presidenca franceze Archives - Albeu.com

Ministria e Jashtme e Bullgarisë deklaratë për propozimin e presidencës franceze në Këshillin e BE-së

E B — Sun, 19 Jun 2022 17:42:43 +0000

Thuhet se në këtë fazë dhe brenda këtyre afateve është e pamundur të arrihet një zgjidhje për çështjet e hapura. Sipas Ministrisë së Jashtme të Bullgarisë, propozimi është një bazë e mirë për zgjidhjen e ardhshme të mosmarrëveshjes.

“Në këtë fazë nuk ka më një mundësi objektive për përmbushjen e kritereve afatshkurtra të përcaktuara deri në fund të presidencës franceze të Këshillit të BE-së, garancitë e nevojshme për interesat bullgare dhe të drejtat e bullgarëve në shtetin fqinj”. Është e mundur që të ketë qartësi për hapat e ardhshëm në procesin e integrimit evropian të Republikës së Maqedonisë së Veriut me të gjitha garancitë e nevojshme për interesat bullgare dhe të drejtat e bullgarëve në Maqedoninë e Veriut”, thuhet në MPJ.

Ata mirëpresin, qasjen konstruktive të Francës, e cila pati takime me të gjitha institucionet bullgare për këtë temë dhe pas një pune të gjatë tregoi mirëkuptim për qëndrimet e vendit.

“Franca ka dëshmuar jo vetëm miqësinë e saj me vendin tonë, por edhe angazhimin e saj ndaj procesit të zgjerimit të BE,” tha Ministria e Jashtme bullgare, raportoi BGNES.

Ministria shton se tani i gjithë procesi varet tërësisht nga Komisioni për Politikë të Jashtme të Kuvendit të Bullgarisë, i cili ende nuk ka caktuar mbledhje për këtë temë.

“Do të ishte e detyrueshme që Komisioni i Politikës së Jashtme të mblidhte menjëherë këtë mbledhje me pjesëmarrjen e Ministrisë, për të diskutuar të gjitha dokumentet në dispozicion, për të formuluar një qëndrim të konsoliduar bullgar dhe për të përcaktuar hapat e ardhshëm të diplomacisë bullgare. Do të ishte optimale që Këshilli i Ministrave të kishte shprehur tashmë mendimin e tij për këtë çështje të rëndësishme për vendin. “Nëse kjo nuk ndodh sa më shpejt që të jetë e mundur, Ministria e Jashtme ka mandat vetëm t’i përmbahet Qëndrimit Kornizë, Deklaratës së Asamblesë Kombëtare të vitit 2019 dhe konkluzioneve të Këshillit të Sigurisë Kombëtare”, tha ministri i Jashtëm bullgar. /Makfax

The post Ministria e Jashtme e Bullgarisë deklaratë për propozimin e presidencës franceze në Këshillin e BE-së appeared first on Albeu.com.

Borrell: Të hapen negociatat e anëtarësimit me Shqipërinë dhe Maqedoninë e Veriut gjatë presidencës franceze

E B — Mon, 16 May 2022 18:06:34 +0000

Nga Erisa Zykaj

Përfaqësuesi i lartë për politikën e jashtme dhe të sigurisë së Bashkimit Europian, Josep Borrell Fontelles ka ftuar në Bruksel ministrat e jashtëm të gjashtë vendeve të Ballkanit Perëndimor për një drekë pune. Qëllimi kryesor ka qenë marrja në konsideratë e shqetësimeve që kanë shtetet e Ballkanit Perëndimor si rrjedhim i kërcënimit që përbën për rajonin agresionit rus në Ukrainë, si dhe përçimi i një mesazhi të qartë për procesin e integrimit europian. Gjatë konferencës përmbyllëse për shtyp, Borrell ka qenë mëse i qartë për mesazhin që 26 ministrat e jashtëm të Bashkimit Europian përçojnë lidhur me nevojën për hapjen e menjëhershme të negociatave të anëtarësimit me Shqipërinë dhe Maqedoninë e Veriut.

