Premier League po dominon futbollin europian dhe për herë të parë në histori përfaqësohet me nga një skuadër në çdo finale kupash. Një rezultat, që u garanton klubeve angleze mundësinë për të pasur 5 skuadra në League Phase të Champions League. Por skuadrat e fazës së parë të Championsit që vijnë nga Anglia mund të bëhen 6.

Nëse Aston Villa – që 3 javët e fundit të kampionatit luan ndaj Burnley, Liverpool dhe Manchester City – e mbyll në 5 vendet e para dhe njëkohësisht fiton Europa League, i jep të drejtën skuadrës së 6-të në renditje të kualifikohet në Champions.

Jo vetëm kaq, sepse ka një skenar tjetër që mund të rritë më shumë numrin e skuadrave që do të marrin pjesë në kompeticionet europiane sezonin e ardhshëm, duke e çuar totalin e tyre në 10.

Nëse Aston Villa triumfon në finalen e Europa League dhe e mbyll kampionatit jashtë 6 vendeve të para, Crystal Palace fiton Conference League (duke shkuar në Europa League) dhe Chelsea fiton FA Cup më 16 maj, pa qenë në 6-shen e parë në Premier, atëherë Anglia do të kishte 10 skuadra.

Prej tyre, 6 në Champions League (5 të parat, plus fituesja e Europa League), 3 në Europa League (e 6-ta në kampionat, fituesja e FA Cup dhe e Conference League) dhe një në Conference League (e 7-a në Premier League).

The post Skenarët/ Tre angleze në 3 finale, Premier League me 10 skuadra në Europë sezonin e ri! appeared first on Albeu.com.

Në vigjilje të këtij super takimi, Pep Guardiola merr një lajm jo pozitiv pasi tekniku bask duhet të bëjë llogaritë pa Ruben Dias, i ndalur së fundmi për një problem në kavilje. I vetëdijshëm për peshën e këtij takimi është Pep Guardiola, me trajnerin e Man.City i cili u shpreh i bindur se nëse humbasin ndaj Arsenal atëherë janë jashtë garës për titull:

“Sigurisht, nëse humbasim gjithçka përfundon. Çdo rezultat tjetër na mban ende në garë pasi 6 ndeshje janë shumë”, theksoi Guardiola në konferencë për shtyp.

Kjo pritet të jetë një ndeshje me shumë emocion, me shumë presion, por nuk e sheh në këtë mënyrë Erling Haaland, me biondin që theksoi se nuk ndjen asgjë: “Më ndodh shumë rrallë që të ndjej këtë lloj presioni. Për të qenë i sinqertë nuk është se ndjej tension apo diçka tjetër, pasi kemi të gjithë sezonin që i ndjekim dhe nuk kemi asgjë për të humbur, pra nuk ndjej asnjë lloj presioni”, u shpreh Haaland.

Sigurisht, presioni në këtë rast është mbi Arsenal, pasi “topçinjtë” lëshuan “pe” në mënyrë të papritur, ku humbja e fundit kundër Bournemouth futi Man.City në garë. Arteta duhet të bëjë llogaritë në këtë sfidë pa Bukayo Saka:

“Është jashtë, kjo është e sigurt”, u shpreh fillimisht Arteta duke shtuar: “Ndaj Man.City është ndeshja më e rëndësishme, kjo pasi është ndeshja e radhës. Përballë do të kemi skuadrën dhe trajnerin më të mirë në këtë kampionat, por për ne kjo është një mundësi e shkëlqyer për të fituar, jemi përgatitur për këtë”, u shpreh Arteta në konferencë për shtyp.

The post Beteja për titull në Angli, Guardiola i sinqertë: Nëse nuk fitojmë, jemi jashtë appeared first on Albeu.com.

45 –vjeçari menjëherë pas zëvendësimit të shqiptari shkoi për ta takuar, duke i lënë të kuptohej se kishte bërë një sfidë të mirë. Dhe pikërisht ditën e sotme në konferencën për shtyp theksoi se ishte jashtëzakonisht i kënaqur me liderin e Kombëtares shqiptare.

Madje u shpreh se ndaj Newcastle, broja ishte pikërisht futbollisti që i duhej lojës, për të shfrytëzuar mirë hapësirat që kundërshtari linte mbrapa. Ndër të tjera u shpreh se luftoi i vetëm në majën e sulmit pas daljes me karton të kuq të Lucas Pires.

