Në një intervistë për Radio Televizionin e Kosovës (RTK), Smith ka treguar për momentet dramatike kur raportonte nga fronti i luftës, duke vënë në rrezik edhe jetën e tij.

“E dija se po ndodhte një sulm nga forcat serbe në një fshat, në Prekaz. Kur filluam të tërhiqemi, dëgjova një krismë të plotë të kallashnikovit mbi drejtimin tonë. Pastaj ndjeva se diçka më goditi në bark, por nuk mendova shumë për të sepse s’ndjeva dhimbje”, tha ai.

Smith tregon se arriti të largohej bashkë me ekipin deri tek automjeti që kishin. Megjithatë, në mendjen e tij mbizotëronte profesioni.

“Isha i kënaqur me incizimet që i kisha, sepse unë jam gazetar konkurrues”.

Ai ka zbuluar edhe vështirësitë për transmetimin televiziv të pamjeve të luftës në Kosovë në mediat ndërkombëtare.

“Ngjarje si në Prekaz nuk kam parë e vizituar deri tani. Kjo është dashur të bëhet me publicitet dhe raporti nuk do të kishte emrin e Adem Jasharit, sikur atëherë bota të mos kuptonte për këtë ngjarje. Bota komunikoi edhe përmes diasporës, nuk janë vetëm njerëz me maska, po ndodh krim e masakra”, tha ai.

Gazetari britanik ka kujtuar edhe momentin kur ekipi i tij filmoi viktimat në Skënderaj.

“I filmuam kufomat dhe i pamë që ishin afër 60 veta të vrarë. Pastaj doli fakti që dy familjarë ishin ekzekutuar dhe gjëra të tmerrshme u zbuluan”.

Smith e cilëson veten me fat që arriti të shpëtonte.

“Mendoj se unë isha me fat që të mos vritem nga plumbi. Ndoshta edhe ju keni qenë me fat, sepse i tërë rrëfimi ishte i rëndësishëm. E gjithë kjo rezultoi me lirinë e Kosovës, e cila erdhi si shkak i ndërhyrjes nga jashtë”, tha ai.

Vaughan Smith është themelues i agjencisë së pavarur “Frontline News TV”, e cila ka mbuluar disa nga konfliktet më të rënda në botë, si dhe i “Frontline Club” në Londër.

“The Guardian” e ka përshkruar Smith si “një ish-oficer ushtrie, gazetar aventurier dhe liberal i krahut të djathtë”.

The post Gazetari britanik që xhiroi familjen Jashari: Ngjarje si në Prekaz s’kam parë deri me tani appeared first on Albeu.com.

Bllokimi erdhi menjëherë pas incidentit të bujshëm gjatë gjysmëfinales së “Big Brother”, ku Jozi sulmoi fizikisht Gjestin në një moment të papritur, të transmetuar drejtpërdrejt në ekran.

Ky veprim shkaktoi një valë kritikash dhe frustrimi nga publiku shqiptar, duke sjellë edhe pasoja në praninë e tij digjitale.

Sidoqoftë, Jozi nuk vonoi shumë dhe pas rikthimit të profilit, publikoi një fotografi në “InstaStory”, ku shihet pranë Kompleksit Memorial të familjes Jashari në Prekaz.

Ai mban në kokë një plis të bardhë, i cili është stampuar me shqiponjën dykrenare, një simbol i fortë i identitetit kombëtar shqiptar.

The post Jozi shfaqet në Kosovë, ja ku ndodhet ai (FOTO) appeared first on Albeu.com.

Ajo tha se 112 vjetori i Pavarësisë së Shqipërisë është simbiozë e disa datave historike për kombin shqiptar. Ajo përmendi ditëlindjen e komandantit legjendar, Adem Jashari, si dhe daljen e parë publike të Ushtrisë Çlirimtare të Kosovës më 28 nëntor 1997.

