Presidenti i Ukrainës, Volodymyr Zelenskyy, tha se në bisedimet në Zvicër nuk ishte arritur asnjë marrëveshje mbi çështjet e rëndësishme, ndërsa akuzoi Moskën se “po përpiqet ta zvarrisë” procesin.

“Ne mund të shohim se është bërë njëfarë pune themelore, por qëndrimet vijojnë të jenë të ndryshme, sepse negociatat nuk ishin të lehta”, u shpreh ai.

Zelenskyy tha se statusi i territoreve të pushtuara nga Rusia në Ukrainën lindore dhe e ardhmja e termocentralit bërthamor Zaporizhzhia, i cili mbetet nën kontrollin e Moskës, ishin ndër çështjet më të diskutueshme, për të cilat nuk pati zgjidhje. Dita e dytë e bisedimeve përfundoi pas vetëm dy orësh, duke sinjalizuar përparim të pakët dhe duke nënvizuar se sa larg duket ende një marrëveshje, pavarësisht premtimeve të Donald Trump për t’i dhënë fund luftës.

Negociatori kryesor i Rusisë, Vladimir Medinsky, i përshkroi diskutimet në Gjenevë si “të vështira, por të tipit biznes” ndërsa u largua nga bisedimet, duke shtuar se ishin planifikuar raunde të mëtejshme së shpejti.

The post Raundi i tretë i bisedimeve në Gjenevë pa rezultate konkrete, presidenti i Ukrainës: Moska nuk do paqe appeared first on Albeu.com.

Teherani pranoi dje për herë të parë se ka furnizuar Moskën me drone “kamikaze” Shahed-136, por Volodymyr Zelenskyy pretendon se iranianët nuk janë të sinqertë për sasinë që po furnizojnë kundërshtarët e tij.

“Sot kishte mesazhe nga Irani, nga përfaqësues zyrtarë, ku ata pranuan se kishin furnizuar drone për terrorin rus, por kanë gënjyer sërish. Ne rrëzojmë të paktën 10 dronë iranianë çdo ditë dhe regjimi iranian pretendon se ka dhënë pak, madje edhe para fillimit të pushtimit në shkallë të plotë”, tha Zelensky.

The post Irani pranoi se ka furnizuar Rusinë me drone, reagon Zelensky: Nuk po tregojnë numrin e vërtetë appeared first on Albeu.com.

Lajmin e ka bërë të ditur vetë lideri ukrainas.

Kujtojmë se Ministria e Punëve të Jashtme të Ukrainës deklaroi se pas sulmeve me raketa ruse në infrastrukturën energjetike të Ukrainës, ftesa e Presidentit Putin në Samitin e G20 duhet të anulohet dhe vetë Rusia të përjashtohet nga G20.

“Putin pranoi publikisht urdhërimin e sulmeve me raketa ndaj civilëve ukrainas dhe infrastrukturës energjetike. Me duart e tij të njollosura me gjak, ai nuk duhet të lejohet të ulet në tryezë me liderët botërorë. Ftesa e Putinit për samitin e Balit duhet të revokohet dhe Rusia të përjashtohet nga G20”, shkroi në Twitter Oleh Nikolenko, zëdhënës i Ministrisë së Punëve të Jashtme të Ukrainës.

Zyra e Presidentit të Ukrainës deklaroi se terrori raketor i Rusisë kundër Ukrainës duhet të ketë një përgjigje edhe më të ashpër nga komuniteti ndërkombëtar. Në veçanti, sipas tyre, Rusia duhet të përjashtohet nga G20.

The post Zelensky i vendosur: Nuk marr pjesë në G-20 nëse do të jetë i pranishëm Putini appeared first on Albeu.com.

Komentet Zelensky i bëri në fjalimin e tij të natës të shtunën, ku theksoi se tashmë flamuri ukrainas është në Lyman.

“Flamuri ukrainas është tashmë në Lyman, rajoni Donetsk. Luftimet vazhdojnë ende atje. Por nuk ka asnjë gjurmë të ndonjë ‘pseudo-referendumi’ atje”, tha Zelensky.

Zelensky gjithashtu theksoi se edhe më shumë zëra në botë janë bashkuar në dënimin e pseudo-referendumeve dhe përpjekjes së Rusisë për të aneksuar territorin e Ukrainës.

Presidenti vuri në dukje një deklaratë të Sekretarit të Përgjithshëm të OKB-së Antonio Guterres, shkruan CNN.

