Ish-presidentja e Kosovës, Atifete Jahjaga, ka ndarë kujtimet e saj nga periudha në krye të shtetit, duke përshkruar kontekstin politik që çoi në zgjedhjen e saj si dhe sfidat që hasi gjatë mandatit pesëvjeçar.

Gjatë një ligjërate në kuadër të “Prishtina International Summer University” mbi lidershipin, fuqizimin e grave dhe ndërtimin e paqes, Jahjaga theksoi se vendimi për të pranuar kandidaturën nuk u motivua nga interesa personale, por nga nevoja për të tejkaluar bllokadën politike dhe për të rivendosur stabilitetin institucional.

Ajo rikujtoi se midis viteve 2010 dhe 2011, Kosova po përballej me një destabilitet të thellë politik. Sipas dispozitave kushtetuese, nëse presidenti nuk zgjidhej në raundin e tretë të votimit, vendi do të detyrohej të shkonte në zgjedhje të parakohshme. Në atë periudhë, brenda një viti, Kosova ishte në prag të raundit të tretë parlamentar, ndërsa skena politike ishte skajshmërisht e polarizuar. Jahjaga vuri në dukje se situata ishte edhe më delikate ngaqë vendi ndodhej vetëm në vitin e tretë pas shpalljes së pavarësisë, dhe disa kriza, në rrethana të caktuara, mund të ishin të vështira për t’u menaxhuar apo të përktheheshin në pasoja negative për të ardhmen.

Për shkak se subjektet politike nuk arrinin të siguronin votat e nevojshme për kandidatët e propozuar, lindi nevoja për një figurë konsensuale me integritet dhe eksperiencë në shërbimin publik.

Jahjaga tregoi se emri i saj doli në listën e kandidatëve pikërisht për shkak të karrierës së gjatë në Policinë e Kosovës. Kriteret kryesore, sipas saj, ishin integriteti i lartë, një e kaluar e pastër dhe shërbimi i dëshmuar publik. Ajo beson se përvoja e saj mbi 15-vjeçare në administratën shtetërore, e nisur menjëherë pas luftës si një juriste e re, e bëri emrin e saj të përshtatshëm. Ajo iu bashkua Policisë së Kosovës, një institucion i dominuar nga burrat, me qëllimin për të futur rolin e gruas në atë strukturë, në një shoqëri që ajo e përshkroi si thellësisht patriarkale, ku disa profesione shiheshin si ekskluzivisht për burrat.

Ish-presidentja theksoi se gjatë gjithë kohës, prioriteti i saj ishte interesi i shtetit dhe i qytetarëve, jo ai personal. Ajo shtoi se ishte edukuar me bindjen se një pozitë e lartë nuk të përket ty, por vendit dhe popullit. Për këtë arsye, refuzimi i ofertës ishte pothuajse i pamundur, pasi vendi po zhytej gjithnjë e më shumë në krizë. Kështu, ajo pranoi të ishte kandidatja konsensuale dhe, për habinë e saj, u zgjodh që në raundin e parë me mbi 80% të votave, duke hyrë në histori si femra e parë presidente në Kosovë dhe në Evropën Juglindore, si dhe si një nga më të rejat, vetëm 35 vjeçe. Ajo ishte plotësisht e ndërgjegjshme për barrën e rëndë që mbante mbi supe.

Gjatë mandatit të saj, Jahjaga synoi që kabineti presidencial të kishte përfaqësim të lartë të grave dhe të rinjve. Fillimisht, objektivi ishte që gratë të përbënin gjysmën e stafit, por më vonë përqindja e tyre kaloi 70%. Ajo vlerësoi se presidenca e saj kontribuoi në fuqizimin e rolit të gruas në jetën institucionale dhe politike të Kosovës.