E para e vendit nënvizoi se u betua sërish para varreve të familjes Jashari se do të mbrojnë çdo cep të Kosovës si dhe lirinë e pavarësinë e vendit.
“Edhe një herë për të treguar jo vetëm madhështinë dhe përjetësinë e sakrificës së Adem Jashari dhe familjes Jashari, por për t’u betuar para varreve të tyre prej vendit ku ata prehen përjetësisht që do ta mbrojmë në mënyrë të pa kompromis çdo cep të republikës sonë. Do ta mbrojmë në mënyrë të pakompromis lirinë dhe pavarësinë e Kosovës. Njëkohësisht do të bëjmë çmos që shqiptarët kudo që jetojnë ata të kenë të drejtat e garantuara”, tha ajo.

The post Osmani në Prekaz: Do ta mbrojmë çdo cep të Kosovës appeared first on Albeu.com.

Bukuroshja nga Mali i Zi, që jeton dhe vepron prej vitesh në Shtetet e Bashkuara të Amerikës, ka vizituar varrezat e familjes Jashari në Prekaz.

Këtë e ka bërë të ditur ish-presidentja e Kosovës, Atifete Jahjaga, e cila ka qenë e shoqëruar me të.

Postimi i plotë i Jahjagës (pa ndëhryrje):

“Në Prekazin heroik, aty ku liria i ka rrënjët.

Bashkë me Konsulen e Nderit të Shqipërisë në Florida Znj. Emina Çunmulaj vizituam sot Kompleksin e familjes legjendare Jashari.

Sakrifica dhe kontributi i familjes Jashari për lirinë që sot e gëzojmë është sublim dhe i pakrahasueshëm.

Përulemi para tyre dhe të gjithëve që në një mënyrë apo tjetër kanë kontribuar në lirinë dhe mirëqenien e vendit tonë.

Përjetësisht lavdi”.

The post Emina Çunmulaj viziton varrezat e Jasharajve në Prekaz appeared first on Albeu.com.

Ai e ka publikuar videon në profilin e tij në platformën “X” duke thënë se është politikani i vetëm nga Serbia që ka nderuar familjen Jashari në Prekaz.

Ai ka thënë se ka kërkuar falje edhe për vete por edhe në emër të serbëve që s’kanë kërkuar falje.

“Unë jam i vetmi politikan nga Serbia që kam ardhur për të nderuar viktimat e pafajshme shqiptare, familjen Jashari, në Prekaz. Unë kërkova falje dhe kërkova falje në emër të serbëve që nuk e bënë këtë”, ka shkruar Sandulovic.

I am the only politician from Serbia who came to pay his respects to the innocent Albanian victims, the Jašari family, at Prekazi. I apologized and asked for forgiveness on behalf of the Serbs who did not commit this.@CNN@albinkurti @aliciakearns @federicawoelk @VjosaOsmaniPRKS pic.twitter.com/Czl0pcJ8cR

— Nikola Sandulovic (@Sandulovic_N) January 2, 2024

The post Politikani serb Sandulovic rikthen vizitën tek varrezat e Jasharajve: Kërkova falje, edhe për ata që s’kërkuan appeared first on Albeu.com.

Gjatë vitit 2023, 530 mijë qytetarë kanë vizituar Kullat e Jasharajve.

Këtë e ka bërë të ditur drejtori Ekzekutiv në Agjencinë për Menaxhimin e Monumenteve dhe Komplekseve Memoriale, Imer Hakaj.

“Të dhënat sipas kolegëve tonë ciceron, deri më tani janë rreth 530.000.00 (pesëqindetridhejtëmijë) vizitorë”.

Hakaj është shprehur i kënaqur me rëndësinë që u jepet monumenteve dhe komplekseve memorialë.

