Presidenca e Kosovës ka bërë publike pasqyrën e plotë të shpenzimeve zyrtare për muajt prill–qershor 2026.

Sipas të dhënave të publikuara, aktivitetet e ushtrueses së detyrës së Presidentes, Albulena Haxhiu, së bashku me ato të kabinetit të saj, kanë arritur një kosto të përgjithshme prej 12,421.39 eurosh.

Institucioni ka sqaruar se shuma përfshin shpenzimet e realizuara nga 4 prilli 2026, dita kur Haxhiu mori detyrën si ushtruese e detyrës së Presidentes, deri më 30 qershor 2026.

Zyra e Presidentes bëri të ditur se publikimi synon t’i ofrojë opinionit publik informacion të saktë dhe të parandalojë paqartësitë rreth të dhënave që lidhen me shpenzimet zyrtare.

Presidenca u ka bërë thirrje gjithashtu mediave dhe palëve të interesuara që, nëse kërkojnë informacione apo sqarime të tjera, të komunikojnë drejtpërdrejt me institucionin. Sipas saj, kjo mënyrë komunikimi mundëson raportim të plotë dhe shmang perceptimet e gabuara që mund të krijohen nga paraqitja e pjesshme ose jashtë kontekstit e të dhënave.

The post Presidenca publikon shpenzimet zyrtare të Haxhiut për periudhën prill–qershor appeared first on Albeu.com.

Nënkryetari i LDK-së, Lutfi Haziri, tha për REL se deputetët e partisë së tij mund të dalin të unifikuar vetëm nëse kandidati për president vjen nga radhët e LDK-së dhe jo nga jashtë saj.

“Në rast se ky emër është Lumiri [Abdixhiku, kryetar i partisë] ose emri im, atëherë mund të unifikohemi. Lumirit i bie të jetë i pari, sipas detyrës zyrtare, sepse është kryetar. Pas Lumirit, konsensus më të madh [brenda LDK-së] kam unë”, theksoi Haziri.

Në garën zgjedhore të 7 qershorit, LDK-ja doli me Vjosa Osmanin si kandidate për presidente dhe me Lumir Abdixhikun si kandidat për kryeministër.

Megjithëse partia fitoi 18 ulëse në Kuvendin e Kosovës, Haziri tha se për kandidaturën e Osmanit nuk do të ishte e mundur të sigurohej mbështetja e të gjithë deputetëve të LDK-së.

“Mund të jetë sikur herën e kaluar, pra, dy-tri vota, mund të ndahen, por në rastin e Lumirit ose rastin tim, mund të unifikohemi”, sqaroi Haziri.

Vetë Osmani kishte deklaruar më herët se emri i saj “nuk ka qenë, as nuk është e as nuk do të bëhet pengesë në krijimin e institucioneve”.

Haziri u shpreh po ashtu se aktualisht ekziston vetëm një adresë zyrtare te LDK-ja për çdo komunikim të mundshëm nga Lëvizja Vetëvendosje lidhur me një marrëveshje eventuale.

“Vetëm me Lumir Abdixhikun. Ai është kryetar. Ne nuk kemi mbledhur Kuvendin [e LDK-së]. Nëse mblidhet Kuvendi ose ka akt të dorëheqjes, atëherë kemi situatë të re. Deri atëherë është vetëm një adresë dhe nuk ka adresë të dytë”, tha Haziri.

Kjo deklaratë e tij erdhi si reagim ndaj qëndrimeve të Donika Gërvallës, ministre në detyrë e Drejtësisë në Qeverinë e Albin Kurtit dhe pjesë e LVV-së.

Duke folur për zhvillimet e brendshme në LDK, Gërvalla tha se në këtë parti “janë disa rryma të ndryshme”.