“Unë isha më të vërtetë i kënaqur me të, me të vërtetë. Mendoj se ishte versioni më i mirë që kemi parë nga Armando.

Ai luajti ndeshjen e parë si titullar dhe të jem i sinqertë mendoj se ishte super. Në fillimin e ndeshjes, kur ishim 11 kundër 11, ai ishte një platformë për ne, na dhuroi diçka. E bëri edhe kur mbetëm me 10, kur ajo vijëza e energjisë fillon e bie në atë momente, kur je një numër 9 aty para i vetëm dhe mund të humbasësh entuziazmin pasi po lufton i vetëm atje. Por e përsëris, ai ishte super, ndaj jam shumë i lumtur për të.

Rotacion apo zgjedhje? Pak nga të dyja. Mendova se kishim nevojë që të freskonim gjërat pak pas një jave të ngarkuar. Por gjithashtu ndjeja se në këtë ndeshje ndaj një skuadre si Newcastle, do të na duhej të shfrytëzonim hapësirën që linin pas krahëve, ndaj na duhej ai lloj profili lojtari. Siç e thashë, funksionoi mirë”, ka theksuar timonieri i Burnley.

The post “Isha vërtet i kënaqur me të”, trajneri i Burnley elozhe Armando Brojës: Ndeshja e parë si titullar ishte super, na duhej pikërisht ky lojtar appeared first on Albeu.com.

Për Xhakën ky është goli i parë me fanellën e skuadrës së Sunderland. Më herët, ai ka dhuruar edhe 3 asiste.

Kujtojmë që lojtari u transferua në verë, nga radhët e ekipit gjerman të Leverkusen.

The post Granit Xhaka vazhdon shkëlqimin, tund rrjetën në Premier League (VIDEO) appeared first on Albeu.com.

Xhaka do të firmosë me ekipin anglez një kontratë 3-vjeçare, pra të vlefshme deri në qershorin e vitit 2028. Ndërkohë që për të siguruar shërbimet e 32-vjeçarit, Sunderland do të shpenzojë 20 milionë euro.

Gjithçka është e kryer, teksa pritet vetëm zyrtarizimi. Kujtojmë se në garë serioze për shërbimet e mesfushorit ishte edhe Milan, por marrëveshja mes “Djallit” dhe Leverkusen nuk u arrit kurrë.

The post 20 milionë euro, Granit Xhaka vendos të rikthehet në Premier League appeared first on Albeu.com.

Interesi i Manchester Unitedit dhe Chelseat është shtuar pasi Barcelona nënshkroi me portierin Joan Garcian për 25 milionë euro.

Ky nënshkrim shihet si shenjë që koha e Ter Stegen te Barcelona mund të jetë drejt fundit dhe klubi katalunas po i bën presion kapitenit për të pranuar largimin.

Manchester United po shqyrton alternativa për portën, për shkak të dyshimeve rreth formës së Andre Onanës.

Chelsea gjithashtu dëshiron një portier me përvojë për rikthimin në Ligën e Kampionëve pasi nuk janë aspak të kënaqur me dyshen Sanchez-Jorgensen.

Barcelona pranon se do të kërkojë një ofertë të mirë për të lehtësuar largimin e portierit gjerman.

Një transferim në Ligën Premier shihet si zgjidhja më e mundshme për të gjitha palët, me portierin që do të ketë mundësi të përformojë në nivele të larta para Kampionatit Botëror të vitit 206.

The post Ter Stegen mund të transferohet në Premier Ligë, dy klube angleze duan portierin gjerman appeared first on Albeu.com.

Sulmuesi i Kombëtares shqiptare e ka të sigurt largimin nga Chelsea, por momentalisht duket se nuk e ka mendjen aty.

Broja po kalon këto ditë pushimi krah partneres së tij, të cilën ka vendosur ta bëjë publike për herë të parë.

Është vetë sulmuesi 22-vjeçar, ai që ka shpërndarë foto me të dashurën e tij, Sindin, një vajzë nga Përmeti.

Pavarësisht momentit të tij jo të mirë në fushën e blertë, duket se jashtë saj, Broja ka shënuar “golin” më të bukur të jetës.

Sulmuesi kuqezi duket më i lumtur se kurrë krah vajzës përmetare.

View this post on Instagram

A post shared by Armando (@armando.broja)

The post Do të largohet nga Chelsea, por nuk e ka mendjen aty! Armando Broja publikon foton e papritur appeared first on Albeu.com.

