Kufizime për zyrtarët dhe familjarët e tyre

Ligji i ri shtrin kontrollet jo vetëm te zyrtarët, por edhe te personat e lidhur me ta. Zyrtarëve të lartë kushtetues, anëtarëve të qeverisë, deputetëve dhe kryebashkiakëve, si dhe familjarëve të tyre, u ndalohet të zotërojnë aksione ose të kryejnë aktivitete biznesi që përfitojnë nga pasuria publike.

Zyrtarëve u ndalohet pranimi i dhuratave ose trajtimeve preferenciale mbi 10,000 lekë. Çdo dhuratë mbi këtë vlerë duhet të refuzohet ose të raportohet.

Sipas ligjit, ish-zyrtarët nuk mund të punësohen në pozicione drejtuese në kompani private që kanë lidhje me institucionin e tyre të mëparshëm për dy vite pas përfundimit të mandatit.

Kufizime për krerët e drejtësisë

Anëtarët e Gjykatës Kushtetuese, KLGJ, KLP, Inspektori i Lartë i Drejtësisë dhe Prokurori i Përgjithshëm nuk mund të kryejnë veprimtari fitimprurëse që lidhen me pasurinë publike, as të përfitojnë nga kompania ku kanë interesa pasive.

Po ashtu, gjyqtarëve dhe prokurorëve u ndalohet të administrojnë kompani, të ushtrojnë aktivitete tregtare ose të zotërojnë aksione që mund të krijojnë konflikt interesi.

Ata nuk mund të punojnë si avokatë, noterë, ekspertë të licencuar, konsulentë apo arbitër në arbitrazhe tregtare, përveçse në mësimdhënie dhe kërkime shkencore. Kufizimet vlejnë edhe për magjistratët e sapo diplomuar.

Magjistratët nuk mund të jenë anëtarë të partive politike, të mbajnë funksione në to ose të lidhen publikisht me formacione politike. Po ashtu, ndalohet drejtimi ose pjesëmarrja në organet drejtuese të organizatave jofitimprurëse.

Sanksione dhe mekanizmat e kontrollit

Çdo shkelje e ligjit dënohet me gjoba nga 200,000 deri 500,000 lekë, të pavarura nga ndjekja penale apo masat disiplinore. Zbatimi monitorohet nga Inspektorati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI).

The post Presidenti Begaj dekreton ligjin për konfliktin e interesit, kufizimet për zyrtarët e lartë! Kontroll edhe për familjarët appeared first on Albeu.com.

Gjatë fjalës së tij, Kreu i Shtetit theksoi rëndësinë themelore të shqipes si “shpirti dhe ashti i kombit shqiptar”, duke e lidhur aktivitetin me javën e alfabetit dhe datat historike të nëntorit.

Presidenti vlerësoi përpjekjet e deritanishme për ruajtjen dhe zhvillimin e gjuhës dhe kërkoi një strategji të re për mësimin e shqipes për fëmijët në Diasporë.

Ai përmendi kontributin e figurave të mëdha të Gjirokastrës, si Eqerem Çabej dhe Ismail Kadare, duke rikujtuar fjalën e këtij të fundit se “Gjuha është atdheu”.

Presidenti u ndal edhe te rëndësia historike e Kongresit të Manastirit, që unifikoi alfabetin dhe “përcaktoi rrugën e bashkimit shpirtëror dhe kulturor të shqiptarëve, duke hedhur themelet e identitetit modern”.

Begaj vlerësoi mësuesit, prindërit, shoqatat kulturore dhe klerikët që mbajnë gjallë gjuhën amtare në Diasporë, duke i cilësuar si “ambasadorë të gjuhës sonë në botë”, dhe kërkoi mbështetje të fortë për përpjekjet e tyre.

Ai theksoi se shqipja duhet mbrojtur me vetëdije, dashuri dhe kujdes, duke u përshtatur me kohën pa humbur thelbin.

Në përfundim të vizitës, Presidenti falënderoi organizatorët dhe universitetin “Eqerem Çabej” për punën në promovimin e gjuhës dhe kulturës shqiptare, duke nënvizuar se “ruajtja e shqipes është ruajtja e atdheut”.

