Balla u shpreh se askush nuk mund të shkelë Kushtetutën. Sipas tij kandidatët e propozuar nga opozita duhet të vinë vetëm me firmat e deputeteve të opozitës.

“Ju ishit prezent një ditë më parë. Unë mendoj se duhet të jetë shumë e qartë se PS, ne kemi thënë se në këtë pjesë të procesit jemi të gatshëm të negociojmë për emrat. Por unë e kam thënë disa herë që procesi të ruajë integritetin e tij, që kandidati që propozon opozita të mbështetet me firma vetëm nga opozita, unë mendoj se çdokush na mirëkupton. Ne kemi bërë dhe kalkulimet se sa kandidatë mund të propozohen nga opozita, dhe Alibeaj e konfirmoi se ata i kanë mundësitë të propozojnë dy kandidatë. Deri të dielën kanë mundësinë të propozojnë dy kandidatura. Ne jemi të gatshëm të ulemi dhe të diskutojmë mundësinë e votimit nëse vendosim t’i mbështesim. Kushtetuta është mbi çdo lloj marrëveshjeje”, tha Balla./albeu.com

The post Balla: Shkelën marrëveshjen, kanë kohë deri të dielën të propozojnë emër për presidentin appeared first on Albeu.com.

Palët në atë kohë pas vështirësive dhe mosmarrëveshjeve që kishin patur për zgjedhjen e Kreut të ri të Shtetit çdo 5 vjet, pasi në të gjitha raundet duhej shumicë e cilësuar, çka më pas rrezikonte dhe zgjedhjet e parakohshme, vendosën të ndërhynin në Kushtetutë dhe të ndryshonin mënyrën për zgjedhjen e Presidentit të Republikës.

Sipas ndryshimeve Kushtetuese të bëra në vitin 2008-të u përcaktua që Presidenti i republikës të zgjidhej në pesë raunde, ku në 3 raundet e para duhej shumicë e cilësuar, pra duheshin 84 vota, ndërkohë që në raundin e katërt dhe të pestë të zgjidhej me shumicë të thjeshtë, vetëm me 71 vota.

Testi i parë për zgjedhjen e Presidentit të ri pas ndryshimeve Kushtetuese

Që të aplikoheshin ndryshimet kushtetuese për zgjedhjen e Presidentit të ri duhet të kalonin 4 vite, kohë kur i përfundonte mandati Presidenti Bamir Topi, i zgjedhur në vitin 2007-të sipas Kushtetutës së vjetër, pra me shumicë të cilësuar.

Në vitin 2012-të në krye të shtetit u zgjodh Bujar Nishani, pas 4 raundesh votime, vetëm me votat e mazhorancës, pasi në 3 raundet e para palët nuk arritën të gjenin konsensusin për një emër të përbashkët, ku PD në atë kohë propozoi Xhezair Zaganjorin i cili mbante postin e Kryetarit të Gjykatës së Lartë dhe më pas analistin Artan Hoxha, i cili u tërhoq nga procesi pak çaste para votimit.

Ndërkohë që në lojë për kreun e ri të shtetit në atë kohë u vetëofrua edhe ish-kryeministri dhe ish-lideri socialist Fatos Nano, por që nuk gjeti mbështetjen e asnjërës forcë politike për ta propozuar si emër.

Pas ezaurimit të 3 raundeve të para, në 11 Qershor 2012-të, PD bashkë me aleatët në parlament zgjodhën me shumicë të thjeshtë Bujar Nishanin si President, i cili më herët kishte mbajtur postin e Ministrit të Brendshëm në qeverinë Berisha 2.

