë për hapjen e këtyre negociatave. Shembullore është të shohim sesi Shqipëria ka mbrojtur rregullat e OKB. Shqipëria po ec përpara, raporti i fundit i zgjerimit ka treguar se çfarë përparimi po bën Shqipëria. Ju keni fituar një proces partiak dhe kjo është mënyra më e duhur. Ju keni marrë masa për gjithë përfshirjen e të gjithëve në këtë luftë ekonomike. Rusia po shkel çdo kartë të OKLB , ne ndjejmë se ajo o manipulon tregjet dhe kjo ka ndikuar në të gjithë ekonominë gjithëpërfshirëse të vendeve.

Ne jemi pjesë e një unioni dhe ne po bëjmë një paketë energjetike. 80 milion euro grante mbështetje për Shqipërinë. Pjesa e dyte do të vijë pas janarit 500 milion euro grante në infrastrukturën e energjisë që do të përfshijë të gjithë Ballkanin Perëndimor.

Ne duhet të investojmë në energjinë e rinovueshme. Impianti lundrues diellor tek Vau i Dejës, hidrocentralit të Fierzës, si dhe rinovime tek Qyteti studenti.  Shqipëria duhet të jetë krenare për arritjet e saj. Jeni në rrugën drejt OKB dhe ju uroj urime dhe për mbledhjen e OKB më datën 6 nëntor./albeu.com

The post Von der Layen: Do japim 80 mln euro grante mbështetje për Shqipërinë appeared first on Albeu.com.

“Nuk mund të ketë dyshim se gjuha maqedonase është gjuha juaj. Ne e respektojmë plotësisht këtë”, ka shkruar Von der Leyen, e cila dje në Shkup ka hasur në reagime nga protestuesit dhe opozita se me propozimin francez cenohet identiteti maqedonas dhe pason bullgarizimi.

Krahas njoftimit të sotëm, Ursula von der Leyen ka postuar edhe video material me klip nga fjalimi i saj i djeshëm në Kuvendin e Maqedonisë. Njoftimi në profilin e presidentes së Komisionit Evropian vjen pasi sot pasdite zëdhënësja e KE refuzoi të japë një përgjigje të saktë – nëse performanca e Ursula von der Leyen do të thotë se BE-ja e njeh gjuhën maqedonase. Duke iu përgjigjur pyetjes së gazetares nga korrespondentja e MIA-s në Bruksel, zëdhënësja e KE-së, Dana Spinant tha se dje kryetarja e KE-së, Ursula von der Leyen, ka folur për “gjuhën e përdorur nga njerëzit në Maqedoninë e Veriut”. (INA)

There can be no doubt that the Macedonian language is your language. We fully respect that. https://t.co/YcFx63cBJZ

— Ursula von der Leyen (@vonderleyen) July 15, 2022

The post Propozimi francez, Presidentja e KE-së ka sërish një porosi për Shkupin appeared first on Albeu.com.

Von der Leyen udhëtoi për në kryeqytetin ukrainas me tren, në një vizitë të papritur dhe sekrete për arsye sigurie, sipas La Repubblica.

Ajo pritet të takohet me presidentin Volodymyr Zelensky dhe do të ketë një sërë takimesh me drejtuesit më të lartë të institucioneve ukrainase. Kjo është hera e dytë që nga fillimi i luftës që von der Leyen viziton  Ukrainën.

Gjatë vizitës së saj të parë në Ukrainë, Von der Leyen vizitoi Buchan dhe  tha se BE-ja do të bënte gjithçka për të mbështetur Ukrainën për të bërë “hapat e nevojshëm” për të siguruar anëtarësimin në bllok, gjë të cilën Zelensky e ka kërkuar me ngulm.

The post Pas sekretarit britanik të Mbrojtjes, dhe presidentja e KE vizitë të papritur në Kiev appeared first on Albeu.com.

Udhëheqësit e BE-së pritet të takohen të hënën në një samit të jashtëzakonshëm, por siç tha një diplomat: “Për çfarë do të flasim?”

Shumica e çështjeve që do të disktutohen do të jenë rreth luftës në Ukrainë, por është e dyshimtë se çështja kryesore dhe e pazgjidhur e embargos së naftës ruse që ka ende nevojë për diskutim, mund të “anashkalohet.”

Këto janë përpjekjet e vështira të BE-së për të ndaluar importet e naftës ruse.

Tashmë ka kaluar gati një muaj që kur presidentja e Komisionit Europian Ursula von der Leyen njoftoi propozimet e saj.

“Ne do të ndalojmë plotësisht naftën ruse”, tha ajo në Parlamentin Europian.

Do të ishte një tranzicion “i rregullt”, duke hequr gradualisht naftën ruse brenda gjashtë muajve dhe produktet e rafinuara deri në fund të vitit 2022. Por rezistenca, veçanërisht nga Hungaria, ka mbajtur peng paketën e gjashtë të sanksioneve të BE-së.

Vende të tjera pa dalje në det, si Sllovakia dhe Republika Çeke, kanë kërkuar gjithashtu më shumë kohë për shkak të varësisë së tyre nga nafta ruse. Por qeveria hungareze e kryeministrit Viktor Orban, e cila e ka krahasuar ndalimin e naftës me hedhjen e një bombe bërthamore në ekonominë e saj, shihet si pengesa kryesore.

Ai i shkroi Këshillit Europian për të thënë se nuk donte as ta diskutonte javën e ardhshme.