“Po, jemi të kënaqur sepse edhe tani ne kemi angazhim të vazhdueshëm institucional dhe në çdo mundësi që kemi para vetes, obligohemi t’i përmbahemi saktë qëllimit tonë institucional, për të ruajtur vlerat dhe për të memorizuar luftën e lavdishme të Ushtrisë Çlirimtare, sakrificës së popullit tonë si dhe të gjithë atyre që ranë për liri”, thotë Hakaj për Front Online.

Hakaj nga AMMKM thotë se Kompleksi Memorial”Adem Jashari” mbulon vetëm mirëmbajtën e jo trajtim tjetër.

“Si AMMKM lidhur me Kompleksin Memorial “Adem Jashari” ju njoftojmë se mbulojmë shërbimin e mirëmbajtjes që nga viti 2014 dhe se trajtimi i mëtejmë i këtij Kompleksi, është në kuadër të Komitetit Ndërministror për Kompleksin Memorial “Adem Jashari”, Prekaz – Skenderaj”, ka thënë Hakaj.

The post 530 mijë persona vizituan Kullat e Jasharajve në Prekaz gjatë 2023-tes appeared first on Albeu.com.

Sipas Komisionit, eshtrat e gjetur mund të jenë potencialisht të personave të zhdukur në luftën e fundit në Kosovë.

Komisioni ka thënë se gërmimet janë duke vazhduar ende, dhe se mbetjeve të gjetura do t’iu bëhen analizat e ADN-së për identifikim të mundshëm.

Përveç Prekazit, Komisioni ka thënë se ka kryer gërmime edhe në Arbanë të Prizrenit.

Në luftën e zhvilluar në Kosovë më 1998/99, janë vrarë mbi 13.000 civilë.

Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë.

Më 2 maj, Kosova dhe Serbia – nën ndërmjetësim të Bashkimit Evropian – kanë arritur marrëveshje për një Deklaratë për Personat e Zhdukur.

The post Gjenden mbetje mortore në Prekaz të Kosovës, dyshohet se i përkasin viktimave të luftës appeared first on Albeu.com.

Sulmin e gjerë që e kishte ndërmarrë Serbia në Drenicë për të zhdukur Ushtrinë Çlirimtare të Kosovës e kishte koncentruar në Prekaz, në zemrën dhe kokën e UÇK-së, duke i bërë asaj një rrethim të hekurt.

Ajo që kishte ndodhur në fillimet e marsit të vitit 1998 ka qenë një dëshmi e gjallë për botën e qytetëruar dhe përgjegjësit e saj politik e diplomatik. Në të vërtetë kjo ngjarje aq e drejtpërdrejtë dhe aq e fuqishme për nga përmasat e saj të flijimit unikat, të qëndresës e të masakrimit, ka ngritur çështjen e Kosovës në krye të agjendës botërore. Kështu, në natën e 4 e 5 marsit të vitit 1998, Prekazi ishte rrethuar nga forcat e shumta ushtarake dhe policore. Kjo kishte lënë të kuptohej se atje do të kishte rrethim të hekurt.

Pikërisht, më 5 mars bëhen 25 vjet të rënies së komandantit legjendar, Adem Jasharit, familjes së tij dhe Jasharëve të tjerë. Mirëpo, çdo përvjetor Adem Jasharin e bënë më të lavdishëm në historinë e kombit tonë.

Me aktin e rënies së komandantit legjendar Adem Jasharit, familjes së tij dhe Jasharëve të tjerë, Kosova kishte mundur frikën me çka i kishte hapur shtigjet e lirisë dhe të ardhmërisë. Dhe jo rastësisht, në Prekaz, në Lagjen e Jasharëve ishte ngritur monumenti më i madh i luftës për liri, për pavarësi e demokraci, që këto ditë dhe data, e pikërisht 5,6,7 mars për çdo vit vëmendja e të gjithë kombit shqiptar kthehet nga Prekazi, që shekuj e vite i kishte dhënë shumë Kosovës.

