Reuters ka ndarë videon ku shihet David Arakhamia, deputet i Partisë Shërbëtorët e Popullit, që ka pushtetin në Ukrainë, teksa strehohet në bunker bashkë me gazetarët e huaj. Ai filmoi pamjet dramatike ku dëgjohen predhat kalibër 120 mm që bien pranë vendit ku po qëndron.

Situata në Ukrainë duket se po përshkallëzohet drejt një konflikti të hapur, pasi qeveria në Kiev dhe separatistët e mbështetur nga Moska po shkëmbejnë akuza për sulme me armë kundër njëri-tjetrit. Lideri i separatistëve në Luhansk, ku një ditë më parë pati edhe shpërthime me bomba, u bëri thirrje banorëve të territorit që kontrollon se duhet të mobilizohen për të luftuar. Gjithashtu ka raportime se disa mijëra civilë janë larguar nga Luhansku dhe kanë kaluar kufirin për në Rusi.

The post Momenti kur deputeti dhe gazetarët e njohur i shpërtojnë mrekullisht sulmit me predha në Ukrainë (VIDEO) appeared first on Albeu.com.