‘Paratë e gjakut’

Diplomatët janë të zhgënjyer por ata gjithashtu kanë rënë dakord se, me rritjen e çmimeve të energjisë, disa vende mund të mos jenë plotësisht të pakënaqur me bllokimin e naftës ruse. Disa vende e kanë bërë të qartë se Europa duhet të ndalojë së dhëni Rusisë miliarda në atë që ata e cilësojnë si “para gjaku”.

Megjithatë, si von der Leyen ashtu edhe kreu i Këshillit Europian këtë javë sugjeruan që një marrëveshje për naftën mund të ndodhë brenda disa ditësh.

“Shmangia e debatit nuk është realiste”

Në samit pritet të diskutohet gjithashtu mbështetja financiare për Ukrainën, siguria ushqimore, mbrojtjea dhe çështje më të gjera mbi tranzicionin energjetik të BE-së. Draft-konkluzionet, të marra nga BBC, i referohen heqjes së lëndëve djegëse fosile ruse, duke shmangur embargon e naftës ruse.

“Shmangia e një debati nuk është shumë realiste,” tha një diplomat i lartë.

Shtetet anëtare nënshkruan paketat e tjera të sanksioneve, duke përfshirë një embargo me faza ndaj qymyrit rus. Por në letrën e tij këtë javë, udhëheqësi hungarez paralajmëroi Charles Michel se diskutimi i embargos së naftës “vetëm do të theksonte edhe më shumë përçarjet tona të brendshme”.

Presidentja e Parlamentit Europian Roberta Metsola është optimiste se Hungaria në thelb po mban një “qëndrim negocues”. Megjithatë, fondet e destinuara kohët e fundit për të ndihmuar me tranzicionin energjetik të BE-së vijnë nga një buxhet parash në të cilën Hungaria nuk ka ende akses.

E gjithë kjo është pjesë e një përplasjeje financiare midis Brukselit dhe Budapestit, mbi akuzat se qeveria Orban po kryeson mbi një erozion të standardeve demokratike.

Sigurisht ka ide të ndryshme, të tilla si vendosja e kufizimeve të çmimeve ose tarifave për naftën ruse për të reduktuar të ardhurat e Kremlinit. Një tjetër propozim i kohëve të fundit ishte shkurtimi i furnizimeve nga deti fillimisht dhe më pas bllokimi i tubacioneve  më vonë.

The post Çështja kryesore embargo e naftës ruse, por pse kjo temë mund të mos diskutohet në samitin e jashtëzakonshëm të BE appeared first on Albeu.com.

Von der Leyen tha se 27 vendet anëtare të BE-së duhet të aprovojnë me shpejtësi dozat e treta dhe të mbështesin vendet që aplikojnë përkohësisht testet PCR para udhëtimit edhe brenda kufijve të bllokut.

E pyetur nëse e mbështeti qeverinë greke në vendosjen e një gjobe mujore prej 100 € për personat mbi 60 vjeç që nuk vaksinohen kundër Covid-19, Von der Leyen tha se përhapja e sëmundjes dhe mungesa e vaksinimit në pjesë të BE-së nënkupton se vaksinimi i detyrueshëm duhej të ishte në tryezë si një përgjigje e politikës. /abcnews.al/

The post Varianti i ri, presidentja e KE: Vendet e BE-së ta bëjnë vaksinimin me detyrim appeared first on Albeu.com.

Ursula është shprehur sot se bota është në një garë kundër kohës.

“Ne e dimë se tani jemi në një garë me kohën”, tha von der Leyen të dielën.

Ajo bëri thirrje që publiku të marrë masa paraprake tani, në mënyrë që shkencëtarët të kenë kohë të kuptojnë Omicron-in dhe të bëjnë gati rrugën që është për t’u ndjekur në vijim.

“Shkencëtarët dhe prodhuesit kanë nevojë për dy deri në tre javë për të pasur një pamje të plotë rreth cilësisë së mutacioneve të këtij varianti Omicron”, tha ajo.

Ndërkohë, BioNTech ka njoftuar se mund të modifikojë vaksinën e saj për Covid, të prodhuar në bashkëpunim me Pfizer, në 100 ditë nëse është e nevojshme.

“Na duhet të blejmë kohë”, tha Leyen, duke u bërë thirrje njerëzve që të vaksinohen, të mbajnë maska dhe distancën sociale./albeu.com/

The post Varianti i ri i Covid, presidentja e KE: Tani jemi në garë me kohën appeared first on Albeu.com.

Von Der Leyen do të takojë liderët e të gjashtë vendeve të Ballkanit Perëndimor para samitit të 6 tetorit që do të mbahet mes BE dhe Këtyre vendeve.

Presidentja e nisi udhëtimin e saj në Tiranë, sot në mëngjes, ku u prit nga kryeministri Edi Rama dhe më pas do të pritet Presidenti Ilir Meta. Së bashku me Kryeministrin, ajo do të marrë pjesë në përurimin e shkollës ‘Korb Muça’ dhe Kopshtit ‘Europa’, e cila u rindërtua me fondet e BE -së në kuadër të programit EU4Schools pas tërmetit shkatërrues të vitit 2019./albeu.com

The post E FUNDIT/ Meta pret Von Der Leyen në Presidencë appeared first on Albeu.com.

Von Der Layen po pritet në një ceremoni zyrtare nga kryeministri Rama.

Ajo pritet të vizitojë të gjashtë vendet e Ballkanit Perëndimor dhe do të ketë takime me liderët e tyre, ku priten diskutime me rëndësi atrategjike./albeu.com

The post Von Der Leyen mbërrin në Tiranë, pritet nga Rama në ceremoni zyrtare (FOTO LAJM) appeared first on Albeu.com.