Kështu konstatoi Miodrag Milliqeviq, drejtor i organizatës joqeveritare Aktiv nga Mitrovica e Veriut, teksa prezantoi një hulumtim për pozitën e komunitetit serb në veri të Kosovës dhe të komunitetit shqiptar në jug të Serbisë.

Në këtë hulumtim, që u prezantua në Prishtinë, shqiptarë të Bujanocit, Medvegjës dhe Preshevës në jug të Serbisë dhe serbë të Mitrovicës së Veriut, Zveçanit, Leposaviqit dhe Zubin Potokut në veri të Kosovës shprehën qëndrimet e tyre në lidhje me pjesëmarrjen dhe komunikimin e qytetarëve me pushtetin lokal dhe qendror, lirinë e lëvizjes ndërmjet Kosovës dhe Serbisë, perspektivat e të rinjve dhe çështje të tjera.

Hulumtimi u krye në dhjetor të vitit të kaluar dhe janar të këtij viti me një mostër prej 350 të anketuarve në veri të Kosovës dhe 750 në jug të Serbisë.

Rezultatet nxorën në pah se besimi i komunitetit serb në Listën Serbe – partinë më të madhe të serbëve të Kosovës, e cila ka mbështetjen e Beogradit zyrtar – ka rënë dukshëm.

“Tendencat negative që janë shënuar në veri të Kosovës, kanë ndikuar qartë në perceptimin e qytetarëve se ata janë të braktisur si nga institucionet qendrore, ashtu edhe nga përfaqësuesit politikë lokalë, të cilët i konsiderojnë përgjegjës të drejtpërdrejtë për situatën aktuale në veri të Kosovës”, tha Milliqeviq.

Gjatë vitit 2022, situata në veri të Kosovës është tensionuar disa herë dhe një nga arsyet për këtë ka qenë vendimi i Qeverisë së Kosovës për t’i riregjistruar makinat me targa ilegale serbe.

Pasojë e këtyre ngjarjeve ka qenë tërheqja e serbëve nga institucionet e Kosovës në veri.

Sa i përket besimit në institucione, shumica e shqiptarëve të Luginës së Preshevës i beson më shumë Qeverisë së Kosovës – rreth 64 për qind e të anketuarve.

Në anën tjetër, një në pesë të anketuar në mesin e komunitetit serb në veri të Kosovës i beson më shumë Qeverisë së Serbisë, ndërsa çdo i dyti i anketuar ka thënë se nuk ka besim tek askush.

Problem i përbashkët i serbëve nga veriu i Kosovës dhe i shqiptarëve nga jugu i Serbisë, sipas hulumtimit, është migrimi, gjegjësisht largimi i të rinjve, para së gjithash për shkak të gjendjes së rëndë sociale dhe ekonomike.

Përveç OJQ-së Aktiv, në hulumtim mori pjesë edhe Qendra për Demokraci dhe Edukim – Lugina në Bujanoc.

Agon Islami, nga kjo qendër, nxori në pah problemin e nostrifikimit të diplomave në Serbi, me të cilin, siç tha, përballen të rinjtë shqiptarë në Luginën e Preshevës.

“Çdo i dyti i anketuar – ose rreth 51 për qind – beson se njohja reciproke e diplomave [ndërmjet Kosovës dhe Serbisë] do ta lehtësonte procesin e punësimit”, tha Islami.

Kosova dhe Serbia kanë arritur marrëveshje për njohjen reciproke të diplomave universitare në vitin 2011, në kuadër të dialogut për normalizimin e marrëdhënieve, por në Serbi ajo është zbatuar vetëm deri në vitin 2014.

Njohja e ndërsjellë e diplomave përmendet edhe në planin e BE-së për normalizimin e marrëdhënieve mes Kosovës dhe Serbisë, të cilin dy vendet e kanë pranuar në parim./rel

The post Nostrifikimi i diplomave dhe siguria; probleme të shqiptarëve në Serbi dhe të serbëve në Kosovë appeared first on Albeu.com.

Sipas burimeve nga mediat serbe, janë rreth 6 milionë e gjysmë shtetas serb që do të kenë mundësi të votojnë.

Shqiptarët e Preshevës, Medvegjës dhe Bujanocit garojnë me dy lista në këto zgjedhje dhe pretendojnë të kenë tre deri në katër deputetë.

Aktualisht serbët e veriut po nisen drejt Serbisë me transport të organizuar por nga disa komuna ata do të udhëtojnë edhe me veturat e tyre. Mbrëmë u raportua se në Shillovë të Gjilanit grupe serbësh pritën në radhë për t’u furnizuar me naftë për të shkuar dhe votuar në Serbi.

Po ashtu, u tha se karburant falas u dha në një pikë të derivateve, ku u theksua se për këtë janë përdorur paratë nga fondi për trajtimin e fëmijëve të sëmurë.

Sipas sondazheve, favorit për fitoren në zgjedhje është Aleksandër Vuçiç dhe partia e tij./albeu.com/

The post Direkt nga veriu i Mitrovicës, serbët nisen me autobusë për të votuar në Serbi appeared first on Albeu.com.

