Qasja e Kievit ndaj pavarësisë së Kosovës vazhdon të jetë e njëjtë, deklaroi presidenti i Ukrainës, Volodymyr Zelensky.

Në një konferencë për media në Beograd, ku u paraqit së bashku me presidentin serb Aleksandar Vuçiq, Zelensky tha se Ukraina respekton të drejtën ndërkombëtare dhe tërësinë territoriale të partnerëve të saj. Ai theksoi se qëndrimi për Kosovën nuk ka ndryshuar dhe shprehu mirënjohje ndaj Serbisë për respektimin e integritetit territorial ukrainas, përfshirë Krimenë.

Edhe pse Ukraina nuk e njeh pavarësinë e Kosovës, të shpallur më 2008, Prishtina ka zbatuar sanksionet e Bashkimit Evropian dhe të Shteteve të Bashkuara kundër Rusisë për shkak të luftës në Ukrainë. Kosova gjithashtu u ka ofruar strehim gazetarëve ukrainas që u larguan nga vendi i tyre si pasojë e luftës.

Gjatë takimit me Zelenskyn, vendi i të cilit po përballet me pushtimin e nisur nga Rusia në shkurt të vitit 2022, Vuçiq tha se një nga temat e diskutuara ishte bashkëpunimi ushtarak.

Presidenti serb, i cili e priti Zelenskyn në vizitën e tij të parë zyrtare në Serbi, u shpreh se ajo që do të ndodhë pas përfundimit të luftës përbën një çështje tjetër.

Vuçiq bëri të ditur se në mesin e shtatorit do të hapet në Serbi një fabrikë dronësh, e cila do të realizohet në bashkëpunim me izraelitët.

Ai vuri në dukje se ukrainasit kanë arritur sukses të madh në këtë fushë dhe zotërojnë një numër të madh fabrikash të tyre për prodhimin e dronëve.

Zelensky zhvilloi vizitën në një prej vendeve të pakta evropiane që nuk ka vendosur t’u bashkohet sanksioneve kundër Rusisë për luftën ndaj Ukrainës.

Presidenti ukrainas deklaroi se vendi i tij synon një paqe dinjitoze dhe se çdo mundësi për ta arritur atë duhet të shfrytëzohet.

Sipas tij, duhen përdorur të gjitha mundësitë që ofrohen në Uashington, Pekin dhe kryeqytetet evropiane, si dhe përmes partnerëve në Lindjen e Mesme, në shtetet e Gjirit dhe në qytetet e tjera kryesore e kryeqytetet anembanë botës.

Zelensky tha se Ukraina po angazhohet në çdo formë bashkëpunimi që mund t’i sigurojë popullit të saj më shumë qëndrueshmëri dhe kapacitete për t’u përballur me të gjitha sfidat e luftës.

Ai shprehu mirënjohje ndaj Bashkimit Evropian për secilën nga 21 paketat e sanksioneve, por theksoi se këto masa ende nuk mjaftojnë.

Sipas presidentit ukrainas, raketat balistike ruse përmbajnë qindra mijëra komponentë që mbërrijnë në Rusi nga të gjitha kontinentet.

Zelensky kërkoi vendosjen e sanksioneve ndaj furnizimit me pjesë që përdoren për prodhimin e armëve ruse. Ai nënvizoi gjithashtu rëndësinë që Rusisë të mos i lejohet të sigurojë miliarda.

Megjithatë, presidenti i Ukrainës nuk e përmendi refuzimin e Serbisë për të vendosur sanksione ndaj Rusisë për pushtimin e vendit të tij.

Beogradi mbështet sovranitetin dhe integritetin territorial të Ukrainës, por Serbia mbetet mes vendeve të pakta në Evropë që nuk iu bashkuan masave ndëshkuese perëndimore ndaj Rusisë për pushtimin e Ukrainës fqinje.

Vuçiq siguroi se Serbia do të vazhdojë ta respektojë tërësinë territoriale të Ukrainës.

Presidenti serb tha gjithashtu se Beogradi nuk do të kishte kundërshtime nëse Ukraina do të anëtarësohej para Serbisë në Bashkimin Evropian.

Ai deklaroi se Serbia nuk do të krijojë asnjëherë pengesa dhe nuk do të kërkojë të pranohet e para me arsyetimin se e ka nisur më herët procesin.