Që nga viti 1991 deri më 1998, Prekazi dhe Drenica kishin qenë të rrethuar nga forcat paramilitare serbe. Synimi kishte qenë vrasja e komandantit të Ushtrisë Çlirimtare të Kosovës, Adem Jashari dhe familjes së tij, për të shuar dhe shtypur rezistencën që familja Jashari me në krye Ademin e Hamzën që ishin duke ia bërë regjimit të Sllobodan Millosheviqit.

Më 30 dhjetor të vitit 1991, ishte kryer sulmi i parë ndaj familjes Jashari. Ndërsa sulmin e dytë forcat paramilitare serbe e kishin kryer në muajin janar, 1998. Më 22 janar, forcat serbe kishin sulmuar familjen Jashari, por edhe kësaj beteje, fëmijët dhe gratë e familjes Jashari i kishin rezistuar. Megjithatë, në këtë betejë që kishte zgjatur afër 30 minuta, të plagosura kishin mbetur Iliriana, vajza e Rifat Jasharit dhe Selvetja, vajza e Hamzë Jasharit. Pas këtij sulmi, familjes Jashari i kishin shkuar miq, shok e bashkëkombës për t’u solidarizuar me ta. Ata i kishin kërkuar kryefamiljarit Jashari që t’i tërheqin gratë dhe fëmijët nga aty. Por, edhe gratë dhe fëmijët kishin marrë vendimin që të qëndrojnë, duke thënë se “po të vriten djemtë, nuk na vyen jeta të jetojmë” dhe kishin vendosen të qëndronin. Kishin qëndruar për t’i treguar botës se shqiptarët nuk shkojnë askund përtej truallit dhe shtëpive të tyre.

Sulmi i tretë, që kishte ndodhur më 5, 6 dhe 7 mars të vitit 1998, kishte marrë jetën e 55 njerëzve në fshatin Prekaz, 22 prej të cilëve, familjarë të ngushtë të Adem Jasharit. Këtij sulmi i kishte mbijetuar vetëm Bashkimi, djali i Rifatit, i cili ia kishte dalë që mes datës 5-6 mars të largohej nga rrethina dhe kishte arritur t’i shpëtonte sulmit, si dhe Besarta, vajza e Hamzës, e cila kishte parë dhe përjetuar tmerrin, derisa ishin duke u vrarë anëtarët e familjes së saj.

Historia e familjes Jashari dhe eksponatet e saj janë vendosur në Muzeun e Epopesë së Ushtrisë Çlirimtare të Kosovës.

Në 25-vjetorin e rënies heroike të komandantit legjendar Adem Jashari, familjes Jashari, dëshmorëve të kombit, si dhe të gjithë të rënëve për liri, Qeveria e Kosovës më 5, 6 dhe 7 mars do të organizojë manifestimin gjithëpopullor “Epopeja e Ushtrisë Çlirimtare të Kosovës”.

Sot do të nisin homazhet në Prekaz, derisa në Kazermën “Adem Jashari”, në Prishtinë, duke nisur nga ora 12:00 do të zhvillohet ceremonia e rreshtimit të kuadrateve të FSK-së.

Kurse, nesër do të vazhdojnë homazhet në Prekaz, pastaj Kuvendi i Kosovës do të mbajë seancë solemne, e pasdite do të mbahet Akademi Përkujtimore.

Ndërsa, më 7 mars do të zhvillohet nata e zjarreve në Prekaz, si dhe një program artistik në sheshin e Skenderajt./KP

The post 25 vjet nga rënia heroike e Jasharëve, sot nis Epopeja appeared first on Albeu.com.

Bashkë me ta ishin edhe shumë pjesëtarë të kabinetit qeveritar, krerë opozitarë, si dhe qytetarë të shumtë që shkuan për të nderuar sakrificën e Jasharëve në Ditën e Pavarësisë. /Express

The post 17 shkurti, krerët e politikës së Kosovës dhe presidenti i Shqipërisë bëjnë homazhe në Prekaz appeared first on Albeu.com.