Ajo shtoi se për LVV-në mbetet problem të zhvillojë bisedime me LDK-në, pasi, sipas saj, “nuk e dimë me cilën rrymë je duke folur”, kur bëhet fjalë për një marrëveshje të mundshme për konsolidimin e institucioneve pas zgjedhjeve të 7 qershorit.

“Unë po kërkoj që ai që potencialisht ulet për të negociuar me ne, të jetë edhe personi që e përfaqëson këtë parti. Ne nuk mund të ulemi me pesë veta të ndryshëm në LDK. Sepse nëse LDK-ja dëshiron të jetë faktor në zgjedhjen e presidentit, atëherë ata duhet të garantojnë edhe votat e grupit të vetë parlamentar”, theksoi Gërvalla.

Nga ana tjetër, Haziri tha se deri tani LDK-ja “nuk ka ardhur nga LVV-ja ndonjë ftesë” për bisedime rreth një marrëveshjeje të mundshme.

Sipas tij, nëse një ftesë e tillë i dërgohet partisë, ajo do të trajtohet nga organet e LDK-së dhe vendimi do të merret brenda partisë, në varësi të ofertës që do të vijë nga LVV-ja.

Zgjedhjet e parakohshme të 7 qershorit u mbajtën pasi legjislatura e kaluar nuk arriti të zgjidhte një president të ri brenda afatit kushtetues, pas përfundimit të mandatit pesëvjeçar të Vjosa Osmanit në prill.

Nga LVV-ja është thënë se janë të gatshëm të diskutojnë për formimin e institucioneve të reja pasi të certifikohet rezultati i zgjedhjeve të 7 qershorit.

Kushtetuta parasheh që për konstituimin e Kuvendit dhe zgjedhjen e Qeverisë nevojiten të paktën 61 vota deputetësh.

Si fituese e zgjedhjeve, LVV-ja e Albin Kurtit pritet të sigurojë 53 mandate në Kuvendin me 120 ulëse dhe, së bashku me pakicat joserbe, mund t’i arrijë numrat për Kuvendin dhe Qeverinë.

The post Haziri: LDK mund t’i bashkojë 18 votat vetëm nëse posti i presidentit i takon partisë appeared first on Albeu.com.

Por, edhe pas përfundimit të mandatit pesëvjeçar presidencial, Osmanit i njihen disa të drejta me Ligjin për Presidentin e Republikës së Kosovës, duke nisur nga thirrja “Presidente”, e cila do të vazhdojë t’i vlejë.

Në bazë të këtij ligji, ajo ka të drejtë në pension, shuma e të cilit është 70% e pagës të cilën e ka marrë si kryetare shteti.

Po ashtu, Osmani dhe familja e saj (burri dhe fëmijët) kanë të drejtë në sigurim të plotë shëndetësor dhe shërbime mjekësore në spitalet ushtarake dhe publike gjatë tërë jetës.

“Presidenti i Republikës së Kosovës pas përfundimit të mandatit, ka të drejtë në kompensim monetar kalimtar për një periudhë shtatë mujore të tranzicionit në jetën private. Fondet mund të përdoren për zyre, kompensim të stafit, shërbime të telekomunikacionit, shtypje dhe shërbime postare të ndërlidhura me periudhën tranzitore.” – thuhet në ligj.

Presidentja Osmani dhe familja e saj kanë të drejtë të kenë përcjellje zyrtare, pra mbrojtje të afërt, për tri vitet e ardhshme.

Në këto kushte, ish-presidentes i lejohet të marrë pjesë në manifestimet shtetërore sipas radhës protokolare në vend.

Në rastin e Osmanit, bashkë me burrin e saj, Ligji u lejon që ta përdorin pasaportën diplomatike të Kosovës tërë jetën, kurse fëmijët e tyre kanë të drejtë deri në moshën 18-vjeçare.

“Presidenti i Republikës së Kosovës ka të drejtë në shpenzimet materiale për aktivitetet e tij/saj, në rastet kur këto aktivitete ushtrohen në cilësinë e ish-Presidentit. Mjetet nga paragrafi 1 i këtij neni sigurohen nga buxheti i përcaktuar për Zyrën e Presidentit të Kosovës.” – thuhet në ligj.