Jahjaga vuri në dukje se kur mori detyrën, përfaqësimi i grave bazohej gati tërësisht në kuota, por sot kjo kuotë është tejkaluar. Ajo shtoi se në vitin 2011, institucioni i Presidencës gëzonte më pak se 12% besim publik, ndërsa pas pesë vitesh, sipas sondazheve zyrtare, e la me mbi 50% besim, dhe sondazhet jozyrtare e kalonin 70%. Ajo u shpreh krenare që kjo rritje besimi i dedikohej institucionit, jo personit të saj.

Atifete Jahjaga u zgjodh presidente në vitin 2011 dhe shërbeu deri në vitin 2016, duke qenë gruaja e parë dhe më e reja në krye të shtetit të Kosovës.

The post Atifete Jahjaga zbulon detajet e zgjedhjes si presidente: Kosova në krizë të thellë politike appeared first on Albeu.com.

Afrikano-veriorët kanë arritur një statistikë që frikëson çdo kundërshtar, duke mbetur të paposur në plot 47 nga 48 ndeshjet e tyre të fundit.

Ky rekord dëshmon se suksesi i tyre i kohëve të fundit nuk është rastësi, por fryt i një skuadre solide që e ka harruar plotësisht shijen e humbjes.

Vinicius Jr ndjek hapat e Neymar: Rekordi i madh është shumë afër

Ylli i Seleçaos, Vinicius Jr, po shndërrohet gjithnjë e më shumë në udhëheqësin e ri të rrugëtimit brazilian në këtë kampionat botëror. Sulmuesi momentalisht numëron 5 gola të shënuar në këtë kompeticion dhe është vetëm 3 gola larg barazimit të rekordit të një tjetër ikone të historisë së afërt, Neymar, i cili e ka mbyllur llogarinë e tij në kampionatet botërore me 8 gola. Me formën që po tregon, thyerja e këtij rekordi duket vetëm çështje kohe për talentin e Realit.

Prapaskenat e autobusit: Carlo Ancelotti po mëson himnin e Brazilit rrugës për në stadium

Një prapaskenë tejet interesante dhe kurioze vjen nga kampi i Brazilit, ku në qendër të vëmendjes është trajneri Carlo Ancelotti. Tekniku italian ka udhëzuar personat përgjegjës që të vendosin himnin kombëtar të Brazilit në autobus gjatë udhëtimeve për në ndeshje. Qëllimi i Ancelottit është i qartë dhe mjaft i veçantë: ai dëshiron ta mësojë atë në mënyrë të përsosur për ta kënduar së bashku me lojtarët e tij përpara çdo sfide.

Ndeshja e jetës për Kongon: Shkrimi i historisë pas më shumë se gjysmë shekulli

Përfaqësuesja e Kongos ndodhet përpara një momenti historik që mund të ndryshojë përgjithmonë historinë e futbollit të këtij vendi. Pas plot 52 vitesh mungesë, ata janë rikthyer në një kampionat botëror dhe tani gjenden vetëm një fitore larg mrekullisë. Nëse triumfojnë në ndeshjen vendimtare kundër Uzbekistanit, kongolezët do të kalojnë për herë të parë në historinë e tyre fazën e grupeve, një arritje madhore për një kombëtare që nuk e ka provuar kurrë më parë këtë emocion.

The post Çmenduri/ Prapaskenat e kampionatit botëror, nga trajneri që mëson himnin e huaj në autobus, te rekordi që drithëron botën! appeared first on Albeu.com.

Sipas raportimit, një kthesë vendimtare ndodhi të hënën, kur Khamenei urdhëroi për herë të parë që nga nisja e konfliktit negociatorët iranianë të lëviznin drejt një marrëveshjeje, ndërsa ultimatumi i presidentit amerikan, Donald Trump, po i afrohej fundit.

Në të njëjtën kohë, forcat amerikane në Lindjen e Mesme dhe zyrtarë të Pentagonit po përgatisnin një fushatë masive bombardimesh ndaj infrastrukturës iraniane.