Gjatë qëndrimit në qytet, ai u prit nga kryebashkiaku Flamur Golemi dhe vizitoi Shtëpinë Muze të Ismail Kadaresë, Obeliskun e Arsimit dhe kalanë e Gjirokastrës.

The post Presidenti Begaj nga Gjirokastra: Të mbrojmë shqipen si trashëgimi kombëtare appeared first on Albeu.com.

Kreu i shtetit e cilësoi Anamalin si një shembull heroizmi dhe modeli shoqëror që duhet nderuar.

“Nderim përjetë Arben Anamalit, kapitenit 51-vjeçar nga Shkodra për aktin heroik të shpëtimit të dy turistëve nga mbytja, duke dëshmuar një model shoqëror dhe shpirt heroik,” shkruan Presidenti Begaj.

Ai shprehu gjithashtu solidaritetin e tij me familjen e të ndjerit:
“Jam pranë familjarëve të tij në këto momente të vështira dhimbjeje.”

Ngjarja ka prekur opinionin publik, ndërsa shumë qytetarë dhe figura publike kanë vlerësuar aktin e jashtëzakonshëm të kapitenit që sakrifikoi jetën për të shpëtuar të tjerët.

The post “Model që duhet nderuar!” Presidenti Begaj reagon pas aktit heroik të Arben Anamalit në Shkodër, sakrifikoi veten për turistët appeared first on Albeu.com.

Begaj shkruan se uron që durimi, reflektimi, pastrimi shpirtëror dhe iftaret në familje, komunitet apo me të pamundurit, ta bëjnë shoqërinë shqiptare më të devotshme, të udhëhequr nga e drejta, urtësia dhe mirësia

Postimi i plotë:

Nesër besimtarët myslimanë shqiptarë, nisin muajin e tyre të madhnueshëm të Ramazanit.

Uroj që durimi, reflektimi, pastrimi shpirtëror dhe iftaret në familje, komunitet apo me të pamundurit, ta bëjnë shoqërinë shqiptare më të devotshme, të udhëhequr nga e drejta, urtësia dhe mirësia.

Agjërim të lehtë e të pranuar për të gjithë!

Paqja dhe bekimi i Zotit qofshin mbi ju!

The post Presidenti Begaj uron besimtarët me nisjen e muajit të Ramazanit: Durimi dhe reflektimi ta bëjnë shoqërinë të udhëhequr nga e drejta appeared first on Albeu.com.

Begaj përcolli mesazhin se është koha të bëhemi bashkë për të përballuar sfidat e reja.

“Jemi vend i vogël, por me zemër të madhe 580 vite më parë heroi ynë kombëtar Skënderbeu dhe përfaqësues nga krahina të ndryshme shqiptare dhanë besën për të qenë bashkë për ditë të vështira. Sot është një ditë e veçante për të kujtuar atë moment, sepse sfidat tona të reja përballohen vetëm duke qenë bashkë, jo vetëm për ne si bashkatdhetar dhe shqiptarë por edhe me miqtë dhe partnerët. Po jetojmë kohë të vështirë, sapo dolëm nga pandemia, një luftë vijon ë Ukraine, situatë jo e këndshme në lindjen e Mesme, dhe kjo kërkon të jemi bashkë për të zgjidhur gjërat. Të falënderojmë Italinë mike për mundësinë që ju dha për të mbajtur gjallë identitetin dhe kulturën tuaj. Italia avokatja më e mirë e jona për integrimin europian”, tha Begaj.

Më pas Presidenti bashkë me delegacionin arbëresh do të nisen për në Lezhë për kremtimi i 580 vjetorit të Besëlidhjes së Lezhës.

Presidenti u ftua të rikthehej në Kalabri pas një muaj të vizitojë dhe vende të tjera të traditës arbëreshe dhe forcuar marrëdhëniet.

The post 580 vjetori i Besëlidhjes së Lezhës/ Presidenti Begaj pret arbëreshët e Italisë: Të bëhemi bashkë për të përballuar sfidat appeared first on Albeu.com.