Përmes një postimi në Facebook, Kamberi ka njoftuar se kjo listë do të ketë numrin 16 dhe në të marrin pjesë tri parti.

“Koalicioni i Shqiptarëve të Luginës” do të  jetë Lista me numër 16. Me të njëjtin numër që morëm pjesë edhe në zgjedhjet e kaluara parlamentare të vitit 2020. Me 3 parti nënshkruese PVD, PD dhe LPD”, shkruan Kamberi.

Në këtë listë janë dhjetë kandidat për deputetë. “Me 10 kandidatë për deputet nga të tri komunat e Luginës së Preshevës. Me Preshevën, Medvegjën e Bujanocin në të. Me numër 16 u certifikua gjithëpërfshirja e Luginës së Preshevës për vazhdimin e betejës së dinjitetshme politike, përfaqësimin dinjitoz e të pakompromis si përpjekje për të përfaqësuar sa më mirë shqiptarët dhe interesat  kolektive”, thuhet në njoftimin e Kamberit./albeu.com/

The post Zgjedhjet në Serbi, certifikohet lista e Koalicionit të Shqiptarëve të Luginës appeared first on Albeu.com.

Lajmin e bëri të ditur vetë ai, i cili ka bërë të ditur se e ka pranuar ftesën nga gjykata në Serbi.

Sipas Sadriut, ftesa për tu paraqitur në gjyq vjen pasi drejtoria të cilën ai e udhëheq ka arritur që ta sigurojë sallën për mbajtjen e festës së 28 nëntorit, ditës së flamurit.

“Për të shënuar 109 vjetorin e pavarësisë së Republikës së Shqipërisë, normalisht vendosëm edhe flamurin shqiptar. Sepse nuk mund të kremtohet kjo ditë pa simbolin e saj më emblematik”, ka shkruar Sadriu, transmeton Klankosova.tv.

Ai thotë se kjo ftesë për gjyq është përndjekje në baza etnike, dhe se procesi gjyqësor nuk është gjykim personal kundër tij, por edhe gjykim kundër një përfaqësuesei politik të komunitetit shqiptar.

“Më shumë se kaq, është pjesë e një megaplani shtetëror të Serbisë për spastrim etnik të shqiptarëve nga trevat tona në Kosovën Lindore. Sikur fshirja sistematike e adresave, përmes strategjive të tilla të deportimit, Serbia synon ta bëjë të pamundur jetesën në shtëpitë dhe vatrat tona”, shkroi tutje Sadriu,

Më tej, Sadriu u bëri thirrje institucioneve të Kosovës e Shqipërisë që të marrin masa e ta rikthejnë Luginën në agjendë politike.

Përveç Kosovës e Shqipërisë, Sadriu i bëri thirrje edhe BE-së që të ushtrojë trysni mbi Serbinë që ajo të trajtojë shqiptarët në përputhje me standardet ndërkombëtare.

“Apeli im është jehonë e lutjes së shqiptarëve që po përballen me valë të pandërprera të elaborateve serbe për zbrazjen e këtyre viseve nga popullata e saj autoktone shqiptare”.

“Kërkojmë nga vëllezërit tanë në Kosovë dhe Shqipëri që të mos lënë në harresë një pjesë të ndërgjegjes kombëtare në harresë dhe në mëshirën e tiranëve të Beogradit”.

“Pamundësisë sonë për të shprehur lirshëm e me krenari simbolet dhe identitetin tonë duhet t’i vije fundi dhe kjo mund të ndodhë vetëm përmes bashkimit të Kosovës Lindore me shtetin amë të Kosovës”, ka shkruar Sadriu./albeu.com/

The post “Flamuri shqiptar” çon drejtorin e Kulturës së Bujanovcit në gjyq në Serbi appeared first on Albeu.com.

Gjithashtu ai ka folur edhe për nismën e “Open Balkan”.

Fjala e Kamberit:

Lugina e Presheves perballet me diskriminim te Serbise. Kemi detyruar Beogradin te nenshkruaje 3 marreveshje.

Problem eshte mos-njohja e diplomave te rinjve.

Sjelljet e Rames: Vuçiç luan rolin e paqeruajtesit. Bota serbe dhe ballkani i hapur jane ne kundershtim me njeri tjetrin. Serbia po cenon paqen.

Nuk mund te shkojme ne bashkepunim nese perjashtohet pjesa me e madhe e ballkanit. Te zhgenjyer me administraten ne Bruksel, qe nuk ka mekanizma te detyroje Serbine te zbatoje marreveshjet.

Lista serbe ne Kosove jane marioneta te Vuçiç, per te destabilizuar situaten ne Kosove./albeu.com/

The post Deputeti shqiptar në parlamentin serb “ngre zërin”: Lugina e Preshevës diskriminohet nga Serbia, pa Kosovën s’ka kuptim “Open Balkan” appeared first on Albeu.com.