Sipas parashikimeve, të martën në mbrëmje pritet një temperaturë ekstreme prej 39 grad celsius, çka ka bërë që autoritetet lokale të shpallin një Emergjencë Shëndetësore për shkak të Nxehtësisë në qytetin më të madh të Pensilvanisë.

Ndeshja do të luhet në Lincoln Financial Field, një stadium i hapur, duke rritur rrezikun për shëndetin e lojtarëve dhe stafit.

Skuadra e Enzo Marescas, që po stërvitet aktualisht në Filadelfia, po tregohet e kujdesshme. Lojtarë si Reece James dhe Romeo Lavia, të cilët kanë pasur probleme muskulore në të kaluarën, po menaxhojnë me kujdes minutat e lojës për shkak të kushteve ekstreme.

Për t’u përshtatur me temperaturat e larta, skuadrës iu dha një ditë pushimi për rikuperim.

Ndryshe nga ndeshja e kaluar kundër LAFC, e zhvilluar në stadiumin e kondicionuar Mercedes-Benz në Atlanta, përballja me Esperance nuk do të ofrojë komoditete të tilla. Të dy stadiumet janë në listën e vendeve pritëse për Kupën e Botës 2026, e cila gjithashtu do të zhvillohet në kulmin e verës në SHBA.

FIFA ka reaguar në mënyrë proaktive. Një zëdhënës i organizatës tha për Mail Sport:

“Prioriteti ynë kryesor është shëndeti i të gjithë të përfshirëve. Ekspertët mjekësorë të FIFA-s janë në kontakt të vazhdueshëm me klubet pjesëmarrëse për të adresuar menaxhimin e nxehtësisë dhe aklimatizimin”.

FIFA ka vendosur oficerë mjekësorë që bashkëpunojnë ngushtë me autoritetet lokale për të menaxhuar rreziqet, përfshirë edhe ato të lidhura me temperaturat ekstreme.

“Siç ka ndodhur me sukses në turnetë e mëparshëm, dhe sipas rregulloreve të Kupës së Botës për Klube FIFA 2025, do të zbatohen masa parandaluese në të gjitha ndeshjet, përfshirë pushime për freskim në minutat e 30-të dhe 75-të, në përputhje me protokollet,” shtoi zëdhënësi.

The post Chelsea paralajmërohet në SHBA, ndeshja e radhës do të luhet nën temperatura ekstreme appeared first on Albeu.com.

Sipas raportimeve, Mudryk ka rezultuar pozitiv në mostrën “A” për substancën e ndaluar meldonium – një përbërje që njihet për rritjen e performancës fizike.

Ai është pezulluar përkohësisht në pritje të rezultatit të mostrës “B”, ndërsa FA ka konfirmuar akuzat ndaj tij.

“Mund të konfirmojmë se Mykhailo Mudryk është akuzuar për shkelje të rregullave antidoping, në përputhje me Rregulloret 3 dhe 4 të FA-së. Meqenëse ky është një proces në vazhdim, nuk mund të japim komente shtesë për momentin”, deklaroi një zëdhënës i FA-së.

Mudryk, që mohon se ka konsumuar ndonjë substancë të ndaluar me qëllim, ka angazhuar firmën ligjore Morgan Sports Law për mbrojtje.

E njëjta firmë ka përfaqësuar edhe Paul Pogban në apelin e tij kundër një ndalimi katërvjeçar për doping – i cili më vonë u ul në 18 muaj nga Gjykata e Arbitrazhit Sportiv (CAS).

Chelsea po i ofron mbështetje lojtarit, ndërkohë që procesi ndaj tij është ende në zhvillim. Mudryk pret të dëgjohet nga autoritetet për fatin e tij sportiv, ndërsa këmbëngul se nuk ka ndryshuar asgjë në rutinën e tij që nga koha kur rezultoi negativ në gushtin e kaluar.

The post FA e akuzon zyrtarisht ukrainasin për doping, Mudryk rrezikon pezullim të gjatë appeared first on Albeu.com.

Një superkompjuter ka parashikuar që Liverpooli do ta ruajë titullin e Ligës Premier përpara Manchester Cityt dhe Arsenalit, pasi u publikuan ndeshjet e sezonit të ri, me orarin e 20 ndeshjeve të njoftuar këtë të mërkurë.