Ligji e përcakton se në periudhën pesë vjeçare pas përfundimit të mandatit të presidentit, nuk mund të jenë më shumë se tre persona në personel profesional të zyrës.

“Presidenti angazhohet nga Qeveria e Kosovës në aktivitete shtetërore, atëherë periudha pesë vjeçare fillon nga përfundimi i angazhimit të Presidentit.” – thuhet në ligj.

Presidentja Vjosa Osmani mbajti një adresim publik me rastin e përfundimit të mandatit të saj, duke falënderuar qytetarët për besimin dhe duke theksuar se shërbimi ndaj shtetit është nderi më i madh.

Në fjalimin e saj drejtuar qytetarëve dhe mërgatës, më 04.04.2026 të publikuar në Facebook, ajo deklaroi se gjatë pesë viteve në krye të shtetit është udhëhequr nga parime të qarta: mbrojtja e interesit shtetëror, forcimi i aleancave ndërkombëtare dhe ruajtja e integritetit institucional.

Pasi kaluan 24 orë që kur u përshëndet me Zyrën e Presidencës përmes një ceremonie, stafi i presidentes Osmani ndryshoi emrin në faqen zyrtare në Facebook nga ‘Presidenca e Republikës së Kosovës’ në ‘Zyra e Presidentes së 6-të të Republikës së Kosovës’.

Gjatë mandatit, Osmani theksoi arritjet në forcimin e subjektivitetit ndërkombëtar të Kosovës, përfshirë avancimin e marrëdhënieve me partnerët strategjikë, zgjerimin e njohjeve, liberalizimin e vizave dhe hapa drejt integrimit në Bashkimin Evropian dhe NATO.

Kurse, Lideri i Lëvizjes Vetëvendosje, Albin Kurti, sot ka zhvilluar një takim me kryetarin e LDK-së, Lumir Abdixhiku, me synim të gjetjes së një konsensusi për zgjedhjen e presidentit të ri të vendit.

Ky takim u zhvillua në kohën kur kanë mbetur edhe 22 ditë deri në përfundim të afatit të përcaktuar me aktgjykimin e Gjykatës Kushtetuese për zgjedhjen e kreut të shtetit.

Me aktgjykimin e shpallur nga Kushtetuesja, më 25.03.2026, u përcaktua afati prej 34 ditësh për zgjedhjen e Presidentit, konkretisht deri më 28 prill.

Nëse Presidenti nuk arrin të zgjidhet brenda këtij afati, vendi shkon automatikisht në zgjedhje të parakohshme që duhet të mbahen brenda 45 ditësh.

Në anën tjetër, karriera politike e Vjosa Osmanit filloi si shefe e stafit të presidentit të atëhershëm Fatmir Sejdiu nga viti 2006 deri në vitin 2010; ajo ishte gjithashtu pjesë e komisionit për hartimin e Kushtetutës së Kosovës.

Ajo u zgjodh deputete me LDK-në, dhe u bë gruaja e parë që u zgjodh kryetare e Parlamentit të Kosovës në shkurt të vitit 2020. Në zgjedhjet e atij viti, ajo mori më shumë vota se çdo kandidat tjetër parlamentar në Kosovë, më shumë se 300,000.

Pastaj në nëntor të vitit 2020, ajo u ngrit edhe më tej, duke u bërë ushtruese e detyrës së Presidentes, kur Hashim Thaçi u detyrua të shkonte në paraburgim në Hagë, pasi u konfirmua aktakuza e tij për krime lufte dhe krime kundër njerëzimit.

Por marrëdhënia e saj me LDK-në, partinë së cilës i përkiste deri në qershor të vitit 2020, u shënua me ulje-ngritje.