Ilir Meta president në vitin 2017-të

Ndërkohë që në vitin 2017-të, mazhoranca PS-LSI edhe pse i kishte votat për të zgjedhur kreun e ri të shtetit, e zgjodhi Presidentin vetëm në raundin e katërt. Në 28 prill 2017, Parlamenti zgjodhi Ilir Metën President të Shqipërisë, me 87 vota pro dhe dy kundra. Kundër Metës, i cili mbante postin e Kryetarit të Kuvendit, votuan Ben Blushi dhe Mimoza Hafizi. Meta u propozua nga deputetët e PS-LSI-së, në atë kohë në aleancë qeverisëse. Meta ishte kandidati i vetëm dhe u zgjodh në raundin e katërt, pas konsumimit formal të tre raundeve të parave, ku presidenti parashikohet të zgjidhet me 3/5 e votave të Kuvendit, ndërsa në raundet e katërt dhe të pestë mund të zgjidhet me 71 vota. Partia Demokratike, opozita zyrtare, u deklaruar kundër kandidaturës së Ilir Metës dhe bojkotoi procesin. Meta mori detyrën në datë 24 korrik, kur i skadoi mandati presidentit Bujar Nishani.

Presidenti i ri në 2022-n, ende asnjë emër dhe katër raunde të mbetura

Ditën e hënë në 16 maj 2022 u ezurua raundi i parë për zgjedhjen e Presidentit të ri të Republikës, ku seancë plenare nuk pati asnjë kandidaturë për votim. Në këtë mënyrë mbeten edhe katër raunde për zgjedhjen e Presidentit të Ri.

Deklarata e Ramës

Kryeministri Edi Rama njëherësh kryetar i Partisë Socialiste, e bëri të qartë pas përfundimit të seancës plenare se do të presë opozitën deri në raundin e tretë që të gjejë konsensus për ndonjë nga emrat që do të propozojë mazhoranca, më pas kjo e fundit në raundin e katërt do të votojë emrin e saj për kreun e ri të shtetit.

Çfarë ndodh tani?

Ndërkohë që të hënën është ezaurar raundi i parë pa një emër, kjo u jep kohë palëve që deri në raundin e dytë të gjejnë emrat, të cilët do të fusin në votim. Me kalimin e raundit të parë pa një emër, ulen shanset e opozitës për t’i bërë presion maxhorancës për dakordësi pasi në dy raundet e fundit, pra të katërtin dhe të pestin, PS do të ketë mundësi që ta votojë Presidentin edhe me 71 vota duke e legjitimuar këtë edhe me faktin se nuk mund ta çojnë vendin në zgjedhje sërish pas më pak se një viti e gjysmë pas prillit 2021.

Si zgjidhet Presidenti?

Kushtetuta parashikon 5 raunde votimi për zgjedhjen e Presidentit të Republikës së Shqipërisë. Në tre raundet e para, Presidenti duhet të zgjidhet me 3/5 e votave, pra 84 vota. Sipas ndryshimeve të bëra së fundmi në Kushtetutë, në rast se në fund të tre raundeve nuk është zgjedhur ende një person, atëherë kalohet në raundin e katërt, ku Presidenti duhet të zgjidhet me 71 vota. Nëse në raundin e katërt njëri prej kandidatëve të mbetur në garë nuk siguron 71 vota, kalohet për votim në raundin e pestë, ku sërish duhen 71 vota. Nëse dështohet edhe në raundin e pestë, atëherë shpërndahet Parlamenti dhe shkohet në zgjedhje të parakohshme dhe do të jetë maxhoranca e re që do të zgjedhë Presidentin./abcnews.al

The post Historiku i zgjedhjes së Presidentit të Republikës pas ndryshimeve Kushtetuese të vitit 2008-të, po këtë herë çfarë ndodh? appeared first on Albeu.com.

Kujtojmë se PS ka propozuar datën 10 maj për raundin e parë, ndërsa PD ende nuk ka bërë asnjë propozim.

Palët kanë mundësi të votojnë një emër konsensual deri në raundin e 3-të, në të kundërt mazhoranca mund ta zgjedhë e vetme me 71 vota në dy raundet e fundit.

Ende nuk ka dalë një emër konkret si kandidat potencial për të drejtuar Presidencën në pesë vitet e ardhshme. Socialistët disa ditë më parë hodhën në zarf tre emra, ndërsa kryeministri Edi Rama ka bërë të qartë se presidenti nuk do të jetë nga grupi parlamentar i PS.

The post Presidenti ri, Alibeaj kërkon që Konferenca e Kryetarëve të zhvillohet live appeared first on Albeu.com.