“Askush nuk e dinte çfarë do të ndodhte. Ishte kaos”, citohet të ketë thënë një zyrtar amerikan.

Ndërkohë, aleatët rajonalë të SHBA-së përgatiteshin për kundërpërgjigje të mundshme iraniane në shkallë të gjerë, ndërsa qytetarë iranianë braktisnin shtëpitë nga frika e sulmeve.

Negociata intensive dhe ndërmjetësim ndërkombëtar

Sipas Axios, i dërguari amerikan Steve Ëitkoff zhvilloi telefonata të shumta me ndërmjetësit, duke e cilësuar fillimisht kundërpropozimin iranian me 10 pika si “katastrofë”.

Pasoi një ditë negociatash intensive dhe ndryshimesh të njëpasnjëshme, me ndërmjetësit pakistanezë që përcillnin draftet mes palëve, ndërsa diplomatë nga Egjipti dhe Turqia përpiqeshin të afronin qëndrimet.

Në mbrëmjen e së hënës, SHBA miratoi një version të përditësuar të propozimit për armëpushim, duke ia kaluar vendimin final liderit suprem iranian.

Për shkak të kërcënimeve për sigurinë e tij, Khamenei komunikonte përmes mesazheve të shkruara të dërguara me ndërmjetës, duke e bërë procesin më të ngadaltë dhe të ndërlikuar.

Burimet e cituara e përshkruajnë miratimin e tij si “moment vendimtar” për arritjen e marrëveshjes.

Telefonatat vendimtare dhe presionet ndaj Trump

Megjithëse deri të martën kishte shenja progresi, Trump vijoi me retorikë të ashpër, duke paralajmëruar pasoja katastrofike.

Paralelisht, zyrtarë të lartë amerikanë, përfshirë zëvendëspresidentin JD Vance, zhvillonin kontakte intensive me ndërmjetësit pakistanezë.

Kryeministri izraelit Benjamin Netanyahu mbeti në komunikim të vazhdueshëm me Trump, ndërsa shqetësimi në Izrael rritej për humbjen e kontrollit mbi procesin.

Ndërkohë, kryeministri i Pakistanit, Shehbaz Sharif, publikoi kushtet e marrëveshjes dhe u bëri thirrje palëve ta pranonin atë.

Trump, sipas raportimit, u përball me presion nga aleatë dhe këshilltarë “të linjës së ashpër” për ta refuzuar marrëveshjen, ndërsa edhe brenda rrethit të tij kishte pasiguri mbi vendimin final, deri në momentin kur ai e miratoi armëpushimin.

Pak para shpalljes, Trump zhvilloi një bisedë me Netanyahun për të siguruar angazhimin e Izraelit dhe më pas kontaktoi shefin e ushtrisë pakistaneze, Asim Munir, për të finalizuar marrëveshjen.

Menjëherë pas publikimit në Truth Social, forcat amerikane morën urdhër të ndalonin operacionet brenda 15 minutash.

Çfarë pritet më tej

Ministri i Jashtëm iranian, Abbas Araghchi, konfirmoi se Irani do të respektojë armëpushimin dhe do të hapë Ngushticën e Hormuzit në koordinim me forcat e armatosura.

Megjithatë, sipas Axios, mbetet e paqartë sa i qëndrueshëm do të jetë armëpushimi dhe në çfarë mase Irani do të lejojë rifillimin e plotë të lundrimit.

Zyrtarë izraelitë theksojnë se SHBA pritet të shtyjë për një marrëveshje më të gjerë, që do të përfshijë kufizimin e programit bërthamor iranian dhe të arsenalit balistik.

Bisedimet mes palëve pritet të nisin të premten në Pakistan, me mundësinë reale që tensionet të rikthehen nëse nuk arrihet një marrëveshje gjithëpërfshirëse.