Pavarësisht marrëdhënieve të Beogradit me Kremlinin, Serbia dhe Ukraina po ndërtojnë bashkëpunimin mes tyre, ndërkohë që të dyja kanë statusin e vendeve kandidate për anëtarësim në Bashkimin Evropian.

Temat e diskutuara gjatë takimit

Zelensky bëri të ditur se në bisedën me Vuçiqin u trajtuan marrëdhëniet dypalëshe dhe çështjet që mund të kontribuojnë në forcimin e infrastrukturës.

Ai tha se ekzistojnë nisma konkrete në fushën e zhvillimit dhe të infrastrukturës, përfshirë projekte për rindërtimin e Ukrainës, të cilat të dyja vendet mund t’i realizojnë së bashku.

Vuçiq kujtoi se autoritetet serbe i kishin dhënë më herët Zelenskyt zotimin se do të merrnin përsipër rindërtimin e një qyteti më të vogël të goditur gjatë luftës.

Presidenti serb konfirmoi se ky premtim do të përmbushet.

Ai njoftoi po ashtu se Serbia ka vënë në dispozicion ndihmë të konsiderueshme për Ukrainën.

Sipas Vuçiqit, në periudhën e ardhshme Ukraina pritet të jetë më e kënaqur me mbështetjen humanitare serbe, veçanërisht me ndihmën për sektorin e energjisë dhe pajisjet e nevojshme gjatë dimrit.

Vuçiq shprehu bindjen se, pasi lufta të marrë fund, bashkëpunimi mes dy vendeve do të zgjerohet dhe do të fuqizohet edhe në politikën e jashtme. Ai përmendi mundësinë që Serbia dhe Ukraina të eksportojnë bashkërisht drejt tregjeve të treta, sidomos në kontinentet e Afrikës dhe Azisë.

Të dy presidentët thanë se besojnë që së shpejti do të arrihet nënshkrimi i një marrëveshjeje të tregtisë së lirë ndërmjet dy shteteve.

Në kuadër të vizitës së Zelenskyt u firmos edhe një memorandum mirëkuptimi mes Ministrisë së Bujqësisë, Pylltarisë dhe Ekonomisë së Ujërave të Serbisë dhe Shërbimit Shtetëror të Ukrainës për Sigurinë Ushqimore dhe Mbrojtjen e Konsumatorëve. Dokumenti parashikon bashkëpunim në fushat e shëndetit të kafshëve dhe të sigurisë ushqimore.

Presidenti ukrainas arriti në Beograd në mbrëmjen e 7 gushtit. Në aeroport ai u prit nga ministrja e Minierave dhe Energjetikës, Dubravka Gjelloviq Handanovq, ndërsa më vonë zhvilloi një takim me Vuçiqin gjatë një darke të organizuar.

Kjo vizitë ishte paralajmëruar prej kohësh dhe u realizua tri javë pas samitit Ukrainë-Evropa Juglindore në Kiev. Në atë takim, Vuçiq ishte i vetmi udhëheqës që nuk vendosi firmën në deklaratën e përbashkët.

Deklarata theksonte nevojën për shtimin e presionit ndaj Rusisë, me synimin që pushtimi i saj në Ukrainë të përfundonte.

Protestë e një grupi të vogël të ekstremit të djathtë me flamuj rusë dhe fotografi të Putinit

Dhjetëra persona u mblodhën për pak kohë në qendër të Beogradit për të kundërshtuar vizitën e Zelenskyt. Tubimi u organizua me ftesë të Mlladen Obradoviqit, drejtues i organizatës ekstremiste të djathtë “Obraz”, e cila është e ndaluar në Serbi.

Pjesëmarrësit u vendosën pranë monumentit të carit rus Nikolai, afër Presidencës së Serbisë, dhe mbanin flamuj të Rusisë e Serbisë, si dhe flamuj ku shfaqej portreti i presidentit rus Vladimir Putin.

Protesta përfundoi pa incidente dhe u zhvillua nën një prani të kufizuar policore.

Në një deklaratë për Radion Evropa e Lirë, Obradoviq e përshkroi aktivitetin si një konferencë spontane për publikun. Ai tha se synimi ishte të shprehej kundërshtimi ndaj pritjes së presidentit ukrainas, të cilën e cilësoi si një “turp të shtetit të Serbisë”.

