presidenti i italise Archives - Albeu.com

AXHENDA/ Nga takimi me Begajn, Ramën dhe Nikollën, Presidenti italian viziton sot Tiranën

admin — Wed, 07 Sep 2022 09:23:55 +0000

Presidenti i Italisë, Sergio Mattarella, vjen sot për një vizitë zyrtare në Tiranë.

Kreu i shtetit italian mësohet se do të vijë mbrëmjen e sotme në kryeqytet, ndërkohë që për nesër është parashikuar që të zhvillojë takimin e tij me presidentin shqiptar, Bajram Begaj.

Gjithashtu bëhet me dije se Mattarella dhe Begaj pritet të kenë një konferencë për shtyp. Më pas presidenti italian do të takohet me kryeministrin Edi Rama dhe kryetaren e Kuvendit, Lindita Nikolli.

Po ashtu presidenti do të takohet dhe me përfaqësues të komunitetit italian.

The post AXHENDA/ Nga takimi me Begajn, Ramën dhe Nikollën, Presidenti italian viziton sot Tiranën appeared first on Albeu.com.

Sergio Mattarella rizgjidhet president i Italisë

E B — Sat, 29 Jan 2022 19:58:26 +0000

Sergio Mattarella u rizgjodh president i Italisë. Ndërkohë që numërimi është ende në vazhdim, Presidenti në largim i Republikës ka tejkaluar kuorumin prej 505 votash të nevojshme për zgjedhjet. Tejkalimi i pikës 505 u nënvizua nga një duartrokitje. “Kam pasur plane të tjera, por kam respekt për Parlamentin”, tha presidenti duke konfirmuar po-në pas marrëveshjes [...]

Presidentit italian i kërkohet të mbajë edhe një mandat

E B — Sat, 29 Jan 2022 17:10:08 +0000

Partitë në pushtet në Itali i kanë kërkuar të shtunën presidentit, Sergio Mattarella që të vazhdojë një mandat të dytë, pasi kanë dështuar që të gjejnë kompromis për një kandidat të ri.

Mattarella, 80-vjeçar, i cili ka thënë më parë se nuk dëshiron të vazhdojë një mandat të dytë, ende nuk ka komentuar zhvillimet e fundit.

Kryeministri italian, Mario Draghi ka folur me Mattarellan të shtunën, duke i thënë se ai duhet të mbajë pozitën e presidentit “për të mirën dhe stabilitetin e këtij shteti”, ka thënë një burim qeveritar.

Ky njoftim ka ardhur pas pesë ditëve të bllokadës në parlament, meqë blloqet kryesore politike nuk kanë arritur pajtueshmëri për një kandidat që do të mund të fitonte shumicën e votave të ligjvënësve.

“Italianët nuk meritojnë më shumë ditë me konfuzion”, ka thënë Matteo Salvini, udhëheqës i Partisë së krahut të djathtë, Liga.

“Të rikonfirmojmë presidentin Mattarella dhe Draghin dhe të kthehemi menjëherë në punë. Problemet e italianëve nuk presin”, ka thënë Salvini.

Presidenti ka rol të rëndësishëm në Itali, sidomos në kohë krizash.

Në mesin e gjërave për të cilat ka pushtet është edhe shpërndarja e legjislaturës në parlament dhe emërimi i ministrave.

Mandati shtatëvjeçar i Mattarelles përfundon në muajin shkurt.

The post Presidentit italian i kërkohet të mbajë edhe një mandat appeared first on Albeu.com.