Reds fituan me shpejtësi titullin e tyre të parë që nga viti 2020 sezonin e fundit, në atë që ishte sezoni i parë i trajnerit Arne Slot pasi zëvendësoi Jurgen Klopp. Arsenali përfundoi në vendin e dytë për të tretin vit radhazi, ndërsa shpresat e Cityt për të mbrojtur kurorën e tyre për të pestin vit radhazi u shuan.

Nottingham Forest ishte surpriza e vitit, duke siguruar kualifikimin në Ligën e Konferencës. Në anën tjetër të tabelës, Leicester Ciyt, Ipswich Town dhe Southampton, të cilët kishin rënë nga kategoria, janë zëvendësuar nga Leeds, Burnley dhe Sunderland.

Pritja për sezonin e ri do të rritet vetëm me kalimin e verës, me afatin kalimtar të verës në kulmin e tij. Liverpooli ka punuar shumë për t’i dhënë Slot shansin më të mirë për të udhëhequr një mbrojtje të suksesshme të titullit.

Sipas një superkompjuteri nga BettingLounge.co.uk, Liverpooli do të përfundojë në krye të ligës për të dytin vit radhazi. Superkompjuteri është një model probabiliteti, që nuk përcaktohet nga parashikimet apo paragjykimet njerëzore.

Në vend të kësaj, ajo vlerëson rezultatin e çdo ndeshjeje të mbetur bazuar në forcën aktuale të një skuadre (bazuar në faktorë të tillë si pozicioni dhe forma në ligë) dhe shanset e tregut të basteve. Makina më pas simulon ndeshjet e mbetura në një sezon 10,000 herë dhe ndërton një tabelë mesatare të ligës nga 10,000 simulimet, për të përjashtuar rezultatet anormale.

Skuadra e Slot është mbështetur nga parashikimet se do të humbasë vetëm katër ndeshje dhe do të fitojë 24 ndeshje për të fituar titullin me 82 pikë. Sfiduesit e tyre më të afërt mendohet të jenë City, të cilët parashikohet të përfundojnë tre pikë pas Reds.

Arsenali pritet të bjerë në vendin e tretë, me superkompjuterin që i parashikoi ata të jenë plot 10 pikë larg kampionëve, në kuotën e 72 pikëve. Duke humbur Ligën e Kampionëve sezonin e kaluar, Aston Villa parashikohet të kthehet në garën kryesore të Evropës duke përfunduar në vendin e katërt.

Newcastle pritet të kompletojë pesëshen e parë, teksa vazhdon të bëjë përshtypje nën drejtimin e Eddie Howe. Këta të dy do të jenë në ngritje në kurriz të Chelseat, me Blutë që pritet të bien në vendin e gjashtë nën drejtimin e Enzo Marescas.

Edhe pse kanë humbur trajnerin Thomas Frank, Brentford nuk do ta ndiejë mungesën e tij, me ‘Bee’-s që pritet të përfundojnë në vendin e shtatë. Brighton dhe fituesit e Kupës FA, Crystal Palace, do të zënë vendet tetë dhe nëntë.

Bournemouth parashikohet të kompletojë gjysmën e parë të renditjes, teksa Nottingham Forest pritet të vuajë dhe të bjerë në vendin e 11-të në tabelë.

Fulham pritet gjithashtu të ketë gjëra më të vështira këtë sezon dhe të përfundojë në vendin e 12-të. Në sezonin e parë të plotë nën drejtimin e Graham Potter, West Ham pritet të përmirësohet paksa për të përfunduar në vendin e 13-të.

Megjithatë, nuk do të ketë një fat të tillë për Ruben Amorim dhe Manchester United, të cilët e përfunduan të 15-tët sezonin e kaluar. Ata pritet të fitojnë vetëm 12 ndeshje dhe të përfundojnë vetëm të 14-tët në tabelë.

Menjëherë pas tyre, sezoni i parë i Frankut te Tottenhami mund të jetë i vështirë, me fituesit e Ligës së Evropës që parashikohet të arrijnë vetëm vendin e 15-të. United dhe Spurs pritet të përfundojnë vetëm katër pikë jashtë zonës së rënies nga kategoria.

Everton dhe Wolves do të jenë skuadrat e tjera që do të sigurojnë mbijetesën, ndërsa Burnley, Leeds dhe Sunderland pritet të rikthehen në Championship pas vetëm një sezoni. /Telegrafi/

The post Superkompjuteri parashikon tabelën përfundimtare të Premier Ligës për sezonin 2025/26, befasi të mëdha në renditje appeared first on Albeu.com.