The post Prapaskenat e marrëveshjes SHBA-Iran/ Media amerikane: Si arriti Mojtaba Khamenei t’i thoshte “po” Donald Trump, negociatat dhe telefonatat që çuan në armëpushim appeared first on Albeu.com.

Gjatë mbledhjes, nuk u vendos një datë për Asamblenë Kombëtare, ndërsa drejtuesit diskutuan mbi mënyrat përforcimin e aktivitetit në baza lokale.

Në mbledhje mori pjesë edhe Belinda Balluku, të cilën kryeministri Rama e shkarkoi nga posti, ndërsa SPAK kërkon autorizimin për arrestimin e saj.

Ky takim i socialistëve vjen pak ditë pas mbledhjes së Grupit të PS, ku dhe u kryen ndryshimeve të mëdha në qeveri, si edhe shkarkimi nga detyra e Belinda Ballukut, e cila mbante postin e zv.kryeministres dhe ministres së Infrastrukturës dhe Energjisë, duke e lënë në duart e SPAK, pasi është vënë zyrtarisht nën akuzë për abuzime me tenderat dhe për të cilën ka kërkuar arrestimin.

Gjatë ditës së djeshme Presidenti i Republikës, Bajram Begaj, priti Kryeministrin Edi Rama.

Gjatë takimit që u zhvillua në Pallatin e Brigadave, Kryeministri Rama, i paraqiti Kreut të Shtetit propozimet për ndryshimet në kabinetin qeveritar.

Rama dhe Begaj u takuan për afro 40 minuta në Pallatin e Brigadave, ku kreu i qeverisë i dorëzoi për dekretim shkarkimet dhe emërimet e reja në kabinetin qeveritar.

Procedura kushtetuese parashikon 7 ditë afat për dekretimin e shkarkimeve dhe emërimeve të reja në kabinetin qeveritar, të cilat më pas kalojnë për votim në Parlament, ku për miratimin e tyre nevojiten 71 vota. Pas votëbesimit në Kuvend, ministrat e rinj betohen tek Presidenti Begaj për të marrë detyrën e re.

Shkarkimet dhe emërimet e ministrave të rinj u njoftuan në mbledhjen e përbashkët të Grupit Parlamentar të Partisë Socialiste me kabinetin qeveritar që u mbajt më 26 shkurt, ku Edi Rama vendosi të zëvendësojë zëvendëskryeministren Belinda Balluku me Albana Koçiun, e cila duhet të lërë Ministrinë e Brendshme që drejton aktualisht.

Vakancën e krijuar nga largimi Ballukut në Ministrinë e Infrastrukturës dhe Energjisë do ta plotësojë Enea Karakaçi, i cili ka mbajtur deri më sot postin e Drejtorit të Operatorit të Shpërndarjes së Energjisë Elektrike.

Elisa Spiropali, e cila mbajti detyrën e Ministres së Punëve të Jashtme, do të zëvendësohet nga diplomati i karrierës, Ferit Hoxha, të cilit më herët i janë besuar detyra të rëndësishme si ajo e ambasadorit në OKB e BE.

Toni Gogu, do të udhëheqë një tjetër portofol të rëndësishëm, atë të Ministrisë së Drejtësisë, në vend të Besfort Lamallarit, i cili shkon sërish në dikasterin ku ka shërbyer prej vitesh, por kësaj radhe si drejtues i Ministrisë së Brendshme.

Deputetja e re e qarkut të Vlorës, Erjona Ismaili, do të ulet në karrigen e lënë bosh nga Toni Gogu, duke kryesuar Ministrinë për Marrëdhëniet me Parlamentin.

Sakaq, pjesë e rokadës së ndryshimeve në qeverinë e re është edhe ministri i Mbrojtjes, Pirro Vengu, i cili zëvendësohet nga Ermal Nufi, që mban detyrën e zv.Sekretarit të Përgjithshëm të Kryeministrisë, ndërsa më herët ka qenë shef kabineti i zv.Kryeministres Balluku.