Zelensky tha se ai pa mëdyshje ishte dakord me Guterresin se Rusia shkel qëllimet dhe parimet e OKB-së, Kartën e OKB-së dhe se “pseudo-referendumet” dhe tentativa për aneksim nuk do të kenë asnjë forcë ligjore.

“Kur fjalë të tilla dëgjohen në nivelin më të lartë në OKB, të gjithë në botë kuptojnë gjithçka”, shtoi Zelensky.“Dhe nuk ka një të drejtë të tillë vetoje në Rusi që mund të ndalojë ose anulojë këtë kuptim të botës.”

“Bota nuk do të lejojë që kohët e pushtimeve koloniale, aneksimeve kriminale dhe arbitraritetit total të kthehen në vend të ligjit ndërkombëtar”, përfundoi Zelensky.

The post E konfirmon Zelensky: Flamuri ukrainas valvitet në Lyman, i mundëm rusët appeared first on Albeu.com.

Gjatë fjalimit të tij në festivalin më të vjetër të filmit në botë, presidenti ukrainas kërkoi mbështetje për vendin e tij nga e gjithë bota e kinemasë.

Zelensky, i cili ka qenë dikur edhe aktor vetë, doli në skenë përmes një video-mesazhi ku bëri thirrje që bota e kinemasë të mos e harrojë luftën.

Në fund të fjalës së tij, në ekran, në një sfond të zi, u shfaqën ngjarjet më makabre të ndodhura në Ukrainë si edhe emrat e të gjithë fëmijëve dhe adoleshentëve, deri në 18 vjeç, të vrarë në luftë nga ushtarët rusë.

The post “Mos e harroni luftën!” Surprizon Zelensky, shfaqet në festivalin e Filmit në Venecia appeared first on Albeu.com.

Takimi u zhvillua në Lviv dhe në fokus ishin eksportet e grurit, luftimet pranë termocentralit bërthamor Zaporizhzhia, duke u fokusuar edhe tek një zgjidhje diplomatike e luftës.

Zelensky vuri në dukje se OKB duhet të garantojë sigurinë e këtij objekti strategjik, si edhe çlirimin e plotë nga trupat ruse. Ndërkohë sulmet dhe bombardimet ruse nuk kanë të ndalur.

Kujtojmë se së fundmi Ministria e Jashtme e Rusisë ka thënë se Moska do të përdorë arsenalin e saj bërthamor vetëm në rrethana emergjente, dhe se sipas saj nuk ka në interes një konfrontim të drejtpërdrejtë me NATO dhe SHBA.

The post U takua sot me Guterres dhe Erdogan, Zelensky tregon kërkesën që ka appeared first on Albeu.com.

Ky vendim ka ardhur pas humbjeve të mëdha të territorit të pushtuar nga forcat ruse.

Me dekret të tij, kreu i shtetit shkarkoi Hryhori Halakhan dhe emëroi Viktor Horenko në vend të tij. Gjeneralmajor Hallahan, 44 vjeç, ka qenë kreu i forcave speciale në rajonet Donetsk dhe Lugansk që nga gushti 2020.

Pas pushtimit të Rusisë më 24 shkurt, Ukraina humbi plotësisht kontrollin e rajonit të Luhanskut. Rreth 50% e rajonit fqinj Donetsk është pushtuar nga ushtria ruse. Para pushtimit, 30% e territorit të rajonit kontrollohej nga separatistët pro-rusë.

Kohët e fundit Zelensky pranoi se Kievi ka humbur kontrollin e 20% të territorit ukrainas. Shtabi i përgjithshëm në Kiev pranoi gjithashtu se dje njësitë ruse shënuan suksese në termocentralin e linjitit Burlehirsk në Donetsk, të cilin e kishin rrethuar për disa ditë. Stafi ukrainas siguroi megjithatë se sulmet në drejtim të qyteteve Bakhmut dhe Shiversk u zmbrapsën.

The post Humbjet e territoreve, Zelensky shkarkon kreun e forcave speciale në Donbass appeared first on Albeu.com.

Sipas BBC, Zelensky komentet i bëri në një fjalim gjatë mbrëmjes së djeshme.

Ai theksoi se Ukraina kishte nevojë për armë moderne për të mbrojtur territorin e saj. Zelensky tha gjithashtu se ai priste inspektime të logjistikës në ushtri mes raporteve se disa ushtarakë ukrainas nuk kishin pajisje të mjaftueshme mbrojtëse personale.

Ai tha se është jetike të mbrohet Donbasi, pasi ky do të jetë “pika kyçe për përcaktimin se kush do të dominojë në javët e ardhshme”.