Ndërkohë, 100 figura me qëndrime të djathta publikuan një deklaratë kundër ftesës së Zelenskyt për të vizituar Serbinë. Në të, presidenti ukrainas përshkruhej si “fajtori kryesor për luftën mes Rusisë dhe Ukrainës dhe eksponent i NATO-s dhe Bashkimit Evropian”.

Megjithëse Beogradi vazhdon ta paraqesë Bashkimin Evropian si orientimin strategjik të Serbisë, ai nuk po shkëputet nga marrëdhëniet me Rusinë, prej së cilës vendi varet në masë të madhe për furnizimet me gaz.

The post Zelensky konfirmon se Ukraina nuk e ndryshon qëndrimin për mosnjohjen e Kosovës appeared first on Albeu.com.

Në një konferencë për media në Kiev, ai ka thënë se komandantët e tij po kërkojnë “450.000 – 500.000 individë”, duke e pranuar se kjo çështje është “e ndejshme” dhe e kushtueshme.

Ai ka thënë se i duhen më shumë hollësi, para se të përkrahë këtë vendim, duke dhënë shenja se rreth 500.000 ushtarë veçse janë në front të luftës.

Komentet e tij kanë ardhur teksa rrezikohet ndihma e Shteteve të Bashkuara dhe Bashkimit Evropian për vendin e tij.

Republikanët në Kongresin amerikan e kanë bllokuar fillimisht një paketë ndihme në vlerë të 60 miliardë dollarëve për Ukrainën.

Këtë javë, përfaqësuesit e Shtëpisë së Bardhë dhe Departamentit amerikan të Shtetit, kanë thënë se planifikojnë të dërgojnë më shumë pako të ndihmës për Ukrainën – mirëpo kanë pak kapacitet për të çuar diçka përpara, në mungesë të gatishmërisë së Kongresit.

Bllokada në SHBA u përcoll me një bllokadë që Hungaria ia ka vënë BE-së për të dërguar ndihmë në vlerë të 50 miliardë eurove për Ukrainën.

Megjithatë, liderët e BE-së kanë thënë se Ukraina nuk do të mbesë pa mbështetje.

Kundërofensiva e Kievit nuk ka arritur rezultatet e kërkuara përgjatë verës.

Presidenti rus, Vladimir Putin, insiston se Moska do ta vazhdojë pushtimin dhe është zotuar se do të arrihen të gjitha synimet.

Megjithatë, ai e ka pranuar se forcat e tij ushtarake kanë probleme me sistemet ajrore për mbrojtje dhe komunikime, dhe se duhet rritur prodhimin e dronëve.

Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Zelensky: Ushtria ukrainase kërkon 500.000 ushtarë shtesë appeared first on Albeu.com.

Scholz tha gjithashtu se udhëtimi i tij i fundit në Kinë lejoi të dy vendet të ndajnë qëndrimin e tyre të përbashkët kundër përdorimit të armëve bërthamore dhe e cilësoi atë si një takim pozitiv.

Më herët, presidenti ukrainas Volodymyr Zelenskyy u ka bërë thirrje qytetarëve të tij që të kursejnë energjinë mes sulmeve të pamëshirshme ruse që kanë përgjysmuar kapacitetin e energjisë së vendit.

Autoritetet thanë se miliona ukrainas, përfshirë ata në kryeqytetin Kiev, mund të përballen me ndërprerje të energjisë të paktën deri në fund të marsit për shkak të sulmeve me raketa.

Synimi i Rusisë ndaj objekteve energjetike të Ukrainës pason një seri pengesash në fushën e betejës që kanë përfshirë tërheqjen nga qyteti jugor Kherson.

The post “Ukraina mund të mbetet pa energji”, Scholz ngre alarmin: Duhet të jemi gati për përshkallëzim të situatës appeared first on Albeu.com.

Sipas Guardian, duke iu drejtuar ushtarëve ukrainas përpara ndërtesës së administratës në sheshin kryesor, Zelenskyy tha se ata po ecin përpara.

“Ne po ecim përpara. Ne jemi gati për paqe, paqe për të gjithë vendin tonë”, tha Zelenskyy.

The post “Ne po ecim përpara”, fjalët e para të Zelenskyyt në Khersonin e çliruar nga rusët (VIDEO) appeared first on Albeu.com.

Lajmi për mbledhjen e Këshillit të Sigurimit u bë i ditur nga zëdhënësi i Kremlinit, Dmitry Peskov, shkruan The Guardian.