The post Zbardhen prapaskenat e diskutimeve në mbledhjen e Kryesisë së PS appeared first on Albeu.com.

Në analizën e tij të drejtpërdrejtë dhe pa filtra, Fundo solli në vëmendje disa zhvillime kyçe që kanë ndodhur në bashkinë e Tiranës, duke ngritur pikëpyetje serioze mbi mënyrën si merren vendimet, përfaqësimin real politik të disa figurave, dhe intrigat që po luhen në prapaskenë.

Ai hodhi dritë mbi përplasjet e brendshme, përpjekjet për të ruajtur pushtetin dhe përgatitjet për një tranzicion të mundshëm pas zgjedhjeve të ardhshme.

Elvi Fundo: “Gjithçka e kuptuam nga skema kur u shkarkua Alban Dokushi bashkë me Sara Goxhaj dhe u vendos Anduela Ristani, pra vetë kryetari i bashkisë sipas ligjit i takonte të emëronte pasardhësin e tij në detyrë, pas 24 orësh Rama e ndryshoi.

Unë personalisht nuk e kam parë kurrë Veliajn si pjesë të PS-së, fatkeqësisht më të njëjtin sy kam parë edhe Bashën kur ishte tek PD.

Këta individë kur i merr dhe i poston, koha, historia, politika shqiptare na ka mësuar se nuk lidhen dot me thelbin poshtë, pra nuk lidhen me origjinën politike të tyre.

Veliaj nuk ka ç’i bën Partisë Socialiste, ai do të luajë intrigat me Xhafajn, Bushkën apo të bëjë aleancë me Sinën, të ketë një kompetencë tek ata që dikush të flasë në parlament.

E mbani mend se kur fliste Xhafaj vinte e thoshte në parlament se këta drejtorë kanë bërë punë të mira, se ne kështu e ashtu, të njëjtën gjë po bën sot Veliaj i cili edhe pse është në burg nxjerr punët e mira që ka bërë në bashki, fundja atë detyrë ka pasur ai të bëjë punë të mira, jo të vjedhë para që t’i marrë Eriola e t’i kthejë në brekë.

Ky është ndryshimi i madh që kemi të bëjmë ne sot dhe lufta brenda partisë socialiste është shumë e ashpër.

Unë mendoj se është e ashpër, sepse pas zgjedhjeve do kemi një qeveri të re në rast se socialistët do të fitojnë, po luajnë që të kenë sa më shumë intriga brenda grupit parlamentar apo kandidatëve mes njëri-tjetrit duke e sulmuar nëpër portale përmes një gjuhe mjaft vulgare”.

The post Gazetari zbulon prapaskenat: Veliaj s’ka çfarë bën PS-së, ai do të luajë intrigat me Xhafajn, Bushkën apo të bëjë aleancë me Sinën appeared first on Albeu.com.

Në një video të postuar më vonë, Xhuli zbuloi se vendimi për largimin e saj kishte ardhur nga producentja Olsa Muhameti.

“Arsyeja pse dola ishte sepse, sipas Olsës, unë kisha bërë shumë reklamë për bizneset e mia. Ajo vendos shumë gjëra në emision dhe kjo ishte arsyeja kryesore,” sqaroi Xhuli.

Ajo shtoi gjithashtu se sfidën e piteve e kishte fituar Drenusha, pasi pjatën e saj e kishte provuar në dhomën e rrëfimit.

Ky episod ka ngjallur diskutime mes fansave të spektaklit, të cilët janë ndarë mes mbështetësve të Xhulit dhe atyre që e shohin si një vendim të drejtë nga produksioni.

The post Xhuli tregon prapaskenat e largimit nga BBVK: Ishte vendimi i Olsës appeared first on Albeu.com.