Marrëdhëniet politike mes dy vendeve, procesi i integrimit evropian të Ballkanit Perëndimor, intensifikimi i raporteve ekonomike, rritja e shkëmbimeve tregtare, si dhe ngritja e infrastrukturës në ndihmë të këtij procesi, ishin në fokus të këtij takimi.

Presidenti Begaj falënderoi Bullgarinë për mbështetjen e Shqipërisë për integrimin në BE, për nismat e përbashkëta multilaterale, për kontributin me trupa ushtarake në KFOR, si dhe theksoi rëndësinë e rritjes së marrëdhënieve ekonomike në nivelin e atyre politike.

Presidenti Begaj dhe kryeparlamentari Zhelyazkov e trajtuan çështjen e fundit duke u ndalur në  mundësitë zhvillimore që do të sjellë në këtë pikë infrastruktura tokësore dhe ajrore.

“Përshpejtimi i  ndërtimit të korridorit të tetë, si edhe nisja e fluturimeve në fund të këtij viti të linjës direkte ajrore Tiranë-Sofje, do të risin, pa dyshim, shkëmbimet tregtare dhe turizmin në të dyja vendet”, vlerësoi Presidenti i Republikës, Bajram Begaj.

“Ne, – u shpreh Presidenti Begaj, – e konsiderojmë të një rëndësie strategjike Korridorin 8 dhe po punojmë shumë fort që të përmbyllet sa më shpejt. Rruga është zhvillim, dhe ky korridor do të sjellë zhvillimin për të gjithë rajonin tonë”.

Begaj theksoi se situata aktuale në rajon kërkon mirëkuptim, bashkëpunim dhe tejkalim të politikave të së shkuarës mes vendeve të Ballkanit Perëndimor për integrimin e plotë Eruro-Atlantik të tij.

Presidenti solli në vëmendje se “shqiptarët janë një popull që kanë luftuar për të mbrojtur të drejtat e tyre dhe e dinë që çmimi i lirisë është i pamatë, ndaj shqiptarët në rajon kanë qenë dhe janë paqedashës dhe faktor stabiliteti.”

Në lidhje me respektimin e të drejtave të minoriteteve përkatëse, Kreu i Shtetit siguroi se të drejtat e minoritetit bullgar në Shqipëri janë të garantuara dhe se në censusin e kryer është siguruar vullneti i lirë i vetëdeklarimit nëpërmjet një procesi të drejtë e transparent./albeu.com

The post Begaj takohet me kryeparlamentarin bullgar, integrimi i Shqipërisë dhe marrëdhëniet mes dy vendeve në fokus të diskutimeve appeared first on Albeu.com.

“Deklarata Universale e të Drejtave të Njeriut, dokumenti themelor që ka shenjuar historinë e të drejtave të njeriut, përkon sot me 75-vjetorin e krijimit.

Deklarata e të Drejtave të Njeriut është ideali i përbashkët, për të cilin luftojnë ta arrijnë të gjithë popujt dhe kombet, që në mënyrë të sigurt çdo individ të gëzojë i barabartë dhe pa diskriminim liritë dhe të drejtat themelore njerëzore.

Është një përkim i bukur që në 75-vjetorin e saj, Shqipëria u zgjodh për herë të tretë anëtare e Këshillit të të Drejtave të Njeriut në OKB.

Institucionet tona do të vijojnë të mbrojnë dhe promovojnë të Drejtat e Njeriut për një botë me liri, drejtësi e barazi për të gjithë.”, shkruan Presidenti.

The post Presidenti Begaj: Shqipëria u zgjodh për herë të tretë anëtare e Këshillit të të Drejtave të Njeriut në OKB appeared first on Albeu.com.

Në vitin e largët 1903 pariotët arsimdashës të Iballës me mbështetjen e Ipeshkvisë së Sapës dhe vëllezërve Mjeda, si dhe Konsullatës Austro- Hungareze në Shkodër, morën nismën patriotike dhe atdhetare për të hapur shkollën shqipe në Iballë të Pukës.

Kjo shkollë e ktheu zonën në simbol të dijes dhe kulturës kombëtare.