“Duhet të fillojmë negociatat e anëtarësimit me Shqipërinë dhe Maqedoninë menjëherë. Ky është gjithashtu dhe një angazhim im personal si përfaqësuesi i lartë i BE-së dhe zëvendëspresident i Komisionit Europian. Shpresoj, që kjo do të ndodhë gjatë presidencës franceze. Është më shumë se një shpresë dhe se një urim. Ne të gjithë e shohim, se kjo vonesë është e papranueshme. Nuk mund t’ju kërkojmë Maqedonisë së Veriut dhe Shqipërisë, që përmbushin të gjitha kriteret, të rrinë ulur, lidhur me njëri tjetrin, pa iu dhënë atyre një perspektivë të qartë. Nëse negociatat me të dyja vendet nuk hapen gjatë presidencës franceze, me duhet t’a pranoj se do të jemi në një krizë të thellë me vendet e Ballkanit Perëndimor” ka deklaruar Borrell.

Sipas tij, kjo situatë po dëmton të dyja palët dhe është një dhuratë për Rusinë.

“Kjo situatë jo vetëm që i dëmton të dy vendet, por po na dëmton dhe ne. Po na kushton shumë në termat e besueshmërisë dhe perspektivës politike. Kjo është dhuratë për Serbinë. Josep Borrell ka nënvizuar gjithashtu, se Komisioni Europian ka prezantuar disa herë rekomandimin mbi bazë të cilin janë përmbushur të gjitha kriteret për liberalizimin e vizave me Kosovën dhe është koha që kjo të bëhet realitet.

Lidhur me dialogun Prishtinë-Beograd, Borrell ka rikujtuar nevojën për respektimin e plotë dhe zbatimin e të gjitha marrëveshjeve të mëparshme, gjë që sipas tij, nuk ka ndodhur. “Duhet një angazhim konstruktiv dhe progres të shpejtë në normalizimin e marrëdhënieve midis Kosovës dhe Serbisë. Të dyja palët janë dakord me këtë. Por kur ata ulen së bashku, është e vështirë të avancohet. Duhet të krijojmë besim. Është thelbësore për ndërtimin e një klimë pozitive dhe konstruktive në dialog dhe për të evituar akte të njëanshme. Shpresoj që të mbajmë një raund në nivelin e lartë me presidentin e Serbisë dhe kryeministrin e Kosovës para sezonit të verës” është shprehur Borrell.

Ndërkohë, sipas shefit të diplomacisë europiane, të gjitha përpjekjet për cenimin e sovranitetit dhe integritetit territorial të Bosnjës Hercegovinës nuk përputhen me perspektivën europiane dhe janë të papranueshme. Ai ka përçuar gjithashtu një tjetër mesazh të ministrave të jashtëm të BE-së, se vendet e Ballkanit Perëndimor duhet të veprojnë më strategjikisht kur vjen fjala për reformat dhe çështje bilaterale.

The post Borrell: Të hapen negociatat e anëtarësimit me Shqipërinë dhe Maqedoninë e Veriut gjatë presidencës franceze appeared first on Albeu.com.

Integrimi në BE, Varhelyi: Duhet të bëni edhe pak durim!

admin — Thu, 28 Apr 2022 13:41:07 +0000

Komisionerin për Zgjerim Oliver Varhelyi u shpreh se objektivi i BE-së është që brenda qershorit të hapen negociatat me Shqipërinë.

Ai gjithashtu theksoi se po punon me miqtë bullgarë dhe ato maqedonas, për të gjetur një zgjidhje të përbashkët.

Sipas tij Shqipëria duhet të bëjë më shumë durim, ndërsa shtoi se objektivi është që ky proces të mbyllet gjatë presidencës franceze.

Komentet Varhelyi i bëri në konferencën e përbashkët me kryeministrin Edi Rama.

“Nëse nuk marrim vendimet që mund të marrim, atëherë do të thotë që ne po heqim dorë nga ajo që mund të bëjmë. Prandaj po punoj me miqtë bullgarë dhe maqedonas. E vlerësoj durimin tuaj. Kërkoj për pak më shumë durim. Objektivi ynë është që ta mbyllim gjatë presidencës franceze. Integrimi i BE nuk ka të bëjë vetëm me procesin por nuk duhet t’i largojmë sytë nga realiteti i përbashkët. Do shkoj në Shkup e Sofje çdo ditë po të jetë nevoja. Duhet ta mbyllim këtë punë, e më duhet ta mbyllim tani.Sa i përket planit për Kosovën ne po punojmë dhe shpresojmë që puna për dialog mes Beogradit dhe Prishtinës do të fillojë sepse vetëm nëpërmjet dialogut do të ketë një zgjidhje afatgjate dhe për këtë do të duhet që të gjithë të jenë në tryezë. Duhet që Kosova që të ecë përpara”, tha ai.

The post Integrimi në BE, Varhelyi: Duhet të bëni edhe pak durim! appeared first on Albeu.com.