Mbledhja vjen pas një shpërthimi të shtunën, 8 tetor, që shkaktoi shembjen e një pjese të një ure që lidh gadishullin e Krimesë me Rusinë.

The Kremlin says Putin will hold a security council session on Monday, in the first instance of him actually planning to do anything since the Crimean bridge was struck.https://t.co/GRyMWKF7r0

— max seddon (@maxseddon) October 9, 2022

Ndërkohë autoritete ukrainase kanë bërë me dije se numri i viktimave nga bombardimet ruse në Zarpozhija është 12 dhe jo 17 siç kishin njoftuar më parë.

Menjëherë pas sulmeve, këshilli i qytetit tha se 17 persona u vranë, por më vonë sqaroi dhe tha se viktimat janë 12.

Sekretari i këshillit të qytetit Anatoliy Kurtev tha se raketat goditën qytetin gjatë natës dhe se të paktën 20 shtëpi private dhe 50 ndërtesa banimi u dëmtuan. Të paktën 40 njerëz shkuan për ndihmë në spital dhe dhjetëra të tjerë po trajtoheshin për lëndime mesatare deri të lehta, postoi zoti Kurtev në kanalin e tij Telegram.

The post Putini mbledh nesër Këshillin e Sigurimit, çfarë pritet të ndodhë appeared first on Albeu.com.

Në një intervistë për transmetuesin publik britanik, BBC, Zelensky tha se nuk ka bërë thirrje për sulme në Rusi, duke pretenduar se deklaratat e mëhershme të tij, janë përkthyer keq.

“Duhet të përdorni goditje parandaluese”, tha ai duke iu referuar sanksioneve, “e jo sulmeve”.

Zelensky tha se bota duhet ndërmarrë veprime tani, pasi kërcënimet ruse paraqesin “rrezik për gjithë planetin”.

Në javët e fundit, ushtria ukrainase ka rimarrë kontrollin e territoreve të mëdha gjatë një kundërofensive, që ka detyruar trupat ruse të tërhiqen nga pozicionet që i kanë mbajtur. Pas humbjeve, Rusia mbajti referendume të rreme në katër rajone ruse, dhe më pas presidenti rus, Vladimir Putin, aneksoi paligjshëm ato.

Shpallja e aneksimit nga Rusia të rajoneve ukrainase të Donjeckut, Luhanskut, Hersonit dhe Zaporizhjës, gjerësisht është dënuar nga komuniteti ndërkombëtar dhe është parë si një përshkallëzim i madh i luftës. Presidenti Putin dhe zyrtarë të tjerë rusë kanë paralajmëruar se do të përdorin të “gjitha mjetet ushtarake” për të mbrojtur këto territore, duke rritur frikën për një përdorim të mundshëm të armëve bërthamore.

Megjithatë, zyrtarët perëndimorë kanë thënë se nuk ka të dhëna se Rusia është e gatshme të përdorë këto lloj armësh.

“Ata kanë nisur ta përgatisin shoqërinë, kjo është e rrezikshme”, tha Zelensky.

“Ata nuk janë të gatshëm, t’i përdorin ato. Por, ata kanë filluar të flasin për to. Ata nuk e dinë nëse duhet t’i përdorin apo jo. Por, unë mendoj se është e rrezikshme vetëm të flasësh për to”, shtoi Zelensky.

Rusia ka nisur pushtimin e Ukrainës më 24 shkurt, teksa shtetet perëndimore janë përgjigjur duke vendosur sanksione të ashpra ndaj Rusisë dhe duke i ofruar ndihmë ushtarake Kievit./REL

The post Zelensky: Bota të veprojë për të ndalur kërcënimin bërthamor rus appeared first on Albeu.com.

Zelensky tha se ata “do të vriten një nga një, për sa kohë që Vladimir Putin, i cili urdhëroi pushtimin e Ukrainës, është në pushtet”.

“Derisa të zgjidhni të gjithë problemin e atij që e nisi të gjithën, që nisi këtë luftë të pakuptimtë kundër Ukrainës, do të vriteni një nga një, do të bëheni kokë turku, sepse nuk e pranoni që kjo luftë është një gabim historik për Rusinë”, tha ai gjatë mesazhit të tij të përnatshëm.