Rivaliteti i saj me kryeministrin e atëhershëm Isa Mustafa bëri që ajo të bllokohej nga kandidimi për postin e kryetarit të LDK-së në vitin 2015. Por popullariteti i saj ishte i qartë në kutitë e votimit, kur në zgjedhjet e vitit 2017, ajo u bë kandidatja e dytë më e mbështetur e LDK-së, edhe pse partia e renditi atë vetëm në vendin e 81-të në listën e saj, pjesërisht për shkak të marrëdhënieve të saj të tensionuara me udhëheqjen.

Më pas, në vitin 2019, LDK e zgjodhi atë si kandidaten e saj për kryeministër, një garë zgjedhore që kjo parti e humbi ndaj Lëvizjes Vetëvendosje të Kurtit me një diferencë të vogël.

Prishja me partinë e saj erdhi pas pak kohësh, kur ajo doli kundër rrëzimit të qeverisë së Kurtit në mes të pandemisë. Kur refuzoi të mbështeste një kabinet të drejtuar nga LDK në qershor 2020, ajo u shkarkua nga të gjitha pozicionet e saj në parti.

Më pas ajo krijoi subjektin e saj politik, Guxo, i cili kandidoi në koalicion me Lëvizjen Vetëvendosjen në zgjedhjet e shkurtit 2021.

Një muaj më vonë, me LVV-në në pushtet, Osmani u zgjodh presidente, shkruan Kallxo.

The post Privilegjet e Vjosa Osmanit dhe familjes së saj pas përfundimit të mandatit presidencial appeared first on Albeu.com.

Në një njoftim zyrtar, Zyra e Shtypit sqaron se Këshilli i Sigurimit Kombëtar, është një organ këshillimor në mbështetje të Presidentit të Republikës për ushtrimin e kompetencave kushtetuese dhe ligjore, duke theksuar se ky këshill nuk merr vendime për çështjet që diskuton.

Referuar edhe nenit 10 të ligjit nr. 64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, që rregullon funksionimin e tij, këshilli përbëhet nga drejtues të organeve të larta shtetërore dhe titullarë institucionesh kyçe, ndërsa funksioni i tij është të shërbejë si forum për diskutimin e rekomandimeve që Presidenti përgatit për institucionet ligjzbatuese dhe ato përgjegjëse për sigurinë.

Në të njëjtën kohë, bëhet me dije se Presidenti i Republikës, është në kontakt të përditshëm me institucionet pjesë e këtij këshilli dhe informohet vazhdimisht për çdo situatë, skenar dhe masat e marra në kuadër të protokolleve të sigurisë.

Gjithashtu, Presidenca thekson se të gjitha institucionet relevante janë vigjilente dhe në ndjekje të plotë të situatës, ndërsa mekanizmat ekzekutivë të sigurisë janë aktivë dhe funksionalë.

Po ashtu, bashkëpunimi institucional dhe ai me partnerët ndërkombëtarë vlerësohet në nivele shumë të larta.

Presidenti vijon komunikimin me institucionet përgjegjëse për sigurinë publike dhe kombëtare, të cilat janë në koordinim të vazhdueshëm me partnerët dhe në krye të detyrës për përmbushjen e detyrimeve kushtetuese dhe ligjore.

Neni 10 i ligjit nr. 64/2014 “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”

Këshilli i Sigurimit Kombëtar

1. Këshilli i Sigurimit Kombëtar është organ këshillimor, i cili mbështet Presidentin e
Republikës në ushtrimin e kompetencave dhe përgjegjësive kushtetuese e ligjore.

2. Këshilli i Sigurimit Kombëtar kryesohet nga Presidenti i Republikës dhe thirret prej tij sa
herë që e gjykon të nevojshme e sipas një rendi dite të përcaktuar.