“Dritan Rexhepi është arrestuar në Stamboll. Kishte një vit që ishte spostuar atje me familjen. Është nga fshatrat e Vlorës, emrin e vet e ka Gramoz, e ka emër të ndryshuar. Para se të shkonte në Turqi, ka qenë në Kolumbi. Është martuar me një zonjë nga Kolumbia që është ndaluar edhe mbrëmë, ka dy fëmijë.

Operacionin e kanë bërë turqit, por gjithçka e kanë organizuar italianët. Ata kanë ditur lidhjen e tij dhe se kishte dy fëmijë dhe kanë ndjekur fëmijët. Ata kanë ndjekur fëmijët, dhe kjo ka qenë ndër arsyet që u zbulua dhe gabimi që është bërë nga Rexhepi.

Kishte vite që ishte i fshehur. Është akuzuar për trafik ndërkombëtar drogë dhe ka pasur akuza për ngjarje kriminale. Ishin disa shërbime sekrete dhe Interpoli që e kërkonin prej vitesh. Ai u kap në Stamboll me një emër të ndryshuar. Ka qenë i ndjekur prej vitesh hapa pas hapi nga italianët. Ka dënim në Shqipëri dhe dënim në Itali.

Ekstradimi është i sigurt, por problemi është ku? Kush do të ketë prioritet në ekstradimin e tij Italia apo Shqipëria këtë do ta shohim. Nëse flet dhe bashkëpunon do të jetë tërmeti më i madh që ka njohur bota e krimit deri tani”, tha ndër të tjera Kulla te “Zonë e Lirë”.

The post Kush e “tradhtoi” Dritan Rexhepin? appeared first on Albeu.com.

“Kur isha i ri në moshë, në Manchester United, Ferguson donte që unë të firmosja rinovimin e kontratës time. Kur erdhi Raiola, ai pa kontratën time dhe i tha Fergusonit: “Unë nuk do ta lija as qenin tim të nënshkruante këntë kontratë. Paul, ngrihu dhe le të largohemi nga këtu”, është shprehur Pogba./ h.ll/albeu.com

The post “As qenin tim nuk do lija ta firmoste këtë kontratë”, Pogba tregon se çfarë i tha Raiola Fergusonit appeared first on Albeu.com.

Sipas “Calciomercato.com”, Denis zakaria ishte afër Liverpool-it përpara se të përfundonte te Chelsea. Klopp kishte kërkuar një mesfushor për shkak të dëmtimeve të shumta në repart dhe kishte bërë një anketë për zvicerianin, duke mos gjetur një marrëveshje ekonomike.

Për këtë arsye, të kuqtë u drejtuan më pas te Arthur dhe Zakaria përfundoi te Chelsea./ h.ll/albeu.com

The post Prapaskenat e merkatos, Zakaria ishte pranë Liverpool para se të kalonte te Chelsea appeared first on Albeu.com.

Fillimisht Fjoralba është njohur për publikun si këngëtare në “The Voice of Albania” më pas nisi edhe të prezantojë në “E Diell” ku në fakt u bë shumë e njohur për audiencën e gjerë.

Ndërsa herën e fundit e kemi parë duke prezantuar programin e humorit “Portokalli” dhe një emision të sajin me shumë emocione “Më thuaj një dëshirë”.

E në bisedat “online” që Fjoralba bën me ndjekësit e saj, pyetjet janë shumta dhe prezantuesja zgjedh t’ju përgjigjet disa prej tyre për të shuar kureshtjen që ka mbi jetën e saj personale dhe profesionale.

Për sa i përket kësaj të fundit është aluduar se pas konfirmimit të Bora Zemanit si prezantuese e “Dancing With the Stars” që do të nisë së shpejti në Top Channel, drejtimin e ‘Për’Puthen’ do ta marrë Fjoralba. Por, mesa duket nuk qenka kështu dhe këtë e konfirmon vetë bukuroshja./albeu.com

The post Do të prezantojë sezonin e ri të “Përputhen”? Fjoralba Ponari shuan kureshtjen e fansave appeared first on Albeu.com.