Me rastin e 120-vjetorit të themelimit të kësaj shkolle, intelektualë dhe biznesmenë patriotë të zonës ngritën komisionin e organizimit të festimeve, i cili në bashkëpunim me Bashkinë Fushë-Arrëz dhe Drejtorinë Rajonale të Arsimit, Lezhë, organizoi punën për festimet e rastit.

Në këtë aktivitet morën pjesë Presidenti i Republikës z. Bajram Begaj, akademikë, historianë, dhe personalitete të shquara në fushën e kulturës dhe artit nga Shqipëria, Kosova dhe diaspora.

Sipas historianës Nevila Nika, arkivi i shtrtit administron dokumente që dëshmojnë punën dhe dëshirën e jashtëzakonshme të popullit të iballes për arsim dhe dije, cka dëshmohet dhe me hapjen e kësaj shkolle 9 vjet përpara shpalljes së pavarësisë.

Në fjalën e tij, Presidenti Begaj mes të tjerash u shpreh se “Historia e shkollës tuaj e tregon fort qartë sa e shenjtë është gjuha për ne shqiptarët. Ju keni bërë shumë për fshatin tuaj. Ne si shtet kemi përgjegjësinë të bëjmë edhe më shumë që kjo pasuri të ruhet, kultivohet. Puna juaj meriton më shumë mbështetje, më shumë promovim, më shumë të ardhura”.

Shkrimtari i zonëa Rudlof Marku veçoi disa prej tipareve të banorëve të kësaj zone e cila ka mahnitur edhe shkrimtarë të huaj të cilët nuk kanë nguruar ti pasqyrojnë këto vlera në vendet dhe veprat e tyre.

Të pranishëm në këtë festë ishtin figura dhe personalitete të njohura në të gjithë fushat, duke nisur nga ish-kryeministri i Kosovës z. Ramush Haradinaj, klngëtari Shkelzen Jetishi, etj personalitete të nderuara.

Vlen për tu theksuar se me rastin e 120- vjetorit të shkollës shqipe në Iballë, biznesmenët e zonës investuan për ndërtimin e Muzeut të Shkollës dhe fshatit, vendosjen e bustit të pariotit “Frrok Kol Pemati”, u dhuruan pajisje teknologjke, mjete didaktike dhe vegla muzikore.

Fshati Iballë është i pozicionuar 27 km në verilindje të Bashkisë Fushë-Arrëz. Iballa është si një oaz i madh, një rrafshnaltë e rrethuar nga male të larta që i japin formën e një amfiteatri gjigand natyror. Në këtë peisazh të thellë të bjeshkëve të Pukës ka pulsuar gjithmonë ndjenja patriotike e atdhedashurisë dhe dijës.

The post 120-vjetori i shkollës shqipe në Iballë, Presidenti Begaj: Historia e tregon sa e shenjtë është gjuha për shqiptarët appeared first on Albeu.com.

Osmani është ftuar nga homologu i saj, presidenti i Shqipërisë Bajram Begaj, i cili do ta presë atë në Tiranë.

Vizita do të zhvillohet në datat 4 dhe 5 shtator 2023.

Ende nuk është bërë e ditur arsyeja e vizitës, dhe gjithashtu detajet e agjendës nuk janë publikuar ende./Albeu.com/

The post Vjosa Osmani vizitë dy ditore në Shqipëri, pritet nga Presidenti Begaj më 4 shtator appeared first on Albeu.com.

Për pasojë ka humbur jetën roja i godinës, Pal Kola.

Presidenti Bajram Begaj ka reaguar duke u bërë thirrje organeve ligjzbatuese të zbardhin sa më shpejt ngjarjen.

Postimi i Begajt:

Ngjarje vërtet e rëndë ajo e orëve të para të mëngjesit, ku godina e televizionit kombëtar “Top Channel” është qëlluar me armë, e ku për pasojë ka humbur jetën roja i sigurisë Pal Kola.

Teksa i shpreh ngushëllimet e mia familjes së z. Kola, inkurajoj organet ligjzbatuese ta zbardhin sa më shpejt dhe me përgjegjshmërinë më të lartë këtë ngjarje kriminale.

The post Vrasja e rojes te Top Channel, presidenti: Të zbardhet sa më shpejt ngjarja appeared first on Albeu.com.