“Sa më shumë humbje të pësojë armiku, aq më pak fuqi do të kenë për të vazhduar agresionin”, tha Zelensky.

Ai tha se ndërsa luftimet më të ashpra janë raportuar në Severodonetsk dhe në të gjitha qytetet dhe komunitetet aty pranë, “humbjet, për fat të keq, janë të dhimbshme, por ne duhet të rezistojmë sepse ky është shteti ynë”.

The post Zelensky e pranon: Ukraina po pëson humbje të dhimbshme në Donbas appeared first on Albeu.com.

Komentet ai i bëri nëpërmjet një mesazhi në rrjete sociale, ku i ka bërë thirrje Zelenskyt që të dorëzohet.

Ai shton se nëse Zelensky nuk del me duart lart dhe nuk njofton se po dorëzohet atëherë, ai do të jetë gati të reagojë kundër tij.

Nga ana tjetër presidenti i Ukrainës, ka shprehur qartë se beteja për lirinë e Ukrainës nuk do të ndalet dhe se ai do të qëndrojë krah qytetarëve të tij për të luftuar për vendin, kundër pushtuesit rus deri në fund.

The post “Ky është paralajmërimi im i fundit”, udhëheqësi çeçen i bën thirrje Zelenskyt të dorëzohet appeared first on Albeu.com.

Kjo thirrje vjen pasi kundërshtimet hungareze që po pengojnë miratimin e paketës së fundit të sanksioneve të BE-së janë “të papranueshme”.

Thirrjen Zelensky e bëri gjatë një fjalimi në parlament, teksa është shprehur se Orban po vonon finalizimin e paketës së sanksioneve ruse, e cila përfshin një ndalim të blerjeve të naftës ruse nga deti.

“Nëse lajmi që mora dje është i saktë, se një shtet anëtar i Bashkimit Europian synon të bllokojë paketën e gjashtë të sanksioneve sepse patriarku Kiril është në listën e personave të sanksionuar është i papranueshëm. E kam kontaktuar kryeministrin hungarez Viktor Orban për t’i thënë se sjellja e tij nuk është diplomatike.Patriarku Kiril ishte në listën e zezë para takimit në Bruksel dhe 26 vende të tjera tani nuk mund të merren peng për këtë, nuk do të pranoj. Sanksionet janë të rëndësishmedhe unë e kisha thënë që në fillim dhe paqja ka një çmim për të gjithë ne”.

Udhëheqësit e Bashkimit Europian ranë dakord në parim në fillim të kësaj jave për një paketë të gjashtë masash mbi agresionin rus në Ukrainës duke mbajtur jashtë Hungarinë, Republikën Çeke dhe Sllovakinë të cilat do të kenë akses në naftën ruse.

Rusia tashmë kontrollon pjesën më të madhe të Severodanetsk, ku luftimet e ashpra kanë nisur prej ditësh. Zyrtarët ukrainas nuk e kanë përjashtuar tërheqjen nga qyteti në Lysychansk. Nëse forcat ruse kapin dy qytetet, atëherë ata do të kontrollonin të gjithë rajonin lindor të Luhanskut.

Pas një sërë humbjesh ushtarake në javët e para të luftës rreth kryeqytetit ukrainas Kiev dhe në veri-lindje, Rusia deklaroi se më pas do të fokusohej në kapjen e Luhanskut dhe Donbasit. Banorët e vendbanimit Rubizhne në rajonin Luhansk të Ukrainës Lindore po gjejnë burime me ujë dhe po fshihen në strehimoret e bombave ndërsa luftimet afër qytetit intensifikohen.

Forcat ruse gjatë natës bombarduan qytetin verilindor të Ukrainës, Kharkiv, duke vrarë një grua dhe duke plagosur një burrë. Ata thonë se një shkollë u godit gjithashtu në qytetin e dytë më të madh. Humbjet ushtarake në të dy rajonet në javët e para të luftës i kanë detyruar trupat ruse të tërhiqen nga një numër qytetesh dhe fshatrash që ata pushtuan fillimisht.

Hetuesit kanë kërkuar prova të krimeve të luftës të cilat dyshohen se janë bërë nga rusët, në blloqe apartamentesh në qytetin ukrainas të Kharkiv. Që kur Rusia filloi agresionin më 24 Shkurt, rreth 15,000 krime lufte janë pretenduar në të gjithë vendin.

The post Zelensky ka një thirrje për Hungarinë appeared first on Albeu.com.