presidenti italian Archives - Albeu.com

Mattarella: Italia mbështet Maqedoninë në rrugën e reformave

E S — Fri, 09 Sep 2022 10:56:38 +0000

Presidenti italian Sergio Mattarella gjatë qëndrimit të tij në Shkup deklaroi se Italia do ta mbështes Republikën e Maqedonisë në rrugën e reformave të nevojshme për integrim sa më të shpejtë të vendit në Bashkimin Evropian.

“Italia do të jetë në anën e Maqedonisë, do ta mbështes gjithnjë Maqedoninë në rrugën e reformave dhe besojmë se ky proces do të jetë më i shkurtër.

Biseduam edhe për partneritetin e vërtetë ekonomik. Biseduam për problemet energjetike, dhe se Evropa duhet të bëj përpjekje që të jetë e pavarur nga gazi rus”, deklaroi presidenti i Italisë, Sergio Mattarella.

The post Mattarella: Italia mbështet Maqedoninë në rrugën e reformave appeared first on Albeu.com.

U prit me ceremoni shtetërore, presidenti italian në Tiranë: Shqipëria, rol të thelbësor në Ballkan

admin — Thu, 08 Sep 2022 09:46:57 +0000

Presidenti Bajram Begaj priti sot me një ceremoni shtetërore homologun e tij italian, Sergio Mattarella, i cili ndodhet në Tiranë, në kuadër të vizitës zyrtare në Shqipëri.

Ata po zhvillojnë edhe një konferencë të përbashkët në këto momente.

Begaj tha se Italia është mike e Shqipërisë, ndërsa falënderon vendin fqinj për mbështetjen që Italia ka dhënë për integrimin e Shqipërisë në BE.

Ai shtoi po ashtu se Shqipëria mirëpritet rritjen e investimeve nga Italia.

“Ndamë sot mendimin se vizitat e shpeshta të niveleve të larta janë me rëndësi prioritete që i japin forcim nivelit të bashkëpunimit të dy vendeve. Italia mike e vyer dhe mbështetëse e pakursyer. Mirënjohës që Italia ka përcaktuar si prioritet mbështetjen e integrimit tonë në BE. Italia partneri ynë i parë tregtar. Bashkëpunimi ka qenë shumë i mirë edhe në gushën e arsimit. Vlerësojmë dhe nxisim bashkëpunimin midis institucioneve tona universitare”, u shpreh Begaj.

Ndërkohë presidenti italian tha se Shqipëria ka rol të rëndësishëm në rajon.

“Është një gëzim i madh për vende si Italia që gjithmonë e kanë mbështetur integrimin e Shqipërisë në BE. Kemi shkëmbime të rëndësishme ekonomike që janë rritur ndjeshëm vitet e fundit. Marrëdhënia jonë e ndërtuar shtyllë e fortë e fuqishme për të rritur bashkëpunimin. Shqipëria ka impakt të rëndësishme në të gjithë rajonin. Shkëmbimi i kulturës dhe qytetërimit mes dy vendeve ka qenë konstant në të gjithë kohën. Arbëreshët në Itali kanë ruajtur kulturën e tyre”, u shpreh presidenti italian./albeu.com/

The post U prit me ceremoni shtetërore, presidenti italian në Tiranë: Shqipëria, rol të thelbësor në Ballkan appeared first on Albeu.com.

AXHENDA/ Begaj pret presidentin italian në Pallatin e Brigadave

admin — Thu, 08 Sep 2022 08:13:15 +0000

Presidenti i Republikës, Bajram Begaj priti sot në Pallatin e Brigadave me ceremoni shtetërore, Presidentin e Republikës së Italisë, Sergio Mattarella.

Mësohet se në orën 11:10 të dy Presidentët do të japin një deklaratë për mediat nga “Pallati i Brigadave”.

Kujtojmë se presidenti i Italisë mbërriti pasditen e djeshme në Tiranë, bashkë me ministren e Universitetit dhe Kërkimit Shkencor Maria Cristina Messa.

AGJENDA:

09:40 -Nisja e delegacionit nga Hotel Rogner drejt Pallatit te Brigadave

09:50 -Nisja e Presidentit Sh.T.Z. Sergio Mattarella drejt Pallatit te Brigadave

10:00 –Ceremonia zyrtare e mirëseardhjes

Nënshkrimi në Librin e Miqve

10:15-Takim kokë më kokë mes Presidentëve

11:10-11:30- Deklaratë për shtyp

11:30- Nisja e delegacionit për në Varrezat e Dëshomorëve

11.40-Ceremonia e vendosjes së kurorës në Monumentin “Nënë Shqipëri”

11.50- Nisja e delegacionit për në Kryeministri

12:00-12:55-Edi Rama, Kryeministër

12:55 –Nisja e delegacionit për tek Pallati i Brigadave

13:00-14:00- Drekë zyrtare për nder të Presidentit të Italisë, Sh.T.Z. Sergio Mattarella, dhënë nga Presidenti i Republikes, Sh.T. Z. Bajram Begaj

14:05- Mbërritja e delegacionit në Hotel Rogner

16:00-Nisja për tek Shkolla Italiane e Tiranës

16.10 –Vizita në shkollë

16.40 –Nisja per tek Kryesa e Kuvendit

16:50 –Takim me SH.S.Zj. Lindita Nikolla, Kryetare e Kuvendit të RSH

17:40- Lëvizja në këmbë për në Hotel Rogner

17.45 –Takim me komunitetin italian në Shqipëri

18 :15 -Nisja e Presidentit dhe e delegacionit shoqërues drejt aeroportit « Nënë Tereza »

18:45- Largimi i delegacionit drejt Shkupit – përcillet nga të njejtët personalitete si në pritje/albeu.com/

The post AXHENDA/ Begaj pret presidentin italian në Pallatin e Brigadave appeared first on Albeu.com.

AXHENDA/ Presidenti italian në Tiranë, sot pritet me ceremoni shtetërore nga Begaj

admin — Thu, 08 Sep 2022 06:14:45 +0000

Ditën e sotme presidenti i Italisë Sergio Mattarella ka vizituar ditën e djeshme Shqipërinë, ku do të zhvillojë një sërë takimesh me zyrtarë të lartë të vendit tonë.

Vizita e tij në vendin tonë do të zgjasë rreth 2 ditë.

Mattarella sot do të pritet nga kreu i shtetit Bajram Begaj me ceremoni shtetërore në Pallatin e Brigadave në orën 10.00.

Pas takimit, mes dy Presidentëve pritet të ketë edhe një deklaratë për median.

Gjithashtu gjatë kësaj vizite Presidenti Mattarella do të zhvillojë takime edhe me zyrtarë të lartë të shtetit shqiptar. Po ashtu presidenti do të takohet dhe me përfaqësues të komunitetit italian./albeu.com/

The post AXHENDA/ Presidenti italian në Tiranë, sot pritet me ceremoni shtetërore nga Begaj appeared first on Albeu.com.

Presidenti i Italisë, Sergio Mattarella vizitë dyditore në Tiranë

E S — Wed, 31 Aug 2022 10:04:57 +0000

Presidenti i Republikës, Sh. T. Z. Bajram Begaj do të mirëpresë, në dt. 7-8 shtator 2022, Presidentin e Italisë, Sh. T. Z. Sergio Mattarella, i cili do të zhvillojë një vizitë zyrtare në Tiranë. Kreu i Shtetit italian do të pritet me ceremoni shtetërore në Pallatin e Brigadave. Gjatë kësaj vizite, Presidenti Mattarella do të [...]