Volodymyr Zelensky siguroi gjithashtu se ushtria ukrainase, e cila tani kontrollon qytetin e rëndësishëm strategjik të Limanit, do të rimarrë javën e ardhshme dhe qytete të tjera në rajonin e Donetskut, të cilat Moska i aneksoi të premten.

“Gjatë javës, flamuj të rinj ukrainas u valëvitën në Donbas”, që përfshin provincën Donetsk, tha presidenti ukrainas. “Do të ketë më shumë javën e ardhshme.”

The post Zelensky mesazh rusëve: Do të vriteni një nga një appeared first on Albeu.com.

Rusia duhet të përballet “vetëm me ndëshkim” për shkak të pushtimit të Ukrainës, ka thënë presidenti ukrainas, Volodymyr Zelensky para Asamblesë së Përgjithshme të Kombeve të Bashkuara në Nju Jork.

Përmes një videoje të incizuar paraprakisht, lideri ukrainas ka bërë thirrje për krijim të një tribunali special për luftën, dhe ka përmendur krimet e supozuara të luftës, të kryera nga Rusia.

Ai ka prezantuar edhe një “formulë” për paqe, që përfshin më shumë mbështetje ushtarake dhe ndëshkim të Rusisë në skenën ndërkombëtare.

Fjalimi i tij është përcjellë me duartrokitje nga shumë prej pjesëmarrësve të takimit.

Në deklaratat hyrëse, Zelensky ka akuzuar Rusinë për shkaktim të “turbulencave katastrofike” përmes “luftës së saj ilegale”.

Presidenti rus, Vladimir Putin (majtas) tha se vendimi i tij për një mobilizim të pjesshëm ushtarak u mor me rekomandimin e ministrit të Mbrojtjes, Sergei Shoigu (djathtas) dhe Shtabit të Përgjithshëm. Fotografi nga arkivi.

Putin ngre nivelin e kërcënimit: A është ky mashtrim?

Ai ka folur ditën e njëjtë, kur presidenti rus, Vladimir Putin, ka thirrur rreth 300.000 rezervistë ushtarakë në detyrë, një vendim që ka nxitur protesta të rralla në rrugët e Rusisë.

Zelensky ka thënë se ky vendim ka treguar se armiku i tij nuk është serioz rreth bisedimeve për paqe.

Ai i ka dënuar planet e bëra publike së fundi nga pala ruse që të mbahen të ashtuquajturat referendume në disa qytete ukrainase që ka pushtuar Rusia, prej nisjes së luftës.

Një bilbord në rajonin ukrainas të Zaporizhjës ku shkruan: “Ne jemi një popull. Jemi së bashku me Rusinë”.

Separatistët në lindje të Ukrainës do të mbajnë referendum për t’iu bashkuar Rusisë

Perëndimi dhe Kombet e Bashkuara kanë dënuar po ashtu diçka të tillë.

Zelensky ka thënë se një tribunal special do të ndihmonte që Moska të jepte përgjegjësi për vjedhje të territorit dhe vrasje të mijëra personave.

Ai ka përmendur zbulimin e 445 varrezave të reja në Izjum, qytet verilindor, kontrollin e të cilit e kanë kthyer forcat ukrainase, në kuadër të një kundërofensive të nisur në fillim të këtij muaji.

Zelensky ka përmendur edhe detaje tjera të krimeve të supozuara të luftës në këtë qytet, duke thënë se një burrit i janë hequr të gjitha organet mashkullore dhe më pas është vrarë.

“Pse ushtria ruse është kaq e obsesionuar me heqjen e këtyre organeve?”, ka pyetur ai.

Fjala “ndëshkim” është përmendur 15 herë në fjalimin e Zelenskyt, dhe ka qenë një prej pesë kushteve të panegociueshme për arritje të paqes.

Rusia duhet të përballet me pasoja për agresionin e saj, ka thënë ai, duke përmendur sanksione shtesë dhe që OKB-ja t’ia pezullojë Rusisë rolin e anëtares së përhershme në Këshillin e Sigurimit.

Ai po ashtu ka bërë thirrje që të mbrohen jetët ukrainase, dhe që të respektohen kufijtë ndërkombëtarë të shtetit.

Presidenti i SHBA-së, Joe Biden, gjatë adreismit para Asamblesë së Përgjithshme të Kombeve të Bashkuara. Nju Jork, 21 shtator 2022.

Si kushtin e katërt dhe pestë, ai ka kërkuar garanci të reja të sigurisë për Kievin, dhe që bota që bashkohet për të dënuar agresionin e armatosur të Moskës.