3. Anëtarët e përhershëm të Këshillit të Sigurimit Kombëtar janë:

a) Kryetari i Kuvendit;

b) Kryeministri;

c) Ministri i Mbrojtjes;

ç) Ministri Punëve të Jashtme;

d) Ministri i Drejtësisë;

dh) ministri përgjegjës për punët e brendshme;

e) ministri përgjegjës për financat;

ë) ministri përgjegjës për transportin;

f) ministri përgjegjës për energjinë;

g) kryetari i komisionit të përhershëm parlamentar përgjegjës për çështjet e sigurisë dhe mbrojtjes;

gj) Shefi i Shtabit të Përgjithshëm të Forcave të Armatosura;

h) Drejtori i Shërbimit Informativ të Shtetit.

i) Drejtori i Përgjithshëm i Policisë së Shtetit

4. Në raste të veçanta, Presidenti i Republikës mund të ftojë pjesëmarrës të tjerë.

5. Në rast se anëtarët e Këshillit të Sigurimit Kombëtar për arsye objektive nuk mund të
marrin pjesë në mbledhjet e Këshillit, ata autorizojnë zëvendësit e tyre, duke marrë miratimin
paraprak të Presidentit.

6. Këshilli i Sigurimit Kombëtar diskuton dhe jep mendime për çështje të sigurisë, të
mbrojtjes, të armë- kontrollit dhe për çdo çështje tjetër në fushën e sigurisë kombëtare.

7. Këshilli i Sigurimit Kombëtar nuk merr vendime.

8. Mbledhjet e tij zhvillohen të mbyllura.

The post Presidenca sqaron rolin e Këshillit të Sigurimit Kombëtar: Është organ këshillues, institucionet në gatishmëri të plotë appeared first on Albeu.com.

Ai ka shkruar në Twitter se Policia e Kosovës nuk është e përfshirë në asnjë përleshje, duke shtuar se strukturat ilegale dhe kriminale të Serbisë “po gjuajnë me armë”.

“Mediat pro regjimit të Serbisë janë në përpjekje për të nxitur konfrontim të armatosur në Kosovë, duke raportuar në mënyrë të rreme se përleshjet po ndodhin pranë Zubin Potokut. Policia e Kosovës nuk është përfshirë në asnjë përleshje. Strukturat ilegale dhe kriminale të Serbisë po gjuajnë me armë”, shkroi ai. /Kosovapress

The post Tensionet në veri, reagon presidenca e Kosovës: Policia nuk është përfshirë appeared first on Albeu.com.

Mësohet se bëhet fjalë për një takim informal mes kreut të shtetit Bajram Begaj dhe kreut të qeverisë Rama.

Takimi i cili ka nisur pak minuta më parë, në ambientet e Presidencës ka në fokus dy çështje të rëndësishme. Zgjedhjet lokale dhe siguria janë dy temat që do të diskutohen mes kreut të Qeverisë dhe atij të Shtetit.

Presidenca dhe zyra e shtypit e kryeministrisë nuk kanë dhënë asnjë detaj për këtë takim të papritur. Kujtojmë se disa ditë më parë, po në ambientet e Presidencës, ishte e pranishme ambasadorja Yuri Kim e cila u takua për 1 orë me Begajn./albeu.com

The post Rama vizitë në Presidencë, takohet me Begajn appeared first on Albeu.com.

Ndërkohë që pritet që pas takimit mes dy Presidentëve, Begaj të mbajë një fjalim përpara të ftuarve që janë të pranishëm në ceremoni.

Pak më herët Presidenti Begaj, bëri betimin në Kuvendin e Shqipërisë./albeu.com

The post Bajram Begaj mbërrin në presidencë, pritet nga Ilir Meta appeared first on Albeu.com.

I ftuar në Syri.tv Meta deklaroi se ka ende shumë kohë deri në 25 korrik, duke shtuar se deri në 24 korrik nuk ka një pozitë që të përcaktoj qëndrim politiko-partiak.