Më 21 shtator, kryediplomati i Bashkimit Evropian, Josep Borrell, ka thënë se shtetet e BE-së janë pajtuar të godasin Rusinë me sanksione të reja.

Borrell u ka thënë gazetarëve se kufizimet e reja do të shënjestrojnë individët rusë dhe sektorët ekonomikë shtetërorë.

I paraqitur me bluzën e gjelbër në video, Zelensky ka falënderuar 101 shtetet që kanë votuar në OKB, që prezantimi i tij të jetë përmes videos, në vend të prezencës fizike.

Ai ka kritikuar shtatë shtete, përfshirë Rusinë, që kanë votuar kundër paraqitjes së tij, ashtu sikurse vendet që janë duke mbajtur qëndrim neutral për konfliktin.

Pavarësisht sugjerimit të Zelenskyt se Rusia nuk është serioze për negociata, dy shtetet kanë kryer një këmbim të madh të të burgosurve të luftës më 21 shtator.

Roja e nderit në Kremlin duke ia hapur dyert presidentit rus, Vladimir Putin – fotografi arkivi.

Ukrainës i janë kthyer 215 luftëtarë, përfshirë 10 të huaj, derisa Rusia ka pranuar 55 ushtarë dhe politikanin pro-rus, Viktor Medvechuk, i cili është përballur me akuza për tradhti në Ukrainë.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

The post Zelensky kërkon “vetëm ndëshkim” për Rusinë appeared first on Albeu.com.

Zelensky shtoi se rezultati varej nga dërgimi i shpejtë i armëve të huaja në vendin e tij.

Kjo vjen pasi Rusia u detyrua të tërhiqte forcat e saj nga zona të mëdha të Ukrainës verilindore javën e kaluar pas një kundërofensivë të shpejtë ukrainase.

Lëvizja e Ukrainës për të rimarrë kontrollin e disa qyteteve dhe fshatrave të pushtuara nga Rusia shënoi pengesën më të madhe ushtarake për Moskën që kur forcat e saj duhej të tërhiqeshin nga zonat afër kryeqytetit në fillim të luftës.

Ukraina ka rimarrë rreth 3,400 milje katrorë (9,000 km katror) territor, sipas zyrtarëve.

The post Tërheqja e Rusisë nga disa zona, Zelenskyy: Po ju tregoj nga varet rrjedha e luftës appeared first on Albeu.com.

Vendimi u miratua me 101 vota pro, 7 vota kundër dhe 19 abstenime. Rusia, Bjellorusia, Kuba, Koreja e Veriut, Eritrea, Nikaragua dhe Siria kundërshtuan.

Misioni i Ukrainës në OKB kishte argumentuar se Zelensky “nuk mund të marrë pjesë personalisht në mbledhjet e Asamblesë së Përgjithshme për shkak të agresionit të vazhdueshëm rus kundër Ukrainës”.

Zëvendës ambasadori rus në OKB, Dmitry Polyanskiy akuzoi homologët e tij perëndimorë për standarde të dyfishta.

“Dikur, kur përfaqësuesve të vendeve afrikane, të cilët shpesh hasin vështirësi të ngjashme për të ardhur në Nju Jork … u është refuzuar kjo e drejtë e ngjashme”, tha Polyanskiy.

Aleati i Rusisë, Bjellorusia, u përpoq të ndryshonte vendimin për të hequr çdo referencë për Ukrainën dhe t’i lejonte çdo lider botëror që t’i drejtohet mbledhjes së OKB-së të këtij viti përmes video-lidhjes.

Por, propozimi i saj nuk kaloi. Ky propozim mori vetëm 23 vota pro dhe 67 vota kundër, ndërsa 27 shtete abstenuan.

Në dy vitet e fundit, liderët botërorë janë lejuar të paraqesin deklarata me video për shkak të pandemisë COVID-19, por këtë vit ata pritet të udhëtojnë në Nju Jork. Një javë pasi nisi pushtimi rus i Ukrainës, më 20 shkurt, gati tre të katërtat e Asamblesë së Përgjithshme votuan pro për t’i kërkuar asaj tërheqjen e trupave nga Kievi. /REL/

The post Zelensky flet javën e ardhshme në mbledhjen vjetore të liderëve botërorë appeared first on Albeu.com.