“Nuk jam në një pozitë që të përcaktoj qëndrim politiko-partiak. Jam në detyrë deri në 24 korrik. Çdo gjë është e qartë. Angazhimi im është për të rikthyer dhe rivendosur demokracinë në vend dhe për të bërë atë që ka kërkuar rezoluta e PE-së, që të vendosë ligjin e referendumit. Qëllimi i Ilir Metës është që; Shqipërinë t’ua kthejë shqiptarëve.”, tha Meta./albeu.com

The post A do të bëjë aleancë me Berishën pas 25 korrikut? Ja si përgjigjet Ilir Meta appeared first on Albeu.com.

Ata thanë se asgjë nuk e ndal zbardhjen e skandaleve të narkoqeverisë.

Reagimi erdhi përmes zëdhënësit të presidentit, Tedi Blushi.

Reagimi i plotë:

Të gjithë shqiptarët mezi po presin të dinë ÇFARË E MBAN PENG “Dvoranin” e Qeverisë tek Dvorani i “Drejtësisë”?

Të gjithë shqiptarët e dinë se:

��� 1. Dvorani pengoi me çdo mjet, qëllimisht dhe për llogari vetëm të Ramës, ngritjen e Gjykatës Kushtetuese, duke falsifikuar, manipuluar e shkelur Kushtetutën dhe ligjet e drejtësisë, vetëm e vetëm për të siguruar pandëshkueshmërinë e Ramës.

��� 2.Dvorani u provua zyrtarisht se fshehu pasurinë.

��� 3. Por Vettingu i partisë në mënyrë skandaloze dhe të paligjshme mbylli sytë për këtë fshehje të pasurisë dhe ky është fakt që nuk mbulohet dot kurrë.

��� 4. Shkeljet e Kushtetutës dhe ligjit për Dvoranin e partisë-shtet i vërtetoi botërisht edhe Komisioni i Venecias.

��� 5. Nëse do të ekzistonte vërtet Reforma në Drejtësi, Dvorani do të duhej të ishte i pari përpara drejtësisë për të marrë dënimin e merituar.

Të gjithë shqiptarët duan të dinë çfarë e detyron Ramën, Kampionin e Korrupsionit që e ktheu Shqipërinë një narkoshtet dhe të dytin në botë për korrupsionin, që të kthehet në Avokatin e Dvoranit?

Është e qartë, se mbrojtja që i jepet Dvoranit në publik nga partia, është thirrja publike për organet e drejtësisë që të mos shkelin vijën e partisë në zbatimin e drejtësisë me regji, se përndryshe do kenë pasoja.

Rama-Dvorani dhe Dvorani-Rama binomi i pandarë i antishtetit, dhunimit të Kushtetutës dhe ligjit, falsifikimit të dokumentave zyrtarë dhe kapjes së shtetit për llogari të partisë.

Koha e “opozitarizmit” të tredhur nga korrupsioni qeveritar po skadon me shpejtësi. Çkapja e shtetit nis nga çkapja e opozitarizmit.

ASGJE NUK DO TA NDALË ZBARDHJEN E SKANDALEVE TË NARKOQEVERISË SADO TË GULÇOJË GRUAJA E BILALIT!/albeu.com/

The post “Meta në SPAK”, presidenca reagon pas kërkesës së Ramës appeared first on Albeu.com.

Edhe presidenti Ilir Meta i është bashkuar fushatës globale “Ndriço Blu”.

Kështu mbrëmjen e sotme ndërtesa e Presidencës është ndriçuar me ngjyrën blu, që simbolizon pikërisht këtë gjë.

“Në Ditën Botërore të Ndërgjegjësimit për Autizmin, i bashkohem fushatës globale “Ndriço Blu”!”, ka shkruar Meta në një postim në Facebook, krahas videos./albeu.com/

The post Dita Botërore e Autizmit, Presidenca merr tjetër pamje (VIDEO) appeared first on Albeu.com.